الله يعطيك العافية اخوي سناري على ردك ..

بس بغيت اسألك كم سعره تقريبا ؟؟ الى 600 ممكن نوصل اما اذا اكثر طبعا كثيير ..

وبالنسبه للدنلوب وش تقريبا النوع الجيد منها ؟؟

معليش بنتعبك معانا شوي ..

تحياتي ...

اهلا اخوي اوبل

600 للاطار الواحد من نوع F1

اعتقد معقولة و ممكن ارخص بشوية او اكثر بشوية

بس ترا الاطار يستاااهل ... يعني لا يفوتك


و اذا والله حبيت توفر مبلغ محترم :rolleyes:

ممكن تاخذ دنلوب SP Sport 9000

و الله اعلم ،،،

:p

الله يعطيك العافية على ردك ..
بس بغيت اسألك سؤال وتحملنا شوي .. هل الدنلوب هادي مو اقصد مثل هداوة الميشلان البرايمسي لاني مركب يوكوهاما السبورت اللي نقشته على شكل سبعه وبصراحه صوته جدا عالي ومضيق صدري الصراحه .. ومشكوور مره ثانيه

تحياتي ...

opel005


ترى فرق السعر بين القوديير والدنلوب فرق خييييييييييييييييييييييييييييييييييييييالي

انا امس كنت بالوكالتين ابي كفرات للمرسدس مقاس 18-45-245

القوديير كان سعر الكفر الواحد 1080 ريال
الدنلوب كان سعر الواحد 565 ريال

طبعا مع التركيب والترصيص

هلا اخوي سناري

رحت امس وركبت التواير والصراحه انصدمت ان الميشلان مستحيل تحصله عند المحلات وهو نادر جدا لازم تروح عن الوكيل وكل المحلات هابه في التواير الكوريه

لذلك مادري تصرفت على كلام المحلات واتمنى ما اكون غلطت

واحد عطاني معلقات في تاير البروجستون هذا والي خلاني اتحمس زياده ان السياره كان توها جايبه التواير فريش يعني

مممممممم بعدين اذكر انك نصحتني قبل بالبرجستون

على العموم التاير ما كان رخيص حسباه علي 400 ريال وطبعا 4 صار 1600 مع كامل الخدمات

الكفر اشوفه حلو وممتاز هادي وناعم

ايش رايك اخوي سناري الكفر ممتاز ولا لا
على الأقل جاملني بعد الي دفعته

اهلا اخوي اوبل

صحيح ان اليوكوهاما AVS Sport صوته عالي لكن في المقابل يديك مواصفات حلوة و من اهمها الثبات

الدنلوب اهدأ من اليوكوهاما طبعا

و مواصفاته حلوة و مناسب لميزانيتك


اهلا اخوي mill

ماشاء الله تبارك الله عليك

انا معجب باهتمامك و خبرتك في الاطارات و صراحة انت اثريت الموضوع بشكل كبير جدا سواءً بأسئلتك و صورك و معلوماتك

و لا تحرمنا من هذه المشاركات

و الله يعطيك العافية


اهلا اخوي الانصاري

مبروك الاطار الجديد و ماشاء الله عليك عرفت تنقي

هذا الاطار نفس اللي يجي على الباترول من بلدها

الله يعطيكم خيره و يكفيكم شره

حبيت أستفسر عن أفضل الكفرات الرملية.. ( نظراً لكثرة الأنواع )..

طبعاً السيارة ( نيسان باترول ربع ).. الكفرات اللي عليه الآن هي بريدجستون.. ( 16 * 235 * 80 )..

فما النوع الذي يُنصح به..؟




:banana:

ودمتم بخيــــر..

