بسم الله الرحمن الرحيم
السلام عليكم ورحمة الله وبركاته...
والله ياشباب وشابات المنتدى مدري وش اقول
بس انا اخذت جوله في الموقع واعجبني ---->>يلمح وده بترحيب
الا على طاري الترحيب الحين اللى اول مره يدش موقعكم وش يسوي :think: --->>>كنه ضايع :cry1:
المهم انه تسجيلي في هذا الموقع كان مقدم كهديه من اخت غاليه جدا ..-->>طيب وش تبي
كنى مسختها شوي ما عليها استحملوني شوي ..
ابي اعرف بنفسي
الاسم الحقيقي : محمد المستعار (Be HaPpY )
العمر : صار لي مده طويله وانا موجود على ظهر هذه الارض ..
الموهل العلمي : استرووو ما واجهتووو
ايه وصلنااا للموضوع ---------->>
التعليم وما وصلنا له من تقدم ..
تعلم اخي القارئ ماوصلت له وزارة التعليم من تقدم بعد تخبط ..
ولكن هل استفادو من هذا التخبط وماذا حصل للضحايا السابقين وماذا سيحصل للأجيال القادمه
اسرد لكم قصتي مع التعليم ..
الابتدائيه ..
قرا كتب اكل واخذ ملابسه وطلع يلعب رياضه
وست سنوات ونجحنااا ---->افهموووهاا يعني انا ممتاز
المتوسطه ..
من البيت للمدرسه ومن اشطر طلاب المدرسه في كل شي الا الانجليزي ياهو غثه :blink:
السنه الاولى في المتوسطه ..
هاو دو يو دو ...
الاستاذ : محمد اقرا
محمد : هااااااو هااااااووو
الاستاذ : تهوهوو هنا اقول شايف كلاب هنا او ايش --->>صوره للمدرس المثالي اللى يجعلك تكره
كل شي اسمه انجليزي من بدايتهاااا
تطورنا مع الزمن وصار لنا مدرس من اكسل بلد عربيه ---->>لا تقولوو سياسه ماذكرت اسم البلد
الاستاذ يعطينا اسئله الامتحان ويصك الباب ويقول ولا اسمع حس وينام
وتعال تفرج الطالب منا ياخذ جوله على الفصل وياخذ الاجوبه اللى يبيهاا
ولما نتهي من حل الاسئله واحد من الطلاب يجمع له الاوراق ويصحيه ويقول له ترى خلصنا
الاستاذ : فيه احد غش؟؟ ---->>تصدقوو اني ادعي له ان الله يرزقه بفرشه من ريش نعام
الطلاب (ببتسامه عريضه
..) : لا ما احد غش
المهم انتهت هذه المرحله في وقتها ثلاث سنوات :banana:
وفي نهاية العام الثالث من هذه المرحله تم اعلان ((( خطوبة محبوبتي ))) --->>احلى ياحبيب
واش احكي لكم واش ابقي وربي قهر الواحد يخطط منهوو في الفه واخرتها
يخمها ولد عمها عشان عند واسطه اقوى من واسطتي :cry1:
وبدت حالتي تدهور وارفض اي شي يسمى ادرس لمستقبلك
وبديت احاول اخرب وقلت ما بدهاش وصرت اكل كاكاو وانام دون ما اتسوك --->>طلع راعي مخدرات
وصرت اكل دون ما اغسل يديني وصرت اطلع الشارع دون ما استذن الباباه والماماه -->>من جد خرب الولد
المرحله الثانويه ::: (المطوره)
المطوره هو نظام الساعات مثل الجامعه ..
تعرفت على شباب من اللى يشيلون سلاسل وابن امه يقرب يمهم
قالوو لي هاه ابو الشباب تعرف بالوت
قلت : لا والله ما اشرب خمر
ضحكووو على شف الزلابه هذا لو قلنا له تعال ندخن وش يقول ؟؟
جتني العزه وقلت ما بدهاش جيبو البالوت وانا اشربه
قالو ياخبل حنا راعين وناسه مو مخدرات البالوت هذه لعبه ورق
قلت لعبه لعبه معكم على الخير والشر ..
