كامري LE اربعه سلندر

قير عادي تبدأ من 18,270 $
قير اوتو تبدأ من 19,320 $

اضافة مقاعد اوتوماتيكيه متحركه ودخول كي ليس
العادي 19,450 $
الاوتو 20,500 $

كامري LE سته سلندر
اضافة اكزوزين من الكروم
23,040 $



كامري SE اربعه سلندر
مواصفات ستاندرد رائعه ومميزه فيها
جنوط 17 + عداد بلون ارزق + اكزوزين كروم + شبك دائري + داخلية سبورت + لمبات هالوجين والعديد من المميزات

القير العادي 20.790 $
القير الاوتو 21,790 $

كامري SE سته سلندر
24,315 $



كامري XLE اربعه سلندر
نظام صوتي 440 واط + بلوتوث+ تخشيبه انيقه + المقاعد الخلفيه متحركه
تبدأ من 24,425 $

XLE سته سلندر
27,520 $

بتوصل الموزعين اوائل مارس :-)
وبتتوفر قريبا بمحرك هيبرد وبيعلن عن اسعار الهايبرد في شهر MAY

وانتظروها عند وكلائنا في 2009 او 2008 في حال كرمهم :rolleyes:

قراب 99 ألف .. ..

نسيت ألجراندي كانت 75 فلابشن .. :mad1:

بالريال السعودي 103200

ما ادري اذا فيه احد بيشتريها صراحه !!

وليه ما يخافون من المنافسه الشديده من شركة نيسان ومازدا خصوصا بأن سياراتها القادمه من أروع ما يمكن وبأسعار أقل من الكامري

وفوق هذا 3 ارباع المواصفات المكتوبة فوق مابنشوفها

والله ما اشتري كامري بالسعر هذا

يارجال عندك ناس هنا لو تنزل بميه وخمسين الف شروها

اسم انهم شرو كااامريي

سعر الفل منها بنفس سعر الجي تي اي

وربي اخد اول مستوى قولف ولا اخد كامري فل اوبشن ب 100

اسمها كامري :geek:

والله آخذ الفلوس وأروح أخذ لفة على العالم بالسعر هذا

والله أتبرعبها لأي جمعية خيرية أحسن

بس حلو ردك يا جداوي

إذا كانت الأسعار هذي خارجية أجل كيف الأسعار عندنا

وفوق كذا بدون المواصفات المذكورة زي ما قالوا الشباب

يعني نسيتوا وكلاءنا :anger:

راح يوفرون السيارة باقل المواصفات كالعاده وبأغلى الاسعار

انا شخصيا اتوقع االسته سلندر بتوصل 110 الاف وبيرتفع سعر الافالون الى 130 الف
ولن يبقي لمرسيدس وبي ام شي بتغلبهم تويوتا

تيوتا قاعدة تستغل اسمها وسمعتها في رفع الأسعار...

مثل بي ام وبنز

ووكائلانا هنا حدث ولاحرج... راح يرفعونها أكثر وأكثر

:anger:

عموماً...السيارة بهذا الشكل جميل وأنيق...

بس الأسعار راح تتعارض مع النسخه المفخمة منها.."لكزس"


تحياتي :laugh1:

هههههههههههه

قوية



ما يهمني سعرها حالياً و لا في المستقبل أصلا ما بفكر فيها

حلو جداً..الحين جي ام هي المستفيده..لان جي ام راح تستهدف كامري في اعلاناتها القادمه على الامبالا

وكمان انتظر اسعار ابو جميل :anger:

أحط في جيبي أكثر من 10 الاف وا خذ هيونداي أزيرا فل كامل

يا اخوان مع التطور لازم يرتفع السعر .. يعني مع اضافه حساسات وشاشه ومحرك أقوى وأفضل وغيره وغيره أكيد لازم يقابله زياده في السعر وهذا شي طبيعي!!

أستغرب من بعض الردود :m:

رفجة عرب اي تطور الله يرحم والديك كل السيارات الي نفس فئتها توفر مواصفات احسن من الي في الكامري ولا وصلوا للأسعار هذي

يعني ياجماعه معقوله 2020

حتصير الكامري 500 الف

ماشوف اي مواصفات في السياره تبرر هالزياده الرهيبه ..

يالله اذا سعرها في امريكا جذي نشوف سعرها هني كم ..

:m:

بنوصل لين عام 2200 وحنا نبي اسعار السيارات 60 الف !!!

