إنت تكلمت كم كلمة مصري قلت ابداعات

مثل المذيعة حاطة وحدة مصرية تتكلم كويتي وفرحانه فيها تقول لها عندك لغات ... خربوطه

تصدق مبدعنا إن كل موهبه للإنسان تحس لها عرج فيه ... وإليك الدليل

جارتنا إيرانية تتكلم عربي ... صارت لها جلطة ورحنا زرناها في المستشفى ... تصدق يا مبدعنا كل العربي انمسح من مخها

المشكلة إن لغة الحوار بيننا معدومه ... نكلم بنتها وهي ترجم لها ولنا بعد

أنا رضيت إني النص ... بس على شرط مو انت وفوزية في الطابق العلوي تتشاورون وتنسوني ... نحن هنا

تسلم يا مبدعنا على هذا المدح الله يجعلني خيرا مما تظنون

الله يسلمك وما تقصر يا مبدعنا

وانت سويت وايد بدعائك وسؤالك عني الله يبارك فيك

الله يحفظك ويحفظ الجميع ويبارك لكم في أعماركم وصحتكم وأهلكم

مهما سويت اظل مقصر في حقك .. وصدقيني ماهي بمجامله ابد ..

الطيبين اعرفهم كذا من الله ..

سبحان الله سماههم على وجههم ..

وانا قريت خطك وكلامك وعرفتك يااصيله ..

وماتفقدين غالي ياتاج راسي ..

حيا الله مبدعنا ونورت المنتدى وأقسامه

وما عليك قصور الله يبارك فيك

واحنا نعرف بعض من زمان ولا بيننا أي مجاملة ولا حدود

والكل الشهادة لله يقدم إلي يقدر عليه

وبما إنا نتكلم مع بعض من خلال جهاز ما نملك لبعض إلا الدعاء والسؤال

الله يحفظك يا مبدعنا وييسر أمورك ويبارك لك في كل أهلك وحبايبك

بس خايفه يحسدوني

تراني معوذ نفسي وقريت علي اية الكرسي واخر سورة الكهف واخر سورة الحشر ..

وماعندي مانع اذا هالكلام طلع ونشرتي قصدي واشهرتيني .. يعني لاتخافين علي من الحسد

ايه ابداعات في زمن الجوالات

اما لغات صدق خربوطه ... فيه ناس ترا ماتفرق بين اللغه واللهجه

اما سالفة جارتكم الايرانيه .. حكايه والله يشفيها ويقومها بالسلامه ..

وزين لقيتي لك مترجم ولا كنت ابترحم على حالكم

اتذكر ايرانيه قالت لي مشكوره اخوي .. كيف تجي ماني بعارف

اللهم امين ... ومن قال يسلم ويسلم غاليك ..

هههههههههههه

اللي بالاحمر .. الله يقلع ابلسيك .. ولايهمك راح نكلمك جوال اذا استدعى الامر ذلك

الله مير يحييك ويبقيك والنور نورك والله ..

والاكيد نعرف بعضنا من زمان .. ومابيننا اية مجامله ..

والله يجزاك كل خير ولك بالمثل واكثر ..

وينك اختي بشاير الخير ..!!؟

مابينتي اليوم ..

عسى المانع خير ان شاء الله ..

ما شاء الله بركاتك يا سيدنا الشيخ

ما باليد حيله أنا بتوكل على الله وبقول للكل ... بس إذا قلت لازم تكون واقف وياي علشان تتلقى الطماط والبيض الفاسد

صراحه عنوان مرتب ... إبداعات في زمن الجوالات

صحيح كلامك يا مبدعنا الكثير ما يفرق بين اللغة واللهجه ... ويتكلم شامي وعراقي ومصري ... فتحوا عينهم وقالوا والله شاطر يعرف لغات

وتبي الصراحه مبدعنا لازم يكون عندنا لغات ... أعرف بنات في الأصل إيرانيات ويتكلمون ما شاء الله أوردو وانجليزي يعني صار عندهم أربع لغات عربي وهندي وإيراني وإنجليزي

واحنا الله وكيلك لو سبنا هندي بنضحك وبنقول هل من مزيد

أما عن الإيرانية إلي قالت لك مشكوره أخوي .. أتذكر مره اتصلت على صديقتي وبدال ما أقول للشغاله tell she قلت لها tell he أكيد الشغاله بتقول هذه انجليزية من بندر عباس

ياه يا مبدعنا ... تتوقع يستدعي الأمر إنك تكلمني بالجوال ... هذا صرنا العملاق والأقزام السبعة

الخير بوجهك يا مبدعنا

السالفة وما فيها طلعت لنا دورة تدريبية مفاجئة مدتها ثلاثة أيام

وبعدها اختك شوي توعكت صحيا ... لكن الحمد لله صحتي الحين أحسن وخلصنا دورة إدارة المشاريع ورجعنا لقواعدنا سالمين

تسأل عليك العافية وشكلك انت بعد ما تدخل يا مبدعنا ... الله ييسر لك إلي فيه الخير

هههههههههههه وين جالسين بركاتك ياسيدنا الشيخ في الازهر مثلاً

توكلي على الله وانشريها قصدي واشهريني اكثر من هالشهره اللي انا عايش(ن) فيها

بس ليه البيض والطماط بيسوون شكشوكه فينا يعني

اما البيض الفاسد يبي لها جلسه يعني مستخسرين فينا بيض زين

طيب انا لي الطماط وانتي لك البيض

انا مااقول الا الشي المرتب <<< كف قوي على الطاير والكل يسمع فيه

والله ماادري عنهم ليه مايفرقون وشي يخليني اضحك الصراحه زي ذا

والاكيد لازم نتعلم لغات او بمعنى ادق لو نتقن اللغه الانحليزيه على الاقل نكون عرفنا وش اللي

يدور من حولنا وفي مجتمعاتنا ..

