……………………… (( أكشـــف المســتور )) ……………...........

أبـدأ كــلامي بالشـــعر مســـطور …...... عســــاه يبقـى عــندك وداعــــــه

أكشـف لك ياصــاحبي المســتور ……… مايفــيد الـــدّس ومامنّــه نفـاعـــه

في القـلب حـرقه والجـرح محفـور ……… جـرح عميق ياكـــبر اتّســــــــــاعه

الجسم ناحـل حتّى العظم منخور ………. والجـوف خـــاوي وعايش مجاعــه

لاخاطري طـيّب ولا القلب مسرور …….... والعين جـفّت معــاد فيهـا دمـاعــه

إخوان يانـاس ســنـيـن وشــــهور ……... خانوني .. باعوني .. كانّي بضاعــه

من بعـد ضـحكات وسـعة صـــدور ……….. صــار الحــزن عـندي كـل اوجـــاعه

خلّـوني على درب الغـدر منحـــور ……….. مثــل البعـير … معقــول كراعـــــه

أصــــل الوفـــــا عـندكــم منكـــور …....... وعـندي العـــــزّة والدّنيــا قناعـــه

واليــوم حالــي عند الربع منظــور ……….. مســكين حــالي وياويل من باعـه

إن كـان السعد دايم علي محظور .......... والشـقا منكم أنــا ماقوى دفاعـــه

ليـش تحســـدوني حي ومقـــبور ………. حـتّى مع المـوت ماعـندي منــاعه

ياحسرتي من حرّة الضـيم مقهور ……….. ويـن المحـبّين واللّي كانوا جمـاعه

والله على حـبّكم ماني بمجــــبور ……….. بعـد اللّي صار مالي بكم طماعــه

وان زرتـوا لحدي ..سعيكم مشكور ………. عسى ربي يجمعني بكم ســاعه

واقـروا علي آيــات من رق منشـور ………. وصـلّوا على احمد راعي الشفاعه
ـــــــــــــــــــــــــــ
أخوكم (مقـدّر)

سلمت يداك على هذا الكلام الطيب نوعا ما....

و ما دام من نحبهم لا يقدمون لنا ما نتمناه .... فلما نتمناهم...

و ألأفضل يا أخي أنك اكتشفت حقيقه نواياهم ....

و أجمل شيء في هذه الحياه... هي القناعه....

و دمت....

تحياتي:


عذوبه........

لا تكشف المستور ..
وخل الهوى ما بيننا البين ...
دايم يدور ...