سويت لكم خلطة سرية

Underdrive Crank Pulley/Alternator Pulley - 10
Electric Water Pump - 10
Custom Tune - 15
Long Tube Headers -25
Cold Air Intake - 5
Intake Manifold -5
Ported & Polished Throttle Body - 5

total = 75 RWHP


75 حصان عاد إذا الأغراض شغل محلي ما يكلف

:banana:

بس تبي الصراحة آنا مو داشه راسي هالأرقام ، وايد فوق ، توقعت أقل

صدقت الحين الانتيك يعطيك فرق




انا كنت ناوي اركب بس المشكله سيارتي فيها اختلافات عن موديل 2004 في حساس الهواء و PCV
وحق الLS2 GTO تصميمه يركب على سيارتي بس المشكله الثروتل 90 ملي وسيارتي 85 ملي


بس لازم اشوف لها حل هالسالفه :knight:


15 حصان على الويل وايد زينه




سيدكو


اهلا بك في عالم شيفي للتزويد


كل هالاشياء مقبلات بس


ودي بسوبر شارجر ب10800 ريال يعطيني 150 حصان على الويل



بس فلوس وشغل يد صح مو موجودين والاهم يبي لنا تيوننج صح بس مافيش



تحياتي

مؤيد تعال عندنا وما عليك بتلقى اللي يرضيك


يعطيك العافية يا بلو شيفي

بالنسبة للهدرز

اللونق تيوب ، يعطيك القوة على أعلى RPM

المديم على وسط عادة يطلع كل قوته

و الشورت على RPM واطي

فلا يغركم الرقم أقل ، هو في الواقع يساعد كثير لكن يفضلون الناس اللونق لأنه أكثر شي يساعد في الخط << لأنه RPM عالي

_________

مؤيد اف 1

بدل الثروتل بدي مالك إلى واحد أكبر ، أعرف كثير مسوين الحركة بس مو متأكد إنه ممكن يكبر 5 ملي متر

و اسمحلي أقولك ، مو بس الشيفي يعطيك كل هالقوة ، الأمريكي أغلبهم ، فورد دودج الخ ..

بس الأنتيك الصراحة مو داشة راسي 5 أحصنة ، آنا أقول حصان أو اثنين و صغار بعد

خلاص دام كل الامريكي يعطيك هالقوه ليش مستغرب بس الشيفي قطعه اكثر ومجاله اكبر

مايبيعو ثروتل الكتروني :knight:


الي عندي الكتروني وكل الي ينباع ميكانيكي وثروتل الLS2 مايركب عندي وايراته تختلف


بلشه


الانتيك يعطيك 15 حصان ليش؟


عزله للحراره افضل وتصميمه الداخلي يقلل احتكاك الهواء فيه والفلتر الي يجي وياه مخروطي وضخم..احنا سوينا تجرب نبي نشوف الLS1 كيف يسحب الهواء..حطينا ورقة كلينكس على الفلتر ودعسنا بنزين الورقه دخلت في الفلتر :knight:

تسلم لي اخوي طارق :p

حبيبي روح ls1tech وشوف ارقام الداينو بعينك
طبعا هالخلطة تصير على الفورد والدودج
بس هالأرقام حقيقية ومجريبة على الداينو

شوفوا خلطتي
وطبعا انا اخترت متوسط الأحصنة

Mid Length Headers
15 حصان وانا ماخترت اللونق علشان الازعاج

Cat-Back Exhaust
10 احصنه

Custom Tune
20 حصان


Ported & Polished Throttle Body
8 احصنه

cam
50 حصان
طبعا الكام ناعم ما تحس حتى المكينة ماترجف



هذولا 100 حصان

يعني لو كان عندك لومينا او كابريس اس اس
325 حصان + 100 = 425 او 445 حصان بالنسبة للومينا الجديدة

لو عندك كمارو الجديدة ls2
400 + 100 = 500 حصان

كلها من غير تيربو

وقابلة للزيادة طبعا لأن احنا خذينا المتوسط والاحصنة تعتمد بشكل كبير على نوعية المواد والشركات إلي ناخذ منها القطع.


