العودة سوالف للجميع > سـوالـف الجمـيــــــــع > سوالف الطرائف والكاركاتير > بنت نت وأول يوم دراسي...لايفوتكم سوالف بنات
المشاركة في الموضوع
صفحة 1 من 2 1 2 >
بنت نت بنت نت غير متصل    
عضو فائق النشاط  
المشاركات: 808
#1  
بنت نت وأول يوم دراسي...لايفوتكم سوالف بنات
السلام عليكم ورحمة الله وبركاته..

سلمكم الله شفت نفسي فاضية قلت يابنت دام الناس دابين بمواضيع المدارس قولي لهم معاناتك في أول يوم:(

بسم الله بدينا...

سلمكم الله من الساعة 6 ومنبه جوالي يدق اف ياشينها من دقة تقوم الأصمخ إللي مايسمع ابد ولا كمان هزاز وعلى الخشب..

وقمت اتسحب في أرجاء البيت العزيز عشان أقوم الاهل..حاطيني منبه على آخر زمن.. ...مادرو اني بخوفهم

سلمكم الله وقفت بنص الصالة وصرخت صرخة وياشينها من صرخة الكل قام يدابج(يركض)وجاي عالصالة حتى الخدامة جت ركيض تقول ايس في ماما؟؟

وانا..صباح الخير يلا قموا تراها 6 بالتمام:rolleyes:

هم...

انا...

كمان انا..إلا ياميري دامج جيتي تعالي اخذي ملابسي اكويهم مرة ثانية

هي..

بنت نت غير متصل قديم 19-09-2003 , 03:51 PM    الرد مع إقتباس
بنت نت بنت نت غير متصل    
عضو فائق النشاط  
المشاركات: 808
#2  

بعد ماغسلت وبدلت ثيابي جيت اناظر المراية عشان اعدل وجهي وامشط الكشة وياشينها من كشة

وانا امشط كشتي إلا اسمع اخوي يصرخ...يا زفتة يابنت نت تعالي

انا..خييير؟؟وش سويت والله ماسويت شي

هو...
امشي بوصلك على طريقي لمدرستك

انا بيني وبين نفسي..ايه هين قول بس تبي تناظر البنيات عاد مدري من بتشوف من صباح الله خير
انا..معلي بس ربع ساعة ونازلة

هو.. +:(

انا..




بعد مدة مهيب طويلة لقيتني عند باب المدرسة
واخوي قال لي..بجيج الظهر آخذك
انا(بيني وبين نفسي طبعا)..اييه طبعا لان محد هالحزة جاي المدرسة غيري

هو...

انا..شتبي؟؟!!

هو...قولي حاظر

انا..انجلع بس

وطرااااخ..باب السيارة

بنت نت غير متصل قديم 19-09-2003 , 03:53 PM    الرد مع إقتباس
بنت نت بنت نت غير متصل    
عضو فائق النشاط  
المشاركات: 808
#3  

اول مادخلت المدرسة شفت 2 من ربعي وسلمت عليهم وتعرفون سلام البنات مايخلص إلا بعد 10 دقايق


وتصدقوون عاد...الادارة مخليتنا في الشمس لي 7 ونص

هذي اولها عيل وشلون تاليها؟؟

تاليها؟؟اقول لكم بعدين لاني طولت عليكم...وان عجبكم الموضوع بكمله وان ماعجبكم عادي مب لازم أكمل:cool:

جميع حقوق الكتابة لبنت نت...تراني والله تعبت وعدت الموضوع مرتين

بنت نت غير متصل قديم 19-09-2003 , 03:56 PM    الرد مع إقتباس
دانا دانا غير متصل    
كاتب فعال جدا  
المشاركات: 1,809
#4  

السلام عليكم ورحمة الله وبركاته

هلاااااا والله بنت نت

الصراحه حلووووووووو اللي كتبتيه ونتمنى تكملين لو سمحتي


تحياتي لج

دانا غير متصل قديم 19-09-2003 , 04:35 PM    الرد مع إقتباس
الحل الصعب الحل الصعب غير متصل    
عضو فائق النشاط قلوب كل الناس  
المشاركات: 842
#7  

كملي كملي

ترى مواضيع الدراسه واول يوم تونّس

ننتظر التكمله

سنكيو

الحل الصعب غير متصل قديم 19-09-2003 , 08:57 PM    الرد مع إقتباس
بنت نت بنت نت غير متصل    
عضو فائق النشاط  
المشاركات: 808
#8  

