ايلى اخوي الأرهابي مممممممممهم
انا عندي مشكله في سيارتي وانا ماني عارف احلها
واذا ممكن تساعدني

انا يالغالي عندي موستنق الأول والثاني ماشاء الله بس المشكله الثالث
يقفلRBMعند الأربعه وحتى السرعه توقف عند حد معين تقريباً 160 كم
وغيرت الأرماس جديد ومانفع والمشكله ان السياره قومه حلوه بس ماتتعدى السرعه اللي محددها حتى اذا شلت الفلتر ماينفع ولايتغير شي


والف شكرررررررررررررررررررررررررررررررررررررر
يالأرهابي

Exhaust System
القوه----السعر بالدولار----اسم القطعه
Stillen Ceramic Headers, 570usd, 16whp
Non Turbo SZ mid Pipes, 375usd, 12whp
Dual Tip Non Turbo (2+2) Stillen Exhaust Systems, 1000usd, 15whp

Intake System
Non-Turbo Red Injen 300ZX Cold Air Intake, 250usd, 10whp

ثيرموستات ابرد
Nismo 170F Thermostat, 80usd

بواجي
Non-Turbo (PFR6G-11) Nissan NGK Spark Plugs, 55usd

التكلفه: 2330 دولار
القوه الحصانيه: 53حصان على الكفرات الخلفيه

بالنسبه ل ignition system فيه عند HKS بس ما تحتاجه, سعره 500 دولار ولا له فايده الا اذا كانت السياره اقوى من 500 حصان.

الكمبيوتر
zx 1990-1992 Federal Manual(MT) JWT ECU Upgrade non-Turbo, 520usd, 15whp

الكمبيوتر سعره 520 دولار اذا ارسلت كمبيوتر الوكاله الي في السياره واذا ماارسلته لهم بيطلع كمبيوتر JWT ب 1020 دولار.
الكمبيوتر لوحده يزيد 15 حصان؟, بس اذا كنت مركب كل القطع الي قبل بيزيد السياره اكثر من كذا.

بس باقي اعرف سيارتك قير عادي او اوتو, وباقي اعرف نوع السياره 4 مقاعد او معقدين فقط.

جميع هذي القطع متوفره عند ConceptZPerformance.com

واي استفسار اخر, تفضل اسأل

مشكوور حبيب قلبي فهد2 والله كفيت ووفيت صراحه

مشالله كل شي بتفصيل والله انك حمستني 53 حصان مو شوي

بس ابي التكلفه جم يطلعون بالسعودي ؟


طبعا المحل الى بطلب منه القطع له عموله بس عاليه ولا بسيطه ؟


بنسبه للزد الي عندي يا اخ فهد توسيت (مقعدين) وقير عادي

اهو تقريبا الحين 240 حصان صافي

ومشكور وما قصرت مره ثانيه يالحبيب الله يكثر من امثالك :rolleyes:

تحياتي

هلا
صراحه اخوي انا ما عندي خبره بالفورد ابد

بس بسألك الRPM يوقف على 4000 دايم او بس على الثالث
و هل هذا الحد طبيعي او من خلل في موترك
و حد السرعه 160 هل هذا هو الاصل او من خلل

اذا كان طبيعي
هذا من REV control اللي يسموه السفتي
يخلي دورات المكينه ما تزيد عن حد معين ( يكون محدد في اما الكمبيوتر او module )
و طبعا لما تغير الاير ماس سنسور او تشيل الفلتر ما راح تلاقي نتيجه مع هالشي

يمكن موترك مقفل
ما ادري كيف يفتحوه
يمكن يفصلوا شي او يحتاج برمجه للكمبيوتر
و اسف لاني ما اقدر افيدك اكثر من كدا


شوف الاخ الكريم فهد 2 خبير في الفورد ماشاء الله عليه
انشاء الله يقدر يفيدك اكثر
ولا تنسى ترد على اسئلتي

س بسألك الRPM يوقف على 4000 دايم او بس على الثالث
و هل هذا الحد طبيعي او من خلل في موترك
و حد السرعه 160 هل هذا هو الاصل او من خلل


و بالتوفيق


تحياتي ;)

53 حصان على الكفرات بدون الكمبيوتر,
مع الكمبيوتر فوق ال 70 حصان على الكفرات, تقريبا 90 حصان على الكرنك.

8740 ريال سعودي, بدون شحن.
والكمبيوتر 1950 ريال سعودي + الكمبيوتر الي عندك.

