عفوا دون موديل 96
خطا سرعه

لوول يا عمي عادي ولا تعب ولا شي ..
انا اقصد الكابرس بكل موديلاته .. دايما ال LTZ اقوى من ال اس اس
لاسباب بسيطة ذكرتها ...

في موعد جديد يا شباب وقومة جديدة بس للان مجهولة الوقت ..

وحتكون اقوى من القومة السابقة ...

حيكون سباق القمة اللي عن طريقه يتحدد مين صاحب اقوى سيارة اربع ابواب في المملكة ... بس اصبرو شوية

أولا اقولك الف الف مبروك اخوي على الفوز

والصراحه يستاهل الفيديو ان الواحد ينتظر تحميله ولو ان حجمه كبير

وحبيت اسألك أخوي الله لايهينك

الSL 55

اللي طرحته أيش مسوي فيه راعيه

وكم وصل قوته ؟


وشكراً

طيب....عندي سؤال بالنسبة للNOS كيف طريقة عمله ووين ينرش اصلا ...وكم حصان يعطي وكيف يتركب وهل يباع هنا ولا تجيبه من برة.........تحياتي

كيف الكابرس الجديد الLTZ اسرع من الSS لا في هذي اعارضك
انت عارف الSS كم حصان والLTZ كم حصان

حبيببي Faisal20o0
ال مرسيدس الي انا جربت معاه نسخة خاصة معدلة من شركة AMG
عليه مكينة قوية ومزود بسوبر شارجر
السيارة قوتها جبارة وأدائاتها خيالية مقارنة بمثيلاتها






بالنسبة يا 760
ال NOS شرحه بالتفصيل طويل شوية ..
بس اعطيك نبذة ...
كم حصان تبغ قوة اضافية على سيارتك .. 50-100-150-170-200-250-300-400-500-700-800-900-1000 حصان .....
اختار اي رقم من هذي الارقام وممكن تاخذ نتيجته في التو واللحظة بمجرد الضغط على الزر ....

عبارة عن غاز بارد جدا يزيد نسبة اشتعال المكينة بنسبة 500%

ولي جلسة وشرح مفصل عن الشي دا ..

عيوبه ومميزاته

ممكن تستخدمه في السليم وتتمتع بيه .. وممكن تسوء استخدامه وتفجر المكينة (( بضغطة زر ))
الغاز لازم لوه مكائن خاصة مش اي مكينة

هلا يا TIWNCAM
وكم الكابرس ال عادي وكم الا اس اس يخويا

ثانيا انا ما اضع القوة الحصانية مقياس للقوة .. .
لانو ممكن انت عندك سيارة 500 حصان وتجيك سيارة اخف منك وزنا تطرحك وهيا 200 حصان ..

عشان كدة الوزن والخفية في صالح الكابرس العادي ال اس اس ثقيل بسبب جنوطه

أظن أن سبب كبر الجنوط أو مقاس الكفرات يرجع إلى القوة الحصانية والعزم الكبيرين .


كلامي صح يا أستاذ

يعني ات من كلامك انه الكابرس الLTZ ارسرع من الSS طبعا الموديلات الجديد 200 _2003 حرام عليك الكابرس ال اس اس 325 حصان ووزنه 1684 كيلو جرام
بالنسبه لLTZ على ما اتوقع انه 265 او 295 حصان ووزنه ما ني عارفه بس اذا كان على الجنوط كلهم لهم جنوط وما راح تفرق كثير في الوزن ولو كان ال اساس مو اسرع من الاتي زد كان ماصنعو اصلا هذا الما ركه اس اس
وشي معروف عند الشباب انه ال اس اس اسرع بكثير من الاتي زد

شكرا كينج على الرد وابغا احط معلومة للشباب ان الsl55 تطلع على المورسلاجو باالراحة اذا تقاومو من 0-300 وهذا الكلام اغلب المنتديات الاجنبية تتكلم عنه يعني باختصار سيارة خوينا كينج جبااااااارة وانا اتوقع ان لا حطه على البوست كامل ......يروح مكه وياخذ عمره ويجي
وهو ماوصل

عزيزي _eyad_
صحيح الجنوط ال 17 انما دلت فهي تدل على قوة السيارة وأدائها ..
صحيح كلامك .. بس مش في كل السيارات .. مثلا خد عندك مثال
الكمارو ال z28 الجديد من موديل 98 وانت طالع الى موديل 2002 .. ليش جنوطه 16 ....

وخد عندك مثال ..
المكسيما الجديدة ليش جنوطها 17 ؟؟؟

يعني حتكون المكسيما اقوى من الكمارو


هذي سياسة شركات في البيع
واسلوب منمق ومدروس لتلبية حاجة العميل والزبون

حبيببي TIWNCAM

الكابرس ال LTZ مكينته هي نفس مكينة الكابرس ال SS

الفرق بين الاثنين طبعا بسيطة في الشكل ونوعا ما في التعليق السفلي وشوية حاجات ..