دانا،،،بس عشانج رديتي عالموضوع بكمله
ومشكورة يبه عالرد


ابو الفياصل،،،هئ هئ افلقني ان شفت فرق واحد


ايميل مغبر،،،،مدري وش سالفتك انت في كل المواضيع رازن لك وجه...ياخي اكتب وحياك يبه


الحل الصعب،،،حاظرين للطيبين

بنت نت غير متصل قديم 20-09-2003 , 01:18 AM    الرد مع إقتباس
بنت نت بنت نت غير متصل    
عضو فائق النشاط  
المشاركات: 808
#9  

سلمكم الله لي 7 ونص واحنا في الشمس نمشي في أرجاء المدرسة واول يوم زحمممة وما تم بخور ودهن عود وعطر إلا وحطوه والله لو يروحون عرس ما سوو جي(هكذا) ...

بعد 7 ونص طلعت المديرة من الادارة ووقفت على المنصة عشان تخطب وتهنينا بالعام الجديد(امحق عامن جديد)...توها متفيقة وطالعة اش عليها قاعدتن في البراد واحنا متنقعين في الشمس..مافي غير صف طابور عند باب الادارة كل وحدة توقف عند الباب تتبرد دقيقة وتروح

اما مديرتنا ذي الله لايبليكم وحدة تتكلم على سعتها من جد بااااردة من 7 ونص لي 8 ونص هي تتكلم

والبنات حالتهم حالة...نصهم طاحو(من الحر والشمس):eek:..وربع يتأفف ومتملل...والربع الاخير يصيح على الأظافر إللي راح تنقص



الحمدلله لك يارب خلصت المديرة وقالت يلا يابنات كل وحدة تروح صفها قسم بالله من فرحة البنات قامو يصفقون للمديرة...مب عشان كلامها عشانها قالت يلا انصراف


اخيرا دخلنا الصفوف وياليتان مادخلنا

اولا....الكراسي والطاولات مغبرة من قلب مغبرة تغيبرة اشين من غبار بو الفياصل

المكيف..مايشتغل!!!

المراوح مجلوعيييييييين مافي غير الحدايد تتدندل(مدري وش معناتها بالعربي بس اظن يعني معلقة في الهواء لا لها شغلة ولا مشغلة ) من فوق

انا...استغفر الله،،استغفر الله

ربيعتي...شفييج؟؟

انا..وإللي(والذي)يسلمج سكتي عني لا اقوم اذبح لي حد الحين

ربيعتي...ليييييييش؟؟ (هي بعد باااردة مثل المديرة)

انا... (ما عندها شي تقوله)

ربيعتي..


بعد فترة طرشونا ناخذ الكتب ومكثرها هالكتب انشلت يدي وانا شايلتهم..ولا تعالو وقعو عشان ماتاخذون كتب مرتين..من ذي المينونة إللي بتاخذ الكتب مرتين؟؟!!!


وكل مدرسة تدخل تطلب دفتر قد ويهها

ياخي مايحسوووون ظهورنا خلاص راحت فيها


....

بنت نت غير متصل قديم 20-09-2003 , 04:31 AM    الرد مع إقتباس
بنت نت بنت نت غير متصل    
عضو فائق النشاط  
المشاركات: 808
#10  

وبعد فترة جات الوكيلة والظابطة يعملو تفتيش...

الظابطة..انتي يابنت تغيرين البلوزة..مالتج ليكون اشوفها عليج مرة ثانية

انا...نعم؟؟انا؟؟:(

الظابطة...ايه انتي اجل امي؟؟؟

انا..بالله!!!!امك معنا هنا؟؟؟

البنات....

الظابطة...وش اسمك يابنت؟؟

انا...اسمي بنت نت

الظابطة...طيب ياويلك مني!!

انا....طيب ياويلك من امي

الظابطة...

انا...

البنات...

بنت نت غير متصل قديم 20-09-2003 , 04:34 AM    الرد مع إقتباس
بنت نت بنت نت غير متصل    
عضو فائق النشاط  
المشاركات: 808
#11  

عالساعة 10 افرجونا وجلست انطر اخوي يجيني واخير جى عالساعة 10 ونص...من فتحت باب السيارة إلا اشم ريحة ذاك العطر إللي يذبح خشم خشمك وخشم ام بدر

