الهوندا لماتشغلها ترتفع للنص
شغلت مكيف ولاماشغلت طبيعي كذا

لو تلاحظ وترجع تقرء الموضوع تجد اني ذكرت ذلك وهو بسبب ااشتغال المروحة الاخرى المخصصة للمكيف

أقول أنا الي قلت أول و لا تخطي سمعت.


















أضحك

شييك على كلاتشات المروحة يمكن هي السبب

روح الامارات
الماكسيما مراوحها كهربائيه ;)


SKYLINE GTR
شيك على الآتي :

(1) - تأكد ان توصيلات المياه سليمه ومافيها انسداد ( الخراطيش )

(2) - تأكد من ان لي المويه قاسي نوعاً ما .. لأنه اذا كان اللي طري جداً بحيث انك ممكن تقفله بيدك بسهولة ، فهذا معناه انه ممكن يقفل مع المشي .. كيف يعني ؟
المحرك لما يدور بسرعه عاليه ( فوق الـ 3000 مثلاً ) تدور أيضاً طرمبة المويه بسرعه ويكون انسياب المياه داخل اللي سريع ، فاذا كان اللي ضعيف ( طري ) رايح يقفل وما يخلي المويه تنساب بشكل سليم

(3) - تأكد من أن المراوح شغاله بشكل سليم

(4) - تأكد ان بلف الحراره يفتح فتحة كامله أو غير مسدود .. بحيث تنساب المياه بشكل سليم


أخيراً اذا تأكدت من هذا كله وما زالت الحرارة توصل الى الثلاثه أرباع
في الحاله هذي لازم تشيك على وجه راس المحرك .





تحياتي ،،

أخوي M5 وشهو بلف الحراره ... ما فهمتة لأن عندكم في السعودية مصطلحات ما نقدر أحنا البحرينين نستوعبها والعكس صحيح

هلا أنت تقصد الثرموستات ؟؟؟

شوف الحرارة ترتفع في هذة الحالات
كلج المروحة خربان
الراديتر خربان
مافي ماء في الدبه
في انسداد في التوصيلات

هل عانيت من هذة المشكلة بعد ما اخترب عندك شئ لأن هذا شئ خطير لأن المكسيما ماتسخن ابدا

نعم صحيح .. اللي أقصده هو الثرموستات .. أو منظم درجة الحرارة

وتسمية " بلف " جات من كلمة VALVE ( صمام )


وحيا الله أهل البحرين كلهم

مشكور الله أحييك أخوي M5

قصدك ان اللي ينكمش على بعضه؟

الله يعطيكم العافية اخواني ، ما قصرتوا

ان شاء الله يابو عبدالله اني بشوف اللي قلته وعلى الله تضبط

على فكرة انا قبل يومين شلت البلف قلت يمكن ان الحرارة تنزل ، بعد ما شلته في الليل صارت الحرارة توصل النصف وما ترتفع حتى اني جربت السيارة على سرعة 200 كم وكانت الامور تمام

لكن في النهار تقريبا على الساعة 10 الصباح جربتها على سرعة الـ 160 كم لكن رجعت الحرارة لنفس المشكلة ، ياترى بتكون المشكلة من ايش بعد ما شلت البلف ؟؟

وانا ما الاحظ ارتفاع الحرارة الا على سرعات فوق الـ 120 كم او اذا عطيت السيارة عزم على 4000 د.د يعني هذا ممكن يرجح الحاجة الثانية اللي ذكرتها

الصوت العالي اللي يطلع من السيارة ما هو من المراوح ، يقول الكهربائي ان من الكمبريسور وانه يبي له تغيير بس هل ممكن ان فيه قطع في الكمبريسور تتغير بدل ما اغير الكمبريسور كامل ؟؟

وبالنسبة للمراوح يابو عبد الله فهي شغالة تمام وما عليها خلاف والله يعطيك العافية ياغالي ولا يهونون الاخوان كلهم عضو عضو

S8

نعم ينكمش ،،
لأنه انت عارف لما مضخة المياه تدور بسرعه .. ويكون سريان المياه من خلال اللي بسرعه كبيره ،
فيحصل ما يسمى بالـ " Vacuum " يعني تفريغ أو خلخله
فاذا كان اللي ضعيف راح ينكمش وبالتالي يصبح مرور المياه ضعيف جداً

بس هذي نادراً ما تصير في السيارات الا اذا كانت قديمه .. يعني مر عليها 10 سنوات


SKYLINE GTR
شيك على وجه راس المحرك ،، وعلى فكره انت عندك راسين مو راس واحد




تحياتي ،،

اااااااه ياابو عبدالله
هذي الطريقة تعبتني كثير في الكامري حقتي واخيرا اكتشفت ان السبب هو ان راس المكينه رايح فيها