وين تلعبووون ؟
قالوو : في الساحه ساحه المدرسه
قلت والحصص
قالووو : زلب وبلغة البالوت شكل
تشوقت للعبه ولاني ممتاز في دروسي تعلمت البالوت من خامس حصه اشكل عليهااا :banana:
على طاري البالوت ::
مره كنا في مقهى نلعب بالوت وصار حماس ودبل وحركات
قال خويي اللى معي خمسين وتوقف قليلا... ومن ثم قال في جيبي
طبعا قفلت معي واقول له لو ما تطلع خمسين في جيبك راح اسجلها عليك
قال والله معي خمسين في جيبي
قلت له : اشوفهاا
طبعا هو خاف وقال خذهاا اخذتهاا انا وناديت الهندي وقلت له شف حسابك والباقي على شانك :cool:
المهم ياشباب لحقت على سنتين في المطور والغي
وقالو لابد تحول ثانويه عامه طبعا لم اخذ ولا حصه انجليزي وماجلهااا
حول حول وش وراناا ابي عادي اناا اصلا ما ابي مطور ..
جيناا للعادي دخلنا حصله الانجليزي قدم الاستاذ ..
بدأ يعوج لسانه ويقول كلام ما ينفهم والفصل كله من ضحايا المطور
حس الاستاذ انه يكلم رووحه قال شباب فاهمين شي من اللى اقوله :think:
طبعا رد احد عرابجه الفصل وقال يا استاذ تخيل تجيبي بدوي من الصحراء وتقعده عند
فلم اجنبي ضنك يفهم شي وهذا حالنا معك
الاستاذ : طيب ابي واحد فيكم يقوم ويكتب لي جمله مفيده على السبوره بالانجليزي
الطلاب : ولا نفس
الاستاذ : ياشباب وش هذا ---->>A
الطلاب جميعه بصوت واحد اااى
الاستاذ : لا احد يتكلم الى ان اقول له
وبدا يكتب الاحرف حرف حرف وبدا الطلاب الاجابه بطلاقه
--->>هذا حدهم
ولما جاء الاستاذ عند هذا الحرف ----->>Q
رجع الصمت للطلاب
ولم يكن فيهم الا عدد بسيط اللى يعرفونه ---->>انا منهم طبعاا
الاستاذ سأل احدهم وقال له بالله عليك ما تعرف هذا الحرف
قال يا استاذ انت من دخلت علينا الفصل وانت تقول كلام غريب والحين جبت لنا حرف غريب
بالله فيه احد مسلطك علينااا انا خبري بالااااووو اللى هو كذا --->>O اما ذا الشرطه اللى حاطه على الااااااووووو ترى مالها داعي
جن الاستاذ وذهب الى المدير وكان الحوار امامنا وكنى مغزى الحوار مش حالك معه هذول ضحايا المطور
هي هذه السنه وراح يتخرجووو ----->>يعني راح ننجحهم
طبعا انتهت مده هذه المرحله بسلام ثلاث سنوات وانتهت ولم اذكر اني في هذه السنوات
اني فتحت كتاب ايام الاختبارات ...
********************
V
V
V
V
V
V
V
V
V
V
V
ياالله كل هذا اللى فوق انا كاتبه
الزبده ::::
رد الهديه عيب (Be HaPpY) وهذا اسمي واقسم بالله اني ما اعرف معناه
اذا احد يعرف يقول لي
اخاف يكون سبه وانا مدري
اخي القاري هل تعبت من القراءه ؟
هل اصابك الملل ؟
هل ارتفع ضغطك ؟
هل بوادر السكري بدأت عندك ؟
ما عليك الا ان تقول الله يعطيك العافيه -------->>تبطي عظم ...
سي يوووو :cool:
عرض نسخة للطّباعة |
ارسل هذه الصفحة لصديق]