اشكرك أخوي على الموضوع الرائع

حبيت آخذ رايك في كفرات ميشلان

أنا عندي ماكسيما موديل 2002 إلى الآن كفرات الوكالة عليها وهي من ميشلان

ومقاسها 16 ,215,55

عندي كفر رايح فيها ....قبل اسبوع بنشر على وديته للبشر وقال لازم تغير الكفر...
فما أدري نوع الكفر ممتاز ولا أغيره
علما قعدت معاي 3 سنوات و4 شهور ومشيت عليها 66 ألف كم
فما رأيك هل اشتري كفرات مثل اللي جايه مع الوكالة وهي من نوع ميشيلان بايلوت

أو اشتري نوع آخر

ياليت تفيدني وتقول لي شنهو الأنسب للسيارة


تحياتي لك

حبيت أعرف صناعة كفرات ميشيلان؟

وهل يوجد صناعة تقليدية لها

سألت هذه الأسئلة....لأن الكفر اللي عندي وكالة وصناعته فرنسية

ولما رحت محل كفرات وجدت نفس الكفر اللي عندي ولكنه صناعة ألمانية


يقول لي راعي المحل....إنه أصلي
ودورت على أكثر من محل كفرات ويقول لي نفس الكلام

ويقولون إنهم ماخذينها من الوكيل:think:


ياليت توضح لي

ولك الشكر مقدما


تحياتي لك

اي واللة ياليت اخوي سناري يفيدنا بخبرتة وانا بعد عندي تواير ميشلان صناعتهم ايطالية

ونفس الكلام صاحب المحل اعطاني عليهم ضمان سنة والان معي ثلاث سنوات ماشين وللة الحمد

وياليت تعلمني اخوي سناري كيف اعرف سنة انتاج التاير؟؟

بحثت عنها في التاير ماحصلت شي ..واذا امكن في صورة يكون افضل ..


ويعطيك اللة الف عافية على هذا الجهد..:banana:

اهلا اخوي يا هاجسي

عليك باطار بيرجستون ديولر A\T D693

و الله اعلم،،،



اهلا اخوي حبيب القلب

طالما ان الاطار مشي معاك كل هذه المدة ماشاء الله و في واحد منهم رايح

انصحك بتغيير الطقم كامل

لانك اذا غيرت واحد حتضطر انك تغير اطار ثاني بعد اربع شهور و هكذا

فالافضل و الاسلم انك تغير الطقم كامل و يستحسن من وكالة و ليس من احد البناشر

من ناحية ايش الافضل لسيارتك انت ما اعطيتني و لا ميزة تبغاها في الاطار ياليت ترجع للمشاركة الاولى في هذا الموضوع و تجاوب على الاسئلة الموجودة اذا حبيت افيدك اكثر

و الميشلان بايلوت انواع و انت ما حددت ايش النوع اللي عندك

لكن برضوا الميشلان معروف بجودته العالية

و بخصوص صناعة اطار الميشلان فهي عدة انواع

الاصلي 100% من فرنسا

و ايضا هذه الشركة لها فروع عدة مختلفة و موزعة على مختلف دول العالم مثل ايطاليا و المانيا و اسبانيا و البرازيل و تايلاند

المنتجات المصنوعة في اوروبا تقريبا كلها في مستوى واحد و طبعا سعرها اغلى من المصنوعة في البرازيل و تايلاند و ذلك لاختلاف اجور الايدي العاملة و الشحن و الضرائب و خلاف ذلك

و تدخل عوامل اقتصادية عديدة في هذا الامر

صحيح انه لا يوجد ذلك الفرق الشاسع بين صناعة ايطاليا مثلا و البرازيل

لكني افضل المنتج الاول على الثاني و ذلك لصناعته في بيئة افضل و اشراف ادق

و الله اعلم



اهلا اخوي BENZ

ماشاء الله تبارك الله

الله يعطيك خير اطاراتك و يكفيك شرها

تاريخ انتاج الاطار تلاقيه مطبوع في مستطيل صغير و غالبا يجي بجوار المقاس

مثلا انا اطاري مكتوب عليه في هذا المستطيل

4403

و هذا يعني ان الاطار مصنوع في الاسبوع الرابع و الاربعين ( نوفمبر ) من سنة 2003

يعني تقريبا قبل سنة من الآن

حاليا انا خارج جدة

و ان شاء الله اذا رجعت اجيبلك صورة واضحة لتاريخ صناعة الكفر

و تحياتي لك،،،


:p

مشكور أخوي سناري على المعلومات


إن شاء الله راح اركب طقم كفرات ميشيلان بايلوت


يعطيك العافية وما قصرت


تحياتي لك

حبيبي سناري.....


عندي سؤالين..

