العودة سوالف للجميع > سوالف شخصيه وثقافيه ادبيه > سوالف الأدب والثقافة > قصيدة متوهق بتوثيق عروق النسابة‏
المشاركة في الموضوع
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#1  
قصيدة متوهق بتوثيق عروق النسابة‏
السلام عيكم ورحمة الله

قصيده اعجبتني انقلها لكم على امل ان تحوز على رضاكم

سبحان من يرزق بتوع الملاييـن

الرازق اللي ما يخيب الرجـا بـه

لي عم عنده معـرضٍ للصواليـن

أموت واعرف بس من وين جابـه

وإذا سألته قـال بعـت الدكاكيـن

ما يدري إني ما هضمت الإجابـة

الشاهد إني رحت له قبـل يوميـن

في قصره العامـر ودقيـت بابـه

قال ارحب ارحب عدّ ورد البساتين

يا مرحبا باللـي لفـا يـا هلابـه

قلت البقا عـدّ النفـل والرياحيـن

يا شيخ شمل اهل الكرم والذرابـه

قال اسلم الله يحفظك لي من العين

وآمر أوامر حضرتـك مستجابـه

قلت الصراحة طالبٍ قرب غاليـن

ودي تزوجنـي كريمتـك يـابـه

ثنّى وقال اهليـن والله وسهليـن

والكون ترخص لجل عينك رقابـه

لكن ترى عندي شروط وقوانيـن

قلت اشرط اشرط يا حبيب الغلابـه

قال أولاً مهر العروسـة ثمانيـن

غير الرسوم وغير حق العصابـه

والثانية عمك يبي منـك سبعيـن

رسم الأبـوّة والنسـب والقرابـه

وام العروسة حقها منـك ستيـن

عشانها ست الحسـن والمهابـه

واخوانها كلن يبي منـك خمسيـن

عداً ونقـداً تنـدرج فـي حسابـه

وخواتها الخمس اعطهن من ثلاثين

عشان تتوثـق عـروق النسابـه

وتجيب طقم عيار واحد وعشريـن

وخاتم من الماس المصفى ترابـه

واكياس متروسة كعوب وفساتيـن

ألوانهـا واشكالهـا مـا تشابـه

وموتر بسواقـه وفيـلا بدوريـن

أثاثهـا مـن بطرتـه ينحكـابـه

واحجز لنا قاعة بقصر السلاطيـن

واحجز بهـا رقاصتيـن وربابـه

وامنع دخول اهل اللحى والبزارين

واعزم أميـر المنطقـة بالنيابـه

هذي الشروط اللي على بالي الحين

وذكرني اللي ما حسبنـا حسابـه

قلت اذكر الله يا عـدو المساكيـن

واستغفـره لا يبتلـيـك بعـذابـه

الظاهر إنك منت عارف أنا ميـن

أنا لو ارقا فـوق متـن السحابـه

ما جبت حتى نص درزن مواعيـن

واضحك بكيفك واعتبرهـا دعابـه

شروطكم هذي شـروط المجانيـن

شروطكم شغـل ابتـزاز ونهابـه

شروطكم تقصم ظهـور البعاريـن

شروطكـم همّـن وغـم وكآبـه

شروطكم والله سيوف وسكاكيـن

تذبح بنات المجتمع مـع شبابـه

وين الرضا والعطف واليسر واللين

اللي ذكرهـا الله بمحكـم كتابـه

وين الصفات اللي أمرنا بها الديـن

وين اختفى نهج النبي والصحابـه

يا عم جعل اللي خلقنا من الطيـن

يرد عقلك مـن خطـاه لصوابـه

ويجعل نصيبي عند غيرك قل آمين

ويحسن عزا الصابر ويجزل ثوابه

قال انت لو فكرت تفكير صاحيـن

ما شفت في مجمل شروطي غرابه

حنا بعصـر العولمـة والمزاييـن

ماهوب عصر الفلسفة والخطابـه

الناس تسعى للرتـب والنياشيـن

وانت اهتمامك بالشعـر والكتابـه

والشعر ما ينفعك لو هو دواويـن

ما دام جيبك مثـل بيـت الخرابـه

يا بوك لا تسمع كلام المصاخيـن

واسأل مجرب عاش في وسط غابه

قلت الله اكبر يا محـرر فلسطيـن

من يسمعك يحسبك ذيـب الذيابـه

تراك شايب راس مالـك رياليـن

والبنت ما تسوى جنـاح الذبابـه

قال انقلع مالت على وجهك الشين

لا عاد اشوفـك عندنـا يالزلابـه

قلت ابشر ابشر لكن الباب من وين

واقفيت من عنده على صوت بابـه
---------------------------------
ولااعرف من كاتبها ولكم خالص حبي وتقديري