الحمد لله خرطته ولا كلفني اكثر من 350 ريال على مااعتقد

تعتقد ان الراس فيه مشكلة ؟؟ :(

ها ماقلت لنا وش طلع لك من مشكله؟

[QUOTE]رد مقتبس من M5
[B]S8

نعم ينكمش ،،
لأنه انت عارف لما مضخة المياه تدور بسرعه .. ويكون سريان المياه من خلال اللي بسرعه كبيره ،
فيحصل ما يسمى بالـ " Vacuum " يعني تفريغ أو خلخله
فاذا كان اللي ضعيف راح ينكمش وبالتالي يصبح مرور المياه ضعيف جداً

بس هذي نادراً ما تصير في السيارات الا اذا كانت قديمه .. يعني مر عليها 10 سنوات



طيب وش المشكله ليش ينكمش لانه انا معي كورفيت موديل90 واللي لين يعني اطبقه بيدي ودرجة الحراره تكون مع المكيف 100تقريبا اذا السياره واقفه و90_95 اذا السياره ماشيه فاايش المشكله مع انه الراديتر اربع طبقات له سنه تقريبا بس للاسف نحاس لو احد يعرف مكان يفصل راديتر الامنيوم 4طبقات لايبخل علينا تكفى

اخوي M5

ماقلت لي وش سبب انه اللي ينكمش ويصير لين

اللي عنده خبره يرد

اللي يخليه ليّن ( طري ) هو تعرض اللي ( الخرطوش ) للحراره العاليه لعدة مرات


بالنسبة لسبب الانكماش .. أولاً الانكماش يحدث عند السرعات العاليه

السبب يا طويل العمر مثل ما ذكرت سابقاً
انه مرور المياه بسرعه كبيره من خلال ( اللي ) يجعله ينكمش بسبب عملية الـ " Vacuum " أو الخلخله أو التفريغ

التعريف العلمي للـ Vacuum :
( انخفاض الضغط نتيجة الانسياب من منطقه الى أخرى )

مثال بسيط ..

الآن لما يكون على الرصيف شوية أوراق شجر .. وتمر سيارة بسرعه بجانب الرصيف وش اللي يسير .. تلاحظ أن أوراق الشجر تندفع خلف السيارة بسرعه كبيره ..
والسبب ان السيارة عملت في الحاله هذي خلخله ( Vacuum ) أو عملية شفط
لأنه مؤخرة السيارة في حالة السير بسرعه تعتبر منطقه مفرّغه من الهواء نوعاً ما ( ضغط منخفض ) لذلك هذا الضغط المنخفض يجب أن يملأ فوراً ليصيح الضغط معتدل .. فتجد أن الهواء المحيط بالسيارة يتجه بقوة نحو المنطقه المفرّغه خلف السيارة ساحباً معه أوراق الشجر


اللي يحصل في لي ( خرطوش ) الراديتر نفس الشيء .. اندفاع المياه بسرعه داخل اللي يسبب عملية تفريغ جزئيه للهواء .. فيصبح ضغط الهواء داخل اللي أقل من الخارج .. بمعنى أن الضغط خارج اللي أعلى من داخل اللي ،، لذلك يحاول الهواء الدخول الى منطقة الضغط المنخفض ( داخل اللي ) ليعادل الضغط .. فيقوم الهواء بضغط اللي ( ينكمش )





آسف على الاطاله
وأي سؤال أنا حاضر

اخوي ابو عبدالله

اليوم عرفت ان فيه وحده من المراوح ما تدور زين زي المروحة الثانية يعني وهي تدور على سرعات عالية تطلع الصوت المزعج اللي قلت لك

قالي يمكن تغير المروحة او الرمان حق المروحة والصوت المزعج هذا بيروح ، لكن اللي ما اعرفه هل ارتفاع الحرارة الزايد اللي عندي بيكون من هالشي ؟؟

أكيد وان شاء الله 100% لانو وجاهتني نفس الحركة في الكابريس SS حقي كانت ترتفع الحرارة الى اعلى شي واكتشفت ان دينمو احدى المراوح خربان ..غيرته ورجعت الحرارة تمام التمام

وانت مادام انك شايف ان الدينمو فيه صوت او قربعة او رجة او او او فغيره افضل لك

وخبرنا باللي يصير لك

الله يسلمك اخوي M5 سامحنا تعبناك معاناومشكور على الشرح

اخوي ماجد

انا من مدة بسيطة مغير دينمو المروحة الثانية لانها كانت تطلع صوت مزعج مرة وصارت اوكي

قالي كهربائي غير الثانية بس ما اضمن لك ان الحرارة تضبط منها ولا اضمن ان الصوت العالي اللي عندك يصير هادي