المحل له عموله اكيد, بس ماني متأكد كم بياخذ, اذا تبي تطلبها من السعوديه فيه محل اعرفه بيجيبها لك بسعر جيد.
طيب اخوي ليه ماتطلبها بنفسك؟ من الموقع الي اعطيتك ترى خدماتهم زينه ويوصلون الكويت. واقدر اساعدك اذا تبي تطلبها بنفسك واعلمك اسهل طريقه, وكذا بتوفر عليك واجد. كل القطع حقتي اطلبها بنفسي حتى لو حجمها كبير, وبسعر رخيص مره ولا هي بصعبه الشغله.

سيارتك مافيها مقاعد خلفيه, صح؟ لان لها دبات غير عن الي فيها مقاعد خلفيه.

انا نصيحتي انك تطلب القطع الي فوق بس بدون كمبيوتر, وشوف انت وش تبي تركب بعدها, (روس مكينه, كامات) وبعد كذا تطلب الكمبيوتر.

شوف انت وش الي تبي ومتى تبي تطلبه وان شاء اقدر اساعدك اكثر.

عندي اقتراح بس!!

جرب شيك سينسور الهواء! اللي يقيس حجم الهواء قبل المكينة وبعد فلتر الهواء
وسوي لها فحص كمبيوتر

يالارهابي انا مثل ماتعرف معي كورفيت موديل 90 وفلتر الهواء حقها مسطح (غير مستدير) وين القاه وهل في ملاحظات عليه

وابي اسالك وش فايدة نزع فلتر الهواء وقت التحدي وهل له ضرر ؟ ترى اخوك مدلع السياره مره عشان كذا تراني (كرتون) بهذه السوالف

انت تبغا فلتر اصلي
او K&N و جماعتها

و سالفه نزع الفلتر صحيح تطلع صوت
و تعطي قوه شوي لان الهوا بيكون فريييييييييي
و طبعا الغبار و دخان و كل شي في الهوا بيكون فري في الدخول الى المكينه

تعرف ان ذرات الغبار تسرع في تآكل السلندر و الشنابر
يعني لا تشيله و خلك في السليم افضل

بعض الجهات توصف فلاتر k&n يقولولا لو ركبت واحد منهم دخول الهوا بيكون كأنه مو حاط فلتر
لكن تنظيفها وفلترتها للهوا ممتازه جدا افضل من كل الفلاتر الاصليه

ج الأرهابي

مشكور على الرد يا عزيزي

اول بلنسبه لل RBM يوقف في الثالث على4 لكن المشكله انه في الأول
والثاني يمشي زي الحلاوه ماشاء الله ويوصل 6.30 تقريباً والسياره مافيها قفل لأني صفيت طبلونها اكثر من مره بس تفاجئة بلمشكله اللي ذكرتها لك الأسبوع الماضي


ونسيت شي الحراره كانت ترتفع في الثالث بشكل سريع
اذا وقف RBM على 4 واحس ان السياره مكتومه واذا حطيتها في الرابع
احسها بتطفي وتقطع وتنزل السرعه وهذا أضنه خلل لأنها ما كانت كذا

اشكر كل من يساعدني فهد2 والأرهابي وكل الشباب

الموديل؟ نوع المكينه؟ القير؟ وارد امريكا ولا الخليج؟

اول شي: شي اكيد ان السياره بترتفع الحراره اذا انك تارك السياره في الثالث وماشي عليها.

طيب اذا كان في الرابع الدورات تزيد عن 4,000 ولا لا؟ والسرعه في الرابع او الخامس تتعدى ال 160 او لا؟

اخوي فهد2
السياره وارد امريكا قير عادي مكينهV8 م94
وكل شي شد بلد وبلنسبه لل الرابع والخامس السرعه تنزل عن160
وتقطع السياره ومو ترى طبيعة السياره السياره كانت زي الحلاه
وشكررررررررررررررررررررراً لك

يعني بس الثالث الي ما يتعدى ال 4,000 بس النمر كلها توصل 6,000 ؟
انا بسأل لك وبرد عليك اليوم.

افحصها بالكمبيوتر

يالارهابي

وش هي فلاتر k&n ووين احصلها ؟؟؟؟؟

انا عارف انه السوال غبي بس لاني ابي ازيد معلوماتي

ومشكور على الرد والنصيحه

أخوي تحصلها في أي محل يبيع قطع عبث سيارات محترم زي محل ماكس في الخبر (الثقبه) و تتركب طبعا بدل الفلتر الأصلي و تجي بأشكال مختلفه لمختلف السيارات و لكن معظم المحلات اللي في السعوديه تجيب نوع و لازم تركب قاعده له عشان تستخدمه.

