العودة سوالف للجميع > سوالف شخصيه وثقافيه ادبيه > سوالف الأدب والثقافة > الله يهنيكـ
المشاركة في الموضوع
بنت الكويت بنت الكويت غير متصل    
مشرفة سوالف الاصدقاء CuTe GirL سابـــقاً  
المشاركات: 3,538
#1  
الله يهنيكـ





هذي قصيدة من مجهول أهداها إلى زوج حبيبته ليلة الدخله


الله يهنيك





أبد ما جيت أبــــارك لك ولكن جيت باوصيك
على الله ناوي(ن) تدخــل بها اللـــيله ... معذبتي


ترى لولا الظروف اللي عطّـتك وحدّت محاكيك
قســـم بالله مـــا تدخل عليــــها لو على رقبتي

ولكن النصيب أقوى ولاادري ويش اسوي فيك
نعــم...صــارت معزبتك,, ولا صــارت معزبتي


كذا شـاءت بنا الأقـــــدار تحرمني لجل تعطيك
كذا لازم عشــــان تفوز انت,,أنا اخـسر بتجربتي

تراها غاليــــة جدا..وتكفى.. والله يخلـــــيــــك
تدللــــــــها..تدلعــــــــها..تنسّــــيها مصاحبتي


أنا من كثر مااغليها أحس اني بديت أغلـيك
ولاتسـأل بأيـة حـق والا وش مناســــــبتي


لأنك لو بتسألـني بتسمـع شي مـــــــا يرضيك
لذا يا خــــــوي لا تسأل ولا تسمـع لأجوبتي

أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي

فداعبـها شوي شوي حـتى تشتهي طاريك
وشاغبها إلـــــــــيـن تقول: بـطّــل من مشاغبتي

واذا هي مالها خلقك,,ولا تضحك ولا تسليك
تحمّلــها وإسألـها :ياعمـــــري ليـــه عصّبـتي


وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي

صحيح انك بتملكـــها ومعك العقــد بالتمليـــك
وانا عــــارف حدود الله ومن حــقـــك معاقبتي

ولكن قل لها : المجنون وصّـــاني وهو يعنيك
يقــــــول انه بيــنــتظـرك لوشـيّـب وشـيّــــبتي


وانا مجنونها اللي مـا نساهــــــا وانت مايمديك
تغــطي ذكريـــــاتي.. في هواهــــا و ربع تجربتي

أحس اني تماديت بكلامي,, والغضب حـــاديــك
ولو انك في مــكاني ما تفكر في محــــــاسبتي


كفاك اني تركت الليــــله أشغالي عشان أجيك
دخلت القاعة برجلي ولا أدري ويش عاقبتي


وانا ما جيت أخرّب عرسك الليله ولا أذّيـــك
أنا جيتك عشــان أخاطـبك واسمع مخـــاطبتي


توصّــــى .. وانتبه.. واحرص عليها والله يهنيك
ترى كل الكلام اللي طلع من ضيقي وكبـــتـــي


ولكن ما قدرت اني أقوله وانت مايخفـــــيك
أخـــــاف اني اذا قلته تقوم وتقطـــع رقبــتي


بنت الكويت غير متصل قديم 05-08-2007 , 12:27 PM    الرد مع إقتباس
زهرة الكركديه زهرة الكركديه غير متصل    
مشرفة سوالف الاصدقاء `•.¸¸.•¯`••._.• أفتــــــــــــــخر بالإمارات`•.¸¸.•¯`••._.•  
المشاركات: 4,761
#2  

تعرفين بنت لكويت قمت أضحك اول ما دشيت موضوعج

قلت ماشالله اليوم الأعضاء والمشرفين طايحين في القصايد طيح

شكلنا صدق كنا تعبانين
تسلمين يا ذوق


راااااااااائعة هذه القصيدة " حليلهم المحبين دومهم مبتليين وتعبانين "

وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي

يباها من الله شكله علشان يكسر له ريوله (:

زهرة الكركديه غير متصل قديم 15-08-2007 , 03:46 PM    الرد مع إقتباس
بنت الكويت بنت الكويت غير متصل    
مشرفة سوالف الاصدقاء CuTe GirL سابـــقاً  
المشاركات: 3,538
#3  

إقتباس:
المشاركة الأصلية بواسطة زهرة الكركديه
تعرفين بنت لكويت قمت أضحك اول ما دشيت موضوعج

قلت ماشالله اليوم الأعضاء والمشرفين طايحين في القصايد طيح

شكلنا صدق كنا تعبانين
تسلمين يا ذوق


راااااااااائعة هذه القصيدة " حليلهم المحبين دومهم مبتليين وتعبانين "

وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي

يباها من الله شكله علشان يكسر له ريوله (:



هههههههه

انا مالي غنى عن القصايد

تسلمين حبيبتي على مرورج وردج

لاهنتِ

بنت الكويت غير متصل قديم 18-08-2007 , 10:33 AM    الرد مع إقتباس
عشاق عشاق غير متصل    
مبدع الجبيل الصناعيه  
المشاركات: 2,129
#4  



والله القصيده حلوه وجامده
ويسلم الذوق أختي


عشاق غير متصل قديم 27-03-2008 , 05:23 PM    الرد مع إقتباس
بنت الكويت بنت الكويت غير متصل    
مشرفة سوالف الاصدقاء CuTe GirL سابـــقاً  
المشاركات: 3,538
#5  

عشاق!!!!

ماني مصدقه لما شفت اسمك بالمنتدى

عودا حميدا اخوي

ولا تقاطعنا بقصايدك الحلوه ترى فقدناها

تسلم على مرورك اخوي

بنت الكويت غير متصل قديم 11-04-2008 , 11:25 PM    الرد مع إقتباس
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#6  

كلمات غاية في الروعه يتجسد فيها انين حبيب وقهر مشاعر وانكسار قلب ..

تسلمين اختي بنت الكويت على القصيده الاكثر من رائعه الله يحفظكِ ويحفظ الجميع

تحياتي محمد الهاجري

ابداع2004 غير متصل قديم 16-05-2008 , 10:18 AM    الرد مع إقتباس
الضبع الضبع غير متصل    
مشرف المسابقات والتصوير ۩ السعـوديـــــة ۩  
المشاركات: 4,206
#7  

بعد الأذن من أختي بنت الكويت.

تصدق أخوي أبداع أحسن من القصيده هو ردك الذي يشبه الأنين للحنين.

الضبع غير متصل قديم 16-05-2008 , 02:10 PM    الرد مع إقتباس
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#8  

من ذوقك يالغالي وانا احب الشعر بشكل ماتصوره .. والله احرجتني بردك يالغالي ولاتهون اختي بنت الكويت ...

اجمل تحيه / محمد الهاجري

ابداع2004 غير متصل قديم 16-05-2008 , 08:49 PM    الرد مع إقتباس
بنت الكويت بنت الكويت غير متصل    
مشرفة سوالف الاصدقاء CuTe GirL سابـــقاً  
المشاركات: 3,538
#9  

إقتباس:
المشاركة الأصلية بواسطة ابداع2004
كلمات غاية في الروعه يتجسد فيها انين حبيب وقهر مشاعر وانكسار قلب ..

تسلمين اختي بنت الكويت على القصيده الاكثر من رائعه الله يحفظكِ ويحفظ الجميع

تحياتي محمد الهاجري



الله يسلمك اخوي محمد

تسلم على مرورك

بنت الكويت غير متصل قديم 27-10-2008 , 09:50 AM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.