انا اقول انك تنتظر وتركب القطع كلها مره وحده يكون افضل, لانك بتوفر تكلفه الشحن وبتوفر تكلفه التركيب.

بس خلاص توكل على الله وهذي القطع الي اخترتها هي افضل شي تبدأ فيه وان شاء الله بتعجبك وبتحس في فرق العزم,
22 حصان على الكفرات مو سهله ;)

بالتوفيق

عليكم السلام اخوي

طبعا سيارت جولف 2.0 2001 لو 2002 ، المهم ما تفرق

الصراحة انا حسيت نفس الشي في سيارتي!
والشي اللي راح اسويه انو راح اسوي صيانة شاملة من الفلاتر والبواجي واعاة برمجة وتنظيف بخاخات!
انصحك التسوي السيرفيس هذا في وكالة سيات وسكودا شركة سفاري ، الفرق كبير جدا بينها وبين ساماكو

وعلمني بالنتايج ، واذا صار معي شي احسن بقولك ان شاءا لله حبيبي

اخوي عيني عليك بارده صحيح كلامك طلع المشكله من الحساسMAF
لأني جربت السياره وهو مفصول ومشت صح

بس ابي اعرف الحين لما اركب رام كامل يجي معاه حساس غير حق الوكاله , عشان اذا يجي معاه اكنسل حق الوكاله وما اشتري جديد

وشكراً

معظمهم ما يجي معاهم الmaf :(

اخوان وخاصه اخوي الارهابي حساس MAF وين موقعه بالضبط ؟؟

عاده يكون بعد فلتر الهوا ( مع اني ما شفت ولا مره maf قبل الفلتر )
يعني روح دور في الماسوره الي تجي بعد الفلتر او بعد الاير بوكس اكيد تلاقيه
و مو صعب
هو مرتبط بفيش كهربا عشان ينقل اللي عنده للكمبيوتر

وعندي سؤال او استفسار لك ياالارهابي وللغالي فهد 2 ؟؟!!

بالنسبه للكاديلاك STS القديمه (94) فيها مشكله كبيره بالكهرباء وعجزوا كلهم حتى الوكاله يحددوا السبب .. والمشكله هي ان السياره اول ماتمشي نص كيلو تمشي تمام التمام وبعد ماتقطع النص كيلو تبدا السياره تقطع ومو تقطيع زي البواجي او زي حركتها لا .. تعشق في البدايه من الرابع الى الثالث ولا عد ترجع للرابع ابد الا اذا شلت رجلي عن الدعسه بحيث تهدا السياره وبعد ماتعشق الثالث ترجع تعشق الثاني وشوي وتعشق الثالث وشوي وترجع على الثاني وكذا الى مااطفي السياره وارجع اشغلها وترجع تمام اول نص كيلو

وطبعا كل الميكانيكيين استبعدوا مشكلة القير ويقولوا مافيه اي شي وكل اللي عندك مشكله كهرباء بس

وديتها الوكاله وفحصوها كهرب وقالوا في نقاط كهرباء كثير مو واصلتها الكهرباء وطبعا ماحددوا الخلل ولاكن قالوا بنوضب قير وبنغير الظفيره وفوق كذا يقولوا مو متاكدين فاذا عندكم خلفيه عن مشكلتها ياليييييت تساعدوني لان السياره لها شهرين بالبيت لاحس ولاخبر بس طافيه ماتمشي

وانا انشاء الله بصور السياره من داخل فيديو وهي تصلح الحركه ويمكن تعرفوا العله لانكم ماشاء الله علييييييكم خبرتكم كبيره

وسلام عليكم

طيب لو الموتر واقف يشتغل اوكيه و صافي
او يقطع


ولا التقطيع بس عند المشي اكثر من نص كيلو :(

طبعا معظم سيارات GM بقيور اوتو بعد 93
يتحكم بالقير
اما ظفيره خاصه به و كمبيوتر خاص
او يكون مرتبط بالكمبيوتر الرئيسي


