هلا اخوي

ايه والله متاكد

وهي سيئه لاخر درجه قاسيه بشكل غير طبيعي حتى فيه احد من اقاربي معه فكتوريا وكانت عليه قوديير وغيرها الى سوموتومو وتغيرت عليه السيارة مره

اقول لو تقدر تعطيني اسم الكفر بالضبط عشان اسئل عنه

وبعدين انا سمعت ان الدنلوب ثقيل

وش رايك بالميشلن


زي ما قلت ابي الراحه

ومشكووور على التفاعل

اهليين اخوي قلق

اول شيء انصحك بانك لا تحكم على شركة من منتج واحد او منتجين

و شركة جوديير من افضل الشركات في صناعة الاطارات بس يمكن انت ما توفقت في الاختيار

و بخصوص الدنلوب ايضا نفس الكلام

انا اول مرة اعرف انه في كفر ثقيل و آخر خفيف !

الدنلوب ايضا من افضل الشركات في صناعة الاطارات و اكثرهم تطورا

بالاضافة الاقتراحات اللي اديتك اياها سابقا

اقترح عليك

بيرجستون تورنزا ER30

ميشلان ساينكرون 4×4

و اي سؤال

حاضرين

اهلا اخي سناري ...
بما انك من متابعي تطورات الاطارت, ياريت لو تعطينا نبذه بسيطه عن الاطار الجديد من Bridestone Tauranza GR 80 ,والي جرت عليها الاختبارات في سنغافوره على ما اعتقد على ماقالي مندوب بريدجيستون في الامارات....
ودامت اطاراتك واطارات الشباب سالمه انشاء الله

اخوك Kalifornia

الاخ سناري مشكور جدا على المجهودات الطيبه الله يحفظك....

بس عندي سؤال بسيط ايش رايك في اطارات كونتننتال او كننتنتال وشكرا....

كلمتين ورد غطاها اخوي سناري

الحين انت تسال عن الاطار وايش نحتاج فيه من مواصفات واللي هي من طول العمر الثبات الراحه التحمل للحراره السرعه العاليه .................الخ

فهل تفرق على السعر وهل هالمواصفات تاثر على الكفر نسبيا مثلا اذا انا عطيت الراحه الاولويه هل يعني اني راح اضحي بالتماسك

لاني بيني وبينك انلحست :m: السياره الوحده يمكن يركبلها 5انواع من شركه وحده وغير الشركات الباقيه يعني الشغله تصير طويييييييله عريضه

السؤال الاخير هل هناك كفرات تجمع جميع المواصفات ولو كانت الاغلى

ارجو يكون سؤالي واضح لك

اهلا اخوي كالفيورنيا

رغم اني كنت في وكالة بيرجستون قبل شهر تقريبا لبعض الاعمال الا اني في الحقيقة اول مرة اسمع بهذا الاطار

و ياليت تتفضل علينا و تقلنا ميزاته و عيوبه و صور له لو تكرمت


اهلا اخوي تي تي

اطارات كونتينينتال غيرت نظرتي لها و اعتبرها الآن من الاطارات الجيدة في السوق

لكن لازلت ارى ان هناك افضل منها في السوق


اهلين اخويا الشرقاوي

نعم الاطارات تختلف في السعر حسب الجودة و المميزات و المقاس

و الكفرات اللي تجمع بين جميع المواصفات قد لا تجمع بين جميع ظروف القيادة

يعني مثلا انا في بالي اطار ممتاز جدا لكنه ما يصلح مع المطر و الثلج لكنه هادئ و مريح و ثابت و عمره نص و نص

اللي هوا بريلي بي زيرو نيرو

و بيرجستون بوتنزا لكني لا اتذكر الرمز حاليا

هلا اخوي سناري

عندي استفسار

انا شاري جنوط 17 زينه وابغى اركب كفرات بس تكون جيده وسعره مناسب يعني لاهو غالي ولاهو رخيص وايد
مع العلم اني دائما اطلع على الخط اروح الظهران يعني هالله بنوعيه جيده

رايك اخوي :think:

خذ بيرجستون بوتنزا جي 3

مشكور اليوم باروح اشوفهم

هلا والله اخوي سناري عندي سؤال عن سعر الإطارات في السعوديه وابي منك نصيحه ..

مثل ما تعرف ان حجم إطارات الكومارو موديل 1994 هو 245/45/r16


انا ناوي اشتري اطارات من السعوديه لكن ابي العرض يكون أكبر قليل يعني ينفع اركب ..

r16/50/250

or

r16/45/250

وبغيت اعرف اسعار الإطارات عندكم اذا كان من شركة بريدجستون او اي شركة تنصحني فيها ..

سعر الإطار الواحد في البحرين مئة دينار تقريبا أو أكثر يعني ألف ريال ..