الاول: ايش افضل مقاس جنوط و كفرات ممكن يركبوا على كومارو 99؟؟

و التاني: اذا كان عرض الجنط 8ونص انش.. كم يكون عرض الكفر؟؟







EMO

بالبركة اخوي حبيب القلب

و الله يعافيك و يقويك



اخوي دورانجو ( مهند )

1- لازم تعطيني المقاس الاصلي كامل للاطار اللي جا على السيارة من بلدها و بعدين اديك المعلومة اللي تبغاها ان شاء الله

2- والله ياخوي للاسف انا مالي في مقاسات الجنوط


و الله اعلم

:p

السلام عليكم ورحمة الله وبركاته

يعطيك العافيه اخوي سناري على المعلومات اللي تعطينا اياها

انا ركبت الكفرات على اللكزس ES300موديل2003 الكفرات من نوع ميشلان بايلوت فرنسيه الواحد ب480ريال بس اذكر انت قلتلي فيه نو اسمه انرجي بس البنشري قاللي انه توقف

الشي الثاني الكفرات اعرض شوي والبنشري يقوللي اصلا مايجي نفس المقاس من كفراتك هذي عل لمشلان فهل كلامه صحيح والا يبي يمشي بضاعته ؟؟؟؟؟؟؟ظ


شرايك بالاخير باللي ركبتها حلوه والا لو ركبت انرجي احسن

هلا اخوي سناري




والله بغيت اعرف احسن الاطارات على جنوط 18 " ؟ يوكوهاما ؟ ولا

سلام



احد جرب كفرات nitto او يعرف من وكيلهم

المقاس الاصلي للسياره :245-50-16.....









EMO

بسم الله الرحمن الرحيم

اهلا اخوي الشرقاوي

فئة بايلوت و فئة انرجي من ميشلان بالضبط زي فئة التورنزا و البوتنزا و الديولر من بيرجستون

و كل فئة يندرج تحتها العديد من المنتجات المختلفة يعني مثلا ميشلان بايلوت له اكثر من 20 نوع و انت ما حددت ايت نوع ركبته

و الله يهديك انا نصحتك تروح للوكالة و سيبك من شغل البناشر

الكلام اللي قاله لك البنشري كله غلط

لكن عشان احكم على اطارك لازم تديني اسمه الكامل يعني في بعد بايلوت حروف او ارقام او كلمة

و ايضا ياليت تديني المقاس الجديد حقك و هل فيه فرق عن القديم

و الله اعلم

====================

اهلا اخوي ERT

مشاركتك ناقصة

ما اقدر افيدك بشيء اعتمادا من الجملة اللي ذكرتها

"والله بغيت اعرف احسن الاطارات على جنوط 18 " ؟ يوكوهاما ؟"

ياليت لو تفصل اكثر و الافضل انك تراجع او مشاركة في هذا الموضوع

و الله اعلم

====================

اهلا اخوي الارهابي

انا مجرب اطارات نيتو و لا اؤيد شراءها

و اذا تبغى الشباب يفيدوك اكثر سوي موضوع منفصل يمكن احد له رأي ثاني

و الله اعلم

====================

مهند ... راجعلك

:p

من اي ناحيه ما هي زينه
و وش اسم الكفرات اللي استخدمتها او رقمها نيتتو ..................

اسمحلنا اخوي سناري على المعلومات البسيطه الي عطيتك اياها ...


المهم انا بغيت اعرف احسن الكفرات على جنوط 18 انش على عرض 225/40/18
والكفرات الي اباها اتكون ثابته ومريحه في نفس الوقت .

في انتظارك سناري..






EMO

بسم الله الرحمن الرحيم

احبتي الكرام

السلام عليكم و رحمة الله و بركاته

اعتذر لكم عن تأخري في الاجابة على اسئلتكم و ذلك لانشغالي الشديد هذه الايام

جميع الاجابات ستكون متوفرة بعد اسبوع من الآن

و الله ولي التوفيق ،،،

:p

السلام عليكم ورحمة الله وبركاته

ماشاء الله عليك :banana:

في واحد بيركب 17 235 45

بس هو ناوي على كفرات هادية وثاتة وتدوم


عطيتك المعطيات

أبا النتايج :banana:

سلاااااااااااااام

السلام عليكم ورحمة الله وبركاته

بايلوت برايماسي
225/55
R16
95V
XSE

هذي المعلومات الي على الكفر اذا تبي شي زياده قللي

لان المعلومات واجد ومشواااااااااار اكتبها كللها