وحط تيربو
425 + 100 = 525 حصان

500 + 100 = 600 حصان
من غير ماتجيس البساتن
حط التيربو على الهيدرز ووصله إلى الانتيك وبس
وتجيب اكثر من 100 بس انا حطيت اقل شئ

بس المشكة وين الأيدي العاملة المحترفة إلي تركب لنا التيربو
فنكتفي بالخفايف احسن لنا

إنت بنفسك قلتها ، الشيفي مجاله أكبر حق السيارات القديمة اللي كل شي ميكانيكي و تغييره سهل ، لكن السيارات الجديدة حتى الشيفي أغلب القطع اللي كانت تتبدل في السيارات القديمة لتعطي قوة ، أصبحت تقريباً من المستحيل تبديلها بشي أفضل

و شوف بنفسك التعديلات اللي على السيارات الجديدة أصبحت شبه متشابهة ، لكن سابقاً كانوا يسوون خلطات غريبة

بس طبعاً ما أنكر إن الشيفي و الدودج و الفورد و الباقيين شركات تزويدها يعطي أحصنة أكثر نسبياً مقارنة مع باقي السيارات

من قالك؟

اصلا محرك LT1 كانت مجموعة قطع يالله توصلك 50 حصان
يعني كام وثلاجة وثروتل واكزوز

الحين في محرك LS1 حط كام ويعطيك 50 حصان وانت مرتاح


وفي محرك lt1 كان في دلكو وكان يسبب مشاكل
اما محرك ls1 فيه كويلات وتقدر تتحكم في الاشتعال عن طريق برمجة.

مشاكل كثيرة انحلت

ولا شرايكم يالربع؟

بس في شي في بالي الحين أحس وقته إني أقوله :think:

الزد الجديد ، كما سمعت و قرأت ، إنه فيه شيئين إذا غيرتهم تحصل قوة كبيرة ، الكلتش و البكرات

مادري بالضبط جم حصان يزيد إذا بدلت البكرات إلى أفضل منها بس وايد

هل السبب هو إن الكلتش الأصلي ماله تعبان ؟ اوكي إنتوا موافقين صح ؟

إذا ... البكرات تعبانة ، لما تبدلها إلى بكرات ممتازة تعطيك قوة

يأتي السؤال هنا ، السيارات الأمريكية معروفة بالتزويد القليل تعطي قوة ، فهل هذا دليل على إن القطع الأصلية اللي عليها تعبانة ؟

sayedco


لا بالعكس

لكن في امريكا فيه قائمة من القوانين بالنسبة للصوت والتلوث


تحد من قوة السياره

والمصنع ياخذ بعتباره العمر الافتراضي للقطع

يعني اللي ما بيغير شي في السياره بتطول معه اكثر

لكن اذا غيرت لازم تدرسها صح عشان ماياثر على غيرها

فيه اشياء لازم نعرفها قبل لاتزود وهي التناسب ...

يعني متى يفتح الكام ومتى يفتح الانتيك ومتى يفتح الكونفرتر اذا كان ريسينق وبرضوه اذا انت مركب سوبر ولا تيربو لازم تجيب الكام من نفس الشركه اللى طلبت منها الشاحن .. لان بتكون القوه عندك غير متعادله اذا صار الكام يفتح من RPM 800 والتيربو يفتح من عند مثلا RPM 1500 .. وبرضوه شغلت اللتفرات لازم تتبدل اذا الكام كبير ويوصل لفته الى 600 مثلا ...

وطبعا ممكن هالمعلومه معروفه لكن نذكرها كمعرفه ان كام LS_1 لفته من 0.510 الى 0.515 للانتيك وللـ اقزوز 0.520 .. فمثلا تاخذ كام لفته في الـ 0.600 ويفتح من RPM 2000 الى 7000 بيعطيك قوه خياليه لكن محتاج الى بشات رود مقاسها صغير لان الوكاله مقاسه 0.7400 الى 0.7300 اما الريسينق فهي توصل الى 0.700 وبالأكثر توصل الى 0.7100 وهالبشات لازم لها روكرات مقاسها 1.85 انش ونوع ستيل علشان في الهاي RPM ماتسوي لك اوفر لاب .. وبرضوه السبرنقات .. ولاننسى اختيار الكام هيدروليك ولا سوليد واذا اخترت بتختار بعد رولر تابت ولا فلات ...

اللى ابي اوضحه ان التزويد هو معادله واشبه بالطبخه ومحتاجه الى طباخ ماهر (( فني ممتاز ))


عموما بعد هالمحاظره اللى مالها داعي
ابعطيكم طبخه ان شاءالله تعجبكم

ثروتل بدي مقاسعه 90MM من شركه فاست

http://store.summitracing.com/partd...15&autoview=sku

وانتيك بعد من شركه فاست يفتح من RPM 1800 الين 7000 (( احرص ان الانتيك يكون مصمم للثروتل المقاس اللى تبيه ))

http://store.summitracing.com/partd...15&autoview=sku


ظفيره وكمبيوتر وكام من شركه باين لس

http://store.summitracing.com/partd...15&autoview=sku


واترك اختيار البشات رود والروكرات والهيدرز والسيستم ونوعيته للي يبي يكمل

سيدكو



انا لما قلت الثروتل الكتروني كنت اقصد الدعسه والثروتل في موديل 2005 ورايح فقط مافي سلك بين الدعسه والثروتل اما قبل كان في سلك..الحين كل الشغل الكتروني وعقدو الدنيا علينا على قلة فايده..بس مو مشكله في شركات راح تسوي ثروتل الكتروني..


