العودة سوالف للجميع > سـوالـف الجمـيــــــــع > ســـوالف الأصــدقـاء العامـــة > لحقوووووووووا .. بنتي كتبت قصة
المشاركة في الموضوع
زهرة الكركديه زهرة الكركديه غير متصل    
مشرفة سوالف الاصدقاء `•.¸¸.•¯`••._.• أفتــــــــــــــخر بالإمارات`•.¸¸.•¯`••._.•  
المشاركات: 4,761
#1  
لحقوووووووووا .. بنتي كتبت قصة

القصة باللهجة الإماراتية ( بالعامية)

يت البنت وقالتلي أمي قيمي لي القصة..
بصراحة استغربت لنها أول مرة تكتب قصة ...

بالنسبة لعمرها القصة جيدة .. وطريفة...ممممممم بغض النظر عن محتواها....


اللي باللون الوردي تعليقاتي بين ثنايا قصتها


عنوان القصة
ضاوية ويدتها

سيناريو وتأليف :UAE

بداية القصة



أنا ضاوية عمري سبعة عشر أعيش في حي اسمه ...... ياربي شو .. نسيت!
بس ما عليه.. استنوا شوي..( يعني اصبراو .. ونا صابرة معاكم)

..........مممممممممممممممم

اسمه.. بس لا تضحكون أوكيه.. اسمه ( ظروف ) بس ما أدري ليش اسمه جي..!

سألت وايد ناس عن هذا الإسم لمعفن بس ما يعطوني سالفة ... وبصراحة هم أهلي ,, لو تصدقون يوم أسألهم يقولون ( قومي من هنيه .. إنتي بعد رزة ) ..يالله بنمشيها...أوكيه بنكمل أعرفكم وايد متحمسين .. شكرا يا جمهور,, انزين ..

أنا في الحادي عشر الأدبي..أسير المدرسة الوناسة طبعا..هي هذا مب اسمها طبعا.. بس أنا مخترعة الإسم لأني أستانس فيها مع رفيجاتي..أما إسمها الأصلي فهو مدرسة خولة ..

للتعليم الثانوي ( فقططططططططططططططط)

أنا أعيش في بيت يدتي لأن أبوي وأمي من يوم يومهم ضرابة .. ( لا حول ولا قوة إلا بالله ) شو أسويي أمي مطرشتني هناك أونه عاد تخافني أتعقد..
( وحليلها ) بس يلا بنمشيها ..

يدتي بعد ما تعطي حد سالفة..يالسة أنا ويا خوالي أستهبل عليهم..بس تعرفون شو يسوون .. يقولون لي .. قومي من هنيه ( رزة ردي بيت أمج يا بنت أبوج..وعاد أطول لساني عليهم:
( الله يسامحكم دنيا وآخرة ) بس يالله بعد بنمشيها..( كله بتمشيه البنت )

كان لي اليوم الأول في المدرسة واللي تعرفونه طبعا قبل ليلة المدرسة بخبركم شو استوى ..
راقدة في أحلام اليقظة ( كيف تي هاي ..! )

وأنا نايمة حلمت إن المديرة ترشخني.. يعني تضربني ونا مفتضحة أول يوم..
يالله بالستر..ومرة وحدة تقوم يدتي تكب علي ماي بارد.. وبروحه أصلا الجو بارد.. واقعد أصرخ من ساعة ... ( طوفوا طوفوا الله يخليكم .....

أونه شو تقول يدووووه..:

_ قومي صلي.. شو مرقدنج لين الساعة ( 4 ) قومي يلا تلبسي, وترتبي ,وتريقي , وروحي المدرسة يلا قومي بسرعة...

ضاوية:
_ يدوووه دخيلج ,, دخيلج..مابا أسير اليوم .. دخيلج والله تعبانة....

يدووه:
_ لا والله ,, من أولها ما تبين تسيرين ..قومي يالله,, أعرف ليش ما تبين تسيرين ,, سهرانة أمس على فلم هندي..شفتج.. بس قلت ما عليه ..آخر يوم لها اليوم ,, بعد حرام..( لا تعلييييييييييييق
ضاوية:
_يدووووووووووووه إنتي شو دراج بعد بالأفلام الهندية .. ؟ إعترفي يلا اعترفي أونج..

يدووه:
_ جب يلا .. قومي وروحي المدرسة يبتي لي المرض....

