إقتباس:
رد مقتبس من الغامدي عبدالله
السلام عليكم
عندي سؤال بس بعد ما اعرف عن نفسي :
الغامدي عبدالله من الدمام وانا في وادي والتلغيم في وادي من ناحيه الميدان مش المعلومات لاني لا استسيغ السرعه مع ان رجلي تثقل بعض الاحيان وكان اخر حاحه في بالي اني اشارك في موضوعك يا king_ss مش تقليل من محيطك الثقافي ولكن تعرف النفس أماره فحبيت اسألك من ناحيه البي ام لاني مجنونها بصفه خاصه جدا
اذا وضعنا احتمال ان جتك بي ام الفئه السابعه(سؤال اش احسن نوع من الفئه السابعه تصلح للتلغيم) وبغيت ترفع من قدرتها الحصانيه ورساوتا وتماسكا لمستوا الكابرس واعلى. مع احترامي للكابرس ينفع؟
ولا لا
وليش؟
(حاجه ثانيه )
اذا ابغى ارفع من مستوى السياره اونقول بشكل اوضح انت يا كنج
هل في امكانك توصل للي وصلته بدون الشغلات الي حاطها في السياره انا قصدي على المكينه بغض النظر عن البنزين والكفرات يعني بدون تيربو وملحقاته من الادوات يعني تطلع القوه من المكينه حتى اذا حصلها تعديل من داخلها بدون الاضافات الي عندك
وسلامتك
عندي واحد من المسنجر من منتدى الاقلاع (من الي رماه علي معرفش)
يبي خويه يقاوم وياك على بورش من ثلاث انواع وانت الي تختار السياره
طبعا انا قلت ارسل المواصفات والتعديلات الي عليها وانواعها حتى نكون على بينه يس لم يرسلها وهو من الرياض وانا من الدمام وانت في جده (كيف جت مدري)
انا قبل يومين وبعد ما كلمت الرجال الي يبيك قلت ليه (وانا لوحدي) ما نجمع اعضاء منتدى سوالف الي حابين يقاومونك وبعض عشيره الشرقيه في عده ايام ونستضيفك عندنا في الشرقيه ونعشيك مفطح .
عندي طلب يسيط
اذا ما عليك امر يا كنج انك تصنع قاعده او ترهم اي شي يثبت الكاميرا من داخل وخارج السياره حتى نتمتع بالمقاطع
وشكرا
اسف على الاطاله
الغامدي عبدالله
|
==============
عادي ياخي خذ راحتك في الكلام ولا تقلل من شاني ولا شي ماني منزل انا من السما ولاكن كلنا هنا اولاد تسعة زي ما يقولون
عموما في نظري انا افضل بي ام في الفئة السابعة وهوا ال 750
لانه اصلا الفئة هذي مخصصة للترف والعز ماهي مخصصة للسباقات او التعديل .. ولاكن افضلها وهوا ال 750 لانه 12 سلندر وقوته جيدة
بالنسبة للفئة السابعة ... فما اعتقد انها ممكن توصل الى قوة الكابرس عندي ولا باي حال من الاحوال ليش ؟؟
زي ما قلتلك لانها ثقيلة جدا جدا جدا وسيارة ماهي مصممة للتعديل او السرعة .. ولاكن الفئة الخامسة او الثاثلة ممكن توصل الى قوة قريبة من قوة الكابرس ..
ليش انا ما قلت انها توصل اكيد لقوة الكابرس لانو في النهاية حجم المكينة بيحكمك والالماني له حدود نظرا لصغر حجم مكينته وانما هم يستخدمون التقنية عوضا عن الحجم الكبير .. ولاكن الى متى ؟؟
عشان كدة الكابرس ليش له حدود في التعديل والقوة ..
====
بالنسبة لسؤالك الثاني ... من ناحية الوصلو الى القوة من غير الاشياء اللي انا حاططها تيربو او بنزين وخلافه ..
اقدر اجاوب عليك بكلمة وحدة وهي مستحييييييييييييييييييل
حتى اكبر مكينة امريكية موجودة في السوق المحلي وتصلح للاستخدام اليومي وهي 502 وقوتها الحصانية 502 هي يالله نص قوة مكينتي ..
وقيمتها 8000 دولار .. بينما مكينتي مكلفة الى الان 77 الف دولار ..بعد اخر احصائية ..
===
بالنسبة للبورش ... فعادي ممكن اقوم معاه بس .. قلله يسحب على سرعة عالية .. على سرعة 80 كيلو .. وباذن الله نشوف البورش وش نسوي معاه .. انا ما اقول اطرحه والا اسيبه واقف ... ولاكن راح اتعبه الين اطلع روحه ..
بس قبل كل شي ابغاك تقللي وش نوع البورش .. وثاني شي انا الى الان منتظر الكفرات الرياضية من امريكا ولسة ما وصلت .. فاذا خلص الكابرس اسير اعطيك خبر ..
===
اما بالنسبة للكميرا اللي تتثبت في السيارة من الخارج ... انا اكون شاااااااااااااااااااكر جدا للي يرشدني على شركة اشتري منها الكميرات اللي بيثبتوها في جوانب السيارة ومن الداخل وهي عبارة عن مثل القلم الصغير وخارج منها سلك واعتقد يتوصل في كمبيوتر او شي .. يعني مثل اللي تم تصوير السوبر وسيارات السكايلاين حقة نغاتا بيها ..
وابشر والله لا اسويلك فلم وثائقي للكابرس واخليك تتفرج عليه كانك راكب معايا
وفعلا فكثير من اصحابي هنا عرضو عليا نفس الفكرة بس ماني عارف من وين اجيبو هالكميرات
===========
عرض نسخة للطّباعة |
ارسل هذه الصفحة لصديق]