المهم الشيفي الحين هو التوب في التعديل في الامريكي..مو تهاوشنا عشان الكرايسلر والدودج هم زينين بس مو مثل الشفر ولا برخص الشفر..

كلتش الزد الجديد اكثر من رائع و يتحمل بشكل كبير المشكله في الحذاف وزنه ثقيل جدا و اذا غيرته بواحد خفيف ممكن تحصل على 15 حصان و البكره تعطيك تقريبا 8 حصان .
البرمجه تعطيك 12 حصان .

حيالله انفينيتي

شلونك وشخبارك

وينك مو مبين؟

ولا الحين ماقدرت نيسان تطوف الشفر

السلام عليكم...

بالنسبه لي....خلطه ال ls1 الجيده هي كام و روس....كام محترم و مع روس محترمه تضمن لك فوق ال 400 حصان بدون غاز ( و انا قاعد اقول هالشي عن تجربه شخصيه)

طبعا الكثير للاسف اشوفه هالايام يقول انه كام لفته 580 الى 590 هو اكبر شي مع انه طلعت كامات بلفتات جباااااااره توصل الى 680.... :knight:

بالنسبه للي ذكره الاخ قلق و رجه عن موضوع البش رودات....انا مركب كام لفته فوق ال 610 و مستعمل بش رودات نفس مقاس الوكاله بس غيرت نوعيتهم(اتوقع من شركه كومب) و ماشي تمام بس طبعا ماغيرت الروكرات الى الان استعمل 1.7 و الروس بيتريوت (اللي للاسف خذلتني بشكل قوي) لكن بالنسبه لسعرها الرخيص هذا شي متوقع :sss:

طبعا نرد لموضوع التوننج (البرمجه) و ما ادراك ما التوننج بال ls1....كثير من خلطاتنا تفشل بسبب التوننج و هذا بشكل كبير يعتمد على مدى خبره المبرمج أو راعي الداينو اللي يبرمج لك

مشكله اخرى ذبحتني في السيارة خصوصا بالكمارو هي الدفرنش و القير....باختصار ما يوفون مع المكينه المعدله بشكل كبير....وهذا كلفني الكثير بحيث اضطريت اشتري دفرنش 12 بولت(سبول مو ليميتد سليب) و خلاني اغير من قير ال 4L60E الى قير ال TH350 و اللي بطبيعه الحال كلفني الكثير من الاحصنه للاسف :ranting:

في التزويد 1+1 مودايما = 2

اذا قطعة تعطيك 10 حصان والثانية تعطيك 20 حصان مومعناتها انك بتحصل على 30 حصان لما تركبهم سوا

ادري في اشخاص بتقول قاعد اتفلسف بس هذا الواقع


وعلشان لاتفهموها اني قاعد اتهجم على الجي ام ترى كلامي فوق ينطبق على كل السيارات بمافيها هوندا

هالأرقام من ناس فاهمه ومجربه
مو من عندي ولا من تأليفي

ناس تجرب على الداينو
المشكلة مو من القطع انها ما تعطي احصنتها كاملة المشكلة من الأيدي العاملة

زين انك غيرت نوعيتهم الى ريسنق ولا تلقاهم ذايبات

الا قلي وشلون لفت الـ 600 .. متى يفتح ومتى يسكر ووشلون ادائه في الخط ؟




حرام عليك مغير هيدات والروكرات ماغيرتهن :(

ترى الروكرات تزيد في درجه اللفت للكام .. وهذا بينفعك كثير .. خصوصا انك مركب كام محترم .

صحيح ممكن تطلع اصوات بس بيكون اداء افضل .

وبالنسبه للهيدات ماتدري كم وسع الفالفات للـ Inlet و Exhu وكم cc والانجكترات الى كم غيرتهن ؟

اما موضوع القير انت زودته ؟

السلام عليكم....

الاخ قلق و رجه...

