استقبلت وكالة ساماكو في شارع الضباب في الرياض أحدث روائع شركة أودي .. A6 الجديده كليا ..

وش أقول !!؟

ابداع في التصميم ؟

فخامه متناهيه للمقصوره ؟

تقنيات بلا نهايه ؟

تصميم السياره كان فعلا آيه في الجمال من جميع النواحي .. ابتداءا من الشبك الأمامي الكبير ( تماما مثل شقيقتها الكبرى A8 W12 ) .. انتهاءا بالاصطبات الخلفيه الأنيقه ..

على حسب كلام المندوب .. تفوقت الـA6 الجديده على الفئه الخامسه من BMW من ناحية اتساع المقاعد الخلفيه .. وفعلا لاحظت انها أوسع وأريح بمراحل من الموديل السابق ..

المقصوره تناهت بالفخامه .. لمسات خفيفه من الخشب .. شاشة ملاحه مع نظام MMI .. وغيرها الكثير ..

ابهرني في السياره اتساع شنطتها الخلفيه .. شي ماهو معقول !!!

ختاما .. للأسف ماكان معي كاميرا وقتها .. لكن هذي صور للـA6 الجديده ..

السعر مبدئيا 191 ألف للـ3.0 & تقريبا من 160 الى 170 ألف للـ2.4 ..

وقريبا ان شاء الله موضوع كامل عنها ..







وتقبلوا تحياتي ..

X_RaYs

موضوع جميل ..

وألاحظ الشبه الكبير بين الـA6 والـA8 ، سواءً من شكل الخارجي أو من الداخل ، وهذا ربما يجعلها تتفوق على منافسيها من السيارات الأخرى ..

وياليت تذكر لنا المواصفات الميكانيكية للسيارة ..



تسلم عزيزي على الموضوع

The Lion

اولا مشكور على مرورك ..

وثانيا .. بالنسبه للشكل الخارجي كان من جد إبداع .. وانا اشوف ان اودي تفوقت على نفسها فتصميم الـA6 .. من وجهت نظري اشوف انها اجمل من الـE والفئة الخامسه ..

وبالنسبه للمواصفات .. اللي اعرفه انها الآن متوفره بمحركين .. 3.0 & 2.4 اللي هي نفس المحركات القديمه .. وقريبا محرك جديد سعة 3.2 بقوة 255 حصان بس مدري يبنزل عندنا والا لا .. وأخيرا محرك 4.2 للـS6 ..

وعلى فكره .. طراز الـRs6 راح يتوفر بمحرك لامبورغيني مخفف V10 :banana:

وان شاء الله قريبا تقرير كامل عن السياره ..

مشكور اخوي ...وفعلا السيارة اذهلت الجميع

السيارة روعة
وانا شفتها من الصور


متأكد انها في الضباب
على كذا يبغالنا زيارة

مشكور اخويX_RaYs

حلوه بشكل خيالي وجذاب وايضا ابداع من اودي :cool: :p