ضاوية :
_ ما عليه.. ما بقول شي بس بقول حق أخوالي الخمسة .. خاصة المطوع خالي ( ...... ) عنج .. علشان ينصحج ما أبيج تضيعين يدوه.. انتي وايد غالية علي ... بسير ألبس جهزي فطوري يدووووووه..

يدوه في نفسها:
_اهب.. هاي هي بنت.. أخاف تخبر علي.. كنت أشوف وياها زين ما شافتني يا ويلي من عيالي لازم أردها بيت أمها..مب ناقصتنها.. هب هب منها.. بسير اسويي الريوق بعد..

وبعد فترة يت الساعة 7

اليدة تسأل:
_ وينها عبدالله ( أحد عيال اليدة يعني خال ضاوية ) قوم... قوم طالع ضاوية وينها موعتنها من الساعة (4 ) شوفها لين أحينه ما طلعت..... أخاف ماتت.. يا ويلي من ربي .. قووم ولا أخبرك .. إيلس أنا بقوم.. وتقوم اليدة تركض.. ومرة وحدة ( طرررررراااااااااااااااااخخخخ ) تنزلق على السيراميك من الماي اللي عليه ..واللي هو أصلا الندى..! مجال التعليق مفتوح يا جماعة......

وتدخل وهي تصيح وتقول:
_ ضاوية بنتي وينج.. ولا ضاوية توها قايمة من الرقاد..ولعيال بيموتون من الضحك من وراها..!

وتقول ضاوية :
_ يدتي .. خشمج بلاه..؟
وتطالع اليدة الخشم واللي فيه دم من طيحة السيراميك..وتقوم اليدة تصارخ مثل الياهل واواواواواواواواوووووووووووووووووو .....

بس ضاوية من زود التعب قامت وقالت حق يدتها وهي تساسرها..عن الفلم الهندي فتسكت اليدة مرة وحدة وتستحي على عمرها من لي مسوتنه...وتبطل صياح..

وهذي هي قصة ضاوية ...أرجو المتابعة في الجزء الثاني..

شكرا لكم
UAE

زهرة الكركديه غير متصل قديم 07-02-2009 , 02:12 AM    الرد مع إقتباس
ندووووي ندووووي غير متصل    
مبدعة الطرائف  
المشاركات: 2,463
#2  

دمها خفيف على أمها


بس شو هالضاويه ذبحت جدتها هالمسكينه

بسم الله عليها حلو انها تحاول شو عرفك يمكن نطلع بنتك كاتبة روايات ولا سييناريو لمسلسلات



بس اعجبتني راقده في احلام اليقظه

يلاا نتريا الجزء الثاني من ضاويه وجدتها

ندووووي غير متصل قديم 07-02-2009 , 12:20 PM    الرد مع إقتباس
احمد كيوت احمد كيوت غير متصل    
كاتب فعال السعوديه //  
المشاركات: 1,434
#3  

ماشاء الله تبارك الله
الله يحفطها لكي يارب وتشوفيها كاتبه لها اسمها يارب
القصه عجبتني اصراحه
تسلمي يا زهره

احمد كيوت غير متصل قديم 08-02-2009 , 01:06 PM    الرد مع إقتباس
FOUZIA FOUZIA غير متصل    
مبدع فائق التميز الجزائر يا حكاية حبى  
المشاركات: 7,692
#4  

اختي زهرة لازم اقراها كم من مرة علشان افهمها
لي عودة

FOUZIA غير متصل قديم 08-02-2009 , 02:36 PM    الرد مع إقتباس
زهرة الكركديه زهرة الكركديه غير متصل    
مشرفة سوالف الاصدقاء `•.¸¸.•¯`••._.• أفتــــــــــــــخر بالإمارات`•.¸¸.•¯`••._.•  
المشاركات: 4,761
#5  

هلا وغلا بندوي...

والله البنت ماخذة وايد من الجو اللي هي عايشة فيه وكاتبة عنه بالسلب وليس الإيجاب

هاي يدتها لو تدري جي قايلة عنها بتروح منها.. بس الحمد لله أماية ما تدش نت...


و ما توقعت إنها تحب تكتب.. تفاجأت لأن من فترة سألني أخوي الطارق فواحد من المواضيع إن كانت الهواية مورثة ولا مكتسبة .. ورديت عليه شرح طويل عريض وضمن الرد كانت جملة إن عيالي ماحد منهم خذ صفاتي....