انشاء الله نكمل الكلام في النهار
لان النعاس ذبحني

لا اذ السياره واقفه زي الحلاوه ولا تقول شي بس اذا مشت

وهاذي الحساسات اللي كشفوا عليها الوكاله ويقولون ماهي شغاله لاني فحصت كهربتها عن طريق كمبيوترهم

المحرك + القير
1- وحدة PEM
2- حساس الظغط
3- حساس TPS
4 UNDERFINED REPAIR RAIO
5- وحدة PEM


6- حساس سرعه
7- SERIAL DATA
8- ظفيره

وتصبح على خير

وعنديلك سؤال برضه

وينهو فيه حساس TPS لاني شاك فيه على حسب كلامهم

تشاااو

اذا تقصد Cold Air Intake مايجي معاه MAF بس تقدر من نفس المحل تقوله ابغى MAF اكبر من الي في السياره (80mm MAF ) و مع القاعده حقته, تركب على طول في الانتيك.


ملاحظه: في الموستنج الانتيك ما يسمى رام اير, هذا الشفر هم الي يستخدمونه.

افففف كل هالاشياء ما تجيها كهربا
طيب ما قالوا لك وش السبب
و وش هي الظفيره الي ما تشتغل الحين
الظفيره الرئيسيه او ظفيره القير نفسه
و لو تقدر قول لي وش نوع القير
و انشاء الله ادور لك هنا و هان اشوف لان انا مو كهربائي ولا عندي خبره في هالامور


الوكاله عاده تستخدم جهاز يشابه OBD سكانر و يطلع لهم كودات الاخطاء و المشاكل
طبعا يقول لك مثلا الشيء الفلاني ما يشتغل او ما تجه كهربا بس السبب لازم تدور عليه انت و انت و خبرتك و فهامتك


زين
طيب الوكاله نفسها ما شافت حل لهالمشكله
او كعادتهم طنشوا
ترى هم ما عندهم ما عند جدتي
و احيانا حتى بعض الكودات ما يعرفوا معناها
و السالفه تطول بعد ارسال الكود لدبي ثم لامريكا الى حين رجوع الرد عليهم

تصدق عندنا موتر جمس موديل 95 بمكينه 454
مره صار ما يشتغل و لا يمشي تشغله
تشوف RPM طالع نازل و من تدعس بنزين يطفي
وديناه الوكاله
يمكن طول عندهم شهر ولا عرفوا له
طبعا يعطوك فاتوره حلوه لانهم بيغيروا كل شي يجي تحت ايدهم
اخرتها طلعت المشكله من الواير اللي يطلع من الكمبيوتر لطرمبه البنزين :eek:
كان محترق شوي غيروه و زبط 100% و الحمد لله

تحياتي

شلك نسيتني

مشكورين يا شباب على المساعده

إقتباس:


--------------------------------------------------------------------------------
رد مقتبس من حاكم العدل
أخوي فهد ذكرتلي انه في نوعين مساعدات Bilstein او Tokico

أنا الي ابغاه مساعدات مريحة في السواقة العادية والسرعات العالية والمطارحات(أقصد الغرز) أبغى السيارة تكون متماسكة مهي زي السفينة تنقز وأيش رايك في هذا النوع monroe

يريت الي يكون أفضل تكتبلي اسمه ونوعه وسيارتي تويوتا أفالون 2003

تحياتي
--------------------------------------------------------------------------------

Tokico افضل, وبسعر جيد فيه افضل منه بس غالي مره.