هذا هو موقعهم على النت

http://www.knfilters.com/

و اذا بغيت تعرف وش هو المناسب لموترك
خش هنا
http://www.knfilterchargers.com/sea.../appsearch.aspx
و حط معلومات الموتر


ميزه هالفلاتر
انها تدخل هوا اكثر
و تنظف الهوا افضل بكثير عن الاصلي
و تقدر تستخدمها لفترات طويله جدا
و كل ما يتوسخ تنظفه بمواد و ترد تستخدمه


اي خدمه

سألت بعض الشباب واحد قالي ان المشكله من الكمبيوتر وواحد ثاني يقول انه صارت هذي المشكله لواحد من اخوياه والسبب من حساس الهواء الي في الفلتر MAF يقول تأكد من الربلات الي عليه وتأكد من تركيبه.

أخوي فهد ذكرتلي انه في نوعين مساعدات Bilstein او Tokico

أنا الي ابغاه مساعدات مريحة في السواقة العادية والسرعات العالية والمطارحات(أقصد الغرز) أبغى السيارة تكون متماسكة مهي زي السفينة تنقز وأيش رايك في هذا النوع monroe

يريت الي يكون أفضل تكتبلي اسمه ونوعه وسيارتي تويوتا أفالون 2003

تحياتي

اشكرك اخوي فهد2 وتعبناك معانا انا انشاء الله بكره بشيك
على اللي قلتي وبعطيك الأخبار

تحياتي

هلاووو اخوي فهد شخبارك يالغالي اسف على التأخير

بالنسبه للمحل الى بلكويت عرفت واحد يعرف راعي المحل وقالي

اعتمد راح اسويلك خصم على اي شي تطلبه وقلتله اوكي

بس المشكله المبلغ الحين مو متوفر عندي

بغيت اسألك شرايك اركب سوبر تشارج وفك الفلم ؟

ولا ايش رايك وبكم سعره لو بركبه

تحياتي لك

ان شاءالله تظبط السياره, وعلمنا وش صار معك.

الزد يركبون لها توين تيربو, مافي احد يركب تشارجر.
واذا تبي توين تيربو يا تركب توين تيربو كت على المكينه الي عندك او تركب مكينه كامله مع التوين تيربو والكمبيوتر وكل الاشياء الضروريه, ما باقي الا تعديل الاقزوز وتعديل القير.

المكينه ب 6 الاف دولار (22 الف ريال سعودي) وهذا غير الشحن والتركيب, واذا ركبت المكينه والتيربو لازم على طول تعدل في القير والاقزوز.

يعني الشغله بتوصل فوق ال 10 الاف دولار (فوق ال 40 الف ريال )

فانت شوف اذا تبي تركب توين تيربو او تبي تخلي السياره عاديه, لازم تحدد من الحين لان القطع الي انا حطيتها فوق هذي كلها للزد العادي يعني لو ركبت توين تيربو كل هذي القطع اذا انت مركبها لازم تفكها وترميها.

نصيحتي اذا تقدر تدفع تكلفه تعديل الزد من عاديه الى توين تيربو فتوكل على الله, بس حط في بالك ان التكلفه بتتعدى ال 40 الف ريال, وهذي التكلفه للشغل النظيف يعني مو قطع من التشليح وتلفيق.

واذا انت تبي بس تعديل خفيف ومن فتره لفتره تبي تركب قطعه, أفضل انك تخليها زي ماهي بدون تيربو وتبدأ تركب قطع خفيفه , ماتكفل واجد ولا راح تتعبك.

القطع الي كتبتها مع الشحن بتوصل 10 الاف ريال. انت اذا دبرت سعرها ركبها مع بعض, لا تركب كل قطعه بحاله.
وبعد فتره ركب الكمبيوتر.

هلا والله فهد


لا سالفه التون تريربو مكلفه صراحه خلنا على القطع الي قلت عنها

بس بعرف ليش ما تنصحني اركب كل قطعه بروحه

لأني بغيت اطلب Intake System و Non Turbo SZ mid Pipes, 375usd, 12whp

لأني قادر على المبلغ الحين ؟

ومشكور انتظر ردك

احسن شي اخوي تشوف لك مكينة مستعملة!

مستحيل تكلفك كل هالتكلفة اللي قالها الاخ فهد2!!

لانك ما راح تجيب مكينة من امريكا مثلا!
لا عندك دبي والكويت اعتقد متوفرة المكاين هذي عندهم ، يعني مو اول مرة يركبون توين تيربو على سيارة مو تيربو

السلام عليكم

اخ اوتنجر

عندي صرفيه البنزين زايده من فتره طويله وانا ماشي عليها 25000 كيلو

مدري العله من كثر المشاوير (بمعدل 60 الى 100 كيلو يوميا) او بسبب البواجي او شي آخر؟

وشكرا
الغامدي عبدالله