واليوم البنت تبرهن العكس... لأن أنا وايد أحب أكتب روايات .. وقصص ...


وأتذكر بعد لما كنت انشر في الجريدة اكتب تحت اسم مستعار وهو اسم البنت فيقولي المحرر وهي كانت صغيرة والله.. يقولي ما تخافين البنت تكبر وتطلع كاتبة وتبا اسمها يومها والله ضحكت...


سبحان الله الوقت كيف يمر..... ويثبت إن كل شي جايز وممكن الحدوث....

شكرا لج يا الغالية ...

زهرة الكركديه غير متصل قديم 08-02-2009 , 09:47 PM    الرد مع إقتباس
زهرة الكركديه زهرة الكركديه غير متصل    
مشرفة سوالف الاصدقاء `•.¸¸.•¯`••._.• أفتــــــــــــــخر بالإمارات`•.¸¸.•¯`••._.•  
المشاركات: 4,761
#6  

إقتباس:
المشاركة الأصلية بواسطة احمد كيوت
ماشاء الله تبارك الله
الله يحفطها لكي يارب وتشوفيها كاتبه لها اسمها يارب
القصه عجبتني اصراحه
تسلمي يا زهره




هلا أحمد

تسلم والله... وأتمنى ان شالله انها تطلع متميزة في كل شي تسويه وفي أي مجال تختاره ...

يسلملي حضورك..

زهرة الكركديه غير متصل قديم 08-02-2009 , 09:49 PM    الرد مع إقتباس
زهرة الكركديه زهرة الكركديه غير متصل    
مشرفة سوالف الاصدقاء `•.¸¸.•¯`••._.• أفتــــــــــــــخر بالإمارات`•.¸¸.•¯`••._.•  
المشاركات: 4,761
#7  

إقتباس:
المشاركة الأصلية بواسطة FOUZIA
اختي زهرة لازم اقراها كم من مرة علشان افهمها
لي عودة



إنتي شغلانتك شغلانة يا فوزية.......

شدي حيلج... وأي ترجمة... نحن جاهزين....

زهرة الكركديه غير متصل قديم 08-02-2009 , 09:50 PM    الرد مع إقتباس
FOUZIA FOUZIA غير متصل    
مبدع فائق التميز الجزائر يا حكاية حبى  
المشاركات: 7,692
#8  

شكرا لك زهرة عالقصة تراني فهمت المجمل وعرفت ان الياء هي الجيم و الجيم هي الكاف
وشكرا مرة ثانية بس التعليقات عالقصة لازم اقرأها مرة ثالثة يلا طول بالك علي يا زهرة
ربي يخليج صح الكلمة يا زهرة

FOUZIA غير متصل قديم 08-02-2009 , 10:18 PM    الرد مع إقتباس
زهرة الكركديه زهرة الكركديه غير متصل    
مشرفة سوالف الاصدقاء `•.¸¸.•¯`••._.• أفتــــــــــــــخر بالإمارات`•.¸¸.•¯`••._.•  
المشاركات: 4,761
#9  

صح الكلمة يا حبيبة زهرة

زهرة الكركديه غير متصل قديم 09-02-2009 , 09:29 PM    الرد مع إقتباس
FOUZIA FOUZIA غير متصل    
مبدع فائق التميز الجزائر يا حكاية حبى  
المشاركات: 7,692
#10  

تسلمي يازهرة يا غالية فوزية

FOUZIA غير متصل قديم 09-02-2009 , 09:58 PM    الرد مع إقتباس
مملوحه مملوحه غير متصل    
عضو نشيط جداً k.s.a  
المشاركات: 229
#11  

ياناس عليهــا.. الله يخليها لكمــ..
مستقبل روائيه ان شاء الله

مملوحه غير متصل قديم 11-02-2009 , 07:17 AM    الرد مع إقتباس
زهرة الكركديه زهرة الكركديه غير متصل    
مشرفة سوالف الاصدقاء `•.¸¸.•¯`••._.• أفتــــــــــــــخر بالإمارات`•.¸¸.•¯`••._.•  
المشاركات: 4,761
#12  

إقتباس:
المشاركة الأصلية بواسطة مملوحه
ياناس عليهــا.. الله يخليها لكمــ..
مستقبل روائيه ان شاء الله




دخيلج مب ناقصين ههههههههه

تسلمين يا مملوحة ..

والله من ذوقج.....

زهرة الكركديه غير متصل قديم 11-02-2009 , 11:19 PM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.