السلام عليكم .. مثل ما تعرفون نحن في اجازة الصيف وانا ما عندي لا شغل ولا مشغله ..

على العموم انا بديت اشتغل بموتري القديم ..

كورولا 96 .. 1.6 اربعه سلندر .. اوتو .. بدل ما هو واقف قلت
خلني ازوده

اول شي رحت نزلت الموتر حبتين جدام وحبة ونص ورى .. بعدين شريت اوكتين وصبيته في تانكي الباترول علشان يتنظف .. وحسيت بفرق في المشي ..

وبعدين ركبت له سبورت فلتر K&N .. النوع الطويل .. بس بدون intake pipe مب متأكد من اسمه ..

غيرت البلكات الى (بلاتينيوم +1 ) .. مع الاسلاك .. وبس ..

بصراحه حسيت بفرق كبير بالقومه ..

جربت ويا ربيعي .. عنده كروزر .. طلعت عنه قومه وخط .. بفرق سياره ..

جربت ويا كرولا 2002 1.8 ... طلعت عنه بفارق سيارة الى سرعة 140 .. وبالخط تقدم شوي وكنا متساويين الين سرعة 200 ..

جربت ويا مكسيما غير عادي هههه .. طلع عني بفرق سيارتين .. وبالخط عمود كامل او اكثر

بس بصراحه القومة عجيبة عندي .. اشوفها غير عادية ..

بس بالخط تعبانه خاصة بعد القير 3 ..

على العموم .. السياره بعد ما ركبت لها البلكات والاسلاك قامت تقطع .. يعني اذا احط السياره بالـD وانا واقف وماسك بريك .. تقطع السياره وشوي شوي تبند !

رديت ركبت البلكات والوايرات العادية مالت الوكاله .. وراح التقطيع ..!

فمادري شو سبب التقطيعه عندي بعد تركيب البلكات والاسلاك ؟

والصور بعرضها لكم قريب .. خلوني اغسل الموتر اول

وااااااااااااااااااااااااااااو

حلو والله......... بس كم كلفتك الاشياء تقريبا ؟؟

انا بركب في الكامري.... فلتر... واسلاك.... وكنداسة...وجنوط ...

وبغير بواجي ......... ايش في شباب قالولي

في بواجي اسمها (بوش.... ههههه عساه بحريقة)

المهم بواجي بوش واسلاك رياضية من نفس الشركة...

ايش رايكم؟؟

انا دحين الحمد لله اشد ورى الماكس 2003 بسيارة
والبواجي معدومة

اجل لو غيرتها وش يصير؟ افشخها رجالة

على العموم نبى رايكم شباب

وتحياتي لكم ;)

ابصراحة شغلك حلو يا uae speed بس لو أمفصل هدرز أو exhust system كان حسيت بالفرق

بالتوفيق أنشاء الله

كل اللي سويته ما يقارن بهدرز حلو كامل من الكينه الى آخر الشكمان تحس بفرق لا يوصف مع الشغلات اللي حاطه تصير السياره طياره من العزم شاء الله.
بس فيه أشياء فاتت عليك الله يهديك لو انك مركب بواجي رياضيه مو بوش زي بواجي اراديوم و أسلاك 8.8 مم و ياه الكويل و المنظم (تراه غالي دور لك على مستعمل) و مع تركيبه الهدرز بتنتف مكسيما زي السلام عليكم. عيني بارده على موترك (من الحين )

هلا ^SNoOopY^

الفلتر مع بلكات بوش والاسلاك الرياضيه كلفوني 600 درهم

تنزيل السياره 50 درهم

والشغلات اللي تبي تركبهم حلوة .. بالتوفيق

-----

A7medo هلا بك اخوي ..

بالنسبة للهدرز .. طبعاً ;) التعديل الياي هو الهدرز ;)

شكرا لك

-----

King 4x4

بالعكس بلكات بوش من اقوى البلكات حالياً والكل يشهد

بالنسبة للأسلاك 8.8 .. بصراحه مادري بس اللي عندي لونهم زرق !

على فكره .. انا حاولت اركب MSD بس قاللي راعي المحل ما يركب ..

لأن الديلكو عندي اربع فتحات .. والـ Msd خمس فتحات !

الفتحات هي فتحات الوايرات اللي يوصلون للبلكات ..

