King_SS
وشر ايك في التلغيم دا الي على الS2000 كم تعطيها حصان ؟؟



http://members.rogers.com/johnsonli...s2000_turbo.jpg

http://members.rogers.com/johnsonli...00/s2000_ic.jpg

http://members.rogers.com/johnsonli...turbo_assy3.jpg

http://members.rogers.com/johnsonli...turbo_assy4.jpg

ودي جداول ممكن تفيد
http://members.rogers.com/johnsonli..._comparison.jpg
مقطع فيديو
http://www.ultimate-racing.com/Prod...Test-LowRes.wmv

انا اقللك صحيح سيارة قوية في فئة الاربع سلندر ... لاكن قيمتها ما تناسب حجمها وقوتها ...

تصدق انها اغلى من الكمارو .. ؟؟؟؟

الكومارو اعتبرها افضل

الفيديو

في الطريق الى المنزل .... صادفنا لكزس ....

وهذي تجربة طياري .. وترى على فكرة اللكزس دعس قبلنا

اتمنى من الجميع المشاهدة الممتعة ...



تحياتي ...

مشكووووووور على المقطع
والله عميته على كذا قويه الS2000
كيف ما تطرح الكومارو ؟؟

اقول اخوي كينج ايييييييييييش تعليقك على هذا الموضوع:banana:

ردي ليك حيكون في الفيديو اللي راح احطه بعد شوي واللي راح يذهل الجميع ...

هذا المطلوب يا كنج والله انت خطييييييير بالدليل يعني



في الانتظار

طبعا .... عنوان الموضوع .. ملفت نوعا ما ..
لاكن صحيح ...

الهوندا المزعومة تحطم من سيارة ما تتوقعو ايش هيا .. ولاكن الحقيقة المررة انها لومينا ستوك ... مع ملاحظة انو القوة الحصانية المستخرجة من الهوندا مقارنة بوزنها المفروض تكون صاروخ جو ارض
سيارة اثقل وزنا واسوأ انسيابية واكثر فخامة دفع خلفي واوتوماتيك رحباة وجلد مترف بالداخل .... والصاعقة الكبرى .. وهو سعر الومينا اقل بكثير من الهوندا .... ؟!؟!؟!؟!؟!؟!؟!؟!؟!

انا اود فتح موضوع وجدل في الموضوع دا بالنسبة لمحبي الياباني واللي واقفين ضد الامريكي .. بس بدون عصبية او نقاش حاد بالهداوة وانا مستعد اجبلكم فيديوهات تثبت

(((((( باب النقاش مفتوح )))))))





الفيديو

التحرير :
طبعا كنا واقفين وراه ودعسنا وبعدين هوا دعس بعد ما خذينا عزمنا بالكامل .. وطلع علينا بس زي متو شايفين رفع رجله بسبب اللفة اللي دخلناها بسرعتنا ..
طبعا ما اخبي عليكم وزي ما قلتلكم رساوتها جبارة في حدود قوتها .. وهنا الدليل قدرنا ندخل الملف على سرعتنا .. وما هدينا .. بينما راعي الومينا طبعا اسواء مافي الومينا هوا التماسك .. رفع رجله وما قدر اخش الملف زينا



الرجاء من الجميع الاسترخاء ومشاهدة ممتعة ...

وترقبو الفيديوهات القادمة ومزيد من الحقائق المرئية

طبعا يا شباب بعد ما شفتو الفيديو السابق ...
فانا قررت اكلم الرجال ونجرب قومة ارض ....


طبعا ما اقدر اتكلم واقول واوصف بس الفيديو يحكم ... وكانت بمثابة صدمة لي





الفيديو



خاصة واني ضحكت عليه وقمت قبله ... وفي نفس الاول لحقني ؟؟؟؟؟؟


تمنيا من الجميع مشاهدة ممتعة ...

وهنا يا شباب ... تم الاتفاق على السحبة عوضا عن قومة الارض ..

طبعا كانت على سرعة 40 كيلو








الفيديو

وزي منتو شايفين .. نصبت عليه في القومة ولاكن :eek: :eek: :eek:


تحياتي متمنيا لكم مشاهدة ممتعة ....

هذا اخر فيديو للهوندا مع الومينا ...



الفيديو


كل اللي اقدر اقللكم هوا .... في هذا الفيديو صاحب الومينا خلانا نروح
ودعس وخلانا واقفين تماما ....




انا في نظري انو السيارة هذي سعرها المفروض ما يتجاوز ال 60 الف ريال
او 70 الف ريال عشان لا نظلمها ...


طبعا عندي فيديو ايضا سباق بيني وبين الجاكوار ... بس نظرا لبعض الالفاظ اللي قيلت فيه من قبل زميلي .. ما اقدر احطه ..

وانما هوا يعتبر احسن سباق حيث يقارن مستوى تماسك ورساوة الهوندا بالجاكوار ..

