جزاك الله خير على الإجابة السريعة


و إنشاء الله أعمل بنصيحتك

السلام عليكم سناري ..

عساك عالقوة ..

حبيت أسأل عن تواير 900

يسمونها بالوون عندكم اظني ..

..

هل فيها ذرة فايده ولا شكل بس ..

أبا أعرف كيف هيه تواير للبر ونقشتها سااده .. مثل السلكسات ..

..

ياريت تفيدني بأي معلومة تعرفها ..

لنه هالأسبوعين مبدل التواير ..

للعلم فقط ..

السيارة لند كروزر 2000 رنجات 16 ..

:cool:

تحياتي

سوال ثاني سناري ..

هالمقاس يركب على رنج اللند كروزر 16X8

35x12.50R16.5

عرض التاير 12.5 أنش

أرتفاع التاير 35 أنش

..

التاير نوعه BFGoodrich Tyres All-Terrain T/A

وهاي الصفحة الوكيل (الفطيم) بالأمارات لو بغيت أي شي ثاني

http://www.toyotapartsuae.com/conte...114&switch=tyre

يتلاقي التاير تحت ..

تحياتي

اهليين اخوي العقرب

اطارات البالون ما اعرف عنها شيء و لا قد شفتها و ما ادري ليش الناس يستخدموها للبر !!

----------

بخصوص المقاسات بالانشات

انا افضل انك تحولها بالمليمتر عشان اقدر احدد لك صلاحيتها من عدمها


و الله يعطيك العافية


:p

السلام عليكم ورحمة الله وبركاته

يعطيك العافيه اخوي سناري على مجهودك الطيب
بس انا في حاله يرثى لها طفشت وانا ادور تواير لموتري وياريت تقدر تفيدني
انا معاي مرسيدس e240 2001 بس مركب عليها جنوط amg 18
مثل هذي http://www.auckland.net.nz/mbcc/amg.jpg
التواير اللي عليها ميشلان بايلوت
40/front:235
rear:265/35
وابي اركب تواير تدوم ومريحه وثابته..دورت ميشلان قالوا لي الاطار الواحد ب 1200 ريال
التويو مقطوع من الوكاله هذا المقاس ..حصلت يوكوهاما بسعر حلو في الوكاله بـحدود الثلاث الاف بس يقولوا فيه صوت مع السرعه وحصلت سوموتومو بس يقولوا عن ردئ جدا وما ابغى اركب كوري بصراحه ..الدنلوب ناس يقولوا عنه ردئ وناس يقولوا جيد والبيرللي ما سألت عنه بس اعتقد غالي وابي رايك لاني بصراحه باشيب من ال18 وسنينه

بسم الله الرحمن الرحيم

انا اشوف انه مشكلتك الكبرى مع الاسعار

و ترى هذه الاسعار طبيعية لمقاسك 18"

عموما

روح وكالة بيرجستون في مدينتك و اسأل عن هذا الاطار

بيرجستون بوتنزا re750 هو الانسب لك و لميزانيتك

و اذا كنت تحب اليوكوهاما فعليك بـAVS sport

و عندك اللي احسن منه بس طبعا اغلى منه اللي هوا جوديير eagle f1


و الله اعلم

:p

طيب ويش رايك في كلام الناس عن اليوكوهاما انه يطلع صوت...واحد من الشباب معاه لومينا اس اس توايرها شد بلد يوكوهاما 17"..تأذى من الصوت وغيرهم رااح الصوت..وانا خايف تصير معاي نفس المشكله في ال 18"
انا سألت اللي في الوكاله اذا يضمن لي ان التواير ما بيطلعوا صوت واذا طلعوا ارجعهم قال لي لا ما نضمن لك لان الكفر مافيه مشاكل مشاكل الصوت من الميزان ..كيف من الميزان والومينا وكاله يعني ميزانها غلط؟؟؟؟؟؟ مقعوله سياره وكاله !!!
والتواير الوحيده اللي حصلتها بهذا المقاس بالدمام اليوكوهاما avs sport يعني ما قدامي غيرهم كل المارمات مخلصه انا كان ودي بالتويو.
وبصراحه متحير وابي شورتك لان السياره خلاص التواير اللي عليها قالو يا امي ارحميني عطوا فوق عمرهم ما قصر خط الرياض