انا...وش ذا الربحة الخايسة

اخوي..خل البنات يشمو عطري الجديد

انا...ايه البنات بيشموه ويموتون

اخوي..اركبي بس بلا كثرة حكي

اخوي ايضااا...إلا اقول ياختي؟؟منهي ي إللي واقفة هنا؟؟

انا...وانا ويش عرفني وحدة من البنات ما اعرفها

اخوي..اقطع ايدي ان ماكنتي تعرفيها

انا...اجل مر الدكان وخذ لك سكين واقطعها

اخوي..:(

انا...وبدعين ويش ذا حركات اليهال..استح على وجهك خاف ربك عندك خوات..يعني انت ماخاف علي؟؟

اخوي...لا طبعا انتي عن 10 رياجيل إللي يكلمك تستدحينه في العناية المركزة شهر

انا... اييه بالله وانت الصاج

-----------------------------

إلى هنا انتهت معاناتي لأول يوم دراسي

كلمة أخيرة..
حبيت اقول لكم شي واحد ان بعض الأحداث(قليلة جدا)انا اختلقتها من عندي والبعض الآخر واقعي،بعضها حدث أول يوم والبعض الآخر حدث في اليوم الثاني بس حبيت ان ارسم البسمة على وجوهكم وأن ابين لكم الواقع إللي يصير في معظم دول الخليج(الحال واحد)...

ارجو ان اكون قد استطعت ان ارسم البسمة على وجوهكم الكريمة

تحياتي

بنت نت غير متصل قديم 20-09-2003 , 04:37 AM    الرد مع إقتباس
كـيـمـو كـيـمـو غير متصل    
مبدع متميز جدا JEDDAH  
المشاركات: 4,521
#12  

الله يقلعه اول يوم دراسي واول اسبوع دراسي بس الحمد لله انفكينا من شي اسمه وزاره معارف

كنت اعاني معاناه الله اعلم بها ليتهم يطلعونا قبل نهايه الدوام والا يعطونا دروس لا جلسه من الساعه سبع الين وحده ياتسبع حالك وتشوفلك جدار تنقز منه ياتقعد بها :p في ارجاء مدرستك بين الاغبره والاتربه جالسُ

كـيـمـو غير متصل قديم 20-09-2003 , 05:56 AM    الرد مع إقتباس
خارج النطاق خارج النطاق غير متصل    
كاتب فعال جداً  
المشاركات: 1,671
#13  

بنت نت

كملي سالفتك عن الاسبوع الثاني

ترى ما عندنا مانع

لان السواليف عن الصبايا ما تنمل

خارج النطاق غير متصل قديم 20-09-2003 , 06:08 AM    الرد مع إقتباس
ابو الفياصل ابو الفياصل غير متصل    
مبدع فائق التميز  
المشاركات: 22,697
#14  

بنت النت.. يعني تلعبين علينا<<== واحد فهم غلط


بالنسبه للكتب ...

الشباب الواحد كتفه تمشي عليه قافله من الجمال لكن ما يقدر يشيل الكتب.!! لا وأصغر دفتر 200 ورقه..!

جتكوا نيله وانتوا شبه لوبيز..!!

بعدين كأني سمعت ان فصلكم فيه غبار.. تبغون اشيله لكم؟

ابو الفياصل غير متصل قديم 20-09-2003 , 11:02 AM    الرد مع إقتباس
MUSTANG-MACH 1 MUSTANG-MACH 1 غير متصل    
عضو فائق النشاط  
المشاركات: 972
#15  

السلام ...


والله الموضوع حلو وااايد وخلاني اضحك وااايد .... ليش ؟؟؟


لأنه عن معاناة البنات بأول ايام المدارس ...


سوري ماقصدي شي ... بس موضوع رهييب ..


ثااانكس ..

والله يعين اخوج عليج ...

باي ..

:banana:

MUSTANG-MACH 1 غير متصل قديم 20-09-2003 , 12:09 PM    الرد مع إقتباس
المسافر المسافر غير متصل    
عضو فائق النشاط  
المشاركات: 876
#16  

شكرا بنت نت نتمنى تكملين موضوعك

بس لا تروحي اليوم تعملي مشكله في المدرسه علشان تكتبينها تجينا مفصوله من المدرسه بلا رجعه

تحياتي المسافر

المسافر غير متصل قديم 20-09-2003 , 04:17 PM    الرد مع إقتباس
حمامه حمامه غير متصل    
مبدع فائق التميز  
المشاركات: 8,528
#17  

هلا بنيتنا



ونااااسه مدرستكم
ميخالف أروح معاج ترا أصير عااجل و ما أسوي شي :rolleyes:
حطيني في جنتطج و محد راح يشوفني

نننطر مغامراتج الأسبوع هذا

حمامه غير متصل قديم 21-09-2003 , 06:55 AM    الرد مع إقتباس
مرايا مبعثرة مرايا مبعثرة غير متصل    
مبدع فائق التميز في بيتنا  
المشاركات: 6,305
#18  

خوووش مدرسة ولله

حمدي ربك

غيرك مدارسهم لا بيبان ولا مراوح .. اصلا مدارسهم ما فيها جدران <<--- شدعوة بالادغال ؟؟؟



:rolleyes: :rolleyes: صايرة مصلحة اجتماعية انا

ماعلينا .. بس كنت سمعتك تقولين خشم ؟؟؟

عساكي بس ماذكرتيه الا بالطيب ؟؟؟ ولا ترااا هاااااه <<-- تراها تهدد


هق الهااااق

NoSE


مرايا مبعثرة غير متصل قديم 21-09-2003 , 06:02 PM    الرد مع إقتباس
الحل الصعب الحل الصعب غير متصل    
عضو فائق النشاط قلوب كل الناس  
المشاركات: 842
#19  

بنت بن

وناااسه

اذا مثل ماقال خارج النطاق تنزلي كل يوم موضوع عن احداث المدرسه

ترى عاادي وناسهه :p

سنكيو

الحل الصعب غير متصل قديم 21-09-2003 , 10:32 PM    الرد مع إقتباس
روح الامارات روح الامارات غير متصل    
كاتب فعال جدا UAE.Sharjah  
المشاركات: 1,659
#20  

السلام عليكم ورحمة الله وبركاته

الصراحة خوش مدرسة لكن عجبتني تسحين كشتك الظاهر كشتك تخرع الواحد خخخخخخ , لا و سلام البنات مب 10 دقائق الا اكثر عن نص ساعة والله يعين اخوك عليك

تحياتي

روح الامارات

روح الامارات غير متصل قديم 21-09-2003 , 11:06 PM    الرد مع إقتباس
دانا دانا غير متصل    
كاتب فعال جدا  
المشاركات: 1,809
#22  

والله حلوه سوالفج بنت نت ....

وكملي هاا ترانا نترياج ما عندنا شي

وانتي واخوج ........ والله سالفه


تحياتي لج

دانا غير متصل قديم 23-09-2003 , 02:29 PM    الرد مع إقتباس
Dreams Mix Dreams Mix غير متصل    
كاتب فعال جداً بلد العز (دار الفهد )  
المشاركات: 1,866
#23  

موضوع في غاية الجمال

اما احنا متعودين على اليوم الأول .. وليت كل ايام المدارس مثل اليوم الأول

بخصوص الكتب .. ياحليلها 16 كتاب عندي مركونه .. عالمكتب ..


يسلمووو .. بنت نت

Dreams Mix غير متصل قديم 25-09-2003 , 02:23 AM    الرد مع إقتباس
بنت نت بنت نت غير متصل    
عضو فائق النشاط  
المشاركات: 808
#24  

ماشالله

هالكثر ردود ياجماعة عطوني فرصة لي بكرة عشان ارد

وإللي يبغي يرد حياااه اقلط!!!

بنت نت غير متصل قديم 25-09-2003 , 05:37 AM    الرد مع إقتباس
بنت نت بنت نت غير متصل    
عضو فائق النشاط  
المشاركات: 808
#25  

هلا ومرحب بمن نور الموضوع..طبعا انا أجل انتو!!


كيمو،،،ايييه يابوك وش عليك انا ليحين بأول المشوار
والله ياولد الحلال انتو عادي تشاقحون بس حنا..علينا العوض


خارج النطاق،،،منيب مكملة:p


بو الفياصل،،،ياخوي حنا بعد كانو 16 كتاب بس من العام دمجو لنا المواد العلمية مع بعض..اما الدفاتر مافي اختلاف لما انتو يطلبون منكم دفتر 200 صفحة وحنا يطلبون 3 دفاتر 60 لكل مادة ما اختلفنا في شي الناتجووو واحدووون

لا لا افا عليك انا اخليك تخم الغبار...الادارة خمتووو وقلت لهم يطرشوه على بيتكم تراه بيوصلك بعد كمن يوم


MUSTANG-MACH 1 ،،،،العفو يبه والله يعين الوالدة عليك:p


almssafir ،،،مابقى غير المدرسة تفصلني ..اجل مين جدتي؟!

لا افا عليك انا أأدب لكن ما اتأدب

بنت نت غير متصل قديم 26-09-2003 , 10:35 AM    الرد مع إقتباس
المشاركة في الموضوع
صفحة 1 من 2 1 2 >


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.