السلام عليكم ............((كل سنة وانتم طيبين شباب))


اقصد عيوني 86% من سيارات جنرل موترز....وعلى رأس القائمة التراكز...






انا رأي انا ان جنرل موترز تنام كثير زي مثلاُ الفترة من 96 الـ99 ((مثلاً)) واسمع ان ايام الثمانينات كانت لها نومه زيها واكثر كمان :think:





حرااااااااااااام عليك كلها 3 سيارات صارت كلها كورية..... :think:
وبعدين اذا كانت كوريه يعني؟ المعروف ان الكورين جديدين على هذا السوق ويعني التطوير دائماً يكون من سماتهم ويمكن هذا الي يحتاجوه الأمريكان....ولا؟ :think:






تبغى الصراحة ومن غير تعصب لاغيرة انا شايف الجلوريا احلى .....((الصراحة))


ويالله نشووووفكم

شوف الصور اول اخوي واحكم ودقق


الصور تمثل اكثر سيارات جي ام وشوف كيف تحسنو كثير عن موديلاتها السابقه..والجاي اكثر خصوصاً لما تتغير السيارات الكبيره


كل شركه لها فتره تنام فيها..والشاطر الي يطلع من النومه ويتعلم منها مو تبقى سياراته مثل حالها ولا ويش رايك


مثلاً تويوتا ماصارت قويه الا في فترة التسعينات ورايح.من قبل كانت مثل السيارات الكوريه ماحد يعطيها اهتمام كبير..واعتقد مستقبلاً بيصير السوق سوق السيارات الكوريه خصوصاً في الاقتصاد في البنزين ورخص السيارات لان اسعار البنزين كل مالها ترتفع وهالشي يأثر على كل الشركات وهذا الي قاله كارلوس غصن..بس اعتقد الكوريات اقل خساره


ومسأله مين احلى مساله ذوق اكثر من انها صورة عن السياره او الشركه


بس الي اقصده في الموضوع ان سيارات جي ام مو قليله في الداخليه وانها منافسه للسيارات الاخرى..واعتقد الكل شاف التاهو واليوكن وهي اقرب امثله للتطور الحاصل..بس لان ماحد حط اهتمام للسيارات الباقيه قلت اسلط الضوء عليها :cool:

بس مشكله كبيره احصل ردود ماتنظر للواقع..بس تسمع كلام الناس وماتدري هو صح ولا خطأ

الله يهدي الجميع

انا ابغى اصير محايد بس لما اشوف السيارات مظلومه عشان فتره من الفترات كانت مو زينه لازم احاول اوضح التطور والتغيير لان في ناس تحتاج هالشي عشان تنظر للي صاير


تقبل احترامي اخوي WRX وعجبتني في ردك وياريت كل الاعضاء مثلك :knight:

هالحين هذا زين ؟ :m:

هذا الطبلون من سنة 94 الى 96 ..وسيارة قيمتها اقل من 100 الف

يعني من 12 سنه تقريباً


بالنسبه لذاك الوقت ممتاااااااز

بالنسبة لي (والمسألة هي ذوق شخصي) ، تصاميم الكاديلاك والهولدن (2003+) هي الوحيدة إللي تعجبني أما الباقي الصراحة ما تعجبني ، الهولدن تحتاج تهتم بنوعية المواد شوي وتطلع أفضل.