انا ما فهمته عدل .. بس يوم شرحلي اقتنعت

تحياتي لك ..


--------

ترى الشغلات التافهه اللي ركبتهم انا مجرد تمهيد .. او تمرين للمكينه ;) والتيربو جاي بالدرب ;)

هلا والله اخوي uae speed , والله شغل تمام بالنسبة لكورولا لكن تعرف يبالك تشيل القفلة مالت السيارة علشان تجيب اكثر ;) ;)
لكن لي ملاحظة بالنسبة للاوكتين انا جربته مرة على سيارتي لكن ماحسيت بفرق ابد على سيارتي وماعرفت شو السبب .........؟ فاليوم ركبت فلتر ريس k&n وقبلها كنت مركب دبة هدرز والحين الموتر ماشاء الله ماشي تمام ;)

أخوي uae speed سيارتك قيرعادي ولا أوتو ؟؟؟؟؟؟

وانا بعد ابا ازود موتري طبعا لومينا اس اس بس هل بلكات بو اربعه ريش ويا وايرات يغير في قوة موتر بس شو احسن بلكات واحسن وايرات حق لومينا واحسن فلتر ؟؟؟؟؟؟
اخوكم

السلام عليكم

اول شي اقول

ماشاء الله على الشغل الحلو هذا رغم بساطته


وان شاء الله تكون بدايه موفقه

ولاتنسى تمر على السكراب خصوصا قطع الكورولا المستعملة من اليابان او بعض المحركات الي يركب عليها تيربو او سوبر


شوف بعض القطع يمكن تفيدك

واقترح عليك ركب تواير اعرض شوي على شان تزيد التماسك خصوصا على اللفات الجانبية

بس قبل هذا نبغي نشوف الصور يا عبدالله


وشغلك يعجبني من اول ماشفتك ياينا في التجمع الاول رغم انك مب عضو تعشمت فيك خير وهذا انت ماشاء الله عليك

احسن مني اشتغلت وانا ضيعت وقت طويل على الفاضي بدون اي شي

اصدق التمنيات لك بالتوفيق يا بو حميد

روح الامارات

الاوكتين مجرد سائل للتنظيف .. بس يعطيك فرق بالخط ..

والقفله بشلها بس يقولون معقده ! عندك طريقة ؟


----

A7medo

سيارتي اوتو


-----

lumina ss 2002

اكيد بتحسن من مستوى سيارتك .. بلكات بوش بلاتينيوم مع الوايرات
وفلتر k&n واكزوز سستم .. بيعطيك فرق

-----

زورو الامارات

هلا وغلا والله .. مريت على محلات السكراب وحصلت قطع مستعمله
بس مب لين هناك ..

ربيعي قاللي بدل مكينة موترك احسن .. وانا حاليا افكر بهالشي

بالنسبة للتواير .. لا ما بركب رنقات .. لانها تقلل من قوة الموتر في القومة .. وانا بس ابا موتري في القومة ما اباه خط ..

شكرا لك عزيزي ..

هلا عبدالله


والله فكرة تبديل المكينه ممتازه خصوصا ان هذا الموديل كان ينزل عليه 1800 سي سي وفورويل بعد على بعض السيارات وارد اليابان

طيب ملاحظه يا عبدالله

هل قطع الغيار اليابانيه غاليه ؟

يعني المحرك كم سعره بيكون ؟

الفلتر الk&n هوا يدخل هوا أكثر .. لكن سمعت أنه يدخل هوا حار مهو بارد في موضوع في سوالف لكن نسيت فين؟

وبالنسبة للكورولا ماشاء الله عيني عليها باردة .. واحد من أصحابي كان معاه وحده ستوك طرح لومينا قومه اللومينا قامت قبل الكورولا بحوالي عامود وهوا ماحرك ولمن قام طرح اللومينا قومه بعواميد .

وموضوع البواجي هذا موضوع طويل تلاقيه في موضوع الكنج أقوى كابريس لكنه معقد ومافهمت شي لأنه يعتمد على رقم البواجي الخ..

تحياتي للجميع

اقول وين تقاوم لند
قاوم الونيت
والله ما تشوفني:banana: :banana:
ما لقيت تزود لى على الكرله حلاته اسبورت
على العموم لا تحمسني على الونيت تراه استوك وموت كيف مزود ..

