السلام عليكم اخواني حبيت اعرف وبدون تحيز مين الاسرع ما بين هؤلاء الثلاثه مرسيدس c55amg او bmw m3 مرسيدس c32 amg

السلام عليكم ورحمة الله وبركاته

Mercedes-Benz C 32 AMG

Mercedes-Benz C 55 AMG

BMW E46 M3 Coupe

تحياتي

:think: :think: :think: معقوله قومة الـc55 نفس الـc32 :blink:

...بالنسبه للـM3 فقوتها تختلف حسب نوعها

بس شوف البي ام مسكته مرسيدس ب ام 3 لان لين الحين مرسيدس ما سوت سيارة توصل لقوه ام 3 بتنفس طبيعي (من قوم 6 سلندر)

فما بالك لو بي ام حطت على ام 3 كومبريسر او سوبر جارجر :think:
ما بتقول غير باي باي مرسيدس فور افر

شباب هذا اخر كلام ولا فيه كلام ثاني اخوي توب سيكرت انت مستند على تجربه في طرقنا ولا على المجلات ومواقع النت ياريت في طرقنا هي اللي فعلا تاخذ عليها

اخوي توب سيكرت حسب المواقع اللي حاطها الام ثري هي اللي اسرع من سي 32 وال سي 55 لانك حاطها بالترتيب المرسدس هو الاسرع يا ريت تفيدونا اكثر ياااااااااريييييت

اخوي ديزل الـC32 AMG تجيب الـ 100 في 5.2 ثواني وهي 354 حصان مع سوبر جارجر

الـC55 AMG تجيب الـ100 في 5.2 ثواني وهي 367 حصان مع سوبر جارجر

الـM3 تجيب الـ100 في في 4.8 ثواني (قير عادي) و343 حصان من 6 اسطوانات من غير سوبر جارجر


اخوي مافيه تجربه واقعيه انا جبت لك دلائل من موقع www.supercarsite.net

تحياتي وانا فعلا مستغرب ان نتيجة الـفيفتي فايف نفس نتيجة الـ 32

:think:

أخوي توب سيكرت ... ماشالله مختار الـM3 ...
بس فيه عدة انواع ... منها من 0-100 في 5 ثواني
أخوي ...بالنسبه للمرسيدس ... في مواقع اخرى من 0-100 ... 5.1 ثانيه...

المرسيدس ... فهي بدووون سوبر شارج

ولو تشوف الأرقام ... فإن ضغط محرك الـM3 أكبر من ضغط المرسيدس ... حتى لو المرسيدس بسوبر شارج (سياسة بي ام)

اخوي حبوب مش انا الي مختار صاحب الموضوع هو الي مختار

انا اخترت الـM3 الكوبيه العاديه

تحياتي:p

السي 55 بدون سوبر مكينتها مكينة الاي 55 القديم

اخوي كراور في الموقع هي مع سوبر جارجر

Configuration AMG 5.4 Liter Supercharged V8

Valvetrain SOHC 3 Valves / Cylinder
Displacement 5439 cc / 331.9 cu in
Power 273.7 kW / 367.0 bhp at 5750 rpm
Torque 510.0 Nm / 376.2 ft lbs at 4000 rpm

هذا بعد اخواني موقع ممتاز لمرسدسات الاي ام جي ما عليك سوا انك تختار الموديل واي مواصفات تبغاها في السياره ومنها السرعه من 0 الى 100 وموضح فيه ان السي 32 من 0 الى 100 في 4.9 ثانيه
http://amgpower.com/models.php

خذوا من عندي الكلام الصحيح

ال C32 محرك من 6 أسطوانات مشحونة

ال C55 محرك من 8 اسطوانات بنفس طبيعي

ال M3 محرك من 6 أسطوانات بنفس طبيعي

على طريق مستقيم ال C55 وال C32 أسرع من ال M3 لكن في الحلبات المتعرجة تستفيد البي ام من وزنها المنخفض وقيرها العادي ونوعية اطاراتها للتفوق على ال C55 وال C32

بالمناسبة الأرقام اللي ذكرت في الموضوع غير دقيقة أبداً

في شيء مهم حبيت أنوه اله, محركات المرسيدس "عادة" هي محركات "low pressure" أو ذات ضغط منخفض بينما محركات البي ام "High pressure" أو ذات ضغط عالي ... لذلك محركات البي ام تنتج قوة أكبر من محركات المرسيدس لكن انسى فكرة انك تشحنها لأنك بتضطر اتغير المكينه كلها تقريباً ... في الجهة الأخرى محركات المرسيدس تنتج قوة أقل لكن مسألة شحنها أسهل بكثير وماراح اتكلف زي البي ام ...

خبراء السيارات عادة يعلقوا على محركات البي ام بانها "مشحونة داخلياً" فيما يطلقون على محركات المرسيدس "مشحونة خارجياً" وفي النهاية احنا المستفيدين بتجربة نوعين مختلفين من المتعة اللي توفرها هالشركتين العريقتين

بسم الله الرحمن الرحيم

BMW M3 CSL بقوة 360 حصان مستخرجة من 3200 سي سي 6 سلندر هيا الاسرع
بتسارع 4.8 ثانية .\


و الموديل الكوبية العادى بقوة 343 حصان طلع من بورش كاريرا 2 قصاد عينى

تحياتى

اولا بالنسبه للكريرا 2 الاي 55 القديم يروح عنه وعن ال4 اس كمان قومه وخط لكن السؤال اخواني المهم مين يروح قومه وخط الc32 ولا ال m3 تراني احترت وياريت احد جربها في شوارعنا لانها فعلا هي التقييم الحقيقي

انه المرسيدس c 55 ماله لزمه كانت المكينة c 32 وايد احسن اب نظري وكان احسن لو نزلو النسخة الاختبارية c 37 بقوة 400 حصان .

ال M3 يجيب ال 100 خلال 5,1 ثانية
ال C32 خلال 5,0 ثانية
ال C55 خلال 4,8 ثانية

باسلام عليييك الصراحه هذي الناس اللي تفهم بالسيارات...

اخوي من وين جايب هالكلام انت عكس الموقع الي انا جايبه عطني الموقع الي جبت منه هذي الارقام

لاتنسو شباب عزم الديزل عااالي..واهم شي في القومه العزم..وفي الخط القوه

هلا اخواني انا بحثت لقيت موقع اجنبي موجود فيه موضوع عن سباق حدث في الشوارع العاديه ما بين بي ام m3 عليه تعديل اكسوست وكمبيوتر شب ومرسيدسين c32 الاول مو معدل والثاني عليه تعديل بسيط بقيمة 1500 دولار تقريبا يشمل بكرات وكمبيوتر شب وتعديل للانتر كولر حق الكمبرسر المهم اليكم الموضوع
السباق الاول بين الام ثري وال سي 32 العادي المهم جربو مرتين الاولى دحدره طلع البي ام بفارق بسيط تقريبا نص سياره وايضا جربو ثاني مع بعض من الصفر ايضا طلع الام ثري لكن بفرق سياره .

السباق الثاني بين الام ثري والسي 32 المعدل طبعا جربو دحدره طلع المرسيدس بفارق سياره ونص تقريبا بعدين كبرت المسافه اكثر وفي المره الثانيه جربو من الصفر برضه طلع المرسيدس السي 32 عن الام ثري واضاف صاحب البي ام ان السي 32 مركب جنوط بي بي اس خفيفه جدا ساعدته اكثر في القومه ايضا ذكر انه ان السباق وضحله اكثر انه التورك في السي 32 اقوى من التورك في الام ثري

بالنسبه للام ثري من نوع E46