كان يا مكان في قديم الزمان...

فيه اثنين يحبو بعض من طفولتهم، واحد اسمه لوبيز و الثاني اسمه ابو الفياصل، مره كانوا يتمشون بالشارع ، راحوا حق راعي الايس كريم ، حصلوا عنده بنت حلوة، قاموا يرقمون البنت ونسوا الايس كريم، و بعدين البنت سارت خبرت اخوها، ويوم سمع اخوها الخبر، قام شمر الأكمام أخوها وقال: أوريك فيهم ان ماوريتهم نجوم الظهر ماأكون أخو وضحاء، ويروح أخوها لبائع الايس كريم ويحصل لوبيز وابو الفياصل هناك، وقالهم: كم الساعه ؟؟ قال لوبيز: الساعة ثلاثة وش عندك ؟؟ أخو وضحاء: انا اوريك ياللي ماتستحي على وجهك، وفسخ العقال، فكر ابو الفياصل وقال في قلبه انا ليش ما احط كل السالفة على لوبيز وانا اطلع منها ؟ وما تشوووووووووووووف الا الغبار الآن لوبيز لوحده، ويقول لوبيز بصوت عالي: رحنا فيها ومايشوف إلا عقال على وجهه، اخو وضحاء بعد ما انتها من ضرب لوبيز شغل سيارته ولحق أبو الفياصل، ويدور ويدور ويدور والمداخين تطلع من فوق راسه، وبالصدفة شاف ابو الفياصل قاعد يدور محل يبي ينخش فيه، بس للاسف كان ابو الفياصل محاط من جميع الاتجاهات ، يعني مافيه امل ينخش فى محل، قال في خاطره انا مالي امل انحاش يعني اليوم مضروب مضروب لازم اتصرف، وبعد هذا الحوار الي دار مع نفسه قرر يواجه الجحفل وقاله : انا كان قصدي شريف انا مارقمت اختك ...انا كنت ابي رقم بيتكم على شان اخطبها من اهلها؛ لاني بصراحه معجب فيها وحبيتها من اول نظره، فرح اخو اخو وضحى؛ لانه اخيرا بيفتك منها وبيكون حر في البيت يلعب بالبلاي ستشن ويطالع التلفزيون بدون محد يزعجه ، وقال وهو مبتسم : انا بعطيك رقمي ونترياكم بكره في البيت، جا ابو الفياصل لبيت البنت ودق الباب وهو يقول في خاطره ياربي شو هالوهقه الي طحت فيها، دق الباب، مره مرتين، وفي الثالثه انفتح الباب، وطلع له اخو وضحاء وقال: ياهلا ويا مرحبا نورت البيت، دخل ابو الفياصل وقعد في مجلس البيت وياه اخو العروس الصغيرالي عمره ست سنوات، وقاله: وش تبي؟؟ قال ابو الفياصل: انا بتزوج اختك، قال الطفل : والله ماتتزوج اختي يا بوخشم، وطلع من المجلس يصارخ، ابو خشم يريد يتزوج اختي، قال ابو الفياصل : والله ابتلشنا بهل النتفه، جاء اخو وضحى وقعد جمب أبو الفياصل، وقاله: للحين معزم تاخذ اختي؟؟ قال له: إذا ما خذتها راح ابقى جسد بلا روح، قال له: يعني معزم مره مره مره؟؟ قال وش رايك مره مره على خفيف؟؟ إيه اكيد مره مره مره، قال له: مررررره كثير والا مره شوي، ابو الفياصل: غثيت أمي عاد، مررررره كثير ياابن الحلال، ها وش قلت؟؟ قال له: صداااااااااااااااااااام، وقال لي: تم. عجل بنشاور البنت، ابو الفياصل يقول: لا لا يهمك أكيد موافقه، اصلا وين راح تلقا واحد مثلي، وقال: وامركم شورى بينكم، وابو الفياصل طاح وجهه وقال: تم، و تقوم وضحى تطل من خفس الباب، اعععععععع هذا اللي جايني، حالمه أمس بفارس احلامي يجيني على الحصان الابيض بس مالت على هالخشه جايني بددسن موديل 87، قال ابوها: لابعد تراه ساكن بالدخل المحدود هاه وانا ابوتس تقبلين، قالت دام هذي عيونه اللؤلؤيه المستويه, اقبل فيه لعنبو الشقا يا شيخ، ووافقت وجاء يوم الملكه، وجو المعازيم وعلى راسهم لوبيز، طبعا ابو الفياصل ماشافه من ذيك اليوم، وبدا العرس وابو الفياصل اللي هو حضرتنا, فرحان ووايد متشقق من الوناسه، ووده يغتنم لحظات هذا اليوم بكامله، ولكن دون سابق انذار، حدث مالم يكن بالحساب، لقد اخرج لوبيز مسدساً من جيبه، وصرخ الجميع من هول الصدمة، طبعا أبو الفياصل كالعادة ما تشوف إلى غبار وراه، والناس تفالتوا يمين ويسار، ولوبيز قام يصارخ: والله لأنتقم والله لأنتقم، وجاءت ام لوبيز وشغلت النور وهي تصيح، حبيبي لوبيز اش فيك سم بالله يحبيبي، وفي النهاية القصة طلعت حلم.

وعلى العموم مشكورين على كل من ألف معانا هذه القصة الجميلة وشكراً...


تحياتي camaro4ever


ملاحظة: حقوق النقل والإقتباس محفوظة للأخ (+_+)

مشكور اخي camaro4ever على الجهد الذي بذلته

بصراحة الى سويته يبيله وقت وانت ماقصرت

اشكرك اخي كومارو مرة اخرى

والله اخوي مافي تعب اذا كان الشي حق منتدى سوالف...

تحياتيcamaro4ever

والله قويه يبو الشباب!!

ومجهود حلو من الشباب,,

الله يعطيكم العافيه..

والله طلعت حلوه القصه

تسللللللللم أخوي camaro4ever

والله يعطيكم العافيه ....

قصه حلوه...

وتشكر على مجهوداك..

تحياتي,,

احسنت اخي ومجهود جميل

وعتبي انه لم يشر الي ابدا وانا صاحب فكرة القصة من اصلها



عموما انا متعود على يهضم حقي في هذا المنتدى

(+_+)



ليش انت متعود على ان ينهضم حقك,!!

أو انك توهم نفسك بها الشي,,!!؟

أبو الفياصل

(+_+)

قمـــ 14 ــر

شوكولا

VIPER SRT-10

مشكورين على الردود


(+_+)
آسف كتبت قصتك ,,,

مشكور اخوي كومارو للأبد ،
علي هذه القصة ، ويعطيك العافية..
والله نانا طلعت بطل يا جدعااااااان


(+_+) : تم حل الاشكال ، لا تخاف.

يا اخوي (+_+) انا آسف آسف آسف على كل شيء صار...
بس خلاص الموضوع تعدل من قبل المشرف وانتهت السالفة...

تحياتيcamaro4ever

كان ودي اعرف مدى العمل بحقوق الطبع للناشر والمؤلف بس



امزح






مشكورييييييييييين

الف شكررررررررررررررررررررررر لاخوي الغزيز CAMARO4EVER

Mr_CoRvEtTe
Lopez

مشكورين على الردود بس وين الباقي.؟؟؟؟؟؟؟