السلام عليكم ورحمة الله وبركاته


قبل يومين ركبت فيبر امامي عشان اكمل الكت اللي على سيارتي


هذي صورة السيارة






















على فكرة اللي صبغ الفيبر هو نفسه اللي صبغ الفيابر اللي قبل

وانا عميل عنده لان صبغته ماشاء الله عليها



التكلفة كانت شوي غالية بالنسبة لي :(

الفيبر 250 + صبغ وتضبيط كامل 300 = 550 :(

مبروووووووك بوالوليد

وراكب صح عالسياره

بس الكشافات يبا لها زينون

وحط صور كامله للسياره الغالي من ورى وجدام عسبة نعرف كيف الترتيب

اخوي كروزر الفيبر ضابط وطلع مناسب عليها ماشاء الله ولا تتغلى سعره ترى هذي اسعارهم ويستاهل شغله مبين انه نظيف وصبغته تمام




عندي لك اقتراح اخوي اذا مافيه ازعاج شرايك لو تغير الشبك الامامي ترى فيه اشكال حلوه راح تطلع شكل الوجهيه وبتكمل عندك يعني انا هذا اللي اشوفه ناقص وباقي تسويه بوجهية السياره وراح تطلع بطله :banana:

مبروك يا خالد

نبا نشوف صور الموتر من كل الجوانب .

ضابط

و إلى الأمام أخوي

عندي اقتراح ومن تجربه شخصيه وسامحني لو زعلتك
الكيا مو محتاجه فيابر الكيا بكبرها محتاجه تغيير
والسلام

ياخي فيه ردود تجيب الضغط

الرجال مرتاح في سيارته وتعبان في تعديلها وصارف عليها فلوس

ويجي واحد على البارد يقول لك السيارة يبي لها تغيير :ranting:



حلو التعديل اخوي خالد والى الامام ان شاء الله :-)

في شي لو تسويه تطلع الوجهية احلى واحلى

clear corners يعني حاول تشيل اللون البرتقالي من الانوار الامامية :-)

هذا قصدي اخوي خالد...

حلو هالتظبيط بو الولــــيد.. الف مبروك

ألف مبروك اخوي

والله شغل مرتب ونظيف

بس زي ما قال الإخوان

الشبك واللون البرتقالي في الاصطب

والله يهنيك فيها :p

الف مبروك اخوي كروزر :p الفيبر مطلع شكل للسياره جميل جدا .. :banana:

الله يهنييك فيها يا رب


وياليت صور من جميع الجهات :p

فناان مبروك :p ممكن اتصور من كل الجوانب ؟

مبرووووووووووووووووووووك اخوي
وعلى قولة الاخوان
شبك زي حقDUB وتشيل البرتقالي وتطلع

يااخي ماشاء الله عليك اخوي كروزر يااخي ذوقك عالي انا شفت كامل التعديلات على سيارتك فعلا ذوق ومستوى رفيع

الله يبارك لك فيها

تدري ودي اسوي مثلك بس عندنا في جده تركب فيابر زي كذا تتعبك لأنه في كل شارع

ياحفر ياعقوم ولا في كل حاره تلقا 17 مطب اصطناعي لوطلعه بس تعلق ماعرف يخرج

يا اخي انت ليش ترفع ضغطك انا واحد قاعد اعبر عن شعوري بعد ما عانيت الامرين ويا الكيا :ranting: والله حرام اصلا ان يبيعوها عندنا في الخليج لأن حدها كوريا

الله يعطيك خيرها ويكفيك شرها ....

وإن شاء الله نشوف تعديلك على المحرك


تحياتي يابو الوليد

الله يبارك فيكم جميعا دنيا واخرة



TOP-SECRET

هلا حمد

اشكرك والله وترا في تعديلات على الفيبر الجانبي عشان بضبط مع البقية لانه شوي مخرب

وماقدرت احط صورتها كلها قلت ما بتطلع حلوة

لي شوي مشاريع عليها بعد



FuLL MoOoN

المشكلة ان الشبك يبيله شغل وحصلت اشكل كثيرة لكن وضعية
الشبك مب راكبة مع اللي اريده عرفت

ومشكور حبيبي على المرور وترقب الجديد



uae speed

ان شاء الله يوم اخلص التعديلات كلها


أبوالزين
ضابط ولا ملازم هههههه

اشكرك على الراي



SALEEN_KSA

على فكرة الاوبتيما هذي في نظري اشوفها احلى عن الكامري
ولا تزعل من كلامي بس هذا مجرد رأي شخصي فقط