ويعطيك الف عافيه

انصحك اخوي كليمان ابعد عن اطارات يوكوهاما فئة AVS ما بترتاح من ناحية الصوت فعلا ... هالاطار انا مجربه طبعا الصوت مش صويه . لا هوا صوت ازعاج الشارع كأنه ارتداد اصوات وانت عابر بالسياره داخل نفق . هذا اللي اقدر اوصفه لك بالشكل هذا الصوت خخخ
الأفضل لك فيه اطار يوكوهاما SPORT ولكن فئه ثانيه غير فئة AVS بشوف لك وش اسمها ولكن استخدامها مجرب من احد الشباب ومااشوفه يشتكي منها الا من ناحية الثبات أقل من تواير النقشة السبور لأن نقشت الاطار مو كذا <<<<<< بشكل كومفورت عرفت؟ ... انا بكره الصباح بروح اشيك على محلات التواير احد الشباب بيشتري اطارات حق لومينا 17 و ميزانيه متوسطه مثلك يعني .. فإن شالله اشوف لك خير .





تحياتي

بسم الله الرحمن الرحيم

انصحك بالابتعاد عن التويو

خليك على البيرجستون اوفر و اضمن لك من جميع النواحي

اما من ناحية الصوت اذا ودك في عزل تام ... عليك بزيادة ميزانيتك

عموما

انا اعيد اقتراحي عليك بشراء بيرجستون بوتنزا re750

و لننتظر اخونا 666 و نشوف الوضع معاه كيف و ان شاء الله يقدر يدلك على شيء افضل


و الحمدلله الذي بنعمته تتم الصالحات

:p

تسلمو يا شباب على الرد السريع
طيب اخوي سناري ما في مشكله لو زادت الميزانيه شوي بس انت اعطيني افضل شي تشوفه والاسعار التقريبيه لكل اطار وما يصير الا الخير.
اخوي 666 تسلم ..انت انقذتني على اللحظه الاخيره لاني كنت ناوي اركبهم اليوم لاني بصراحه طفشت والسياره واقفه..بس الحمدلله ما ركبتهم:think:

ماقصرتوا يا شباب :cool:

بسم الله الرحمن الرحيم
اخوي سناري بغيت اسألك عن السوموتومو النسخه الرياضيه...لاني توني اليوم محصلهم نفس المقاس اللي ابيه وسعر الاطار 650...
و حصلت الميشلان بايلوت سبورت 2 (النسخه الجديده)بصراحه رهيبيـــــــن مووت..سعر الطقم 4300 بعد التخفيض مع ضمان مفتووح:p وشكلي في النهاية بركبهم.
وبالنسبه لتعبيه الاطارات بالنيتروجين وش رايك فيها؟؟


تحياتي...

بسم الله الرحمن الرحيم
السلام عليكم ورحمة الله وبركاته

سؤال لأخوي سناري :

سيارتي لاندكروزر VXR موديل 2002
مركب عليها إطارات بيريلي scorpion
من شهر 6 الماضي ( يعني كمل عندي 7 شهور )

بعد ما ركبته بفتره بسيطه حسيت بنفضه في السياره على سرعة 90 --> 120 كم

سويت لها ميزانية تواير و رودات كذا مره لكن لا زالت المشكله موجوده

فإذا ما كان فيه حل لهذي المشكله ، أنا بصبر عليها فتره وبغير التواير

لكن هل الأنواع الأخرى أفضل مثل ميشلان أو دنلوب أويوكوهاما

السلام عليكم ورحمة الله وبركاته

اخواني الكرام

اخونا احمد (سناري) مشغول بالانتقال والدراسة لمكان جديد.
وان شاء الله يوم يرجع بعد العيد سوف يوفوم بالرد على استفساراتكم الكريمة وان شاء الله بيكون على موضوع مستقل والجزء الثالث من استفسار عن الاطارات.

