العودة سوالف للجميع > سوالف رياضه وسيارات > ســـوالف الــسيارات > شي طيب للكوري . . . هل موجود في باقي الشركات؟
المشاركة في الموضوع
cruiser2000 cruiser2000 غير متصل    
مراسل سوالف من العين الامارات العربية المتحدة - مدينة العين  
المشاركات: 3,859
#1  
شي طيب للكوري . . . هل موجود في باقي الشركات؟
السلام عليكم ورحمة الله وبركاته

سيارتي كملت 60 ألف


واخر مرة شيكت مع الوكالة 45 ألف


طيب وقت ال 60 ألف في شي اسمه حزام التوقيت او Timing belt اللي يكون له غطاء معدني

لكل محرك


وانتوا عارفين قيمة هالحزام ان راح راحت المكينة وياه

سؤالي بالأحمر بس اقروا القصة قبل عشان تستوعبون السؤال


=============================================

الحمدلله رب العالمين

الله وفقني وحصلت جراج اختصاص كوري بالذات

وله خبرة في الياباني والامريكي والالماني شوي " يعني نسبيا عالمياً "


الزين قالي ان التامينج بلت يكون له اكثر من قطعة

1- حزام كبير
2- حزام صغير
3- 3 قطع مدورة
4- قطة مستطيلة للتامينج


الزين السعر قالي في الوكالة بيعطونك 1350 مع التركيب "غالي"
وانا عندي 900 درهم مع التركيب

بس لازم كل كراج لبد انه ينصب مهما كان

قبل فترة اتصلت عليه وسيارتي كانت ماشية 59580 كلم

قالي حرام عليك لاتمشيها اكثر هاتها وبنغير لك الحزام

سألته عن انواع الاحزمة حسب ما خبرني

قالي في نوع تغيره اذا سيارتك ماشية 55 ألف
ونوع 60 ألف "أول مرة اسمع عن هذا !!!!!"


رحت لمحل قطع غيار والريال صراحة ما قصر خليت عمري واحد غشيم "اصلا فاهم شي انته "

سألته عن التايمنج بلت

عطاني معلومات قالي انه مهم ومادري شو "لمتابعة باقي المعلومات شيك اول الموضوع "

وسألته عن القطع

عدهن لي مثل ما كتبتهن لكم فوق


وقلت له وبكم هذا كله


حسب ممممممم 420 درهم للقطع كلهن

اناماقلت شي خليت عمري ساكت واطالع الدفتر


رجع وحسب مرة ثانية قالي اخر على شانك 390 درهم

قلت له ياعم حطهن

دفعت له 400 ورجع لي 10 درهم "كم بيرجع يعني؟"

وصللت السيارة وتذكرت اني احتاج فلتر زيت


وكذا كسب المحل 400 درهم


شوفوا الفرق


من 1350 الى 900 الى 400

طيب وديت السيارة الجراج حقنا وعدها ب 300 درهم دفعت له 250 طبعا


كذا المجموع 400 + 250 = 650 درهم "شيكوا الحسابات تراني مب شاطر رياضيات


1350 الى 900 الى 650 درهم شوفوا الفرق









الزبدة الحين

في شي انتبهت له عند محل قطع الغيار

سألني سيارتي 4 أو 6

وعقب ياب لي القطع

قلت له هل السير هذا يصلح لسيارتي

قالي يصلح لاي سيارة هونداي أو كيا 4 سلندر

أشوف ان الكوري تقريبا مستخدم نفس القطع لمحركاته
وهذا يوفر له تكاليف كثيرة لقطع الغيار . . . اوضح اكثر استخدام محركات تعمل بنفس
نوع الحزام والقياس يكون توفيرا كبيرا للمال !!!!

هل حزام التوقيت الالتيما 4 سلندر نفس الصني نفس التيدا ؟ نعم ويمكن لا


==================================
شي ثاني

قلت له هل يوجد فرق في حزام لل 55 ألف او 60 ألف؟

قالي منو قالك هالكلام ماشي حزام 55 ألف و 60 ألف
حزام المكينة نوع واحد فقط

انتوا شورايكم في هالنقطة؟



cruiser2000 غير متصل قديم 25-04-2006 , 07:38 AM    الرد مع إقتباس
Prelude 4 Life Prelude 4 Life غير متصل    
كاتب فعال السعودية - القطيف \ الامارات - الشارقة  
المشاركات: 1,167
#2  

بصراحة انت غلطان تركب سير تايمنغ في محل غير الوكالة

اذا كان نوعية تعبانة وانقطع عليك عاد الله يعينك :sss:

Prelude 4 Life غير متصل قديم 25-04-2006 , 09:10 AM    الرد مع إقتباس
نديم الطيف نديم الطيف غير متصل    
عضو نشيط الرياض  
المشاركات: 498
#3  

