بسم الله الرحمن الرحيم
السلام عليكم ورحمة الله وبركاته

كيف حالكم شباب..طيبين..
بغيت اسأل عن ZO6..نازل في اي دولة بالخليج؟؟ اقصد الوكيل امنزلة بشكل رسمي؟؟..
لانه عندنا بالكويت ( بدون تعليق ) مو امنزلينه ،ولا يعرفون شي اسمه
كورفتZO6 حمدلله والشكر لله..
فياريت اتقولونلي اذا انازل بأي دولة..
وقطع الغيار هل اهي نفسها قطع C5 ، ولا تختلف؟؟

وهاذي صورة عل الماشي..


vette4ever

احنا في البحرين موجودة عندنا ال Z06 بس ينعدون على الأصابع


انا بسألك ناس او بشوف اذا الوكيل امنزلها او لا .

والله يالغالي في قطر ماينزل عندنا الزي او سكس ماينزل عندنا الا الـC5 وماينزل الا قير اوتو قير عادي مايجينا:cry1:

الوكيل منزلها وفي منها كثير وهو يسوي الصيانة لها بعد وسعرها على ماظن 220 ألف ( نزل لأن الموديل اليديد على الأبواب):cool:

والله مادري عن وكلائها الفاشلين عندنا في السعوديه

وخالي طلب وحده من أميركا وقير عادي وراح توصل بعد 9 أشهر إذا مو أكثر

السلام عليكم

اخوي vette4ever انت اكيد من الكويت .....يا حبيبي انت تروح الوكاله(الغانم) و تسوي طلب حق الكورفيت سواء كان c5 او z06 و تقدر تحط عليه المواصفات الي تعجبك من المصنع و راح يوصلك بعد جم شهر..

و تره معروف ان الكورفيت بدول الخليج ما ينزل بالوكاله جاهز يعني حاطينه بالمخازن و تعال اشتر و استلمه اليوم الثاني..لا لازم طلبيه

و سعر الc5 17 الف دينار و سعر الz06 19-0 الف دينار و يزيد السعر حسب المواصفات

و اذا تبي مستعمل روح معارض شرق او السالميه و شوف شكثرهم...حته معارض حولي فيهم


تحياتي

هلا اخوي A7medo
جزااك الله خير والله ما تقصر

هلا اخويTOP-SECRET
والله شي غريب :blink: يعنيZO6 ماينزل قلنا طيب عادي مو جديد عليهم هل الوكلاء!! حتى الـC5 ماينزل الا اوتو!!

هلا اخويRED Chevy
الظاهر اني باخذ مستعمل ، المشكله اني ناوي على الموتر خلال الشهرين او ثلاث الجايين انشااا الله
ومشكووور على الرد

هلا اخويZR-1
الله يهني فيها انشاا الله وعئبالك انت بعد انشاا الله

هلا اخوي اللومينا العنيد
انا صراحه سألت عا السريع ومشيت ، والمعارض اللي بحولي تقصد مكاتب السيارات اي هذيل كلهم مستعملين ، بس ياخوك مشكك فيهم خذيت من قبل من واحد من هل المكاتب C5 موديل99
وكان نظيييف بمعنى الكلمة ، بس كان في صوت مع البريك كأنه في شي فالت من مكانه ، الوكالة نفسهم مو عارفين شالسالفة:(
على العموم مشكوور على الرد

ومشكووورين يا شباب...

vette4ever

vette4ever
ليش ماتطلب انت بعد واحد من أميركا وتضمن انه نظيف ومو ماشي شي الا قليل
بس الظاهر انك مستعجل شوي

السلام عليكم ورحمة الله وبركاته


اخوي ZR-1 بعد اذنك لو تعطينا فكرة عن الأسعار هناك ((لو عندك فكرة يعني))

وتحياتي لك ولكل الأخوان



كورفت:banana:

ZR-1
اي والله مستعجل ، والمشكلة ماقدر آخذ في الوقت الحالي ، لانه عندي أسهم أنطرهم يرتفعون اشوي..عشااان أبيع.. ومثل ما انت عارف ها الشي مو بيدي
والله يقدم اللي في الخير انشاا الله..

