السلام عليكم ورحمة الله وبركاته


مثل منتو شايفين استنغنت عن محركها واخذت مكاينه شبح اليبان skyline RB26 TT

صراحه قووووووووووووووووويه







مايصح الا الصحيح .

:banana:

أصلا يكفي محرك السوبرا

الفرق بيين السكايلان والسوبرا
الأول فور ويل والثاني دفع خلفي

والسلااااااااااااااااااااام

حطوا هذه المكينة من باب التغيير والتجديد

وإعطاء المنافسين أمل



وتحياتي

إضافة :

لو تلاحظ أنها هذه مخصصة للإستعراض

والجنوط خير شاهد...!

وين اودي وجهي
ويش اسوي في روحي
اغطي وجهي بوشو

;)

مو غريبة كل شي يصير هالايام

دنيا تلف و تدور

مشكوووووووورين شباب على ردودكم وتعليقاتكم الحلوة




اخوي Third Eye

كيف يعني حق استعراض هاذي لسابقات وهاذي وفي سيارات ثانيه بعد من نفس الشركه مسوينها وبعدين وشو فيها الجنوط اقنعني شوف الصوره هاذي كيف يعني خير شاهد!!!





طيب ماعلينا نكمل صور لكم وهلمرة عندنا مفاجئه قوييييييه مرره بحق السوبرا هلمرة السوبرا مغيره محركاتها وحاطه ماكينه سلفيا SR20 اربعه سلندر:banana:



وهاذي ماكينه السياره على السلفيا



انشالله الصور الجايه فيه قريبا :banana: الفضائح

سوبرا عليها محرك سكايلاين ... عادي، شو فيها؟ بعدين هذي سوبرا وحدة، حتى لو إن شاء الله 100 سوبرا، شو المشكلة؟ وغريبة ردود بعض الشباب، كأنه عار هذا اللي في الصور.

راحت ولا طارت، مجرد سيارات وحديد، مش أكثر من جيه.

مايصح الا الصحيح

عجل على كلامكم

نقدر نقول نفس هذا الكلام عن السيارات اليابانية ...
اظن معظم السيارات المشاركة في تل مرعب (إذا ماكانت كلها) بداخلها مكاين أمريكي والبالذات مكاين GM ... وكذلك بعض أصحاب سيارات الدرق ريس إلي في المنطقة معظمهم مكينته تكون GM ... فأيش يعني هذا الكلام ;)

أضن ولا شيء ... كل شخص راح يشتغل على مكاين يعرفها وصيانتها وإنشائها ما تكلف مبالغ كثيرة ... ويمكن هذا ينطبق على السوبرا إلي فوق

يعني الحين شصار لما ركب مكينة سكاي على سوبرا عادي مافيها شي .....

تفضل هذا الرابط

http://www.swalif.net/sforum1/showt...threadid=182222

بورش 911 مركب مكينة كورفيت يعني شنو صار ... وعلى فكره اكثر الي عندنا في قطر وحتى الي في الامارات الي عندهم ربع نيسان (الاكثر) يشيلون المكينه ويركبون مكينة كروزر ... والي يركبون بعد مكينة GM يعني لان السوبرا مركب مكينة سكاي لاين صار السوبرا كوخه:p

مشكورين ياشباب على ردودكم وتعليقاتكم وانا احترم رايكم بس انا وضعت هاذي الصور لن بعض الشباب وكثير من الشباب يقلون ان مكاينه السوبرا اقوى من السكايلان اوكي؟ وبعدين انا مالي شغل في سيارات ثانيه انا الي اتكلم عليه عن ماكينه السوبرا والسكايلان ووووووبس:cool:

تدرون ليش اغلب الناس يركبون مكاين GM ؟؟؟


لانها ارخص مكاين في التزويد و قطعها متوفره بكثره هذي الاسباب الرئيسيه .


لاكن الموضوع هنا ليش السوبرا مركبه مكينة سكاي ؟؟؟

إخوي إنفنتي نسيت تقول شي، مكاين الGM تستحمل أكثر وممكن توصل أحصنتها لشي خيالي، ومو معقده، وصوتها أحلى، وتقدر تتحكم فيها بسهوله، مو السبب إنها رخيصه، مكينه السوبرا إخوي بايعها ب140 دينار، ومكينه الكورفيت بأكثر من 200، والسوبرا كانت تيربو، شرايك؟

معليه شباب عندي سؤال خاش عرض ...