==================================
شي ثاني

قلت له هل يوجد فرق في حزام لل 55 ألف او 60 ألف؟

8
8
8
8
8

وش قصدك بالسؤال لايكون تقصد انه فيه حزام للسيارة وهي ماشية 55 الف ونوع ثاني اذا مشت 60 الف :blink: :blink: :blink: شلون تجي هذي :blink: قطع السيارة نفسها ماتتغير ياخوي

تخيل لو السيارة كل ماتمشي تركب لها قطع غير تروح المحل تقول ابي القطعة الفلانية بدل مايقول لك كم موديل السيارة يقولك كم ماشية السيارة


بعدين شلون قطع الكوري تركب على بعض؟؟ لو فرضنا كذا انه المقاسات نفسها وتجي شركة منافسة مالها خص بصناعة السيارات وتصنع قطع كوري...بالحالة هذي الوكالة تبيع لمن قطع الغيار الي بالوكالة من ياخذها؟؟

نديم الطيف غير متصل قديم 25-04-2006 , 09:50 AM    الرد مع إقتباس
R32 HPA R32 HPA غير متصل    
عضو فائق النشاط السعودية جدة  
المشاركات: 1,327
#4  

انا اللي اعرفه سير التايمن يتغير من 80000 الى 100000كلم على حسب السيارة انت ليه مستعجل عليه

R32 HPA غير متصل قديم 25-04-2006 , 10:06 AM    الرد مع إقتباس
cruiser2000 cruiser2000 غير متصل    
مراسل سوالف من العين الامارات العربية المتحدة - مدينة العين  
المشاركات: 3,859
#5  

Prelude 4 Life

جميعاً ان شاء الله

اخوي من ناحية شغل الوكالة انا ما اظمن شغلهم وبدل لا يكون عليهم بيقلبوها باي طريقة ويخلونها عليك
معروف شغلهم وانا مجرب بنفسي اكثر من وكالة مش وكالة وحدة

وبالنسبة لتبديل الوكالة انا اعرف ان الميكانيكيين في الوكالة فاهمين الشغلة والسيارة عدل

لكن اذا انت حصلت جراج فاهم هالشغلات ماشي داعي تروح للوكالة

ياكلونك أكل



نديم الطيف

انا خبرته نوع السيارة وماركتها وموديلها

وبالنسبة للسؤال انا كنت اريد اتأكد من كلام راعي الجراج
لاني بنفسي مستغرب

55 ألف نوع
60 ألف نوع آخر !!!!!!!


R32 HPA

انا شفت 3 محركات رايحات والسبة التايمنج بلت
وبروحه راعي الجراج قالي ان التايمنج بلت انقطع عليهم على ال 58 ألف


بس الضمان أكيد ما راح

وانا خفت ان ينقطع عليه السير لان وقتها كان عليه خط لازم اروحله

وقلت لا سمح الله انقطع وهي ماشية 60 ألف بتبهدل


وعقب الوكالة بتقول والله كملت فوق ال60 الضمان خلص !!!!!


شو اسوي بعدين؟

cruiser2000 غير متصل قديم 25-04-2006 , 11:36 AM    الرد مع إقتباس
Porsche GT2 Porsche GT2 غير متصل    
عضو نشيط جدا الريـــاض  
المشاركات: 472
#6  

شويه 60 ألف على الـ Timing Belt

تحصل مكتوب في كتيب الصيانة متى يتغير

أنا سيارتي ميتسوبيشي جالنت مكتوب في الكتيب يتغير كل 100 ألف لكن غيرته أول مرة الأسبوع الماضي

بعد 238 ألف ( موديل 98 ) لأني بصراحة خفت ينقطع ويعدم المكينة

Porsche GT2 غير متصل قديم 25-04-2006 , 11:57 AM    الرد مع إقتباس
الارهابي الارهابي غير متصل    
كاتب فعال جداً  
المشاركات: 1,915
#7  

حسب كلام دفتر الصيانه
سير التايمنق لمحرك الليون 1.8 تيربو
المفروض يتغير كل 100 او 120 ميل ( التردد مني )
و الوكاله تقول تغيره كل 60 الف كيلو

الارهابي غير متصل قديم 25-04-2006 , 12:14 PM    الرد مع إقتباس
sayedco sayedco غير متصل    
مبدع متميز جداً جزيرة البحرين  
المشاركات: 4,649
#8  

آنا أظن "أظن" إن محركات الكيا و الهونداي ال4 سلندر كلهم لهم نفس الحزام لانه الفرق في سعة المحرك و تصميمه كلهم تقريباً متشابهين

بس زين و الله السعر ، بس أهم شي تضبيط التوقيت يكون عارف له راعي الكراج و إنت قلت إنه متخصص كوري يعني إن شاء الله مضبوط

sayedco غير متصل قديم 25-04-2006 , 12:16 PM    الرد مع إقتباس
HaKeM HaKeM غير متصل    
كاتب فعال مكه المكرمه  
المشاركات: 1,214
#9  

