العودة سوالف للجميع > سـوالـف الجمـيــــــــع > سوالف الطرائف والكاركاتير > سلخيـــــــــــــر افري بــــــادي
المشاركة في الموضوع
مرايا مبعثرة مرايا مبعثرة غير متصل    
مبدع فائق التميز في بيتنا  
المشاركات: 6,305
#1  
سلخيـــــــــــــر افري بــــــادي
هذا مير الله يسلمك ويخليكم لخششن ترجيكم
في يوم من ايام القيض المروح
قمت في الصبح فزعه
ماش أتنافض كني برطم عرفات وقلبي ماغير يقول:طربخ طربخ
<< >>
خبيت لم اميميتي في المطبخ قلتلها :
يمه الحقي على بنيتتس منيب بخير يمه وحاسه بصداع
امي: يامال السلال يالتسذوب صداع وماسكتن ركبتتس يالخبله انقلعي يامال العنقز في وجهتتس>>يحليلها اميميتي حنون
يمه ماتسذب قلبي يتنافض وراسي ثقيل حاستن اني منيب مطوله شكلي بموت
وهي الي تسمع حتسيي وتصكني بالملاس على جبهتي>>صايرن شكل جبهتي من الملاس يهبل منقشه
انا شفتها صكتني قلت اكيد ماجازلها حتسيي وبتقول فال الله ولا فالتس بسم الله عليتس الله ياخذتس>>ماقولكم حنون
مير تقولي::اعنبوا غيرتس دامتس بتفطسين بعد شوي وشهوله مصفقتن اختتس ومردغتها قبيلا تجملي قبل تفطسين...
وانا الي يطيح وجهي براطمي في جهه وعيوني في جهه وخشمي عند كتوف اميمتي.....يوم جيت اباخذ خشمي وهي الي تقول::
وشتبين بسله السيف من زينه خليه دامتس بتفطسين
وانا الي اروح يم غرفتي وفي روايه اخرى>>جحري>>عزبتي..
>>والله ارحم
بــــــــــــــــــــــــــــــــعد شهـــــــــــــــــــــــــــــر
يمه:: ترا صحتي ماش وقلبي يتنافض وراسي سايرن ثقيل بنتتس بتموت
امي:: جعلتس الحوال الي يضرب عويناتتس اعنبوا غيرتس شهر وانتي ماغير تهرجيين علينا بذا السالفه ولا الحين مافطستي؟؟

وتقوم امي وتوديني لم الدختر >>الهوزبيتل
الدختوره:: شو حاسه....في شي عم يوجعك احكي ماتتلبكي
قلت :يمه تبي بكلتي
قالت امي::وشتبي بها لا تعطينها خليها حي ماهبطت عرادتتس ....
قلتلها::راسي شو يوجعني وقلبي بدو يتنافض ولي الهوارا الهوارا >>عشان تفهم ترى حتى حنا نعرف حتسيهم
قالتلي::شو كمان كفي.
قلت :انا بنت ابوي كف في يمحط وجهس يالبايره انتزلعي تعطيني كف
واجي امي وتقبصني من اذوني بغت تفطر علي>>اعنبوا غيرتس كفي يعني كملي>>مهيب هينه امي تعرف انقلش<<مالت عليتس.
قلت لدختوره:: بس هذا الي مافيني شي ثاني بس امي دايم تقولي ان قلبي ميت من زمااااان
وتقوم امي وتسحبني من شويشتي ونطلع برا>>حسافهماخذيت الاشعه ولاكان ابا ابروزها في غرفتي
امي هذا شكل مصخنه غير عليتس الدخاتره صخنوا منتس وانتي مافيتس غير الوسواس
قلت اجل منضوله
>>امي::الله يعوض علي عوض الصابرين انتي شايفتن في عمرتس
شي ينضل عليه اها بس تلايطي عميان العرب مايشوفون
لاوالله الوجع ماجاني الا عقب عرس ولد قصيرتنا صنهات اكيد شافوني بالثوب بالبردقاني ابو فيونكه خضرا>>يحقلهم شايفين الزين كله ورا ماينضلونتس
كركركركركركركركركركركركركركركركركركركركر>>امي تضحك>>ماتلاحظون من بدايه القصه وامي حايمتن تسبدها مني مسيكينه خلوها تضحك
>>اجل ناضلينتس بسبه ثوبتس هالي ماطبه الحلا اعنبوا غيرتس كديتيه كد الشين
قلتلها والعبره خانتقتني>>ياتسبدي علي>>شوفي لي حل والله ترا ذمبي برقبتكم
وتقوم امي وتصكر درايش الغرفه والبيبان تجي يمي>>كانت بنتن سنعه وبطيعين شور امتس ترى مالتس غير شهار
حمر وجهي وقعدت اسحل عويناتي من السحا فديت خشتي حياويه
قلتلها::مابي اعرس ذالحينه بعدين سمعت انه يتتن
>>وشعرسه مالت عليتس هماتس بتموتين وصحتتس مهيب كويسه والحين منطلدز وجهتتس ياقليله الحيا
7
7
7
7
7
وتفهمني سالفه شهار
8
8
8
8
8
8
والحين انا مزهبتن شنطتي والفان يزامر يصوت علي ومستعده لمتحان القبول في كليه شهار>>مفهمينها على ان شهار كليه >>لاتعلمون..
7
7
7
7
يالله فمان الله توصون عل شي






من الايميل

هق الهااااق

خشم


مرايا مبعثرة غير متصل قديم 27-07-2003 , 11:50 AM    الرد مع إقتباس
ملكة الليل ملكة الليل غير متصل    
كاتب فعال  
المشاركات: 1,297
#9  

ما فهمت الموضوع الطويل هذا زين

:p

ملكة الليل غير متصل قديم 27-07-2003 , 07:30 PM    الرد مع إقتباس
الحل الصعب الحل الصعب غير متصل    
عضو فائق النشاط قلوب كل الناس  
المشاركات: 842
#11  
وين روح الابداع الاوسيزيه
من شفت نهاية كل كلمه ( تس )

قلت اكيد منقول او من الايميل

وفعلا مثل ماقلت وطنشته ماقريته

لاني احب المواضيع تكون من خرابيط

اقصد من تأليف الكاتب وهذا اللي تعودته منك

لكن ده مش ممكن يسمى موضوع

هق الهاااق

خشم


الحل الصعب غير متصل قديم 27-07-2003 , 08:32 PM    الرد مع إقتباس
دبدوووبه دبدوووبه غير متصل    
مبدع متميز K S A  
المشاركات: 3,079
#12  

طووووويل مره

بس قريت من البدايه و مافهمت اللغه اللي جالسين يتكلموا فيها

دبدوووبه غير متصل قديم 28-07-2003 , 01:54 AM    الرد مع إقتباس
_eyad_ _eyad_ غير متصل    
كاتب فعال  
المشاركات: 1,483
#13  

ياالله كلام مره كثير . تصدقوا الكلام دا ذكرني بعضوه كانت مشتركة ومدري فين راحت

_eyad_ غير متصل قديم 28-07-2003 , 02:43 AM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.