بغيت أصحح ، تويوتا والياباني ما صار له شعبية إلا في منتصف الثمانينات ، وقبل كذا الناس كانت تضحك وتستهزأ في أي شخص يركب سيارة يابانية (الناس تعتبرك راكب لادا)

صحيح في ذاك الوقت إللي ما عنده شفر يعتبر مو شي

مشكور

و الله يا أخوي ما أدري وش أقولك

و لكن فعلا شكله مره تعبااان

يعني يذكرني بالتصميم الغبي حق الكراون فيكتوريا

على الجانب الثاني و مثل ما ذكر NFS انه أحسن تصميم لحد الان هو تصميم الهولدن :banana: صراحه ما يعيبه الا شئ واحد و هو اللي يرفض الضغط :bomb: لا و هو الخشب :cry1: أنا ما ابيهم يغيرون الخشب و لكن لو يخلونه لامع شوي و الله يكون أحسن :smart:


على العموم انا لحد الان ما أشوف سيارات GM الحقيقيه موجوده عندنا عشان أحكم عليها :think: الهولدن و استراليه :cool: و الباقين من كوريا يعني تقريبا ما فيه الا GMC و التريل بليزر و بصراحه اتمنى انهم يغيرون وضعها في الموديلات الجديده :think: حت الاسكاليد لازم يغيرون داخليته و يخلونه أفخم من كذا :-) على الاقل عشان يتناسب مع اسم كدلك :knight:




و سلامتكم

ماشاء الله كل هذي ابتسامات


تصميم قديم مثل ماتفضلت بس كان وقتها ممتاز..اما الحين قديييييم ..انا حطيت الصوره مقارنتاً بالجلورياً فقط لاغير.

بالنسبه للاسكاليد تطمن..راح يكون ممتاز وباقي عليه 4 ايام وتشوفه وتتأكد من كلامي ولا راح يكون مشابه الى اي سياره حاليه ولا حتى التاهو الجديد..بس راح يكون نفس الاسلوب..لكن التصميم يختلف.

البليزر بيجي دوره ..التعديلات تجي حبه حبه ..مافي شي يتجه مره وحده للكمال :-)

:cool:

لا لا حتى في وقتها كان فيه سيارات أفضل منها في التصميم الداخلي مثل الشبح و ال BMW :sss:

هذا اللي أبي أوصله :think: ان الاسكاليد يكون مستقل عن الباقين :smart: و يكون تصميمه فعلا يليق باسم كدلك اللي عرفناه :banana: على مر الزمن :-) و لكن أنا ما خوفني الا كلمة نفس الاسلوب أخاف نفس الاسلوب هذي تقلب و تصير نفس كل شئ :sss: و وقتها صراحه كل كدلك بيطيح من عيني :ranting: . اما بالنسبه للبليزر :knight: صراحه لو يغيرونه من هالحين صدقني بتقفز مبيعاته للسما :banana: زود ما هي قافزه الان لأن شكله الخارجي صراحه مجرم و لكن داخليته ما تعكس أبدا شكله الخارجي :blink:

على العموم ننتظر الشكل الجديد حنا وش ورانا الا الانتظار :anger:

و ما قصرت يا أخوي على المعلومات و الردود مع اني أشوف ان حزب الشفر :knight: جحدوك و خلوك انت اللي ترد لحالك على كل المشاركين


و آسف على كثر الابتسامات ما صدقنا لقينا حاجه جديده :eek: قلنا نستغلها :knight:


و سلامتكم

عادي انا متقبل آرائكم مادام انها بعقل..اما الي ماهي بعقل ماارد عليها


حزب الشفر مااحتاجه حالياً


مادري ليش مستعجل على كل شي انت


الاسكاليد حسب ماقريت لرد واحد امريكي ركب السياره يقول انها احسن من الحاليه كثييييييييراً وان جودة المواد شبيهه بالتاهو وافضل عشان كدا قلت نفس الاسلوب..


ومره ثانيه قارن بعدل


فرق السعر له دور..انت قاعد تتكلم عن فرق اكثر من 100 الف


البليزر جاي دوره لاتستعجل ..

