السلام عليكم ورحمة الله وبركاته
مساكم الله بالخير جميعاً..
اخوكم نواف صمم انه يشتري هوندا أكورد وخلاص مصصم الا الله بشتريها لكن قدر الله وقالوا خلصت 2004 وننتظر 2005 وقلت طيب...
وفجأة شفت اعلانات سيارة كيا سيراتو 2005 وانها حاصلة على 5 نجوم في السلامة وتقليل الضوضاء والقساوة ...
مع العلم ان سيارتي اللي معي هي كيا ريو 2001م طبعا بعتها قبل اسبوع بـ 12000
السيارة كانت ممتازة واقتصادية جدا وعمرها ما وقفت علي أو عطلتني ( لها عندي 3 سنوات وثمانية شهور)...
يعني اخسرك من اللي يقولك الكيا تعبانة وتخرب ... والله اني كرفتها كرف الحمير الله يكرمكم ولمن بعتها ماصدقوا ان لها أكثر من ثلاث سنوات من نظافتها ...
المهم خلينا في الموضوع ...
بعد التفكير العميق قررت اني اروح اشوف السيراتو ...
ولمن رحت شفت نوعين منها ....
نوع مواصفات عادية ونوع فل كامل بدون فتحة سقف...
العادية تقريباً بـ 33 ألف أو 34..
الفل كامل( وهذي اللي أنا أخذتها ) هذي مواصفاتها ...
4 سلندر بقوة 105 حصان 1600 سي سي..
1- جناح خلفي
2- كشافات
3- جنوط وكفرات رياصية مقاس 16
4- طبعا الاريال كهرباء وقزاز كهرباء ومرايا كهرباء بلون السيارة.
5- مقعدة السائق بنظام البستم يعني طلوع ونزول زي العفريتة
6- لمبتين سقف ودرج نظارة بالاضافة الى لمبة السقف العادية
7- نظام قفل انوار الشمعات وحتى أنوار الطبلون في حالة نسيانه وسحب المفتاح من السويتش.
8-مقدة خلفية مع درجين خلفية للشاي والطفاية.
9- امكانية سحب زر في شنطة السيارة يمكن من طي المقاعد وتكبير مساحة شنطة السيارة.
10-سي دي ورموت كنترول ( حسب الطلب وتركيبه في نفس الشركة ).
11- 6 وسادات هوائية ( قياسية) .
وهذي أخذتها مع السي دي نوع (JVC) والريموت كنترول بـ 42000ريال
طبعا وبعد ماشفت هذي المواصفات وغير منظر السيارة الجذاب قررت واشتريت السيارة تقريبا قبل اسبوع ...
والآن ماشية 1200كيلوا..
والفرق بينها وبين الريو واضح جدا من جيث الرساوة والفخامة في السواقة ...
بالمختصر المفيد ... ورأي الشخصي الكيا والسيارات الكوررية لهذا متعة خاصة في سواقتها ...
وسلامتكم ...
والله يعين شركة هوندا
عرض نسخة للطّباعة |
ارسل هذه الصفحة لصديق]
