شوف .. انا طلبت عوازل اهتزازات ولكن في نفس الوقت تعزل الصوت ايضا ..
يوجد عوازل خاصه للصوت ولكنها لا تعزل الاهتزازات ايضا من نفس الشركه يمكن اغلى شوي من اللي اخذتهم ما عندي علم ..
اما طريقه التركيب سهله تشيل كل شيء في السياره من كراسي وسجاد وكل شيء وتنظف بالصابون بودي السياره وتشيل من عنده الغبار و الصمغ وبعدين تلزق العوازل وخلاص انتهينا ..
انتظرني انا راح اركب العوازل عندي الاسبوع الجاي وراح اصور كل شيء علشان يكون عندك فكره ..
اما بخصوص الاسعار فا تقدر تدخل الموضع بتحصل ملف اكروبات اعتقد في قسم السبورت فيه الاسعار ولكنها ليست الاصليه يعني اقل شوي ..
راسل الشركه وشوف كم يبون يعطونك وقول لي كم عطوك لان يمكن اسعار ارخص الله اعلم ..
اذا تبي اجيب لك قول لي لي انا اخذ عموله بسيطه بس لاني اظمن لك فلوسك من السرقه ..
بغيت أسالك عن أمبليفايرات الTube المخصصة للبيوت, ما فيها مشاكل مع الاستعمال لفترات طويلة, لأني سمعت أنها تسخن بشكل مش طبيعي ولا هذا شيء عادي أنها تسخن وايد.
هل اتشوفها تستاهل مثلا انه الواحد يشتريله مضخم تيوب حق البيت بمبلغ خيالي يصل الى اضعاف سعر المضخم العادي بدل ما ياخذله مضخم YAMAHA أو HARMNN مثلا
هل انته مستعد انك اتخسر فلوسك على مضخم TUBE حق البيت إذا كان عندك سماعات مثل B&W مثلا (يعني تستاهل التيوب) ولا أتحس انه الفرق مب الفرق الملحوظ ؟
أسالتي هذه ما تعني اني ناوي على تيوب من بانكوك
لأنها مجرد أسئلة جت على بالي أمس باليل, لأني كنت يالس على موقع http://www.ecoustics.com اشوف سماعات البيوت و اقرأ مواضيع تعليمية عن السماعات و عن المضخمات (على فكرة الموقع هذا وايد فيه مواضيع مفيدة و الواحد ممكن يتعلم منه)
و لا تنسى اني ناوي على سستم بيت خلال الفترة الجاية بعد ما خلص من السيارة خلال فترة قريبة جدا :banana: أن شاء الله, يعني بكثر من الاسئلة عن انظمة البيوت (لازم نفتح موضوع في قسم الديكور عن انظمة البيوت )
انا ما قلت أني أبغي أشتري tube amp انا بس كنت استفسر عن التيوب.
على فكرة بديت اقردن ابوي و أخوي الكبير علشان اسوي هوم ثرييتر في المجلس الجديد إذا نجحت الخطة و قدرت اقنعهم تراك معزوم على أول فلم نعرضه.
انا في بالي أمبليفاير ياماها 2 chanels 100x و سعره على ما اذكر 1300 درهم هذا ابغيه حقي علشان الmusic مش حق الثرييتر.
والسماعات ممكن اني ادور سماعتين مستعملات الا ان القى شيء محترم يستاهل الواحد يدفع عليه.:banana:
عموما شوف بخصوص السماعات انا انصحك انك تسويه قطع يعني ميدرينج لحاله وتويتر وبقيه الشله والكروس اوفر يكون كوستم فيه شركات يسونه وتجيبه من امريكا ..
هذا راح يكون ارخص وافضل جوده من الموجود في السوق ..
يمكن يكون فس السعر انك تشتري وحده جاهزه من هنا بس الجوده غيير ..
ايييييه متى يصير عندي بيت مثل الناس هههههههه شكله مافي امل ..
عاد تصدقون يوم كنت في معرض الجايتكس قعدت اقردن في واحد يشتغل منصبه كبير هناك وبشرني بالخير قال جيب ملفك وانت امرني هو بعد سعودي ادعوا لي شباب انقبل في مايكروسوفت ..
هلا اخوي انا امس كنت في الراشد ودخلت محل السوني وشفت منتجات xplood انا عجبتني بس انت ويش رايك فيها بالنسبة للسماعات والامبليفاير وانا اشوف كل المسجلات فيها نظام mosfet
رد مقتبس من cap_SS هلا اخوي انا امس كنت في الراشد ودخلت محل السوني وشفت منتجات xplood انا عجبتني بس انت ويش رايك فيها بالنسبة للسماعات والامبليفاير وانا اشوف كل المسجلات فيها نظام mosfet
كل المسجلات والامبلفايراتAftermarket تحتوى على mosfet
مايخلي سوني مميزة
بالنسبة لي وبعد مناقشات حادية وعنيفة ومكظتة بالادلة والمقارنات ...........