بس صدقني لو اخدتهم من الوكالة حتلاقي الكابرس ال عادي اقوى من ال اس اس في الرب عميل .. لانو اخف وزنا
والكابرس ال اس اس اقوى من العادي في الخط لانو افضل انسيابية


انا اعطيك مثال ...

خد مكسيما اقل نوع ... وخد مكسيما افخم نوع ....
ليش المكسيما اقل نوع اللي تجي جنوطها لونها اسود وحديد تطرح المكسيما الفل كامل اللي جنوطها المنيوم وفيها جناح

... هذي مجربة انا كان عندي مكسيما وعارف

انا اقللك ليش .... عشان فرق الوزن ....

على فكرة ... ايام زمان كنت اذا جيت اتسابق مع احد عنده كابرس زي اللي عندي كنت اشيل الاستبنة واشيل عدتها عشان اخفف وزن سيارتي .. وكنت افوز ....

وسلامتك ...

King_SS
والله عارفين حكايه الوزن ما الوزن لكن المشكله في القوه الكابرس ال اس اس مكينه اقوى الوزن ما فيه فرق كبير بينه وبين ال LTZ يا خي مكينه ال اس اس تجي 325 حصان وس جاب 325 حصان عند 265 مدري 295 حصان ! قول ال LS بدون جنوط طيس LTZ اقولك ال LS يسبق
مدري وش راي الشباب

صحيح كلام TIWNCAM
الكابريس SS 2002 مكينتها قوتها 325 حصان ووزنها 1684 كلغ

والكابريس LTZ 2002 مكينتها قوتها 295 حصان ووزنها 1684 كلغ

حسب ما جاء في الموقع حق جنرال موتورز الشرق الأوسط هنا

يعني فرق حوالي 30 حصان
أنا معاك أن وزن الـSS راح يكون اكثر من كذا بسبب الإضافات التي عليها [ الجناح - الجنوط - الكفرات ...إلخ ]

بس ما تظن أن الـ30 حصان هذي تعوض من ثقل الـSS ؟؟؟

والله مدري يا شباب في الشي دا انتو اعلم مني ..
لاني بصراحة ماني من متابعي اخبار السيارات الجديدة


امكن خبرتي تحكم على سيارات معروف مصدرها مثل المكسيما
لاكن الكابرس الجديد سيارة استرالية ومكينتها امريكية ومدري لخبطة
الواحد مو عارف هذي كم حصان وهذي كم حصان

على اي حال اذا كان الفرق 30 حصان .. مكن تعوضها بكم قطعة خفيفة

بالنسبة لي ... وكرأي الخاص ...

الكابرس في نظري وقف من بعد 1996 ... واللي بعد كدة يجي ما اعتبره كابرس ...

حتى الكابرس الامريكي 6 سلندر ودفع امامي

السلام عليكم

King_SS
عندي تيربو حق راس شاحنة مرسيدس(ديزل) ابي اركبه على كمارو

مادري يركب ولا لا؟؟؟

وبالنسبه لتوليف كيف؟؟؟

ما اعتقد انو راح يركب وحتو لو ولفته وركبته حتكون النتائج سلبية تماما
لانو المكينة غير مخصصة للتيربو ..

===

غدا انشالله راح انزل كم فيديو بسيطة انشالله تعجبكم

بالنسبة للفيديوهات اللي راح انزلها بعد كدة انا اعتقد اني راح انزل نسختين وحدة بنقاوة عالية وحجمها كبير شوية .. لمحبي تجميع الفيديوهات
وكمان راح انزل نفس الفيديوهات بنقاوة اقل وحجم اصغر عشان الجميع اقدر اشوفها

:(

مازلت بأنتضار ردك

السلام عليك اخوي King_SS

حبيت أسال و أستفسر:

سيارتك (ماشاء الله عليها) طلعت ويا كثير من السيارات ولكن هل كانت على الواقف ولا على الماشي يعني مثل 20 ولا 80 كم ...

وهل يمكن تقوم عن GTR مزود ... هذا سؤالي الغالي و GTR هو اقوى GTR في الإمارت الأصفر....

وشكرا

lumina أخوي ممكن تبلغ صاحب الجي تي أر الاصفر...........والزد الفيبر يستعدوا يوم الخميس لأقوى سباق....مع الموستانج الاسود وصاحبه حسين الكلباوي.....وصاحب الجي تي اس الاحمر ابراهيم السعودي...حيث التقيت معهما ويبلغوا المتسابقين بتجهيز وتزويد سياراتهم بكل انواع التزويد....... مع تحياتيEVILRACING....

حبيت وبمأني عضو جديد أن اهنهيك على هذا الانجاز الرائع ولو انه جا متأخر


وكنت متابع موضوعك من بدايته.....



اسأل الله القدير لك التوفيق وللجميع...



:cool: :cool:

اسفين يا اخ kingssعلى التاخير بس ماقدرنا نسجل الي دحين...


وعندي لك سؤال:
ليه ما تجرب تقوم مع السكايلاين الحمرا؟

حسب علمي انها الى الان اقوى سياره في جده وقوتها تقريبا700حصان وطرح الدوج فايبر

يعني اذا طرحته ممكن تنزع اللقب منه.