تحياتي محمد الهاجري

ابداع2004 غير متصل قديم 11-03-2008 , 03:38 AM    الرد مع إقتباس
الضبع الضبع غير متصل    
مشرف المسابقات والتصوير ۩ السعـوديـــــة ۩  
المشاركات: 4,206
#2  

هههههههههه
والله حلوه
شكراً أخوي محمد على النقل وعلى هالقصيده الحلوه مره.

الضبع غير متصل قديم 12-03-2008 , 12:00 PM    الرد مع إقتباس
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#3  

العفو حبيبي قلبي ومرورك هو الاحلى يطول لي بعمرك

ابداع2004 غير متصل قديم 12-03-2008 , 03:02 PM    الرد مع إقتباس
روزي روزي غير متصل    
مبدع # كريمـــة الأصـــل نشميـــه #  
المشاركات: 2,654
#4  

ههههه

بس وش ذي الشروط ..

ثانكس إبداعوهـ عالنقل ..


كنت هنــــا ..


روزي

روزي غير متصل قديم 23-05-2008 , 01:41 AM    الرد مع إقتباس
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#5  

العفو روزي .. وتعرفين هالزمن ومشاكله .. سررت بمروركِ ولاخلا ولاعدم..

تحياتي محمد الهاجري

ابداع2004 غير متصل قديم 23-05-2008 , 08:42 AM    الرد مع إقتباس
ندووووي ندووووي غير متصل    
مبدعة الطرائف  
المشاركات: 2,463
#6  

واوووووووو خااتيره

مسكين قلبه مفقووع

مشكور أخوي ابداع

ندووووي غير متصل قديم 28-05-2008 , 02:55 AM    الرد مع إقتباس
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#7  

العفو اختي ندووووي وكم سعدت بوجودكِ الكريم

تحياتي محمد الهاجري

ابداع2004 غير متصل قديم 28-05-2008 , 09:39 AM    الرد مع إقتباس
بشاير بشاير غير متصل    
مراقبة سوالف الاصدقاء قلب زايد  
المشاركات: 7,838
#8  

وعليكم السلام ورحمة الله وبركاته

قصيدة حلوة وتلامس الواقع المعاش

مسكين هذا المعرس يبي له ميزانية دولة علشان يتزوج

الله يعطيك العافية أخي إبداع ويبارك لنا فيك

بشاير غير متصل قديم 30-07-2008 , 11:50 AM    الرد مع إقتباس
ابداع2004 ابداع2004 غير متصل    
مشرف سوالف السيارات ¨°o.O ( دار بو متعب ) O.o°¨  
المشاركات: 12,246
#9  

ياهلا ومرحبا بالغاليه اختي ومعلمتي بشاير الخير .. اسفرت وانورت ..

والله انكِ صادقه وهذا حال المتوهقين .. وهذا الواقع كما اسلفتي ..

الله يسعدكِ دنيا واخره ويعافيكِ ويخليكِ لعين ترجيكِ

ابداع2004 غير متصل قديم 30-07-2008 , 03:58 PM    الرد مع إقتباس
المشاركة في الموضوع


[عرض نسخة للطّباعة عرض نسخة للطّباعة | ارسل هذه الصفحة لصديق ارسل هذه الصفحة لصديق]

الانتقال السريع
   قوانين المشاركة :
لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود في بي vB متاح الإبتسامات متاح كود [IMG] متاح كود HTML متاح



لمراسلتنا - شبكة سوالف - الأرشيف

Powered by: vBulletin
Copyright © Jelsoft Enterprises Limited 2000.