توصلت الى ان اختياراك يعتمد على نوع اذنك فيه ناس ماترضى من سماعات قيمتهم 2000
شباب باركوا لي اليوم رحت استلمت العوازل هم واصلين من زمان بس المشكله انا حاطهم بأسم شخص ثاني وهو كان مشغول ما يقدر يروح البريد واليوم رحت معاه وخلصت الموضوع ..
الاشياء اللي واجهتها هي :
طلبوا مني ادفع 5 % من المبلغ الكلي يعني مع الشحن وكل شيء وكانت التكلفه 400 وشوي دولار ..
قلت له يا شيخ هذي اغراض شخصيه ما فيه اي داعي للجمرك ..
قال والله انا معاك بس ليش تخليهم يحطون الفاتوره ؟؟؟
قلت له والله نسيت ..
قال ما اقدر خصوصا ان الوزن ثقيل ..
ههههههههههههههههه
مسكين الموظف انا كنت اراقبه من بعيد وهو يشيل الاغراض كان شايب كبير ..
لما شال العوازل الرولات وقف متفاجيء ويطالع فيني يقول لي ( لك شو هاد !!! ) كان سوري هيهيهي .
قلت له هذي عوازل حق السياره قال لي انا كنت افكر انهم ينكتون لانهم كاتبين وزن ثقيل على الكرتون .
لوووووووووول والله مت من الضحك انا وخويي ..
المهم شباب ما راح تصدقون كم الوزن والله كان مفاجأه لي بعد ..
الوزن جالونين + عوازل صلبه حوالي 32 كيلو جرام
يعني السيستم عندي الحين بيسكر فوق 100 كيلو الله يعينا ..
المهم قعدت احاول فيهم ..
قلت له الحين انا منحاش من جمارك السعوديه الحراميه تصيرون انتوا مثلهم ..
وبعدين قال لي شيء صعقني ..
قال لي احمد ربك احنا موجودين قلت له ليه ؟؟
قال لي السعوديه مو راضيه على 5% اللي موجوده حاليا هم يبون 20% على كل شيء يجي من برا
قعدت ساكت ما اعرف وش اقول ..
قلت له طيب لو اني ما حطيت الفواتير وش راح تسوي ؟؟
قال لي راح نقيم من عندنا ..
قلت له خلاص اعتبر الفواتير مو موجوده ..
المهم قعدت احاول فيه رخص لي 20 درهم يعني دفعت 60 درهم جمارك بس ..
يالله الواحد يأخذ درس الحين يعني المره الثانيه اقول للشركه تسوي فاتوره وهميه باسعار نازله علشان ما يوهقوني ..
مثل ما انتوا شايفني الصور حلوه وان شاء الله التركيب يكون سهل ..
كنت ابي اصور لون الماده العازله اللي في الجالون بس مو راضي يفتح عقدني مكتوب من فوق لازم تكسر الغطاء وخفت يخرب اذا ما استخدمته مباشره .. :think: :think: :think:
المهم بكره ان شاء الله راح اوافيكم بالصور راح نبدي انا والاخ NAS في وضع العوازل في الدبه ( الشنطه )
مو مشكله حنا مشتغلين مشتغلين سواء للمسابقه ولا لعيرها ..
بس والله تصدق الشغل حماس.
ان شاء الله الاربعاء او الخميس الصبح بنقعد نفرك في البودي من صباح الله خير ..
لاننا باقي نفك الكراسي والسجاد والابواب والسقف..
يعني الله يعينا .
بنأجر هندي يساعدنا هههههه .
اخوي Nas صاحب الشركه قعد يكرر على رأسي يقول لي اصبغ صندوقك من الداخل راح يزيد عندك 3 ديسيبل والصراحه مو هينه يعني الدبل فا راح ننصبغ ..
الحين صار عندي كم صوره واتضحت الرئيه شوي عندي في كيفيه تركيب العوازل .
بس والله شباب شعور مو طبيعي والدبه فاضيه ما فيه الا حديد ..
السياره خفيفه والازعاج ما يحتاج تسمع كل شيء في الشارع تحس انك ناسي الدبه مفتوحه .
بس والله اعتقد العزل راح يكون اوكي بعد التركيب سواء اهتزاز ولا صوت ولا حراره لاني يوم شغلت المكيف وكان العازل داخل السياره كان بارد حييييييييل هو ابرد شيء في السياره .
عرض نسخة للطّباعة |
ارسل هذه الصفحة لصديق]
