اذا قصدك ماجنا VR-X و تبي القوه نصيحتي تاخذ ماجنا عاديه مشكله VR-X انها جير اوتوماتيك و عزمها ضعيف نسبيا اما الماجنا العاديه خصوصا القير العادي عزمها معقوله جداا.

اما اذا تبحث عن الفخامه الداخليه انصحك بالاكورد و العزم جيد جداا اما الشكل الخارجي احس انه بدون هيبه

اذا تبحث عن القوه و الهيبه بالشكل الخارجي لاكن الفخامه الداخليه عاديه انصحك بالالتيما

انصحك بتجربه السيارات عن الوكلاء قبل الشراء .

مبروك مقدما.


هذا رأي شخصي وانت لك حريه الاختيار .

حبيبي روح الوكلات وشوف الأسعار واحسن عرض

بشكل عام النيسان والمتسوبيشي والهوندا من احسن السيارات من ناحيه التعمير وحتى قطع غيارها ذات جوده عاليه

لو بغيت سلبيات حسب وجهت نظري

اعرف وايد شباب عندهم التيما ابرز مشكله ان قطع الغيار ماتوفرت في الوكالة عندنا في قطر خاصه اعرف واحد اندعمت سيارته وخذت وقت طويل لين ماتصلحت

بالنسبه حق الماجنا ابرز مشكله فيها على ما اعتقد ايضا ان الوكيل في السعوديه تعبان

بالنسبه حق الأكورد انا جلست في وحده ممممم ماكانت مريحه وكراسيها قاسيه ممكن الجلد يكون اريح

بسم الله الرحمن الرحيم


السلام عليكم ورحمة الله وبركاته


ما تقصرون اخواني


تسلم لي حبوب ( infiniti ) على النصيحة و المشاركة الفعالة ..



يعطيك العافيه خوي ( الأنصاري ) على النصيحة و المشاركة ..



انا رايح الوكالات و انا من البحرين ..


و جربت هذول الثلاث السيارات :cry1: والله تحتار ما اتعرف شنو تبي ..


وتقريبا الثلاث السيارات اسعارهم متقاربه اقصد الفول ابشن ..



و مثل ما قلت خوي كلهم سيارات معمرين و قطع غيارهم متوفره ..



و ما اخفي عليك لحين انا في حيره ..




بس و الله شاهد السياره إلي بكون التصويت عليها اكثر أهيه إلي راح أخذا لأنه خبرة خواني اعضاء سوالف معروفه ..


ان شاء الله خير




في امان الله

كلام انفينتي جميل وأنصحك تسمع كلامه

لكن عندي تعقيب بسيط وهو ان VRX ماجنا 2005 فيها تيب ترونيك فمعناتها راح يكون عزمها اكبر من اول

وبس وشكرا

اذا فل كامل بكل تأكيد الألتيما 2005






ولا تفكر تاخذ غيرها


عندنا ولد الجيران ماخذ له فل اوبش

ومرتاح منها ولا يشسكي من اي شي

والسياره روعه وجميله

ولو انتي ماشريت سيارتي

كان اخذة لي وحده مثلها

انا انصحك بيها

ومبروك مقدما

هلا و غلا

انا عن نفسي اقول اكورد لانها راح تعمر معاك اكتر من بقيه السيارات وتقدر تشوف السوق لولاتنسى الاكورد قوي ويتحمل كرف ومشاوير
السيارات ال 3 كلهم حلوين وما عليهم كلام انا انصحك انك تفكر بشوي وتختار ايهم احسن شوف المواصفات شنو الي انت ترتاح لها وشنو راح يكون استعماكل للسياره يعني فكر انك راح تستخدم السياره على سبيل النثال 5 سنوات ان صح التعبير هل ستكون راضي عن السياره التي اخترتها ...


والله يوفقك

السلام عليكم ورحمة الله و بركاته

أولاً : الألتيما:
*قوية
*غير ثابتة عند الإلتفاف المفاجئ و خفيفة جداً
*البودي مالها مثل قشر البصل (نسبة إلى الحوادث اللي شفتها)
*كشخة حدها (مع إن الخلفية عريضة لكن لأنها جديدة)
*القير مالها بعض الأوقات فيه خلل (أعرف واحد دايماً طايح في الوكالة بس في غيره 3 ما عندهم مشاكل)

ثانياً : الماجنا :
*قوتها مو مثل الألتيما
*تفقد التوازن في السرعات العالية (لا تشوف الجدد شوف سيارة مرت عليها سنتين و جرب !)
*الكواليتي يمشيلأربع سنوات و بعدين تطلع المشاكل
*المكينة بعد تفقد قوتها بعد خمس سنوات
*مالها تلك الهيبة اللي يملكها الأكورد و الألتيما

ثالثاً : الأكورد :
*قوتها رياضية يعني مو مثيرة جداً
*ثايتة جداً في المنعطفات (مجربة)
*المميزات كشخة و غنية
*نصيحة لا تحط تخشيب (لأنه أعرف واحد ركب و طاح بعد 5 أشهر)
*المشكلة إنها منتشرة وايد في الديرة


و انشا الله أفدتكم و إذا في شي قولوا (أغلاط أو تجربة)

تعقيب على الاخ الي فوقي

الماجنا 2005 اجري عليها تعديلات اضافية وخاصية الفئة الرياضية اذا تم جعل القير اوتو مع تيب ترونك

وايضا تم التعديل على انظمة الثبات فيها وهذه معلومات اكيد فهذا بالنسبة للثبات

واما الكواليتي فهو يعتمد على الاستخدام قد تعطيك السيارة سنة واحدة وقد تعطيك 10 سنوات

وكذلك قطع الغيار والخرابات على استخدام الشخص

فانا اعرف بي ام ديبليو هل تريد ان تقول عن الفئة السابعة انها غير معمره

فانا اعرف واحد لم تتم عنده الا سنتين وعندما تراها تقول استخدام مليون سنة

فاقول ان هذه الاشياء تكون على حسب الاستخدام

اي ان السيارة وقطعها عمرها لا يكون مقدرا بتاريخ معين اذا انتهى اختربت القطعة

وشكرا

مشكورررين اخواني


خلاص اخواني باقي يومين و خلاص



يوم الأثنين و خلاص و انا عند وعدي .. أكثر سياره يصوت لها اهي بتكوني السياره إلي باخذها ..



الحمد الله والشكر اخواني ما قصرو و مشكورين ..


عمرTarga


عاشق الاكورد


CRX


sayedco




فيكم الخير و ما قصرتو ..



يعطيكم العافيه








اعتقد وكما يبين التصويت إني رايح على الكورد ان شاء الله




اكرر شكري الجزيل لكل من شارك و صوت في هذا الموضوع و يعطيكم العافيه و ما قصرتو


أأأألف شكر




في امان الله

انا راعي ماجنا....




بس اقولك ان قطعها غاااليه...


و السياره حلوه و فيه اللي احسن منها...




احسن حل.. الاستخاره..












EMO

آنا سيارتي ماجنا بعد وكلامي بالضبط نفس الي فوقي

بسم الله الرحمن الرحيم



انا اختااااااااااار انك تاخذ التيما احسن او اقوى

او اذا بخاطرك اي سياره على كيفك

او مبروووووووووووووووووووووووووووووووووووووووووووووووووك مقدما


باي