لاننا قمنا في لفة .. وضلينا داعسني فيها .. وخشينا في ميدان وحنا داعسين ... كل اللي اقدر اقوله هوا .. رساوتها مقارنة بالجاكوار .. تعتبر صفر ... بالفعل .. كنا حنسوي مصيبة لولا رفعت رجلي وسبت راعي الجاكوار في حاله



تحياتي لكم .... والعرض القادم حيكون فيه .. حقائق لسيارات اخرى .. انتظروني


سلام

اووووووووووووووووووووووووووووه نسيت احط لك اللنك
http://www.swalif.net/sforum1/showt...threadid=157635
هااااااا ايش ردك

ومشكور مليون على الفيديوهات

==========

انا ادعوك يوم لركوب الكابرس معايا ...
ان ما خليتك تخرج من السيارة تبصم بالعشرة انك كنت راكب بورش روف



حبيبي عالم التلغيم ما يعرف كبير او صغير ... اللي مكينته تقبل اكثر هوا اللي يفوز في الاخر ..

وباين عليه الكورفت ستوك ..

السلام عليكم


ممكن أخوي King_SS نفتح موضوع ثاني نتناقش فيه عن أداء الـS2000 ، لأن الموضوع هذا مخصص بالكابريس تبعك وبقدرة قادر أنقلب الموضوع عن الـS2000 وأدائها.....


فإذا ما كان عندك مانع أنا بكتب الموضوع ، أيش رايك؟

السلام عليكم

انا اقول يا جاسم توكل على الله ونزل الموضوع اعتقد ان شاء الله
بيكون فيه نقاش وتفاصيل مهمه جدا راح تفيد الكل

توكل على الله

=====
عادي انا فتحت الموضوع هادا عشان انا اللي سايق الهوندا ..
وحبيت اشارك الجميع في التجربة المصورة وايش حصل فيها بالتفصيل

بس اذا تبغ تفتح موضوع ثاني تناقش فيه عن الهوندا .. عادي يا عمي المنتدى لك .. بس حيكون حواري فيه ضئيل لاني ماني من محبي الهوندا بصفة عامة ..

===

معليش ما فهمتك يا جاسم انت قصدك تفتح موضوع مستقل .. او انك تفتح موضوع داخل موضوعي ...

انا غرضي نعمل نقاش بسيط داخل الموضوع على الفيديوهات اللي عرضتها ...
مش موضوع مستقل ...

نعم أخوي أحمد نفتح موضوع ثاني لسببين:

(1) - الموضوع هذا مخصص بشكل أساسي لسيارتك وعن التلغيم و الشباب أكيد عندهم أستفسارات أكثر في هذا المجال ، فما أبغى أقطع دائرة النقاش هذي.

(2)- الموضوع طويل وما شاء الله هو في إزدياد مستمر وأنا لما أتصفح أريد فقط مشاهدة أخر رد ، فأنا أحتاج إني أدخل أكثر من صفحة .



مشرفنا العزيز زورو الإمارات

شيك على أيميلك.

بعد الشكر على الافلام اقول
معقوله الومينا قويه لذي الدرجه طيب الومينا الس اس توصل 100 كلم خلال 6 ثواني وكم جزء من الثانيه
واللكزس LS400 في 7 ثواني تقريبا
ومن خلال الفيديو الموجود ان الS2000 راحت عن اللكزس بقوه هذايعني ان الS2000 قويه وراح توصل لل100 كلم في حدود 6 ثواني ولكن عند اتحدي مع اللومينا شفنا ان الومينا راحت بقوه يعني هذا يدل على ان الومينا يا ملعوب فيها او انها تقوم في اقل من 6 ثواني وهذا مستحيييل

نبفى تعلقيل على هذا الكلام لو سمحت

===========================
على راحتك يا جاسم اللي تشوفه

==========

لااااا يا حبيبي .. خللي بالك هنالك فرق بين السما والارض بين الومينا والكزس .. الومينا اقوى من الكزس بمراحل عديدة جدا ..

يعني انا قمت بالكابرس زمان مع لكزس من نفس النوع الل يف يالفلم .. وكان عليه بكرة رياضية وفلتر وكمبيوتر ممم وكم شي بسيط جدا ..
وكنت امسك مع الكزس اول وثاني وفي الثالث والرابع اطلع عني واثبته على مسافة عامود ونص تقريبا .. بيمنا في نفس الوقت كان الومينا اخليني اقوم واروح والحقني من ورايا كاني واقف ..

ترا على فكرة الكزس لا تنخم في شكلها ... سيارة تعيسية جدا .. مصممة للترف مش للقوة ..

يا راجل الومينا الفرق بينها وبين الكمارو ال اس 1 تقريبا عاومدين بينهم او اقل بقليل ...

