يالغالي شوف السيارات الثلاثه روعه

لكن عيبهم واحد..القوه مراح تناسبك..

وانا ارشح بقوه البي ام شكل جذاب وداخليه روعه..وشبابيه

وبعديها المرسيس بس المشكله انه بينزل شكل يديد بإخر السنه على ما اعتقد

لكن الاودي ماعندي تعليق

تحياااااتي

نفس الشي... وأأكد على نقطة القوة ...إذا تبغى دي السيارات أحذف مصطلح قوة المحرك من قاموسك...

والله يوفقك...

المرسيدس راح يتغير
الاودي احسها صغيره كثير
البي ام احسن وحده وخذلك اللون الاحمر شفتها اليوم

بالتوفيق

أنا عندي Audi A4 2005 وكتبت موضوع عن السيارة بهذا القسم ولكن كسلان أدور عليه...


تقدر تبحث بأسمي وراح تحصله

اخوي ليش ماتاخذ 325i ترا رهيبه وقويه

تحيااااااتي

اخوي عنده A4 2004 2.0 السياره في منتهى النعومه والراحه :smart:
وتسارعها ماشي حاله .. واتوقع انها اقوى سياره بين الي اخترتهم في التوب سبيد
تنزل تقريبا 240+ اذا كنت من رواد السرعه

اما اذا تبي شي زين ومايخترب معاك انصحك في المرسيدس

والبي ام شي حلو بعد .. فلازم تحتار بينهم :think:

والله الموفق .. :smart:

What about Volvo S40

am sure u will like it

تسلم اخوي ... BMW فعلا شكله جذاب أكثر من الثلاثة
والمرسيدس فعلا راح يتغير السنة الجاية

حلو إقتراح 325i بس تعرف كام سعره ؟ :think:

لو تقولي مواصفاته أكون شاكرلك :p

مشكور عزيزي

هلا أخوي IMPALA .. كلامك صحيح من ناحية القوة اللي ممكن بعض الشباب يترجموها بالتسارع

لاكن عزم المواتير الألماني معروف ومشهود لها والأرقام تتحدث

هذا غير الإستابيلتي العالية واللي تتفوق فيه السيارات الألماني

مشكور ويعطيك العافية .. ماقصرت :p

بس تعرف حاجة عن الأسعار :shy:

هلا وغلا أخوى :p

المرسيدس اللي من جد ضيقه مررة .. خاصة المراتب الخلفية

بس لون أحمر :sss: :sss: :sss:

مرفوض تماما

لو بالرياض ياليت تعطيني فكرة عن الأسعار لأنه بصراحة أبغى أقارن بين الأسعار هنا ببرطانيا وعندنا

يعني بس عشان يكون عندي خلفية كم راح ينصبوا علي الوكلاء عندنا

وماقصرت عزيزي :-)

أخوي كيف السيارة مع أخوك من حيث الإعتمادية والرساوة . وهل قابله مشاكل فيها

بس 2004 الشكل اللي قبل الجديد ... صح
الشكل الجديد روعة وصراحة من حيث الشكل هو أكثرهم Imperial



يعطيك خيرها ويكفيك شرها . وأنتظر ردك .. :p

هلا أخوي
قبل كل شيء عجبني توقيعك .. ونيوتن وقوانينة جننتني أيام الجامعة
من دخلت الجامعة ماعندهم غير نوتن حتى يوم يعطوني شهادة التخرج عليها توقيع واحد اسمه ميشيل نيوتن .. :sss: :cry1:

تصدق قبل أسبوعين طاحت في يدي مجلة What Car الإنجليزية فعلا الBMW320 حصلت على أفضل تقييم في فئتها ..
بس الحق يقال المنافسة كانت قوية جدا ومتقاربة النقاط

لكن أنا أتكلم عن أسعارهم بالمملكة ... وكذلك أسأل عن خدمات مابعد البيع .. والصيانة والوكلاء ..

وعن تجارب الأعضاء ...
معليش أسئلتي كثير شوي .. :shy:

بس راح تفزعوا معي انشاء الله :p

من خلال تجربة الأهل مع الثلاث سيارات إلي ذكرتها أقولك الآتي - فيلسوف بس عاد استحملني - :

1. البي إم حلوة بس غالية على ولا شيء يعني بنفس القيمة ممكن أخذلي أودي ولا مرسيدس بمواصفات أكثر ! وبعدين في مشكلة في البي إم يطلع منها صوت يسمعه إلي برع السيارة وديناها الوكالة وحتى الآن ما يعرفوا ويش المشكلة !

2. الأودي أنواع عندك نوعين أنا انصح فيهم الصراحة 1.8 توربو و2.0 اف اس اي الصراحة قوة وفخامة وثبات وصرفية حلوة. أختي معاها التوربو موديل 2004 مع السبورت كت تقول كأنك مأخذ سيارة ست سلندر مع صرفية أربع سلندر. والوكالة - عيني عليهم باردة - مريحينا على الآخر والصراحة من يوم أخذنا السيارة ما صرفنا عليها غير قيمة البنزين والمخفي :cool:

3. المرسيدس حلوة وما عليها كلام بس ما فيها مواصفات كثيرة والأهم أنه شكلها راح يتغير على القريب !

عاد أنت ألحين قرر بس من تجربو مجرب خذلك الأودي وأنت مغمض !

