دودج ولا جمس ولا فورد و لا تاتا
اهم شي لا تاخذ اصغر حجم اللي عاده تجي دفرنشاتهم خرطي لانها حق دلاعه ( خصوصا الجمس )
و قبل لا تشتري اي شي شوف اسعار و سهوله صيانته و الحصول على قطع غياره في السوق يعني مو تاخد لي دودج ابو V10 و ثاني يوم ما تحصل له فلتر هوا حتى في الوكاله
و اذا بتاخذ السياره من الوكاله شوف اذا تقدر تطلبها بدفرنشات فيها locker او limited slip او posi او شي من هالقبيل ( المسميات تختلف ) لان الاداء بيفرق بشكل كبير في الرمل و الاسفلت خصوصا لو غرزت لا سمح الله
و اذا كنت راعي تعديل شوف السياره اللي قطع تعديلها متوفره و ارخص
و اشتري لك كيبل سحب قبل ما تشتري السياره تحسبا للحالات الطارئة
و صراحه
كنصيحه مني
اشتر لك ونيت جمس غمارتين قطع 35 مديل 90 مكينه 454 بخاخ و قير عادي او اوتو ( 4l80e ) و ارفعه شوي و ركب عليه كفرات طين
و اذا مشيت في الهايوي امسك السريع و لا تشغل الانوار
ما بتحاتي الا المكينه و صرفيه البنزين
شكرا
عرض نسخة للطّباعة |
ارسل هذه الصفحة لصديق]