اهلين اخوي الارهابي

الظفيره اللي كتبوها ماادري بس كتبوا الظفيره كامله بس

ونوع القير 4T60E

وبالنسبه للوكاله ماظمنوا شي وللعلم كل التصليحات تكلف 8000 الاف ريال وفوق كذا يقولوا يمكن المشكله مو منها ويمكن كون مشكله كهربائيه بسيطه بس ماعرفناها

وللعلم اخوي المشكله ظهرت بعد مالعب في الطبلون لاني رحت عند مهندس اول ماشريتها وقلت افحصها قام ضغط زر ( off ) اللي في الطبلون مع زر المكيف الحار وقامت السياره تفحص كل جزء فيها كهربائي فانا يوم المصيبه رحت وغسلت السيارة وجنوط وكفر جديد وانوار زينون ومبسووط قلت ياولد خلني افحص زي المهندس وقمت ضغطت زر ثاني غير زر ( off ) مع زر المكيف البارد وطلع صوت زي صوت الانفجار قويي ومااقدر اقولك من وين لاني مااعرف الا انه من قدام ولما جيت الصبح رايح المدرسه الا والسياره صارت فيها المشكله الحاليه اللي انا جازم انه كهرباء 100 % بس عجزوا يعرفوا السبب

الله يعين
انشاء الله لدور لك في النت اشوف كان في حل منا لو منا
يمكن تكون المشكله منتشره

الله يعطيك العافيه تعبتك معاي بس انت ماشاء الله تبارك الله عاااااااالم بالهاشياء والله يوفقك وانا قريب انشاء الله ابصورها فيديو من داخل وتشوف المشكله وتسمع الصوت وبخبرتك ماشاء الله ممكن تحدد المشكله

سلام

مشكور اخوي فهد والفضل يرجع لك انشالله اذا زاد العزم

وانشالله اعطيك النتايج اول بأول

تحياتي لك :banana: :banana:

علمنا وش صار معك, اول ما تطلب القطع عطنا خبر, واول ما توصل القطع, صورها قبل التركيب وبعد التركيب.;)

بس يا اخ فهد2
بالنسبة للزد ما تعتقد تغيير المكينة الى توين توربو ارخص واحسن حل!!
مدام سووها من قبل يعني شي عادي صارت ترى مو صعبة

تغيير المكينه الى توين تيربو ماهي رخيصه اذا يبي الشغل نظيف وتكون السياره معدله, يعني مو بس مكينه توين تيربو ستوك واقزوز ستوك وقير ستوك.
اذا هو يبي هذا الشي اكيد بيطلع رخيص مره اذا كل القطع هذي شراها من السكراب.

بس اذا هو يبي مكينه معدله واقزوز معدل وتعديلات كامله, بتطلع عليه مثل الاسعار الي انا حطيتها فوق.
مافي شي اقل من 40 الف ريال (مكينه موظبه مع توين تيربو+ تعديل في الاقزوز+ تعديل القير والدفرنش) باقي تعديل انظمه التعليق والرساوه.

وفي السيارات مافي شي صعب, الصعب الفلوس, في ناس ركبوا مكينه سوبرا على كامري, وفيه سيفيك دفع خلفي وقير 6 نمر, كل شي سهل, بس المشكله تكلفة الشغل النظيف والقطع المضمونه.

أخوي فهد2 تغيير السيارة لدفع خلفي في معظم السيارت اليابانية هل يمكن يصير .. وأيت القطع الي تتركب وتتغير.. وفي حدود كم تكلف؟

تحياتي

اخوي الارهابي ماادري اذا ركبت كمبيوتر للسياره حق كاديلاك ديفيل والرقم مختلف عن الكمبيوتر الاصلي اللي هو للسيفيل ينفع ؟؟

لاني ركبت وحسيت في السياره اختلاف والتقطيع رااااح مره ولاكن طلعت لي لمبة سيرفر انجن سون بس لما جيت اطلع فيها اليوم الثاني رجعت المشكله فتعتقد لو ركبت لها كمبيوتر نفس رقمها بتزبط ولا يمكن يخرب برضه بعد يومين زي حق الديفيل ؟؟

وبرضه جربت كمبيوتر سيفيل اس تي اس 93 كان بالتشليح بس الرقم مختلف والنتيجه ولا اي اختلاف

وانا عارف تعبتك معي

سلام