وعلى ذلك فيه سالفه صارت قريبه .. وفي احد الزايرات لأمي تتكلم مع اختها بالانجليزي

ومعطيتنا طاف وكأن اللي معها ماهم بفاهمين .. وفي الاساس لابد الواحد يلقط له كلمه ويعرف

معناها ومعانيها وش تقول ...

اللي يالاحمر : والله انك صادقه .. وهذا من مساوئ العماله الاجنبيه ..

اللي بالاخضر : والله هذي السالفه هههههههههههههههه

ههههههههههههه اذا استدعى الامر ذلك ركزي عليها

اما العملاق والاقزام السبعه

قصدك العملاق والقزمات السبعه

ماعليك زود .. ياوجه الخير .. والحين بان السبب وراح العجب ..

والحمد لله على سلامتك وماتشوفين شر .. واجر وعافيه

يقول الشاعر المخضرم

والدنيا ماتحلى الا بحبايبها .. انا ادخل هنا واتواجد تقريبا اربع وعشرين ساعه ..

بس وش اكتب وش اقول هنا .. اذا مافيه ردود منك الوكاد وجودي كعدمي ..

والحمد لله شفناك من جديد وعدت الى قواعدك سالمه غانمه .. وهذا اهم شي ..

والسؤال عنك واجب .. انا ماانسى وقفتك معي في الصراء والضراء ..

الله يحفظك في حلك وترحالك .. ولا يحرمنا منك

حلوة بيسوون شكشوكه ... عطيناهم المكونات وعليهم المقادير

أما عن البيض فهم واختيارهم ... يبون فاسد وله زين ... انت ادعي ربك والله كريم

طيب انا لي الطماط وانتي لك البيض ... ياه يا مبدعنا ما أقدر على كل هذه المعزة والتضحية ... تستغني عن كل هذه الريحه الكريهه علشاني ... يا رب لك الحمد

صحيح كلامك يا مبدعنا لازم الواحد منا يلقط له كم كلمه ... مو شرط يغرد لكن على الأقل يركب الكلمات ويفهم وش السالفة

الحين في الإمارات ما تروح لأي مكان سواء مستشفى وله فندق وله مؤسسة ما يكلمونك إلا بالإنجليزي نضطر يا مبدعنا إنه نتعلم ... صحيح نعرف بعض الكلمات لكن كل الموضوع محتاج نكون جريئين ... نغلط لكن مشي حالك

والرسول صلى الله عليه وسلم يقول فيما معناه من تعلم لغة قوم آمن مكرهم ... أو كما قال عليه الصلاة والسلام

الله يسلمك يا مبدعنا والشر ما يجيك

حلوة يا مبدعنا الشاعر المخضرم ... صح اللسانه

اذا مافيه ردود منك الوكاد وجودي كعدمي ... سلامة عمرك يا مبدعنا وانت الخير والبركة ... حتى أنا لما تكون مو موجود أحس بضيق وما لي نفس أدخل ... بصحيح العبارة منو يستحمل خبالي غيرك

الله يعطيك العافية يا مبدعنا وربي ما يحرمنا منك

العبارة الأخيرة تبي لها تعديل

انت وفوزية اثنين وأنا وحده

يعني الجملة تصير العمالقة والقزمة الوحده ... بسم الله علي صحيح ما أوصل طولكم لكن مو قزمه

من فترة دخلت علي في المكتب وحده ما شاء الله منكان ... طويلة تبارك الرحمن

وله أتذكرك مبدعنا قلت لو مبدعنا بهذا الطول وفيه عرض ما شاء الله بيكون مصك ... الله يحفظك

الله يحلي ايامك ..

اللي بالاحمر .. على حسابي يعني .. احس كذا اهم شي يفرغون هالبيض فيني

والله كريم يرخص الحريم بقوطي ايس كريم<<< كف

وشايفه كيف اضحي لك واقدرك واعزك

خلاص لاتشلين هم ريحة البيض .. نخليهم يعطرونه

يعلمني احد الشباب راح الامارات يقول دخلت احد الفنادق وظنيت الكل يتكلم عربي

او عندهم لغه عربيه مكسره .. وهو ماشاء الله عليه عنده لغه وطبيعة عمله تحتم عليه انو يعرف لغه ..

ويسلمك ويحفظك ويبارك لنا فيك ويطول بعمرك ...

والله يحلي ايامك وصح ابدانك واعتلى شانك والطيب فالك ..

وعمرك يابعدي والبركه فيكم طال عمرك وانتم رمز مهم للمنتدى .. يعني شوفي يوم انك غبتي الكل

سأل عنك .. لأنك المحرك والقلب النابض لهالكيان الكبير .. وصدقيني ماهي بمجامله ..

وخبالك على عيني وراسي والله لايخليني منك .. وسلامتك من الضيق ...

وانتي تراك متحملتني على خبال وشطحاتي وطولة لساني ..

ويعافيك ولايحرمني منك يابعدي ..