Really i like it

Volvo is a great Brand.... They say "its a Swedish Mercedec"

but i'm warry a bout Services & Agent
thanks Alot >> :shy:
ihope u to tell me About u'r Tribulation whith s40

thanks again :p

هلا حبيبي ... وش دعوة نورتني والله وكلامك مررررة عاجبني :p

ياليت تعطينى معلومات أكثر عن الأودي خاصة 1.8 terpo
بصراحة هو أقرب إختيار لحد الآن ... وكم سعرها وسعر 2.0 CC

وكيلها ممتاز ماشاء الله عليه عندكم في دبي - إذا مو غلطان ..
بس ماأدري عن وكيلها بالسعودية ... أنتظر ردود الشباب ..

يعطيك العافية أخوي .. :shy:

وش دعوة ودكتور ... :cry1:

أدور تجربتك على أحر من الجمر :-)

IS350

305 حصان يعني أحد أقوى السيارات في فئتها..

آرائكم .(((سيارة ممتازة))) .. والاسعار .. ((160 ألف ريال)).. والوكلاء .(((عبداللطيف))).. وخدمة مابعد البيع ..(((أكثر من رائعة ))))

ولو إنه ماراح يعجبك لانه ياباني بس عملت اللي علي :knight:

اخوي انا معاي c 240 سته سلندر 2003 وولد عمي معاه c200 كمبرسور 2005

سافرت معاه فيها للشرقية وماشاء الله السيارة قدرت توصل حتى 251 ولو طولنا يمكن تجيب طبلونها

الشي الثاني رغم ان سيارتي سته سلندر وهو اربعه الا انه بعد سرعة 60 ما اشوف اي فرق في القوة بين سيارتي وسيارته بل العكس احيانا احس ان سيارته اقوى وحتى حق الوكالة برضه قال لولد عمي لما جاء يشتري سيارته انه ماراح يحس فرق بيني وبينه وذلك علشان الكمبروسر (( ما ادري وش طريقة عمله وياليت الأخوان يفيدونا ))

IS350
A4 توربو

اخويا انصحك بالبي ام سياره حلوه و قطع متوفره و وكيلها ممتاز لكنه غالي في الخدمه. طبعا انت و اختيارك من الالوان و المواصفات

و انصحك بالمرسيدس c200 تاخذها بشكل خارجي طراز Avantgarde و فرش جلدي بيج تجي حلوه سبويلرات جانبيه تحت الابواب مع جنوط حلوه و الوان جذابه و عدسات الزينون.
سياره ممتازه و مجربه عند احد الاصدقاء 4 سلندر لكنها قويه حيل اقوى من ال c240 الستة سلندرات و من داخل صوت المكينه هادي جدا و مشاكلها قليله جدا جدا و هايعلى كلام صديقي اقل سياره تدخل للصيانه عند وكلاء المرسيدس الا للصيانة الدوريه فقط يعني هاي السياره مشاكلها نادره.
من ناحية سعرهه مدري شو اقوللك سعرها اتوقعه 115 لين 135. توقعه بالحدود هذي.
صيانتها ممتازه الجفالي اسمعهم يمدحون صيانته و خدمته .

الاودي سياره حلوه و مميزه لكن عيبها وكيلها ماحد يمدحه الا اللي يصلحون سياراتهم من اهل جده اهناك المركز الرئيسي لازم فيه اهتمام بالعملاء . غير جده انسى معامله ممله و اهمال الوكيل اكثر من الجميح و بالبيد يمكن و اسأل الشباب يفيدونك اكثر.

و اي خدمه حنا حاظرين اخويا

اخوي أنا كنت عند الناغي بالرياض قبل شهر تقريباً

وسألتهم عن الفئة الثالثة .. لكن المشكلة ما عندهم إلا 320 سياحي مرة أو 330 فل أوبشن ..

بالنسبة للأسعار الـ 320 مو متأكد من سعرها لكن الـ 330 فل أوبشن بـ 170 ألف ريال

ميزة BMW انهم يعطونك صيانة دورية مجانية للسيارة لمدة خمس سنوات أو 100 ألف كيلومتر شاملة قطع الغيار وأجور الصيانة
يعني انت ما عليك إلا البنزين وتغيير الكفرات فقط لمدة خمس سنوات

افضل المرسيدس وخاصة الافنتجارد ... شيخهم الصراحة...

البي ام حلو بس الشكل الجديد شويه مادخل مزاجي خاصة الخلفيه...

الاودي اشوفه حلو بس عيبه الوكيل عندنا....

وفالنهاية الخيار لك والله يوفقك في الاختيار...

هلا يالطيب وعذراً على التأخير :shy:

بالنسبة A4 1.8T 163 حصان اسعارها تبدأ من 12 ألف ريال عماني وهذي الاستاندرد. إلي عندنا في البيت قيمتها ألحين 15 ألف رقم واحد مع S-Line بودي كت !

أما بالنسبة A4 2.0 FSI فهي 200 حصان وقيمتها تبدأ من 13 ألف ريال عماني.

السيارتين تقريبأص نفس المواصفات بس الاختلاف في المكينة !

1. نظام صوتي من شركة بوس بـ 8 سماعات

2. وسائد هوائية حوالي الـ 6 وسائد

3. أنظمة سلامة تشمل الـ ABS والـ EPS الصراحة الأودي عليها ثبات ما شفته في أي سيارة ثانية حتى الآن !

4. فيها حساسات من الخلف لكن ممكن تركب من الأمام وهذا اختياري !

5. فيها مسجل كاسيت مع سي دي تشجنر لـ 6 سديات من الأمام

6. أكيد مصابيح زينون على الواطي والعالي مع كشافات أمامية وخلفية

والكثير من المواصفات الأخرى !

أنت اسأل وأنا بالخدمة

على فكرة صرفية البنزين وايد حلوة حوالي 25 ريال وتمشي في الشهر حوالي 2800 كم (هذا للتوربو)