Prelude 4 Life

على فكرة الحركة هذي حلوة لكن اخوي محمد يبيلي اخلي الاشارات اخر شي
ولاتنسى مصب الوكالة بيقولون لازم اغير الاصطاب كامل



dbooor

شكرا على مرورك اخوي دبور



HummerBoi

الصور عقب ان شاء الله


ERT

الصور عقب ان شاء الله


300C

شبك DUB مممممم يبيلي نظرة عليه


الهاوي جروب

الله يخليك

ياريال نحن الحمدلله انتقلنا من الحارة ورحنا منطقة فلل على الاقل شوارع محترمة
ومطبات كبيرة لكن ارحم والله

افتكينا من زاخر وشوارعها ومطباتها



SALEEN_KSA

اخوي فكرة البيع هذي تعتمد على الوكيل وصاحب الوكالة نفسه
انت لو تلاحظ ان سوق الكيا مرتفع عندنا بشكل رهيب

شو رايك ان موديل ال 2001 كان ماشي
عقب وصل الشكل اللي عندي وبعده ماشي

والشكل الجديد انا سألت الوكالة خبرني على الطلبات الكثيرة على السيارة

صارت مثل الارمادا !!!!!


وبعدين اذا انت مب داخلة بالك الكيا يمكن لانك ما جربتها او ماخذ فكرة سيئة عنها او
لاسمح الله عندك وحدة مغشوشة وطلع فيها مشاكل عرفت


كل شي جائز


Be Away Of My Way

انته وسواس كبير

محرك ها ههههههههههههههههههههه


ان شاء الله بعد 5 سنوات ولا 6 يصير خير

اخوي هذا شبك DUB

ما جربتها؟؟؟كان عندي كلارس ووضبت الراس مرتين وبعدين انكسرت المكينه وبعدها ركبت مكينه وخلطت ووضبتها والحين تحرق زيت
بالله عليك سياره ينزل كل الزيت الي فيها ولا ترتفع الحراره ؟؟؟ وين قاعدين؟؟؟

على فكره انا واحد من الناس الي انغريت بها لأنها رخيصه رغم اني كنت ماخذنها فل ابشن ب 48,5 الف ريال :ranting: بس مستحيل اسوق كوري من الحين ورايح حرمت

300C

حلو يبالي اضبطه بالفوتوشوب قبل عشان اشوفه


SALEEN_KSA

اهاااااااا

الكلاروس تعبانة انا وياك جربتها مالت ولد عمي لكنها كانت نظيفة مب مدعومة بس بيني وبينك مب عملية وايد ابد

والمواد المستعملة سيئة جدا جدا :(

عندك شي حلو فيها بالنسبة للاوتو انه فيه زر سبورت فقط لا اكثر

ومن داخل تكون مناسبة للناس النحاف فقط

بس صدقني الاوبتيما عملية اكثر بوايد

وتمشيني 600 كلم من الفل وعادي

والله راحة اللهم من داخل يبيلها تعديلات فقط



وسعرها يوم شريتها 40 ألف درهم وكاش والحمدلله انا مرتاح للحين معاها



وبالنسبة للجديدة


السعر من 55 - 75 من الاقل فئة 4 سلندر الى اعلى فئة 6 سلندر

يعطيك العافيه cruiser2000

ما شاء الله الزوايد حلوه ومبرووك
بس تر السعر حلو مو غالي بالعكس رخيييص
ومثل ما قالو الشباب لو تسوي الشغلات الي خبورك عنها تطلع اروع

على العموم انا عندي كيا اوبيروس وماشاء الله مرتاح منها ومافيها مشاكل
ومسوي عليها تعديلات ان شاء الله في القريب بحط الصور وتشوفونها

ما شاء الله عليك اخ خالد

ذوقك جدا راقي ..

والسيارة جنن بالتعديل الجديد :banana:

بالتوفيق ان شاء الله :smart:

الله إيهنيك

صراحة شكل السيارة بعد ماركبت الفيبر :banana:
وان دل يدل على ذوقك والله يهنيك في السيارة
بس انصحك زي ماقالوا الشباب شيل اللون البرتقالي
من الشمعات وغير الشبك وبتسير الوجهيه اوكيه مع الزنوووووون

سامحني لو زعلتك وانشاء الله نصير اصحاب
الله يعطيك خيرها ويكفيك شرها ويرزقك وتشتري الي احسن منها انشاء الله