حبيبي دودج في شركة وحدة تبيع كل قطع التحويل من مكينة عادية الى مكينة شفر 350 اعذرني ما قدردت اجيب اسمها لاني كنت جدا مشغول اليومين اللي راحت لاكن صبركم بالله ال ياسر


==
عزيزي lumina
سيارتي كل تجاربها كانت على سرعة 40 واحيانا على سرعة 60 او 80 في الحدود هذي .. بس حاليا اصبحت كلها على سرعة 60


وبالنسبة لل GTR فهي سيارة من بابين ووزنها خفيف وتيربو و5 سرعات ودفع رباعي وانسيابية كل شي فيها مصمم للوزن الخفيف حق السباق... يعني انت قاعد تتكلم عن سيارة رياضية بحتة

فئتها مختلفة تماما عن فئتي .. انا ما زلت سيارة سيدان مصممة للرفاهية ووزنها ثقيل وانسيابيتها ضعيفة وتحتوي في داخلها على كل ماهو مصمم للرفاهية من جلد
وفوق كدة فهي دفع خلفي ...
فبصراحة ما اقدر احكم الا بالتجربة ... بس من واقع خبرتي ..
انو لو جربت مع GTR مزودة ما اقدر افوز عليه ... بس راح اتعبه وفي الخط لا يمكن اروح عني بعيد ..
لانو مهما كان انت قاعد تتكلم عن كابرس عليه مكينة جبارة .. مو اقل من 800 حصان على الكفرات الخلفية .. بس فارق الوزن والدفع الرباعي راح اخليه اطلع عني في المسافات القصيرة ....

واما في حالة .. ما اذا قمت وانا على فول بوست ...... صدقني حتكون في منافسة كبيرة بيني وبينه ... هذا اذا ما طلعت عليه بعد

=====
تسلم يالغالي 902

====

حبيبي 1100R
صعبة اني اجرب مع السكايلاين الحمرا اولا واخيرا صاحبها واحد من اعز اصحابي .. وانت زي منت عارف السباقات هذي خاصة مع المقربين ممكن تسبب نوع من الحزازيات والتحيز وفي الاخر ممكن تسبب فراق بين الاحبة ..
لانو مهما كان انت خسران وهوا خسران لو واحد فيكم طرح الاخر .. صدقني راح ازعل مهما كان ..

وفي الاخر اقولها .. انا ما زلت سيارة سيدان

وبالنسبة للقب اقوى سيارة في جدة .. ترا يا شباب صعبة ..
اذا انت تتكلم عن سيارة معدلة ... فما زال هناك البورش الروك والبورش الجمبالا

ومن ناحية السيارات اللي من الوكالة .. ما زال هناك البورش الجي تي 2
السيارات هذي لطالما هي موجودة في جدة ... فانا اعتقد انو لقب اقوى سيارة في جدة صعب ..


لاكن بالنسبة لي انا ... فالحمد لله ما طليت فوق وانما اقتصرت على لقب اقوى سيارة اربع بيبان في العالم ..
والان النزاع بيني وبين البي ام الاسود حق الامير ...
منطقيا انا اقوى بحكم الماسفة اللي كل واحد فينا طلع فيها على المرسيدس ال SL55 AMG

لاكن فعليا ما حصل .. وانا مؤجل السباق اللي بيني وبينه الى بعد العيد .. نظرا لاني طلبت حاجات للسيارة تقوي التعليق السفلي حقها ..

وسباقي مع البي ام حيكون سباق القمة من نوعه .. لانك بتتكلم عن سيارة تخلي البورش القديم كانه واقف .. وطرحت المودينا وطرحت المرانيلو وطرحت الوتس وطرحت البورش الجديد ...

فانا متاكد انو السباق اللي بيني وبينه حيكون سباق اسطوري
تتحدد فيه مين اقوى سيارة اربع ابواب في العالم ..

من هالحين لين وقت السباق .. دعواتكم يا شباب وباذن الله اسير خير ..

طبعا النزلة الجية للكابرس حتكون مرررة عنيفة .. حيكون سيارة لا يستهان بها

وسلامتكم

اشكرك اخوي King_SS

وكلامك اقنعني الصراحه ... والله يوفقك وتحصل لقب اقوى سيارة في المملكة ....

والله يا اخ KINGSSحمستني مرررره وودي اشوف هذي المطارحه..ز

بالله اذا عندك تفاصيل اكتر ياريت تقولي عن المكان والوقت....




وسلامتك.......;)

مع احترامي لك ولجهودك اسمح لي اقولك ان الكابريس مش انتاج عربي اولاً..

وثانيا ان الخبره اللي اكتسبتها اكيد غربية من عربية..

وثالثا الادوات اللي استخدمتها كلها من انتاج الغرب..

بس الخدمة والتركيب من انتاجك..

فأين الانتاج العربي اللي تتكلم عنه؟؟ اصحى شويه..

انا اقول لو بنتحدى الغرب لازم نتحداهم باشياء ثانية مش بسياييرنا..
صدق عرب!!!

مع احترامي وهذي وجهة نظري والسموحة للجميع..


SLR