vette4ever

مشكووور اخويWRX على مرورك على الموضوع..

vette4ever

WRX
انا اتصلت لخالي وسئلته :
وجاوبني وقال : أسعارهم تتفاوت تفاوت كبيير على حسب / كم مشى الموتر ,, ونظافته

وهو راح يجيب ال z06 : فوق 120.000 ريال و إذا تبي أسعار ,, أنا ماعرف الا أسعار الكورفيت هناك بس ادا تبي اسعار للكورفيت بعطيك

vette4ever
بالتوفيق :cool:

Z06
احسنت الاختيار

ZR-1
شــــكــــرااا

SS_Z06
حياااك الله
ومشكووور على الرد

السلام عليكم ورحمة الله وبركاته

ياليت والله اخوي ودي اعرف كيف اسعارها...يعني على الأقل مثل الي اشتراه خالك ((ايه صح مبروكين عليه))نظيييييف ولا نص ونص ولا كيف؟؟؟؟


وتحياتي لك ولكل الشباب:p

WRX
الله يبارك فيك ,, والموتر بعد هوه مايوصل يبغي له مده طويله للشحن ,, راح يشوفون واحد نظييييف ويرسلوا صورته :think:

والأسعار اصبر علي شوي وراح أعطيك الأسعار :rolleyes:

امسك يا wrx
http://www.vettefinders.com
احسن موقع معتمد لبيع الكورفيتز :cool:

وفيه أي كورفيت يخطر على بالك للبيع ومحطوط سعره

حتى انت يا vette4ever شوف الأسعار مال ال z06 :p

,,
تصدقوا فيه كورفيت c1 موديل 58 للبيع يبيه راعيه ب
85.500.00 ب خمسه وثمانين ألف ونص $

والسعودية كذلك..







سلام :banana:

أظن إن السيارة متوفره عندنا في السعوديه ...
أذكر قبل سنه تقريباً شفت وحده على سطحه مدخلينها الوكالة في أماكن السيارات المستعمله كان لونها على ما اذكر احمر او عنابي

ZR-1
جزااك الله خير

هلا اخوي Imaj
شنسوي بعد ، هذيل وكلائنا والله يعينا عليهم انشاا الله..
ومشكووور على الرد

silver
مشكووور على مرورك على الموضوع..

السلام عليكم

اخوي vette4ever الكورفيت z06 منتشر بالكويت بشكل كبير....شوف موقع www.q8car.com في واحد موديل 2002 و قير عادي و روح مكاتب شرق و شوفهم شكثر كثر النمل و في بمكاتب السالميه و حولي لاكن قليل z06

و في بالوكاله تقدر تسوي طلبيه بس لازم تسئل بالتفصيل مو على الطاير و في مكاتب بعد يقدرون يسون لك طلبيه..في مكتب بحولي بس ناسي اسمه متخصص بالامريكي و كل ايب مواستينغ كوبرا و سالين لي تذكرت اسمه انشاالله اعطيكياه...

انا ذاك اليوم بصبحان شايف 3 قروب

تحياتي

هلا اخوي اللومينا العنيد..
يعطييييك العافيه على الموقع ، اعرفه..
خلاص ماكو الا طلبية انشاااا الله بإذن الله..
على الأيام الجاية راح اشتري ، انشا الله ما اطول وشباب سوالف أول ناس يكحلون نظرهم فيه...

هلا اخوي vette4ever انا قبل شهرين كنت في دبي وشفت واحد احمر ZO6 ماشي 5000KM موديل 2003 مطلوب 180000 الف يعني بالكويتي 15000 قير عادي واسف على التاخير

هلا اخوي HAMANN 5.0
ماشي 5000 كم :p موديل2003ماشااا الله
هذا الظاهر يمشي لي الجمعية ويرد البيت بس
بيني وبينك 15000 دينار وايد ، أزيد 2000 او 3000 وآخذ 2004
مشكووور على الرد وجزاااك الله خير