السلام عليكم ورحمة الله وبركاته
هلا بك اخوي الكريم بالمنتدى بين اخوانك ،وان شاء الله نقيد ونستفيد منك.
ثانيا مرحبابك عدنا بالامارات وياهلا بك.
1- محلات الاطارات.وهي اهم حاجه لان ما في هنا في السعوديه ميشلان 18 واذا في برأس فيل ؟
بالنسبة للمحلات الاطارات كثيرة ،اذا تبغي اطار يعيش معاك لمدة طويلة خذ الاصلي من محطات الوقود الي بها محلات تبديل الاطارات وخاصة محطات الامارات وايبكو واينوك وادنوك.
اما محلا بنشر وخاصة صناعية الشارقة لاتقترب منه ابدا اكثرية مستعملة ومغشوشة وصلاحية منتهية.
2- تشاليح.وخصوصا المرسيدس و تشاليح اللي يجيبوا نصف سياره من اليابان؟
اخوي سير بالشارقة وخاصة الصناعية بعد الجسر الاول من شارع الوحدة خذ يمين ويجي بعد دوار صغير بتحصل على يدك اليمين والشمال سيارات انصاف سيارات وارد اليابان وبتحصل مرسيدس ومكائن بعد.
3-محلات الزينه (الماني) وخصوصا محلات السبرنجات eibach ومحلات الجنوط(الرنجات) المستعمله والجديده.؟
بالنسبة للزينة ترى ماتحصل بشارع نايف بدبي بالقرب من فندق حياة ريجنسي بديرة،ومحلات الي تبيع زوايد مثل كارلسون او هامان.
محلات الجنوط شي بدبي بشارع نايف وشي بالشارقة نفس المكان الي تسير به للتشليح بعد الدوار تروح يمين ويسار كلها شارع الجنوط واطارات.
شي محل بشارع بي ام دبليو اسم السيارة الذهبية وعمر الماجد بتحصل من سربنغات.
4-المعارض
معارض العوير معارض بلدية دبي للسيارات المستعملة العوير، دوكامز للسيارات بعد بالعوير.
الشارقة معارض السيارات المستعملة على امتداد شارع الوحدة بعد الجسر الثاني يجي تقاطع خذ يسار بتحصل المعارض على يمينك ويسارك.
ان شاء الله اخوي وصلك المعلومة الكاملة.
تحياتي لك وبالتوفيق
عرض نسخة للطّباعة |
ارسل هذه الصفحة لصديق]