حتى الكزس ال 430 جربناها .. لقيناها تعيسة جدا .. مدري ليش ؟؟ على الرغم انو مكينتها سلسة لابعد درجة ممكنة وفيها قوة تكنلوجيا ما تتوقعها .. ولاكن في اعتقادي انها سيارة للرفاهية .. ما تقدر تصنفها للقوة ابدا ..

لووووووووووووول

اهب على الومينا


بس بصراحه الومينا مكينه وبسسسس غيره لا تدور

وسلملي على الGS430 تقوم ال100 في 5 ثواني و4 اجزاء من الثانيه

صحيح انا معاك .. بس ترا الومينا فيها كل شي حلو .. ماعدا انها اول شي اوربية .. وما تعتبر اميكية من الصميم . وثاني شي الرساوة زفت فيها ..

واللكزس .. ال جي اس 430 .. مررة احترمها انا .. سيارة فخمة وتعتبر قوية ..

بس تدري عام الفين حصلت قومة بس للاسف ما كانت مصورة بين كابرس اس اس من الجديد من لكزس جي اس 400 .. تصدق انو الكابرس طرح الكزس وبمسافة كبيرة كمان

انا عارف انو موضوعي اكثر موضوع بيتم الاطلاع عليه بسبب التنوع وحبيت اقول كلمة وباذن الله الكل يقراها


انا متاكد مية بالمية انو مواضيعي نوعا ما حماسية وتشد انتباه الواحد
وتجعل الشخص اللي بيقراها في حماس وشجاعة ممكن انها تقوده على فعل شي بسيارته لا يرضاه اي شخص عاقل ,,

طبعا بحكم اني في مقام اخوكم الكبير ما اقدر اقللكم الا شي واحد

طيب انا كل يوم باسمع عن حوادث السيارات ووفيات الله احمينا منها ..

الشخص اللي قدامكم خبير ومحترف في مجال السيارات .. وهوا بمثابة مروض للسيارات كما هو الحال في الخيال اللي راكب وفاهم الحصان اللي مروضه ...


انا عارف انو الكثير من الشباب بيتحمس من مجرد قرائته لموضوع مما كان فيه سواء تفحيط او سباق او سرعة او خلافه

غرضي هوا .... انا ما ابغ الموضوع اللي بيلقى في المنتدى او اي منتدى يعكس سلبيا على عقلية الشخص ويخليه يطلع في الشارع وعلى باله جمس بوند وسواق زمانه .. سامحوني على اللهجة بس انتو في مقام اخواني الصغار ..

ياما ناس ماتت وياما ناس نامت في الانعاش والعناية المركزة ..

كون انو الشخص لا قدر الله يفقد حياته في سباق او تفحيط او يعرض الاخرين للخطر .. هذي ماهي فلحنة او استعراض او غاية لتحقيق الذات
وانما انا اعتبرها صبينة .. وقمة في انحطاط السلوكيات ..

كل شي في وقته جميل .. وكل شي بعقل مميز وكل شخص يقدر ومدرك لحجم الفعل اللي قاعد يسويه انا اعتبره استاذ

انا ما اعلم الغيب ولاكن انا متاكد انو في ناس بتقرى الموضوع او اي موضوع اخر .. وبيتحمس وبيروح في الشارع ويالطيف بيرجع البيت بمصيبة .. والسبب ايش ؟؟؟ قرائته لموضوع وتحمسه وتشجعه لفعل شي هوا لاول مررة اسمع بيه ..

ابدا لا تقارن نفسك بشخص خبير وحكيم في هالمجال ...

قارن نفسك عندما تكون عندك الدراية الكافية

انا دمعتي تنزل من عيني حين ارى اناس في مقتبل العمر ... سيارته يا لطيف في شجرة وهوا ميت ومغطى على الارض ..

ايش استفاد .. ولا شي ..
ايش اهلو استفادو .... ولا شي ..

والسبب ... طيش ومراهقة .. وعدم ادراك للفعل ..

والحل ؟؟

ما اقدر اقول عقاب او ما شابه .. لانو مهما حصل في الاخر .. هوا ملك نفسه .. مفتاحه معاه وبعد دقيقة مقود السيارة بين يده .. والرقيب هوا الله عز وجل ..

لاكن كل اللي اقدر اقوله .. هوا كلمة ... واتمنى من جميع من يحبوني ان يسمعوها ..

اوزن الامور .. وخليك مدرك للشي اللي بتسويه

لا تخلوني في يوم من الايام ندمت على شوية مقالات وموضوع وشوية افلام وسباقات.. في نظري هي عبارة عن وظيفة صعبة.. بينما في نظر الاخرين هي عبارة عن العاب اتاري


اتمنى من الجميع المشاركة الفعالة وتقييم الافعال الشخصية .. ومراجعة النفس قبل عمل اي فعل ممكن انت او اهلك تندمو عليه في المستقبل ...

اعتبرو العظة هذي عابرة وياريت ما ترموها ورا اظهركم


اخوكم احمد