أصلا الكوري متى صار فيه جوده ؟؟؟ انا سقت وحده والله إنها أي كلام رحت فيها ابوظبي ورديت وكنت امشي بحدود 140 والسيارة كانت جديدة موديل 2005 ماشيه 10000 تعبتني كثير على الخط صوت الهوا و التواير كان فظيع ... نرجع لموضوعنا عن اليابانيين هم حصدوا الكثير من الجوائز ماعملوا ضجه مثل هيونداي و سيارات هيونداي تطلعها من الوكاله تمشي 200 وعقب 4 اشهر 170 وعقب سنه ونص تقريباً المكينه تصرف آيل :cool: وهذا اللي أعرفه واللي سمعته من أصدقاء لي عندهم سيارات كوريه .. السلام عليكم ..

شكرا لك اخوي السوناتا سياره ممتازه

لكن اعتقد لا تتفوق على اليابانيات مثل الكورد

كل داخليتها بلاستيك هذي سيارة!!!!!!!!!!!!!!!!

يعني الهيونداي من داخل مخمل!!! << والله ان خامة الكورلا أفضل منها ..

عاد تصدق ان الهونداي من داخل مخمل :-)

لا انا اقصد الديكور الداخلي مثل الطبلون ...

ماطاح الا انبطح...

ارد اقول راحت فوق او نزلت تحت بيضل اسمها كوري ونظرت الناس مابتتغير لها لو صارت شنو...

اذا اللكزس الناس ليلحين تشوفه تويوتا فل أوبشن وهو سوا سمعة ماحد يقدر يتكلم عنها...

لاحظوا ان الموضوع تفوق السوناتا على الياباني (كامري التيما و اكورد و من في فئتهم)، تفوقت عليهم بمواصفات الامان و السلامة؟؟

خلنا نعرض المواصفات القياسية :: و ركزوا على كلمة القياسية؟؟ يعني متوفرة في كل موديل من الستاندر الى الفل ابشن


الكامري::
بدون ABS
بدون EBD
بدون EPS
كل اللي فيها بريكات عادية و ايرباجز

الالتيما::
نفس الشي ما بدون شي ما عدا الايرباجز

الاكورد::
ABS + EBD
وو اظن الموديل الجديد فيه VSC اللي هو نفس الـ ESP


اما السوناتا؟؟؟[U]
ABS
ESP
EBD
TCS
الايرباج غير متوفر ستاندر غير للسايق

لكن اذا قلنا ان هالانظمة تعفيك بعون الله من استعمال الايرباج لانها تمنع الحوادث او تساعد على عدم حدوثها (طبعاً بإذن الله)
و بعدين الحزام يكفي و يوفي

عشان جيه السوناتا تفوقت على الياباني اللي مواصفات الامان عنده شيء غير ضروري(تباها اطلبها بسعر يخليك تغير رايك و ما تطلبها)

المواصفات القياسية و بسعر مناسب
حد راح سأل بكم السوناتا؟؟؟؟ 54 الف درهم؟؟ يعني بسعر كورولا مافيها حتى ABS

كل شي يتغير
اذا حبيت تاخذ مسجل سيدي من الوكالة تويوتا مثلاً بكم؟؟؟؟؟
السوناتا ستاندر؟؟
طيب لو بغيته mp3?? السوناتا فيها ستاندر
طيب لو بغيت خشب فورميكا؟؟؟؟
احم احم السوناتا ستاندر

صح انا ما اميل للشركة لان تصاميمها مب جديدة و معظمها مسروق ، لكن يوم تجي تقارن المواصفات بالسعر تستغرب

لا تشوفون عندنا و تحكمون و بس؟؟
احنا شعب يمشي ورا الموضة و هذا ما وجدنا عليه آبائنا:: من صغرنا نشوف تويوتا ،، يعني خلاص مافي احسن منها
ما تدرون التويوتا شو كانت و شو صارت؟؟
تدرون ان البي ام اعلنت افلاسها قبل 20 سنة؟؟؟
و الحين شو؟؟؟؟ شو كبيعاتها؟؟ شو جودتها؟؟ شو مكاينها اللي حتى اعرق الشركات مثل مرسيدس ما تقدر تجاريها

عاينوا الموضوع من اكثر من جهة

و سلامتكم

غير صحيح

صح بو جاسم

و زيد على هذا كله ان السوناتا اهدىء بشكل واضح من الاكورد و الكامري و الالتيما

اهدىء على السرعات العالية و في حالة الانتظار و حالة التسارع

شو رايكم!!!

مع أن عندي هوندا أكورد ، بس أشوف أن السوناتا بالسعر هذا والمواصفات هذي تعتبر صفقة جيدة.

لا تنسون ان الحو له تاثير و تراني فى شركة اشترت 6 سيارات من الهوندي وهى سوناتا مابقي منها الا سيارة وحدة وهى موديل 2003 ومن يوم ما جابتها الشركة وهى مليانة خرابات مثل القزاز مرة والمكييف مرة لدرجة انو ولفنا لها مكيف من برا توليف و ما نفع

الأكورد 6 سلندر فيها VSA من موديل 2003


.........

السوناتا سيارة متطورة ولاشك في ذلك خصوصاً بالسعر هذا .......


تحياتي