السلام عليكم ورحمة الله وبركاته


إخواني عندي كم سؤال ومحتاج منكم مساعدة ..


أولا :


واحد من القرايب عنده مرسيدس S320 موديل 2002 .. من يوم اشتراها الى الآن يمكن يدخلها الوكالة كل شهرين تقريبا .. يعني كل شهرين تعطل ويدخلها الوكالة .. بعد ما يطلعها تاخذ لها شهرين وتعطل مرة ثانية ويدخلها الوكالة مرة ثانية .. خسر عليها الى الآن أكثر من نص سعرها .. وبصراحة مستغرب بشدة من أعطالها الكثيرة حتى شكينا ان الوكالة تضبط الكمبيوتر بحيث يعطل بعد عدد من الكيلومترات ..

والحين السؤال كالتالي .. هل من المعقول ان سيارة بجودة المرسيدس S320 تعطل كل شهرين او 3 اشهر ؟؟؟ ..

وهل من الممكن ان يكون العطل مدبر من الوكالة .. يعني هل يستطيع الوكيل ان يضبط كمبيوتر السيارة بحيث يعطل كل فترة ؟؟؟






السؤال الثاني يا إخوان :


هل تتوفر عندنا بالإمارات سيارات امبريزا WRX وارد اليابان ؟؟ .. واذا كانت تتوفر هذه السيارات وين ممكن احصلها ؟؟ .. واذا يوجد معرض معين تنصحونا به يا ريت تحطون اسمه ..








السؤال الثالث من أحد الإخوان من خارج المنتدى ( من السعودية تحديدا ) :


هل يوجد عندكم بالامارات مكائن تيربو شد بلد للسوبارو Legacy ؟؟







وجزاكم الله خير :-)

بالنسبة للسؤال الاول، الاخ ABD 911 عنده خبرة من هالناحية...

والله المرسدس ماشوف حد متهني وياها (بالنسبه لنا ) اللهم الشبح موديل 97 خذناه .. كان عسل ..

نسيبي متغربل ويا الـML ..

ولو تشوف قايمه أكثر السيارات أعتمادية لتوب قير .. بتحصل المرسدس محتل المراتب الأ خيره .. وأصلا الوكيل قرقاش مو شي ..

الأمبريزا بتحصلها وارد اليابان .. موجودة وايد .. خذلك مجله اوتو تريدر ..

وليش مدام تنباع عندنا .. سكان يسار ..

مشكورين اخواني على ردودكم .. ومشكور اخوي ( غانم ) ما قصرت والله ..


بس سؤال اخير يا إخوان .. هل من الممكن ان يتم التلاعب وتضبيط كمبيوتر السيارة بحيث انه يعطل في وقت معين ؟؟

اخوي UAEnos ..
كان عندنا مرسيدس 320 نفس الموديل اخذه اخوي مستعمل ... الاعطال ليست بالكم الذي ذكرته ولكن كانت هناك اعطال مكلفة .... يعني اذكر ان الشفط خرب واشتغل من نفسه بدون ما نصلحه ، والهيدروليك خرب وصلحناه وصارت كم مشكلة صغيرة وقبل ما نبيعه بكم يوم خرب الهيدروليك مرة ثانية ووديتها في نفس اليوم على المعرض وبعناها وافتكينا ...
السيارة عموما جودتها طيبة واللي يشتريها جديدة ويحافظ عليها اتوقع ما يصير له مشاكل كثير ... طبعا من ناحية المشاكل المرسيدس افضل من اودي وبي ام بكثير وارخص قطع غيار ...









اخوكم الشبابي

السياره ممتازه و لا عليها أي كلام و لا قد مر علي موضوع مثل هذا يعني بهالكميه من الاعطال أبدا بالعكس السياره جيده جدا و أعطالها قليله جدا

أما بالنسبه للهيدروليك الهوائي اللي هو موضع الجدل الكبير في هذي السياره فللمعلوميه النظام ممتاز جدا و عملي جدا و المشاكل اللي تصير فيه تصير من سوؤ الاستعمال و بالتحديد من كثر أكل المطبات بسرعه عاليه و أعتقد في هذي الحاله السياره ما لها أي ذنب انما الذنب كله يتحمله المستخدم ... أما المشاكل اللي يمكن تصير في الهيدروليك فهي بسيطه جدا يعني مثلا خراب حساس أو خراب أجزاء في الدينمو اللي يضخ الهواء و هذا النوع من الخرابات في الهيدروليك غير مكلف على الاطلاق

و لكن حال الورش عندنا انهم منقسمين على نوعين

1) جهال ما يعرفون شئ و بمجرد ما تجيهم يقولون لك غير مساعدات و المساعدات سعرها مكلف طبعا ..و تغير المساعدات و تجي من ثاني يوم تلقا السياره طايحه ثاني و هذا دليل على ان المنشكله مو من المساعدات و انما من شئ أبسط بكثير

2)يعرفون شغلهم تمام و لكن شغل النصب ماشي مليون عندهم يعني تحط السياره عندهم ما يغير الا حاجات بسيطه و تنضبط السياره و يجي يقول لك غيرنا مساعدات و دينمو كامل و و و و ... الخ من النصبات

هذا هو الواقع للأسف .... و السياره ما فيها أي اشكال و لو فعلا فيها مشاكل ما كانت انتشرت هذا الانتشار الفضيع في الشوارع لدرجة انها صارت تنافس سيارات أقل من سعرها بكثيير

أخوي
UAEnos

اتمنى تسأل قريبك وش نوع الخرابات اللي واجهته

اخوي الشبابي .. كلامك صحيح السيارة سمعتها طيبة ولذلك احنا نشك ان الوكالة ممكن تكون تتلاعب بالكمبيوتر بحيث يعطل في وقت محدد ..


تخيل اخوي .. قريبي اشترى S320 موديل 2002 .. وفي نفس الوقت اشترى صاحب قريبي S500 موديل 2002 ..

سيارة قريبي دخلت الوكالة اكثر من 10 مرات يمكن .. بينما سيارة صاحبه الـ S500 ما دخلت الوكالة نهائيا الا للفحص العادي فقط ..



تسلم على إضافتك .. وجزاك الله خير :-)

أخوي 560SEL .. قريبي دخل السيارة الوكالة مش ورشة .. ودائما يدخلها الوكالة فقط .. وبعدين انا رايي من رايك اخوي واعتقد ان السيارة جودتها ممتازة ..


ولذلك اعتقد ان الأعطال مقصودة ..


الأعطال ما عندي فكرة عنها .. اعتقد انها متفرقة .. وبإذن الله بكرة اسأل واجيب لك شو اعطالها بالضبط ..


بس هل ممكن ان الأعطال تكون بسبب تلاعب في الكمبيوتر ؟؟

الوكاله تتبع الرقم 2)

و نصبهم عيني عينك و أسعارهم ناااااااااار

و ممكن جدا يكون فيه تلاعب لأن أحد الاخوان ذكر ان وكالة BMW اللي في السعوديه سرقوا النظام الملاحي اللي في سيارته عيني عينك و قالوا له لازم تدفع 26 الف ريال قيمة نظام ملاحي جديد و لكن ما مشت عليه النصبه و اشتكاهم للمركز الاقليمي و ركبوه غصب عنهم و مجانا

يعني شوف وين ممكن توصل الوقاحه .... هذا و هي وكالة سيارات مرموقه مثل BMW .... فلا تستبعد مثل هالحركات في أي وكاله


الاحتمال الثاني اللي ممكن يسبب الاعطال الكثيره هو ان السياره تكون مصدومه صدمه قويه خرربت عدة أمور في السياره و في هذي الحاله يؤسفني أقول لك انه مستحيل اعادة السياره كما كانت

و أي خدمه انا جاهز

اخوي وديها عند واحد خبير غير الوكاله..نصيحتي لك

تحيااتي

اخوي 560SEL اشكرك على المتابعة .. بس للعلم السيارة ما تعرضت لأي حادث نهائيا .. لذلك انا متوقع ان الأعطال مقصودة من الوكالة ..

وجزاك الله خير ما قصرت ابدا :-) ..