ياريت لو تعطيني معلومه عن اسعارهم عندكم وهل صحيح ان في إطارات ب300 ريال ؟؟

عفوا سناري على المداخله


Corvette_Stingray
انا قبل يومين رايح الدمام في شاره بن خلدون محلات الكفرات
الا اشوف سيارات بحرينيه حوالي ثلاث او اربع جايين اركبو كفرات
يعني طلعت السالفه كذا اممممممممم

ترى في 300 وفي 200 ريال بس الصناعه صيني وضمان سنه مايجي اسبوع الا هو منعوج من الشمس

هالكفرات زينه و لا هي غاليه ولا مزعجه

بس عيبها ما في traction ابد و بعد استخدام حول سنه ما كأنك مركب كفرات السياره تفحط بشكل مو طبيعي < و تقعد مكانها

اهلين اخوي كورفيت

العرض يجي 255 و ليس 250

و طالما عندك سيارة رياضية

انصحك باطار جوديير F1

و طبعا الاسعار تتراوح بين 100 و 1000 ريال و ربما اكثر

و هذا يعتمد على المقاس و الجودة و نوعية الاطار

اطار جوديير ممكن تلاقيه غالي شوي بس يستاهل

اذا تبغى شيء ارخص و جودة عالية ايضا عليك بالدنلوب SP Sport 9000


===

اهلا اخوي بنز

ايش نوع الاطار اللي لقيته

و اذا كان اللي في بالي فسعر 240 مناسب جدا و الله اعلم

السلام عليكم

ان اول مره ادخل على هذا الموضوع مع اني اشوفه من زماااااااااااااااااااااااااااااااااااااان

المهم

اخوي سنـاري ودي اغير الجنوط الي سيارتي واخذ لي جنوط اكبر
وابغي اعرف احسن الاحجام الي الجنوط الي على سيارتي جنوط 14 شد بلد
مع العلم ان سارتي ما هي مهبطه ( منزله )
والكفرات الي عليها الحين 205/60/14
وابغي اركب مقاس 16 او 17 وبالتحديد باركب 16

وفي رايك ويش الافضل للسياره 16 او 17 مع اني استخدم السياره في مشاوير
ونسيت اقول لك سيارتي كورلا 2004


سلااااااااااااااااااااام

اخوي سناري عندي سؤال هو سابق لأوانه ولكن ابي اعرف

الوالد معاه جيب سوزوكي جراند فيترى 2004

في حالت تلف كفراته ايش النوعيه الممتازه في نظرك ماتهمني النقشه قد مايهمني الراحه والهدوء والعمر الطويل

طبعا ارجوزا تعطيني تفاصيل

يعني الأرقام الي اقولها للبايع ولو قدرت تجيبلي شكل الكفر اكون لك من الشاكرين



هذي صورت السياره
الظاهر الكفرات الي عليها بريجستون على فكره السياره من يوم ماشريناها لما تترك الطاره تحذف

اهليين اخوي كرولا

و حياك الله في موضوعي

جنط 16 معقول بالنسبة لك

لكن 17 كبير

و المقاس هذا اللي اعطيتني هوا 205/60/14

ما اعتقد انه المقاس الاصلي للسيارة

عموما ياليت تكتب لي المقاس الاصلي عشان احاول اساعدك


=======

اهليين بالحبيب احمد

ياليت تقولي ايش المقاس الحالي للسيارة

و بالنسبة للحذفة روح وديها للوكالة وخليهم يصلحوها لك

و ما يصير خاطرك الا طيب

مشكور على الرد
بالنسبه للكفرات حق الوكاله 185/70/14
وغيرتهم قبل شهر تقرينا وركبت 205/60/14

وان مصمم على 16 ابغي احسن مقاس ليه
مع العلم ان سيارتي ما هي مهبطه( منزله ) مثل ما اخذتها من الوكاله



وشكرا

اهلا بالحبيب بيربيكان

في الحقيقة اول مرة اسمع عن اطارات اسمها فيرنزا

و اذا كان على الدعسات فعندك ميشلان و بيرجستون لديها جميع انواع الدعسات في العالم

الامر ما يعتمد على الدعسات فقط

و اذا تحب اساعدك في اختيار اطار جديد لسيارتك انا حاضر


====

اهليين اخي كورولا

انصحك بتركيب هذا المقاس

16\50\205

اذا تحب اساعدك في الاختيار ياليت تكتب لي متطلباتك

و الله يحييكم

الأخ العزيز: سناري شكراً جزيلاً لك ...........


بالنسبه للميشلان والله سعرها غالي جداً الكفر الواحد ب1000 ريال تقريباً..........

اما البريجستون ماسألت عنها ...........

وياليت لو تساعدني وتدلني على كفرات يكون سعرها في حدود 500ريال .........

والله يعطيك العافيه

اهلا اخي بيربيكان

طيب ما علمتني ايش نوع السيارة و موديلها و المقاس الاصلي لها و المقاس الحالي و طلباتك في الاطار الجديد و الاشياء اللي تشتكي منها في الاطار الحالي

و سلامتك

اهلين اخوي سناري

الحمد الله اخذت الجنوط بسعر حلو ومقاسهم 16/7.5 والشنبر عرضه حدود 3 سم
وباقي بس الكفرات ان شاء الله باركبهم بعد اسبوعين
وهذي صوره للجنوط

الجنط رووووعة ماشاء الله تبارك الله

و بالبركة عليك

لسلام عليكم

يا اخ سنـاري انا عندي سيارة opel mega v6 3.2 2003 و مركب عليها من الوكالة تواير يوكوهاما

و الحين مشت السياره 30000 كم وبدئت التواير تطلع صوت مزعج
الوكالة قالولي لازم تبدل التواير لأن حالتها خطيره جدا و فيها انتفاخات و تواير اليوكوهاما عمراه 30000 كم فقط

المهم ارجو المساعده في تحديد نوعية الإطار لأني اتلعوزت حد يقولي ميشلان و حد بقولي بريللي و حد يقولي فايرستون و انا ابي إطار مايطلع صوت و مريح و ما يصير فيه انتفاخات و رجه. قالولي إن مافي تاير في العالم ما يطع صوت هالكلام صحي ح

قياس الإطارات 17 45 235 ولازم يكون هذا القياس ولا بتصير مشاكل في أنظمة السياره
الأوبل محتاجه تواير قويه لأنها سيارة ثقليه و سريعه وقويه