السلام عليكم ورحمة الله وبركاته




كيف حالكم أيها الأعضاء الكرام ...


كل واحد منا له ذكرياته و مواقف تختزن بالعقل والقلب و اشياء صغيره ... يمكن ماتكون لها قيمة ماديه ...

ولكنها بقيمتها لنا بما فيها من ذكرى تشكل اهم الاشياء و نحتفظ بها يوم بعد يوم ... سنه وراء سنه ...

كلما نظرنا لها تتجدد الذكريات يمكن تكون رساله او ساعه يد او قلم او ميداليه نقش عليها حرف غالى او ورده او زجاجه عطر ...

تتعدد أشياءنا الصغيره فى حجمها ... الكبيره فى قيمتها لارواحنا و حياتنا ...


ســــــــؤالي لكمــ ...؟

مـــــــا هو أقـــــــدمـ شي تحتفظـ به الى الأن ؟؟؟

ولـــــــــــمـــــــــاذا ؟؟؟

موضوع حلو وشيق ويمكن تكون هناك امور شخصيه ..

بس انا عندي لعبه الى الان محتفظ فيها وهي سياره بريموت ( وحدة تحكم ) قدمت لي هديه في نجاحي من صف اول ابتدائي .. وهذي الهديه تعتبر لي كل شي بدون تحديد..

طيب انت اخوي السؤال موجه لك !!؟

اجمل تحيه

مره شفت عمي و أنا تقريبا بالصف 3 أو 4 ابتدائي ما اتذكر بالضبط ... أشوفه زي الحلم ...


كان معه كبكات في ثوبه وتعرف اول مره اشوف هالشيء <<< بدوي لأبعد درجه ... زمان طبعا

و كنت عنده رايح ... جاي ... ( كان وقتها مباراة النصر والهلال ) قال لي وش فيك أجلس و قلت له ... أبـــــــيـــ ؟!! <<< ما يعرف اسمها

و قال خذها و اعتبرها هدية الفوز ( وقتها النصر فاز على يد ماجد عبد الله ) <<< أشوا النصر فاز ... لو ما فاز كان ما عرفت وش الكبكات لين الحين...

كل ما أذكر سالفتها أموت من الضحك ... هههههه

بس فيه مشكله ... لونها قلب من مرور الوقت عليها ...



تقبل تحياتي ...

السلام عليكم..
أما أنا أخوتي الأعزاء محمد و LS 460 L فأنا مختلف عنكم شئ بسيط، أنا من صغري وأنا أحب الأشياء التراثية. واحتفظ بمكتبتي بأشياء كثيره من الصغر حتى أني كنت أجمع بعض الأشياء الخاصه لجدي وجدتي اذا ارادوا ان يتصدقوا بها قمت واخذت جزء من هالثياب الباليه وجمعتها عندي للذكرى والكلام هذا من قبل 35 سنه وأنا كان عمري 6 سنوات وكان عند أبوي راديو روسي قديم جداً لازال موجوداً،، أما بالنسبه لأشياء تراثية أحتفظ بها فأنا مسكين لازالت جميع الهدايا منذو 35 سنه موجوده عندي صدقوني احب أحتفظ بهداياي حتى أني أذكر أخوي كان عنده ساعة يسمونها (ساعة صليب) تولع بالليل كان يبي يكسرها الظاهر ماشتغلت المهم ضربها بالأرض وأنكسر شئ بسيط منها ، بعدها طلع من البيت زعلان ونسى الموضوع،، تدرون وش حصل.. بعد 30 سنه طلعتها له وقلت تعرف هالساعه المحترمه أنهبل وعرفها لأنه كان كاتب أسمه عليها وقالي مانت صاحي أبي الرد منكم أنا صاحي ولااااا ماني صاحي. .
تحياتي لكم ياأصدقائي التراثيين .

هلا وغلا باستاذي الضبع ..


فيه احلى من التراث!!؟ التراث شي جميل شي لايوصف فيه ريحة الاباء والاجداد فيه ناقوس يدق ابواب الذكريات ..

بالنسبه لي على موضوع الساعه والله اشوف شي تمام ان الشخص يحتفظ باشياء ماتطري على الاخرين .. ومعك حق وتعجبني ويعجبني تصرفك ..

تسلم ويسلم غاليك اخوي الضبع ولاخلا ولاعدم ..

تحياتي محمد الهاجري

ابداع 2004 ....



حياك أخوي نورت الموضوع ...





الضبع ...


جننت أخوك ... هههه



ما شاء الله تحب التراث ...

أنا أعجبتني المبخره التراثيه و المكوا التراثي اللي عند جدتي بس استحيت أطلبها ... خلاص كبرت ...
ههههه



مشكور ع المرور ...

احم احم

عفوا شو الكبكات ....!

الكبكات : هي أداة زينه للرجال تلبس في الثياب* .

الثياب* : وهو الدشداشه في الخليج .











وش اسمها عندكم في الامارات ...؟


وانتي ماعندك شيء محتفظه فيه ...؟