بالنسبه للكام تبعي فارقامه غير معلنه من قبل الشركه يعني انا نفسي شاريه بدون معرفه بارقامه لكن اللي متاكد منه هو ان اللفت فوق ال 610 ......من خلال التجربه ممكن اقول ان الكام يفتح عند ار بي ام 4000....أكثر اللي يستعملون هالكام بأمريكا يحطون كونفيرتر(طنجره) تفتح على ار بي ام 4400 الى 5000.... :knight:

بالنسبه للروس فهي من نوع بيتريوت توفرها الشركه بكذا سي سي....بالنسبه لستيج 2 و اللي هو عندي متوفر ب 59 سي سي(و اللي فيه يصير الكومبريشن 11) بالاضافه الى 64 سي سي (و اللي فيه يصير الكومبريشن بحدود 10.5)...بالنسبه لي انا فعندي ال 64 سي سي خصوصا انه ملائم اكثر لاستخدام الغاز... :banana:

بالنسبه للانتيك و الاكزوست تبع الروس فهو اذا ما خانتني الذاكره 1.57 للانتيك و 2.02 للاكزوست...طبعا في روس كثيره طلعت الحين لمحرك ال ls1 منها DART و لا ننسى AFR اللي ما لها مثيل بنظري...في روس اخرى بس تتساوى من حيث المستوى مع البيتريوت او قد تكون احسن منها بقليل.....اللي مخلي روس البيتريوت رخيصه هو ان الشركه بالاصل تشتري روس ls6 وتسوي لها بورتنج و بولشنج مو مثل بقيه الشركات اللي تصب الروس عندها و تحت اشرافها الخاص و اللي بطبيعه الحال يخلي التكلفه اكبر...

بالنسبه للقير فانا شخصيا لي تجربه سيئه جدا مع ال 4L60E من ايام تعديلي على ال lt1..ممكن السبب يعود الى عدم اصلاحه بشكل جيد لمن اخترب لكن اعيد و ازيد القير هذا طلع عيوني....حتى لمن حطيت له شفت كت و كلجات ريس و مبرد لزيت القير مع مروحه ما وفى معاي....احب اذكر انه شخص معروف بالبحرين عنده كمارو كان جايب قير 4L60E من امريكا معدل من شركه TCI و اسمه ستريت فايتر و بعد ما وفى معاه يعني بالاخير ضرب القير....لذلك انا قررت و بعد عناء طويل التغيير الى قير TH350 و اللي ان كان يستنفذ الكثير من احصنه المكينه الا انه يعتبر قير يمكن الاعتماد عليه.. :banana:

ما اقول انه ال4L60E فاشل بالمره خصوصا اني شهدت على قير استحمل مع تعديل قوي(كام+روس+غاز 150)....طبعا القير ضرب بالنهايه لكن بعد ما قدم الكثير لصاحبه....يعني نقدر نقول انه القير وفى و كفى مع صاحبه...لكن انا انسان ابغى انسى وجع الراس خصوصا من القير..

جير ال4L60 يتحمل بس يبي له شوية اهتمام..في استراليا مو مقصرين وياه ومرتاحين به :knight:



اذا عندك نية جير عادي يتحمل فوق ال600 حصان في جيور T56 باقل من 11 الف


تحصلهم هنا ويا شغلات تعجبك

http://www.capa.com.au/news.htm






هذا فيه جيور معدله وقطع تعديل رخيصه اوتو


http://www.keas.com.au/



:p

مشكورين على الردود

السلام عليكم....

الاخ قلق و رجه...

بالنسبه لي افضل القير الاوتوماتيك على العادي...يمكن كلامي ما يعجب الكثيرين بس صدقني لمن يكون عندك ريشيو الدفرنش 4.10 و الار بي ام طياااااره يعني سريع راح تفضل القير الاوتو لانه اريح و افضل بالشيفتنج...بعدين انا برفع ار بي ام الى حوالي 4900 و الثاني ابدل على 7000 او 6800 هنا الاوتو بيوفر علي احسن من العادي يمكن عشق و يمكن لا

بالنسبه للدفرنش فمثل ما ذكرت لك انا مريح عمري طلبت دفرنش من امريكا فل سبول(يعني 24 ساعه التواير ورا يدورون بنفس السرعه حتى على المنعطفات) هالشي طبعا يخلي استعماله داخل المدينه و عند المنعطفات مزعج....بس منو قال اني ناوي استعمله بشكل يومي

بالنسبه للهيدات فللاسف ما عندي خلفيه عن الاحصنه اللي وفرتها لي لاني ركبت كل شي مره وحده...بس نصيحه اذا بتركب هيدات شوف لك نوع ثاني غير البيتريوت..صحيح سعرها مغري بس ما راح تنفعك بالمستقبل اذا بغيت توصل لمستويات اعلى و افضل