اخو البليزر الي هو الانفوي تحت الاختبارات الحين..وشوف في صوره له من الداخل في احد مواضيع مشرفنا AMG

مااعتقد راح يختبرو البليزر لانه هو نفسه الانفوي والشكل مايحتاج اختبارات

كله هو تصميم

عاد تصدق

و الله ان الناس ما دروا عن شئ اسمه جودة مواد و لا خرابيط انا أتكلم هنا عن المستهلك العادي مو عن الباحثين أمثالنا :smart: . المستهلك اللي همه يجيب سياره للبيت شكلها و داخليتها زينه و حط تحت كلمة شكلها و داخليتها مية خط :eek: تشوف الناس كيف طاحوا في ال VW الباسات و غيرها عن الشكل فقط لا غير و الا من ناحية جوده فسيارات VW و ملحقاتها أمثال SKODA و ال SEAT تتربع على قمة عرش سوء الجوده و المواد الرخيصه المعاد تصنيعها بالكامل و لكن الاسم ان السياره ألمانيه و عشان شكلها من داخل يرضي أذواقهم و الا الصدق ما حد يسأل عن جودة المواد الخام و لا وش مصدرها

و خلها رب العالمين بس

بس كيف ؟؟ مو أحسن يوم خففنا الابتسامات


و سلامتكم

ايه والله صدقت..الشكل مايدل على الجودة


ايه احسن بواجد الحين

بصراحه انا ملاحظ ان في تحسن كبير .. مو بس في GM ولكن معظم السيارات الامريكيه .. وشوفوا داخليه الموستنج الجديده :banana: ..

تسلم يا مؤيد

تويوتا هم أسياد الإقتصاد في الوقود لخبرتهم الكبيرة في محركات الهايبرد ....والله يعين المنافسين يلحقونها


تحياتي ومشكور على الموضوع والصور .....

الهايبرد حقها راح يصير نظامه متخلف لما ينزل هايبرد جي ام

وراح تشوف كيف الكوريات بيصيرو بالهايبرد وخصوصاً دايو :-)


وعلى فكره اسعار البنزين راح تأثر على تويوتا بلا شك لاتنسى لها مصانع في امريكا وقريب تفتح مصنع هناك للراف فور وطقته

مسأله وين احلى مسأله ذوق..بس وين افضل

لا تقطعني من الضحك تكفى ...

هيبرد جي ام ...........الله يهديك بس ......اخوي ماهي سيارات جي ام الهايبرد اللحين ...؟؟


أجل دايو ............؟؟

إلى اللحين دايو يصنعون سيارات ؟


تحياتي

اخوي مؤيد والله موضوع غريب ماني فاهمك الحين احنا اهل هالوقت وش نبي بالماضي تقارن لي سياره امريكيه قبل عشرين سنه بيابانيه بفئتها شوف اشكال السيارات هالوقت والله الامريكي من ناحية ديكور السياره حتى الكوري احلى منه السوناتا احلى من داخلية اللومينا بالف مره مثلا ولا تزعل من كلامي واكثر السيارات اللي حطيتها بموضوعك ماتجي عندنا ومعليش على صورة طبلون الكابرس ال 96 احس تعبو نفسهم مسوين طبلون لو مسوينه زي الجدار والله اصرف



مع انه عندي اكورد 2002 v6 وصراحه ناوي على 300 c من بعدها لانها دخلت مزاجي من جد

تشااااااااااااو :banana:

جي ام عندها باصات هايبرد تنقل الناس بين الولايات الامريكيه :cool:


الصبر زيييييين ..والحين هم يطورو نظام قوي..مو علطول ينزلو نظام مره وحده ويبغو يصيرو اول الناس ويصير نظامهم (تلفقه)


بالنسبه لدايو ارتفعت مبيعاتها هذي السنه تقريباًَ ب25% مااذكر النسبه بالضبط..وهذا بسياراتها الحاليه .

مو انا الي بديت هالشي وشوف الردود :cool:


بالنسبه لمين احلى فهي مسأله ذوق ومو كل ذوق حلو

انا موضوعي يقارن بين جيلين من السيارات فقط لاغير بس ككل موضوع لازم يخرج عن مساره ومو انا الي خرجته :sss: