هذا يسمونه حكم القوي على الضعيف

يقولك يا مبدعنا الفرزدق كثير الهجاء ولما ما يلقى حد يهجيه يقوم يهجي نفسه

وأنت صرت مثله ... لما ما تلقى حد تعلق عليه تعلق على نفسك

والله يعطيك العافية والراحة في نومك وصحوك

تستاهلون الخير كله والله .. ولو انها متأخره بس العذر والسموحه ( تراني مااحب اكون رسمي )

وننتظر الصور من الفجيره .. بس حرام هالاستغلال ليه يرفعون الاسعار

والله يجعل ايامك كلها فرح وسرور .. وعامره يالامارات

هههههههههههههه .. الله يكرم شانك ويكرم شان المستمعين والمشاهدين كمينا

وانتي ذكيه بالحيل وش دراك ان اهل الخبر كلهم (!)

وابخليهم يمشون على الحجر والصخور والتلال وهم بدون نعل الله يكرمك

ايه لازم اخليهم يعيشون عيشة الاباء والاجداد

وبعدين اخاف من العين يعني ابنشهر في دول الخليج واللي يبي يقلدني واللي يبي يكتب حياتي

اليوميه واطلع في التلفزيون واصور مع ذا وذاك .... يؤ يؤ صعبه بالحيل

لازم افكر في الموضوع اخاف ينقلب جد

ولك بالمثل اختي بشاير الخير ..

اللي بالاحمر : ليه شايفتني جني مثلاً

اللي بالاخضر : الله يعزك ويعز شانك .. بس تراني ماهو بساحر علشان اقلبكم فقمات

الحين امداه تعطل

ههههههههههههههه

يبيلك اذا طلعتي تطلعين بطياره علشان مااحد يكتشفك الا الرادار ياويلك منه

اللي بالاحمر : وانا ادري بس شكلي ابسميها مياه بشاير الغير صالحه للشرب

ومين القوي ومين الضعيف

ههههههههههههه

تراه هو يقلدني بس لازلت في قمة تواضعي

والله يعافيك ويخليك ويطول بعمرك ..

بس هاليومين النوم طار من حجر عيني

وللحين الجو حلو يا مبدعنا

وأخيرا شفنا درجة الحرارة 14 و16 درجة الحمد لله

أما عن صور الفجيرة فما صورت يا مبدعنا لأني كنت شوي متضايقة من سالفة المنتدى إلي قلتها لك ... بس كانت الرحلة حلوة واحنا نتمشى دخلنا في المسيرة لليوم الوطني وبهدلوا سيارتي عدل بالرغوة وقنابل الزينة

وسالفة إنهم يرفعون الأسعار فهذا يعتبرونه موسم وخصوصا إن الجو حلو

الله يجعل بلادنا وجميع بلدان المسلمين أمن وأمان

جذي انت معاي على الخط وتوافقني على كل شئ فكرت فيه

ومسألة التلفزيون والجرايد لا تشيل همهم أنا راح أنسق الموضوع إعلاميا

وإذا مشت السالفة تمام بكلف أشخاص يسون لك موقع على النت

اعتقد يا مبدعنا إلي يقرأ ردودنا راح يقول ما فتحوا شهار إلا لنا

هذا مو سحر مبدعنا هذا يسمونه خفت يد

وبعدين ليش غيرت هويتك ... مرة تقول أنا كبير الجان ومرة تهون ... هذا مو كلام يا مبدعنا احنا ورانا شغل

مو عطل بمعنى الكلمة

تقدر تقول وعكه صحية ألمت به ... ما شاء الله علي إعلامية من يومي

هو الرادار ورانا ورانا

وليش مياه بشاير غير صالحه للشرب ... وله أقولك سقي الزرع بعد فيه الخير والبركة

يقولك وحده اسمها موزة بغت تكتب اسمها على سيارة توزيع المياه ... البلدية ما وافقت لها ... قالت ليش صالحة توافقون لها وأنا لا (مياه صالحة للشرب)

