السلام عليكم

كيف الحال شباب

اليوم جايب لكم فيديو سباق

بين لاند كروزر موديل 2004 تيربو نتك 76

8PSI

طبعا التيربو + البوست ممتازين للأستخدام اليومي للسياره

يعني هذا الكروزر استخدام يومي + ريس

صور للسياره:









وان شاء الله المقطع يعجبكم

http://www.gr8.cc/1/GXR.zip

والي يعرف راعي السياره لا يقول من :>

:-) منقول من عرب زوم

الفففففففففففففففففف شكر عيوني توب سيكرت

والله لايحرمنا منك حبيبي ومشاراكتك الحلوة معانا,,,,,


(((نبغى نشوووفك على طووووول اوكي؟)))


تحياتي

مشكووور اخوي TOP SECRET لكن هل هذا بورش 911 ولا كايين توربو ؟؟ انا اشوفه كايين توربو

انا بعد معاك.....((شوفوا العدادات يا هوووووو))

مشكور على الفيديو ... والسيارة كاين تربو ...

شوف ارتفاع السيارة وتعرف


واذا عندك زيادة لا تبخل علينا

مشكورين شباب على ردودكم

بالنسبه للبورش 911 مش كاين تيربو

الكاين تيربو معروف اذا دعست فيه يبين صدره والبانه "الكبوت" يبين بعكس سيارات بورشه السبور

بس اذا كنتو مصرين على انه كاين تيربو

ترى الكاين تيربو

يجيب الميه في 5.5 ثواني والربع ميلفي 12.3

وال911 يجيب الميه في 5.2 ثواني والربع ميل في 11.4

يعني مافيه فرق كثير

ونورتو الموضوع

بالنسبه حق قوة الستيشن بوجاسم والله كم بالضبط المشكله ماشي داينو شارت له

بس اتوقع يكون فوق الـ500

لان الكاين تيربو 450 حصان

وطبعا شفت الفرق في القومه البورشه دعس قبل

بس ماقدر عالستيشن

اخوي FSM

مايصير خاطرك الا طيب فيه ان شاء الله

بس انتو حددوا لي سباق او استعراض "تفحيط"

ومايصير خاطركم الا طيب

WRX العفو الغالي وحاضرين لكم ان شاء الله

بالنسبه للقسم ان شاء الله بحاول بين فتره وفتره انزل موضوع

ونورت الموضوع

اخوي لومينا بالنسبه للسياره صدقني 911 لول وترى الطبلون بين ال911 والكاين مايفرق كثير الفرق الوحيد بينهم

ان الكاين تيربو يجيك من الداخل ستيل بدل الخشب

وال911 خشب

ونورت الموضوع الغالي

السلام عليكم

هلا عيوني توب سيكرت
على فكرة ما احد يشكك في مدى قوة هذي الجيب يعني يكفيه انه قايم على بورش لو انها موديل 79 :p

بس الموضوع ومافيه ان انا ماقلت انها كايين إلا بعد ماشفت هذي الصورة


لاحظ كيف العدادت ((اربي ام كبير في النص و عدد السرعة على اليسار))
يعني غير هذا 180 درجة وغير كذا لاحظ ارتفاع البورش مع الجيب....

بس الموضوع ومافيه اني حبيت اوضح لك ليش انا قلت كذا وفي جميع الأحوال يضل الجيب جباااااااااااااااااااااااااااار((مشاء الله تبارك الله))يالله باي :p

السلام عليكم


يا TOP-SECRET هل تتوقع غير رؤوس المكينة ولا كيف ؟









شكرا

wrx

مشكور على ردك

وفعلا واضح الفرق واكيد البورش كاين تيربو

مشكور عالتوضيح

-----

اخوي جامح بالنسبه للهيد ماعتقد انه غيره او حتى عدله

السيارات الي يركبون لها تيربو او سوبر جارجر تحتاج لو براشر ولو صار اي حفه او بورتينق للهيد راح يسوي هاي برشر

ويضر المكينه بشكل كبير

يمكن قام يتعديلها عشان بحفه عشان اتحمل الضغط والحراره مش عشان يزيد القوه

واعتقد اخوي انت عندك فكسار؟لو عندك فكسار لو بغيت كامات او تيربو موجود للبيع

واي استفسار في الشوفه

مشكوووووووور اخوي حمد

و مهما كان هاي يفتخر الرجال في نفسه إنه طاف البورش بس

بس ما سمعت له ازعاج كثير ، توقعت من الصور إنه صوته مثل مال الدراق يعني قنبلة متحركة

و مشكور على الفيديو و ننتظر منك كل الجديد

والله ودنا سباق ...

وكثر لنا منهم :knight:

sayedco العفو يالموسوي ومشكور على ردك

وبالنسبه للصوت في الكروزر والفتك اذا كان عليه تيربو يكون صوته ينفخ مو قوي

لو كان الصوت نفس صوت الهيدرز بس قوي في الكروزر تقدر تقول انها كامات

وصوت النفخ في الكروزر تيربو

وحتى عندك الكمبريسر في المرسدس 55 نفس الشي لو انت برا وتسمع صوته تقريبا ينفخ

ويختلف الاقزوز الخلفي


اخوي FSM صار وابشر بسعدك

وراح تشوفون سباقات قويه ان شاء الله عطوني فرصه وان شاء الله تشوفون اشياء قويه

اممممم انا وين شايف هالستيشن وين وين وين
ما شاء الله الريس عجيب مثل راعي الستيشن

يعطيك العافية حمد ..

خخخخخ حياك الله بوعابد وعن النغزات:>

والله يعافيك

نورت الموضوع

هلا بو شهاب مشكور على الموضوع المميز ودايما مواضيعك مميزة

الفيديو راح !!!!!!!!!!

skyline_81_turbo تسلم الغالي على ردك ونورت الموضوع وشكلك تعرفني من قبل لول بس انا ناسي

ويعطيك العافيه ولا هنت الشيخ

اخوي اوبل الفديو تسكر من موقع التحميل بحاول انزله من موقع ثاني او تضيفني وارسله لك عالماسنجر

الي مهتم بموضوع المقطع والسباق يضيفني عالماسنجر وبعطيه اياه

حاولت احصل مواقع ثانيه لتحميل الفيديو ماحصلت

والسموحه اخوي بنز ان شاء الله اشوف موقع

حمد جرب هالموقع :

http://www.alamuae.com/upload/

أخوي ياليت ترسله على إيميلي

لأني نادرأ ما اكون على المسنجر

وشاكرلك مقدما