الفلتر الرياضي نوعان
نوع يدخل هواء حار وهو Ram Air
ونوع يدخل هواء بارد وهو Cold Air

هذا الشغل و الكلام الصح !! :banana: :banana:


بالنسبـة للتقطيع حليته ولا بعدك ؟؟

Ram Air يدخل الهواء بشكل مباشر وهذا افضل شي موجود, ودايم تحصله في سيارات الشفر.

هلا زورو ..

حصلت مكينة كورولا جي تي 2.0 ... طبعا المكينة قديمة شوي وما تنزل الا باليابان .. بس يمدحونها بصراحه :banana:

والسعر ما سألت والله .. بس اتوقع اقل عن 800 درهم

----

حاكم العدل ..

الفلتر يركبونله pipe .. ويمدونه لفتحه تهوية بالسياره .. علشان
يدخل الهوا البارد للمكينه

اما كورولا تطوف اللومينا !! هاي قوبة شوي ..

شو عليها الكورولا ؟

-----

شفروليه ..!!

شسويلك يعني !! اشتريلي سياره سبورت !

وسيارتك خلها لك .. الله يوفقك !!

----

a.w.t

شكرا لك

----

Lamborghini

تسلم يالغالي .. التقطيعه بعدها والله .. باجر بوديها الكهربجي وبشوف .. شكرا لك

-----

فهد 2

شكرا لك

معليش يا اخ فهد كيف Ram Air
أفضل مع انه يستقبل هواء حار؟

مافي احد قال انه يدخل هواء حار, الرام يعني يدخل الهواء من خارج السياره الى الفلتر على طول, مثل الي موجود في الكابرس القديم والكورفت, الهواء يدخل من الشبك على طول في الفلتر.

وهذا ما تحصله الا في الشفر او الدودج.

هذا هو RAM AIR INTAKE .


و COLD AIR INTAKE دايمآ يكون في الرفرف الجانبي او خلف الصدام الامامي والهواء ما يدخله بطريقه مباشره.

وبعض السيارات يركبون كولد اير انتيك بحيث تكون فيه فتحه في الصدام ويكون بعدها الفلتر على طول او فتحه في الكبوت.

وبكذا يكون صار عنده كولد اير انتيك ورام انتيك بنفس الوقت.
وهذا تقدر تسوويه في كل السيارات.

الـ cold air intake .. هو مجرد بايب يتركب مع الفلتر صح ؟

يعني البايب يمدونه تحت عشان يدخل هواء بارد .. صح ؟

---

الصور حاليا في الاستديو .. بسويلهم scan وبحطهم بالمنتدى :banana:

ايه هذا الي صح, او يكون في الرفرف الجانبي, اهم شي انه يكون بعيد عن المكينه.

السلام عليكم ورحمة الله وبركاته

عبدالله وينك ياخي ؟؟ وين الصور ووين اخر الاخبار نبغي نشوف شو جديد عندك

________________________________________________
اقتباس منuae speed
هلا ^SNoOopY^

الفلتر مع بلكات بوش والاسلاك الرياضيه كلفوني 600 درهم

تنزيل السياره 50 درهم

والشغلات اللي تبي تركبهم حلوة .. بالتوفيق
________________________________________________
ايش رايك في بواجي ابو راسين؟؟؟ ما تصلح
انا الحمد لله الحين حطيت الفلتر
والكنداسة
والجنوط
بس باقي البواجي
قلت خليني انظف البخاخات وبعدين احطلها البواجي
بس بايش تنصحوني
ابو ارع رؤوس او ابو راسين او العادي


تحياتي

سنوب

السلام عليكم


زورو الامارات : الصور موجوده .. لكن كمبيوتري خربان ووديته المحل يفرمتونه .. خلال يومين الصور بتكون جاهزة .. مع انها عاديه ما فيها شي مميز يعني !


^SNoOopY^ :

ما شاء الله شغلك مرتب وحلو ... بخصوص البلكات .. ركب ابو اربع رؤوس .. بس مع الاسلاك احسن .. لأن البلكات بروحهم ما بيسوون شي .. يعني مجرد اشتعال افضل ! ولو تركب لك msd احسن واحسن :banana:

على فكره .. شو نوع سيارتك ؟