سير التايمنق يتغير كل 100 ألف

مدير الصيانة في عبداللطيف قالي السير يمشي لين 120 ألف

غيرت سير التايمنق والبكرات والسيور تقريباً 1300 ريال مع شغل اليد في الشركة

سيارتي افالون 2003

60 ألف مره بدري على سير التايمنق ومافي شي اسمه قطعة سيارة تركب على الثانية وخاصة انها من شركة ثانية

HaKeM غير متصل قديم 25-04-2006 , 01:29 PM    الرد مع إقتباس
Prelude 4 Life Prelude 4 Life غير متصل    
كاتب فعال السعودية - القطيف \ الامارات - الشارقة  
المشاركات: 1,167
#10  

إقتباس:
المشاركة الأصلية بواسطة cruiser2000
Prelude 4 Life

جميعاً ان شاء الله

اخوي من ناحية شغل الوكالة انا ما اظمن شغلهم وبدل لا يكون عليهم بيقلبوها باي طريقة ويخلونها عليك
معروف شغلهم وانا مجرب بنفسي اكثر من وكالة مش وكالة وحدة

وبالنسبة لتبديل الوكالة انا اعرف ان الميكانيكيين في الوكالة فاهمين الشغلة والسيارة عدل

لكن اذا انت حصلت جراج فاهم هالشغلات ماشي داعي تروح للوكالة

ياكلونك أكل





طيب اخوي كروزر لو انت شاري القطع من الوكالة افضل

لأن التجاري حتى لو ظل معاك راح يتعبك لأنه يرخي وكل فترة يبي له شد

Prelude 4 Life غير متصل قديم 25-04-2006 , 01:49 PM    الرد مع إقتباس
GT 02 GT 02 غير متصل    
عضو نشيط جدا Dammam City  
المشاركات: 245
#11  

الارهابي
لا تتهور وتمشي أكثر من 60 الف
عندنا باسات 1.8 وماغيرنا البلت الى ان انقطع على ال90000 وراحت المكينة

GT 02 غير متصل قديم 25-04-2006 , 02:17 PM    الرد مع إقتباس
silver silver غير متصل    
كاتب فعال جدا KSA - RT  
المشاركات: 2,048
#12  

سيارتك أوبتما ؟
كم سعة المحرك بالسنتيمتر المكعب ؟ 1997 cc ؟
إذا كانت سعتها 1997 cc ... فالمكينة على الأغلب تكون 4G63 ...
نفس المكينة جات على السوناتا من 92 - 2004 (سعة 2.0) ... وعلى المتسوبيشي جلنت ... واظن على الكرايسلر نيون من الموديلات القديمة ... وعلى الكيا اوبتما

كيا + هيونداي + متسوبيشي + كرايسلر ... يستخدمون نفس المكاين في بعض السيارة ... علشان كذا تلقى البعض من أصحاب المتسوبيشي ياخذون بعض قطع غيار سياراتهم من وكلاء غيار هيونداي ... لأنه تكون أرخص لهم

بالنسبة للسير التايمن فأنا أغيره كل 60 الف تقريباً ... يعني الحين غيرته مرتين (ماشية 136 الف)..

silver غير متصل قديم 25-04-2006 , 02:55 PM    الرد مع إقتباس
Genius Genius غير متصل    
عضو نشيط جدا الـــــــــــريـــــــــــاض  
المشاركات: 728
#13  

إقتباس:
المشاركة الأصلية بواسطة HaKeM
سير التايمنق يتغير كل 100 ألف

مدير الصيانة في عبداللطيف قالي السير يمشي لين 120 ألف

غيرت سير التايمنق والبكرات والسيور تقريباً 1300 ريال مع شغل اليد في الشركة

سيارتي افالون 2003

60 ألف مره بدري على سير التايمنق ومافي شي اسمه قطعة سيارة تركب على الثانية وخاصة انها من شركة ثانية


غريبة :blink:
أنا غيرته على حسب ما هو مكتوب في الكاتلوج عند 150 ألف
وقالي يكلفك تحت الألف تقريبا مع القطع
بس بعد ما غيروه قالي أنه كلف فوق 700 بس بالضبط نسيت
والحين ماشي 216 ألف ولله الحمد وسيارتي أفالون 2001

Genius غير متصل قديم 25-04-2006 , 03:54 PM    الرد مع إقتباس
bashar_255 bashar_255 غير متصل    
مبدع متميز جداً القطيف  
المشاركات: 4,106
#14  

شركة كيا و هيونداي مملوكة لمتسوبيشي و محركاتهم متشابهة

اذا على ذي تقول توفير اسمع ذي عجل

القازقيتات و سير التيمن لمحركات فورد 289 و 302 و 351 من بداية السبعينات الى سنة 95 واحد و أغلبية أغلبية أغراضهم يركبو على بعض :eek:

و فيه شي مشابه لشفر بعد

أعيد طرح السؤال بطريقة أخرى

شي طيب للأمريكي . . . هل موجود في باقي الشركات؟

bashar_255 غير متصل قديم 26-04-2006 , 12:29 AM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.