اللي بالاحمر .. وطي صوتك وستري علي لأحد يبلشني ويبي صوره تذكاريه وانا ماني بفاضي

اللي بالاخضر .. طيب مافيه واسطه دبريها منا ولا منا

اهااااا

اهم شي انك تفتحين عينك ومخك في وقت واحد << قول قسم

ايه تعرفين الملاحظه مطلوبه هاليومين علشان ماتزرف كلمه منا ولا منا الا بين يدي الكريمتين

يعني نقدر نقول المدقق الاملائي واللغوي بس على غفله

ولا احد راح يسبقني دام راسي يشم الهواء <<< وش دخل ذا في ذا " الله اعلم "

بس مين هذا الكسولين وش يقرب لـ الكوليسترول

اللي بالاحمر .. انا انسان مجتهد بس بالاعاده

لأ ماابي اي تسهيلات منك .. طريقنا كله تساهيل ياوخيك لاحظي طريقنا يعني انا وانتي

ماهو بوحدي اروح لشهار انا وانتي وفوزيه وحظي الردي لوووووووووووووووووووول

اللي بالاحمر .. ول وليه وش اللي قلته انا

مساء النور والسرور يالله انتحييها وتبقيها واسفرت وانورت واستهلت وامطرت ..

الا على طاري المطر في الامارات مطر هاليومين ماشاء الله تبارك الرحمن .. الله يزيد ويبارك ويعم

بها البلاد والعباد .. وجعلها سقيا رحمه اللهم امين ..

مساء الورد يا الغالية

هو علشان تكون مصري يبي معادلة وجمع وطرح يا مبدعنا

عن اللهجة نتكلم مصري وانت شاطر في اللهجة المصرية

أما عن الشكل فاعتقد في مصريين محترقين مثلنا ... مو كلهم بيض

صحيح جملتك متعوب عليها يا مبدعنا

لكني مو وياك في أن المضاد الحيوي يخلي الواحد يصحصح

المضاد الحيوي يضعف مناعة الجسم ويكسرها

الأمراض وخصوصا إلي يكتبون لها مضاد حيوي ما هي إلا فيروسات متعددة الأنواع

يقولك للحين ما عرفوا لها نوع واحد ... يعني كل مره لها شكل وقوة مختلفة

والله سبحانه خالق هذه الفيروسات أعلم بإمكانية أجسامنا لمقاومتها

فالفيروس لما يغزو الجسم هناك قوة مضادة داخل اجسامنا تقضي عليه فنزداد قوة لأن مضادات أجسامنا مثل ما تقول اكتسبت خبرة

لكن لما نستعين بالمضاد الحيوي راح نضل ضعاف ونحتاج إلى من يساعدنا على أي فيروس يغزونا

ما أدري يا مبدعنا إذا قدرت أوصل لك الفكرة وله إني فشلت في توصيلها

الله يكتب لك العافية ويمتعك فيها ما حييت

روعة يا مبدعنا ... صراحه ردك روعه

وليش مو فاضي أنا راح أرتب جدولك ... مو أنا مديرة أعمالك

أقول قوم وجهز سطل الجل علشان نرتب شعرك ونهندسه وتصير زي اللوز

ولاتنسى العدسات وصبغة الشعر ولو تحط شوي بودر على وجهك علشان الصورة تطلع ناصعة البياض

مو تاخذ بودر بيبي جونسن وتفشلنا خذ بودره من باريس جاليري

والله يهديك كل شئ تبي يمشي بالواسطة ... أنا ما راح أدبرك دبر عمرك ولا توهقنا

انت تؤمر يا سعادة البيه ... والله يحفظ لنا يديك الكريمتين

ولا يهمك راح افتح عيني ومخي وكل حواسي للملاحظه ومتابعة كل جديد لغوي لديك

ولا احد راح يسبقني دام راسي يشم الهواء ... إلي يسمعك يقول سابقهم بشئ زين ... كل السالفة كسل ورباده

انا وانتي وفوزيه وحظي الردي لوووووووووووووووووووول ... حتى حظك الردي بيروح ويانا !!!

ول وليه وش اللي قلته انا ... تقول شو قلت ... ما قلت راح اتوعد فيك وبهرسك طق ... كل هذا وما قلت شئ!!!!

هههههههههه خلاص اجمعي واطرحي على كيفك وفصلي وحنا نلبس طال عمرك

بس ليه نتخذ من الخليجيين انهم محترقين

ترا اغلبهم بيض وشحلوهم بعد

عاد انا ميح في الادويه ومالي فيها ومنكم نستفيد الله يبارك لنا فيك ..

وسبق وقلت لك انتي ساس المنتدى والعلم اللي انا شخصياً افتخر فيه واشيد عليك ..

والله يعطيك العافيه يالغاليه على هالمعلومات الوافره ..

الله يخليك بلاش تخليني اتكسف <<< نط العرق عنده

طيب خلاص قولي للي يجيني ماني بفاضي هالاسبوع وعطيه موعد بعد سنه

وتليفوناتي بعد صرفيها الله يصلحك ويخليك

ليه سطل جل ترا شعري ناعم ومايحتاج لأي جل ولا كريم ولا شامبو بعد وريحته عنبر ومنه وفيه

ويقول احد الرواه عن شعري اذا بغيت تتبخر خذ خصله من شعر محمد وتبخر به تراه زين

وبعدين ماابي اصير زي اللوز اخاف يكلوني

والعيون زرق خلقه والشعر لونه احمر ميتالك

ووجهي ابيض بياض الثلج .. الا وش شوله هالبودره من باريس جاليري ياحبك للمخاسير

والواسطه دواء مالنا غنى عنه وخاصه في وقتنا الحاضر

ووين اوهقك

ايوه خليك كده .. وخلينا في السليم يامعلمه توحه

برضوه محسود عليهم

ايه يروح ماارضى يكون بروحه

ليه عندك مانع

اللي بالاحمر : الله يهديك لاتفهمين الجمله حرفي الله يصلحك ..

يعني اقصد هنا اني ادلعك

الله يبارك في عمرك يا مبدعنا ... مطيع ما شاء الله عليك ... طبعا مو دايما

حيا الله الخليجيين مثل البدر بنص الشهر

لكن الجنسيات العربية مهما كنا بيض يقولون عنا إنا سمر ... يحسبون بس هم القراطيس

سلامة عمرك يا مبدعنا إنت الخير والبركة الله يحفظك

وأنا بعد استفيد منك يا مبدعنا وكل منا يكمل الأخر

نسأل الله أن يزيدنا من العلم النافع وأن ينفعنا بما علمنا

المواعيد بعد سنة يا الظالم قصدي يا سعادة الباشا

رفقا بالمنتجين والمعجبين راح يقطع صدك وغيابك أقلوبهم ورزقهم

تقول شعرك ناعم ... أنا لين متى أعلم فيك يا أخي ... الجل علشان التسريحات (السبايكي وخلافها) ... والبودره علشان التصوير (توحد لون الوجه وتخليه يشع)

ومن وين جبت كل هذه المواصفات لشكلك ... لا يكون حد غاشك بس

يا حبك للوجاهه ... وتستانس لما تشوفني تابع لك ومنفذه لأوامرك ... هذه أسميها دكتاتورية

والله إنك تونس يا مبدعنا

وما شاء الله عليك عندك رد على كل شئ

ايه يروح ماارضى يكون بروحه ... ليش احنا ناقصين هم وجرادة حظ


يعني اقصد هنا اني ادلعك ... عيل هذا الدلع وأنا كنت فاهمته غير جذي ... خلاص هونت ما أبي أحد يدلعني ... صراحه اعظامي تعورني