لكل منا نحن البشر نقاط ضعف ونقاط قوة

ولكن شرعا وقانونا وعرفا المرأة والطفل والشيخ الكبير هم الضعفاء

عاد انت شوف بشاير لما تتفلسف ... شو يخلصك

أنا ما أقدر على كل هذا التواضع ... بصراحه وصل حده عندك

تقول النوم طلع من حجر عينك ... ليش يا مبدعنا عسا ما شر

إلا النوم عاد ... النعمه العظيمة والسلطان الذي لايرد له أمر

الله يحلي ايامك .. وصدق الجو هاليومين غائم .. ويوم مطر .. ويوم بارد مره اعتقد تاصل الدرجه الى

9 درجات .. والله يديم نعمه علينا وهذا من فضل ربي ..

اما الشق الثاني من ردك تقدرين تشوفين قسم المشرفين ..

وماعليك من الصور اهم شي انكم تفرجتم وغيرتم جو ..

واللهم امين ..

ايه على الخط السريع لووووووووول

زين تراني كذا افرح اني مااشيل هم اي شي

وانا لاقي احد يشيل هالعنا عني

اللي بالاحمر .. ليه هم لسه ماقالوا

خفة يد يعني عندك هذاك الكبوس مع العصا الصغيره اللي راسها كروم وتضربين على

الكبوس وتطلع حمامه وتكبين الماء ماادي الحليب على الجريده ومايتناثر على الارض

يعني انتي كذا

اللي بالاحمر .. كم مره اقولك اخاف من العين .. طيب تبيني اغير يعني

اقولك هذي مواهب مدفونه والحظيظ اللي يكتشفها

اهااا .. هلأ فهمت

طيب بنادول وتنفك ازمته

ايه نسيت ماشاء الله عليك وبسم الله عليك ماشاء الله تبارك الرحمن ولاحول ولاقوة الا بالله

علشان العين ياوخيك

ايه وراك وراك .. والله شكلك تسرعين على الطبيعه

مااعتقد ينفع للزرع

طيب وليه اسمها موزه ..!!

تبيع خضره مثلاً

الا على طاري هالنكته الزينه ..

يقولك في واحد اسمه صخر ..

نزل مطر وماطلع ذاك اليوم ليش ..!!!؟

خاف يصير طين

عطوه جوه مع الاجواء الماطره الرائعه والطبيعه الخلابه ايه هين

كلام كبير وروعه وثقافه عميقه .. اهنيك عليها ..

وخليها تتفلسف تراني استفيد منها كثير ..

ايه وش دراك

يعني انا انسان مااحب النوم كثير .. تكفيني 5 ساعات باليوم ..

وعلى قل نومي الا اني ماانام الا ساعتين واحس كأنو شي ناقصني وعقلي ماهو بموزون ..

ومشغال واشغال كثيره عكرت علي ..

نسأل الله العفو والعافيه .. ونسأل الله بالفرج القريب ..

صدقت يا مبدعنا الجو روعه

تدري منو مستانس من الجو عندنا ... الأجانب مطيحين في الفنادق الفخمة ومسوين لهم عروض ما تحصل لنا

احنا إذا بغينا ندخل اتلانتس ندفع بالألاف وهم تذاكرهم وإقامتهم وفسحتهم أقل من نص السعر إلي احنا ندفعه

خلاص يا مبدعنا راح أدخل قسم المشرفين وأشوف ... تدري هذا القسم من زمان ما مريت عليه لأنه ما فيه شئ جديد ... وإلي أشوفه محد تم من المشرفين إلا أنا وانت ... الله المستعان

الحمد لله فرحنا وما نغص علينا إلا كسر إيد ولد اختي محمد الصغير فديته ... كان يلعب على الكورنيش وما أدري كيف طاح على ايده اليسار وللحين ملفوفه بالجبس الله يعافية ... قدر الله وما شاء فعل

أثاري الكسل يجري في دمك يا مبدعنا

بس ولا يهمك أنا مديرة أعمالك ومن واجبي أضبطك إعلاميا وأرسم خطتك المستقبلية

ليه هم لسه ماقالوا ... أقول يمكن ما يعرفون أدق تفاصيل حياتنا ... ومن ضمنها قوانا العقلية