اخوي Mohamad_Q8 يمكن الكلام الي قلته هو الحل الوحيد للتأكد اذا كانوا الوكالة يتعمدون الأعطال .. وان شاء الله بقوله يدخل السيارة لأي ورشة أخرى ..



وجزاك الله خير :-)

السلام عليكم ورحمة الله وبركاته

حياك الله أخوي و ما قمنا الا بالواجب :-)

بس بيني و بينك صدق مصخره
يعني الوكيل المفروض يعطي سمعه طيبه عن سياراته و يكون قد المسؤوليه المنوطه به بحيث يستفيد و يفيد و يخلي العملاء ترجع تشتري منه مره ثانيه و ينشر سمعه طيبه عن منتجاته و خدماته

و لكن للأسف الواقع يقول العكس ... الناس صارت ما تصدق يخلص ضمان السياره و ينحاشون من الوكالات و نصبهم و يلجأون للورش الخارجيه أريح لهم و أفضل لهم

المهم

السياره ما جتها صدوم نهائيا معنى هذا ان فيه نصب و ياليت لو تدققون عليهم و تتقصون الحقيقه و تلجأون للمركز الاقليمي


و آسف على الاطاله

UAEnos

اخوي احمد بخصوص الامبريزا

يوجد كم من وحدة في معارض العوير انا شفتهن

بس ماسألت عن الأسعار

وكلهن وارد اليابان وسكان يمين


بخصوص المرسيدس اعتقد الكمبيوتر يمكن يكون مغشوش ولا خله يرجعها
اذا شي امل




هذا اللي اقدر عليه والسموحة

مني متأكد .. بس حسب علمي إن الموديلات من 2000 إلى 2002 كان فيهم مشكله
التهنيق في التوصيلات الكهربائية .. لان الأسلاك فائقة التطور من الزجاج وسريعة جدا في التوصيل ولذلك الموجه الكهربائية تتوقف في المنتصف ولا تكمل إلى بعد ما تفك سلك
البطارية ثم تعيده وتشغل ترجع كأن ماحصل شي وتلاقي إذا صار تهنيق في مسار التردد
الكهربائي تولع لنبات الطبولون كأن فيه عرس .. بس إن حلت المشكله في 2004 ومافوق
ولله اعلم

أخواني مشكورين جميعا على ردودكم .. والله ما قصرتوا ..


بو الوليد .. منور الموضوع والله .. وتسلم على ردك وان شاء الله اخبر الرجال بوجود الامبريزا في معارض العوير .. وبالنسبة للمرسيدس ما يقدر يرجعها ترى صار لها أكثر من 3 سنوات عنده لأنه اشتراها سنة 2002 ..



أخوي توربو .. تسلم على ردك وجزاك الله خير .. وبفرض وجود مشكلة في التوصيلات الكهربائية المفروض المشكلة تنتهي من زمان لأنه دخلها الوكالة أكثر من مرة .. والوكالة تعطيه السيارة وهي سليمة 100% .. بس بعد فترة ترجع تعطل بشكل غريب .. حتى في مرة من المرات اتصلوا عليه الوكالة ( الصبح ) يسألونه عن حالة السيارة .. وقالهم الحمدلله حالتها زينة .. بس في نفس اليوم ( في الليل ) عطلت السيارة .. وكأنهم كانوا عارفين انها بتعطل :eek: ..

لذلك بدينا نشك في الوكالة انها تسبب العطل بطريقة متعمدة ..




وجزاكم الله خير جميعا :-)

والله خويي عنده s320 موديل 2002 ولها عندهم من سنة 2002 لحد الأن

ولله الحمد ما اشكتى من أي خراب


يتراوالي انا الخرابات مقصودة من الوكاله


ونصب عيني عينك

الحي عندنا كله مرسدسات محد يعترف بغيرها

جارنا عنده S500 موديل 99 و ما شاء الله تبارك الله السياره ماشيه معه مثل الحلاوه تلقفت مره و سألته عنها قال لي باختصار ما أفكر أغيرها نهائيا

و أعرف واحد معه S600 موديل 2002 و نفس الكلام و لكن يقول انه مكلف في الصيانه و الا من ناحية أعطال و غيره ما فيه أي شئ مزعج