وش هي فايدة قطعة الستيل الي ماره فوق المكينه ومربوطه مع المساعدات؟؟؟

أرجو الإجابه .

أخوي شوف في هذا الرابط التيما بمحرك سوبرا

http://www.assayyaratnet.com/forums...&threadid=35908


تحياتي :cool:

واخزياه واخزياه
هذا والله الي ينقال عليهم المثل:_
علمناهم الطرارة وسبقونا على البيبان
ومشكوووور الغالي على الصور الي من جد بانت فيها قدر السوبرا وهذا قدرها واقل من كذا بعد وللحديث بقيه طبعا بس مانبي نسوي حزازيه بين حزب النيسان وحزب التيوتا
وتقبلوا خالص تحياتي واحتراماتي
:banana:

بيني وبينك صايره مسخره هل ايام كلشي يركبو :banana:

بسم الله الرحمن الرحيم
السلام عليكم ورحمة الله وبركاته

عادي يا جماعه ليش مستغربين شي طبيعي انه مكاين نيسان اقوى من تويوتا وراعي السوبرا مايلام طقت جبده من مكاين تويوتا الي ماتمشي

انا بس ودي اعرف شيء واحد

انتوا ليش لها الدرجة مقهورين من السوبرا؟

يمكن عشان السوبرا حققت انجازات كثيرة:rolleyes:

نسيتوا walser supra اللي يسمونها Hayabusa killer

و supra jun اللي جابت سرعة 401 كيلومتر في الساعة

و supra 1999 اللي نزلت ستاندرد قوتها 1039 حصان

يعني اذا جاء واحد و بدل مكينتها خلاص اصبحت ما تسوى يعني

في امريكا كثيرين تخلوا عن السيارات الامريكية و استبدلوها بسوبرات

لا و اختاروها بطلة فلم the fast and the furious

السوبرا عالم ثاني يا اعزائي

اسمحولي لما تقولون انها ما تسوى عشان واحد بدل مكينتها فهذا عذر واهي مع احترامي للجميع

أجل ليش الألتما أستخدمت مكينة السوبرا

ليش التعصب الاعمى من غير معرفه الاسباب
انا اقول هالكلام من واقع تجربه كمالك سابق لسيارتين سكايلاين و الحين عندي سوبرا
اولا السياره الي في الصوره هي سياره شركه توب سيكرت اليابانيه
السياره تستعمل محرك السكاي لاين لعده اسباب
الاول هو الوزن ( لتوفير توزيع افضل للوزن في الحلبه)
الثاني هو انه انه هالشركه تعتبر من افضل شركات تزويد السكايلاين في اليابان ( اعتقد لمعرفتهم الشديده و القويه باسرار تزويد هالمحرك)
الثالث هاي مثل ما قال احد الاخوان فوق انه هالسياره سياره عرض و بالتالي كل شي غريب يلفت الانظار
و على فكره السياره هاي خيبت الامال لان على الرغم من قوتها ( 700 حصان) تسارعها في حوالي 5 ثواني و بالتالي مالها فايده من كل هالتعديل.
كمالك لكلا السيارتين كل وحده لها ميزاتها
السوبرا معروفه انه محركها من اقوى المحركات في التزويد و تتحمل بدون تغيير البساتن او اي شي في المحرك نفسه الى 700 حصان و استعمال يومي
السوبرا سياره استعمال يومي ( تبقى تويوتا ) من واقع تجربه
السوبرا افضل في السرعه القصوى و في السباقات الطويله يعني مثلا من 60 -السرعه القصوى
السكاي لاين معروف بانه مكينته ما تتحمل مثل السوبرا و لازم تتعدل من داخل قبل ما تروح مستويات كبيره من القوه
السكاي لاين افضل لاستعمال السباق فقط من الاستعمال اليومي
السكاي لاين افضل في السباق من الصفر و لكن مب من ماشي ( كمثال 40-60 كم و فوق
السكاي لاين افضل في الحلبه بينما السوبرا فاشله من هالناحيه
السوبرا افضل من ناحيه القوه المستخرجه من المحرك
السوبرا وصلت 940 حصان على الداينو من محرك ما زال يحتفظ بحالته اللي وصل من تويوتا عليها بدون تعديل

في الاخير يبقى لكل شي عشاقه و الراغبين فيه و لكن افضل النقاش بموضوعيه بدل التعصب علشان الكل يستفيد
http://to4r.com/members/peterblach.html

أخوي كراور

الصراحة كفيت ووفيت



تحياتي
a.w.t سااااابقاً