وندعوا لااخونا احمد بالتوفيق ان شاء الله ،ويسهل امره بكل شي.

اخوكم
محمد

شكرا لك اخي grandv8 على تنبيه الاعضاء الكرام و الله يعطيك العافية

---------

ايش الاخبار اخوي كليمان .. وين وصل معاك الموضوع ؟

---------

اهليين اخوي دبور

الاطارات اللي ركبتها ممتازة جدا

و الرجة اللي تقصدها اعتقد انها بسبب عطل ميكانيكي و ليس لعيب في الاطارات


و الله اعلم

مشكور اخوي سناري على هالموضوع


انا مركب في سيارتي اطارات دنلوب
205
50
15

وصار ليهم ياطويل العمر تقريباً سنة وثلاثة شهور

اللا حصل عندي

إطارين طلع فيهم نفخات وصارت السيارة ترج بقوة
وعندي اطار متشقق من هالشمس


الزبدة

اني ابغي تواير ممتازة وتستحمل مشوار يومي مقداره 120 كم رايح جاي

طبعاً تستحمل سرعات عالية

شكراً لك اخوي

ايش نوع السيارة

و ماهو المقاس الاصلي لك ،،،

هلا .. نسيت الموضوع انا من زمان .. عذرا

ركبنا يوكوهاما فئة pure طبعا موديلهم 2004 وهو نزل في سنة 2004 ... سعر الاطار الواحد 419 مع التركيب عند الوكيل ..

هادئ و لا يصدر أي ازعاج على مختلف السرعات التجربه حتى 160 فقط .السياره لومينا اس اس .

لكن اللي يبي موديل هادئ جدا و مريح فيه موديل قديم ولا يزال موجود عند الوكيل هو موديل 439 A نسيت حتى رقم الموديل خخخ موجود منه مقاس 17\45\235 سعر الاطار حدود 420 ريال ناسي ولله .. بس مشكلته انتهى الموديل هذا ولا بينزل في 2005.

موديلات 2005 المفروض نزلت الحين ممكن اخوي سناري يكون عنده خبر اذا زلت

كامري 99

المقاس 15

سؤال

ايش رايك في TOYO
225
50
15

صناعة يابانية

السلام عليكم كيف حالك اخونا سناري يعطيك العافية على المجهود الرائع
والله يجعلها في ميزان حسناتك

كنت ابغى أسالك سؤال عام عن اطارات هنكوك الأداء الفائق طبعا اللي بتشوفها
بالدعاية وفي كل مجلة
واسماء الاطارات كالتالي
uentus H405
uentus k102
uentus k104
uentus k105
uentus RH06
كان سؤالي عن هذي الإطارات وتعدد النقشات تنافس البوتنزا من بريجستون
ومن ميشلان يايلوت سبورت 1-2
وعندك خلفية عن الهدو ء - التماسك عند السرعات العالية وفي المنعطفات
عمر الاطار ومدى تحمله واذا عندك خلفية عن سعره :smart:

وفي السعر اكيد يفرق V عن Wعن Y

لو افترضنا الجنط 235-35-18
أو 235 -45-17


شاكرين

السلاااااااااااام عليكم


سناري

واحد من الشباب عنده كابريس إس إس وتعرف إنها قاسية شوي

يعني لما تلف يمين ويسار ما تميل عليك إلا شوي

بس الريال غير توايره من 235 / 45 / 17 إلى 255 / 40 / 17 التواير الخلفية

صارت السيارة لما تلف تميل عليه مثل الفور ويل

وفي السرعات العالية لما يلف السيارة

التاير ثابت في الشارع بس السيارة تميل يمين ويسار وبس يحس إن السطان شوي فاضي

لما يلف السكان يمين ويسار على الخفيف السيارة تتأرجح بس

تتوقع المشكلة وين ؟


سلاااااااااااااام

اهليين اخوي 666

و الله انا علمي بهذه الشغلة ميداني و ليس عن طريق متابعة اخر الاصدارات و موديلات 2005 و 2006

و للاسف ماعندي اي خلفية للكلام اللي تقول عنه بس ياليت تعطينا معلومات و تفاصيل اكثر


اخوي ايميل مغبر

اقترح عليك بيرجستون بوتنزا GIII

و اذا ناوي على التويو لا تاخذ غير البروكسس عمره طويل بس طبعا من غير اي ميزة ثانية



اهليين اخوي r43hpa

اعتقد انك تقصد Ventus

عموما اكثر نوع منتشر من هذه الفصيلة هو k102

لكن اذا كانت النقشة حلوة لكن من غير اداء يعني الجودة و المتانة مفقودة في هذا النوع من الاطارات

و صعب مقارنتهم مع مثيلاتها من الاقسام الرياضية من شركات بيرجستون و بريلي و غيرها

لكن ممكن تشتري منهم طقم و تجربه و حيكون اداءه رائع لكن لا تتوقع انه يتجاوب مع ظروف القيادة المختلفة

و هذا رأيي في النقاط التي ارفقتها


الهدوء : موجود

- التماسك عند السرعات العالية وفي المنعطفات : موجود

عمر الاطار : مفقود

مدى تحمله : مفقود

السعر : ارخص من منافسيه

اهلا اخوي SLR55

اعتقد انه من الافضل يروح لميكانيكي يشوفها

السلام عليكم

اخي الكريم سناري

محتاج هاليوم اشتري كفرات جديدة للجنوط الجديدة !!؟؟

السيارة : اكورد 2004 4 سلندر

مقاس الكفرات الاصلية "حسب كاتلوج الوكالة" ..... 205/60R16

وهل افضل لو خليتها 215 والارتفاع 55 ؟

مقاس الجنط 16 انش

محتاج تعطيني مشورتك في كفرات ....

المواصفات اللى ابيها ...

كفرات قاسية جداً وتكون عمر طويل وتحمل ورساوة
ومخصصة للسرعات العالية ....

لاحظ مايهمنى الراحة نهائياً اهم شي الاداء

والسعر يكون مناسب ....

وسؤال اخير ..... كيف اعرف تاريخ الانتاج ..



عذراً على الاطالة

ولك تحياتي
محمد

السلام عليكم

انا عضو جديد وهاذي أول مشاركة لي حبيت أقول أفضل الإطارات للتطعيس في رمال شديدة مثل الربع الخالي

وشكرا

بسم الله الرحمن الرحيم

اهليين فيك اخي الحبيب 922

و شكرا لك على كتابة طلبك بهذه الصيغة الواضحة

و هذا الشيء يساعدني كثير اني افهم نوعية الاستخدام و بالتالي الاختيار يكون ادق

احسن مقاس لك هو 225/55/16

و انصحك بهذا الاطار



بيرجستون بوتنزا GIII

و لا اوصيك عاد

انا بانتظار النتيجة و الصور و ملاحظاتك على الاطار



اهليين اخي البورش

و مرحبا بك معانا في المنتدى

و اتمنى انك تتواصل معانا اكثر و تعلمنا ايش اخبار التطعيس و البر معاك

سؤالك مافيه مجال للتفكير

اطارات للاستخدام في الطرق شديدة الوعورة

و انصحك بهذه الاطارات

Dunlop



BFgoodrich



General




و الافضل هو دنلوب

ثم الجينرال ثم الجودريتش