وحتى لو في سيارات توفر احسن من هالمواصفات وبسعر أقل لكن مب اكثر اعتمادية من تويوتا كامري ..

يعني أرخص كامري و كل شي هندل بـ 68512.5 ريال و ضيف عليها شحن و جمرك و بهارات الوكيل يعني مو أقل من 75 ألف سيارة هندل طيـــــــــــــــــــــــــــــــــــس

ما أقو الا الله يرحم ايام الفورد تورس هذاك كان موتر استخدام

كان عندنا واحد 94 فاكينه وكالة و بعناه سنة 96 راعيه الآن مستغرب يقول للآن ما سبكت مو زي الكامري :lol:

شي طبيعي جدا جدا اول شي كل الشباب ركزو على سعر ال 6 سلندر

اول شي نلاحظ ان سعر 4 سلندر طبيعي

ثاني شي محرك ال6 سلندر محرك 3.5 جديد مع تقنية الvvti وبقوة 270 حصان ويصرف اقل من اي سياره ثانيه هل حد لاحظ هاي الشي

وبعدين النظام الصوتي والمميزات العالية الي الصراحه ماتلقاها الا في فئات عاليه من سيارات

اضافه الى الداخليه والشكل الجديد


يعني اذا السياره تطورت وارتفع مستواها هل تتوقعون سعرها راح يكون 80 الف مثلا

بشكل عام انا ما اشوف شركة تقدم لك مثل هاي المحرك والمواصفات بمثل هاي السعر اضافه الي كون السياره جديده

وفي النهاية السياره تويوتا وهاي ميزه اضافيه

يعني الأكور الفول اوبشن والألتيما وسعرها قريب من 100 الف ومافيها ربع الي في الكامري والناس تشتريها شنو المشكله

السلام عليكم

شدني الموضوع بصراحه والردود الي صايره

انا بتكلم عن نفسي

اشترينا كامري قراندي 2005 "ستاندرد"

مخمل وبدون فتحه يعني مواصفات عاديه بس قراندي

طلعناها من الـوكاله ب 86 الف ريال قطري بالضبط

لو جينا حق سياره مثل الاكورد

نعطي مثال الاكورد الي اشتراها المشرف (عبدالله) يو أي إي سبيد

مع اني ماحبيت اقحم الريال في الموضوع

لكن بكم اشتراها طبعا هي فل اوبشن

ان شاء الله لو دخل الموضوع بيذكر لنا سعر سيارته ,,,

الاكورد فل اوبشن 6 سلندر موديل 2006 سعرها 109 الاف ريال قطري

الي اعرفه ان محرك الاكورد 3.0 ومن ناحية المواصفات ماعتقد انها تفوق الكامري 2007

مع احترامي لعشاق الاكورد يعني تشغيل السياره بزر ومحرك 3.5 وحساسات وغيره كثير

لو جينا للألتيما الفل اوبشن موديل 2006 سعرها 105 الاف ريال قطري

من الداخل الالتيما الكل يعرف شلون مواصفاته ونوعية المواد المستخدمه وغيره الكثير

واذا وصل سعر الكامري 103 الاف شنو المشكله وهي تقدم مواصفات افضل

من الالتيما ومن الاكورد وفوق هذا من اعرق شركات السيارات في العالم

ياجماعه اذا بتكلمون تكلموا بعقل مش تشوفون الردود وياخذكم الحماس

واذا بنتكلم عن توفر السياره بالخليج بأقل مواصفات واغلى الاسعار

لاتدخلون هذا العيب في السياره لان العيب في الوكلاء عندنا وماله دخل بالسياره

بعدين اذا السياره فل اوبشن موديل 2006 سعرها 96 الف كم تبونها تكون بالشكل

الجديد والاضافات الجديده والمحرك وغيره من المواصفات

تبغون سيارات ب 60 و 70 الف ترا النيسان بيك اب ب 65 الف ريال

وللتوضيح بس

ترا الكامري اقل نوع ستاندرد تنزل بنوافذ اوتو مش هندل

ويعطيك العافيه الغالي عالموضوع وتوضيح الاسعار

وبالنسبه لي اتوقع هذا المبلغ مناسب بالنسبه للمواصفات الجديده الي فيها

والشكل الجديد الي بتنزل فيه لأول مره,,,

تحياتي

نعم ..

وانا معاااك ،،