هلا اخوي AVALON2000XLS

انا أطرح عليك هالإختيارات دامك وصلت لهالسعر

1/ مرسيديس C320 ماشالله فياقر مصغره مواصفات رائعه من جوه وشكل جميل من برا فياقرا صغيره ويكفيك انك تحمل اسم مرسيدس
وبرضوه تكون مميز لانها قليلة في شوارعنا
سعرهــا 118000 ريال







2/ جاكوار X type : سيارة مميزة بطابع اوروبي مميز غنية عن التعريف وشوف صورها تكفيك:eek:
سعرهـا مابين 113000 إلى 136000 ريال



3/ لكزس ES 300 : سيارة جميلة من الداخل وفخمه بس يعيبها شكلها الخارجي الكبير والغير متناسق لكن بشكل عام فهي اختيار جيد خصوصا وان قطع غيارها معقوله مقارنة بالجاكوار والمرسيدس والبي إم
المحرك 3.0L 210 hp V6
سعرهـا 110000 ريال





4/ BMW الفئة الثالثة : إحدى ابداعات بي إم وبسعرها المعقول ومواصفاتها الرائعة وقيادة بي إم الممتعة واطلالة الفيئة 3 الرياضية أعتقد أنها افضل اختيار
السعــر من 128000 إلى 145000 ريال







بس عااااد لا تجي وبعد كل هالتعب وتقول شريت كامري الجديدة ترا عاد تصير علوووم

الو كابريس؟
انت شفت البيجو اصلا؟ :rolleyes: عشان تقدر تحكم عليها وعلى صيانتها؟

والله ناس غريبه
يحكم على صيانه سيارة وسعرها غالي من غير ما يجرب ولا حتى اصلا يعرف ويشوف وش هي هذا السيارة
مااقول الا الله يصلحك بس



OETTINGER

واللي مايطول العنب حامض عنه قول:p

ما خطرت على بالك الألوميغا ؟؟؟؟؟

اهليييييييييييييييين
شباب
كيفكم كلكم عساكم بخير
مشكوررررين على ردودكم كلكم
مع ان كانه اشم ريحة هواش راح يبتدي بالموضوع
خخخخخخخخخخخ
----
كل السيارات الي قلتو عليها فكرت فيها ميئة مره
بس عندي مشكله وحده
ان الشايب الي عندي بالبيت ( اعتبره وزارة الداخليه )
مايل لكرايزلر كثير
خصوصا انه يعرف كم واحد من المسؤلين هناك
عشان كذا
هو قايل لي عن ال300M
وانا اظفت من عندي ال BT(تراها راح تنزل بالوكاله يوم السبت هي موجوده بالمخزن عندهم)
والساب الكوبيه بحب الخشوم كلمته عليها
عشان كذا ادري تعبتكم معاي
بس والله محجور بالسيارات الثلاث ذول
وبالعكس البيجو فكر فيها وعجبتني مره
ومثلها الجاكور
والفياقرا الصغيره ( فرخ الفيقا )
اخوي X5
والله هامني الشكل اكثر من القوه
اقولكم شي ولا تضحكون
ال BT
عاجبني فيها شكلها
صح انه غريب ووجه كاه مدري ايش
وخلفيتها مدري ايش
بس صدقوني احسها رهيبه
(احب الاشكال الغريبه )

ومشكورين للمره المليون شباب وما قصرتو

1-إذا مب هامك الترزرز بالتحليه وهمك سياره راسيه وأمينه خذ المرسيدس (C)
2-إذا ودك بكشخه بالإضافه للي فوق خذ البي أم الفئه الثالثه (محترمه)
3-الساب فكرت أنا شخصياً أشتريها بصراحه بس خفت أنها سياره جديده ووكيلها غير معروف (مع أن تاريخ ساب تاريخ عريق جدا وتكفيك صنع هيكل الرأس تبع البوينق)

الM300 وأنت بالرياض (أنحش وبقوه بعد) كان عندي الأنتربيد دودج أخت الM300 هبلتني بالصيانه والقطع النار لو شاري BM أصرف ولله
عشان كذا نصيحه شلها من راسك




وأذا شريت وحده من هذي السيارات تراك مديون لي بدوره



سلام
خالد

كم تكلف صيانة 20.000 كلم ؟
طبعا تكلف اكثر من غيرها في نفس فئتها
وكيف أسعار قطع الغيار ؟:p

كابريس
انت اول شي اعطيني السيارات اللي من نفس الفئة بعدين انا اقول لك كم تكلف صيانه الـ20 الف كيلو
مع اعلم ان سيارتي لم توصل بعد الى صيانه 5 الاف كيلو:p

1- لكزس ES300
2- مرسيدس E240 - 6 سليندر


غيرها أدور وأعطيك خبر

E240
حرااام عليك ...وين راح E320?
الفئه الخامسه؟
لكزس GS300
لعلمك اللكزي ES300لاتقارن بتاااااتا بالبيجو ولا شعرها حتى

عموما يا حبيبي
صيانه 20 الف وحسب علمي انت شغل يدهم في الشركة 200 ريال فقط فقط
وقطع غيار تقريبا بواجي وفلتر هوا فقط
يعني الشغله كلها ماراح توصل الى 350 ريال

ممكن تقارن هذا الشي بصيانه الكامري حقتك؟
انا كلفتني صيانه الـ10الاف في الكامري حقتي الـ97 تقريبا 271 ريال على مافتكر

:eek:


انت متأكد ؟؟

أجل ليش أصحاب البيجو 307
و 206 يشتكو من انو الصيانة غالية مررررررررة وتوصل صيانة 20.000 إلى 600 ريال !!!


ولا ال 607 غير؟ :rolleyes:

انصحك بالساب

قوة وجمال وامان وسعر معقول