السلام عليكم ورحمة الله وبركاته

كل واحد منا يتمنى أنه يحصل على سيارة ترضي طموحه وتتماشي مع وضعه وامكانيته
وانا من زمااان كنت أتمنى اشتري سيارة تكون " كرت " زي ما يقولوا :(:( بس الامكانيات كانت عقبة في طريقي .

المهم ربنا يسرها وجمعت مبلغ 62 وألف ريال سعودي ونصحني الكثير من أصدقائي بأن أشتري سيارة كاميري gl موديل 2002 وغير كذا لا أفكر :think:

وكلمني زميل في العمل أنه من الممكن أشتري بهذا المبلغ سيارة أفضل من الكامري إذا سفرت الامارات لأنه الأسعار أرخص

أتمنى من أصحاب الخبرة مساعدتي في الاختيار المناسب

كلامهم صحيح .. واتوكل على الله وخذ لك كامري أو أكورد ..
بالنسبة للامارات صحيح ان الاسعار اقل لكن مب وايد ..
يعني تفرق الفين او ثلاثه عنكم بشكل عام ..

عزيزي انصحك برينو لاجونا 4 سلندر
8 ايرباق
اي بي اس
اي بي دي
قير تبروترونك
جنوط16 انش
بطاقة رينو الذكيه للتشغيل
مكيفين
استهلاك منخفض جدا للوقود
بالاضافه للعديد من المزايا

واتوكل على الله

توكل على الله السيارة حلوة اقتصادية ماعليها كلام
وقت البيعة ماتخيبك
وقت الخرابات قطع الغيار متوفرة ورخيصه

انت ماحددت أي توجهات ..... هل جديدة أم مستخدمه
انت وش حاب في السيارة ( قوة والا راحة.........رياضية والا سيدان والا كوبيه )
أوروبي والا أمريكي والا ياباني........ هل انك راح تستخدمها فترة بسيطة وبعدين تشوفلك وحده غيرها والا على طول.....

ياريت تشرحلنا شوي وحنا بنساعدك لكن فضفض اللي في خاطرك

====================================

و غير كدا شكلها حلو و تصميم مميز








EMO

وعليكم السلام ورحمة الله وبركاته

مرحبا uae speed

شكرا لك وما قصرت وربنا ما يحرمك أجر النصح والتوجيه
------
cadyman

شكرا لك ،،، وياليت أعرف كم سعر السيارة الى نصحتني فيها ومن فين احصل عليها في المملكة

بالنسبة للصور ما أشوف ولا شئ :(

-------
SL 65&& بو عبود شكرا لكما النصح والتوجيه

-------
CL-Class

المبلغ المتوفر عندي 62 ألف واتمنى سيارة جديدة " كرت يعني " بشرط تكون من موديل 2002 وما فوق :rolleyes:

أبغى سيارة شكلها حلو وقويه تخدم معي ., وما افكر غير غيرها إن شاء الله
تعرف الرواتب محدودة كلها تروح في تسديد القروض :(:(

------
durango لك كل الشكر على المشاركة

السلام عليكم ورحمة الله وبركاته

النجم الأخضر
اذا اخوي انت على قد فلوسك وتوكل على الله وخذ كامري وخذ فول اتوماتيك وبترتاح ان شاء الله.
اذا جيت الامارات بتحصل مافي فرق بين الاسعار بين الامارات والسعودية بس شي سيارات نظيفة جدا عدنا بس سعر كامرى ثابت مايتغير بالسوق.

بالتوفيق اخوي واستخير وتوكل على الله ويسهل امرك.

تحياتي

بارك الله فيك اخي grandv8

ولو تكرمت بكم سعر الفول اتوماتيك .. كم الفرق بينها وبين gl


لك كل امتناني

السلام عليكم ورحمة الله وبركاته

النجم الأخضر
موديل 2005 بس الاسعار تبدأ من 69 الف درهم لا اكسل ال اي
73 او اكثر شوي لجي ال اي

اما بالسوق بالسعر من 59 الى 67 حسب النظافة المديل

الفرق قبضة الابواب تكون سوداء لااكس وبدون كشاف وريموت كنترول

تحياتي

هكذا المشرفين وإلا فلا

عاجز عن تجاوبك يا مشرفنا العزيز

عزيزي سعر السياره 2004
55000 قير عادي
حدود 60000 قير تبروترونك
الوكيل الزاهد وممكن تشتري عقد صيانه شامل لمسافة 60000 كم

توكل على الله وخذ الكامري

عندك هذا المبلغ انصحك تاخذ كامري او ماجنا بس اعتقد الماجنا مواصفاتها افضل من الكامري وعندك الهوندا اكورد الجديده 4 سلندر (تبدأ) من سعر 58الف ريال (قطري) وهذا كان عرض في الصيف مادري هل هذا العرض مستمر او لا


تحياتي لك

وعليكم السلام ورحمة الله وبركاته

cadyman / SS_Z06 / TOP-SECRET

شكرا لكم والله عاجز عن تقديري لكم

بس في استفسار كثير من الناس نصحوني بكامري 2002
اما 2003 و 2004 قالوا لا تقرب منها :think:

توكل على الله ومبروك مقدما :cool:

شكرا لك ERT وربنا يبارك في عمرك إن شاء الله

السلام عليكم شباب

حبيت أرفع الهاندبريك وأدخل عليكم عرض:banana:


الحين ما عندكم غير ال Camry أو ال Accord أو Magna





عندي لأخوي النجم الأخضر سياره

NISSAN ALTIMA 2.5

هذي السياره طول الله في عماركم أشتراها واحد من الربع بمبلغ 42.000درهم تقريبا
وهي 4 سلندر .... وعلى قولتة السياره حلوه وقويه .


والراي لك ياخوي ،

ويقدر أخواني خبراء السيارات يعطونك راي أفضل في السياره

تحياتي

شكرا لك أخوي dbooor

الحقيقة تعرف الواحد نفسه في كل شئ
لكن لأن الدخل محدود فكرت في سيارة تجمع بين اقوة تحملها وجمال منظرها
وتقريبا كامري 2002 مناسبة جدا في الشكل والسعر

أما الـ Accord سمعت عنها وما أعرف عنها شئ
من حيث قوتها وتحملها وسعرها

والمجنا والله شكلها حلو بس سعرها مرتفع بالاضافة الى اني قريت ان فيه مشاكل
في كل سيارات مستوبيشي من عام 2000 وفوق :(:(

بالنسبة للمجنا فهي ارخصهم اعتقد ب60 الف تحصل على الفول اتماتيك بس طبعا لاحظ ان صرفية ال5.3 مش مثل 2.4
بخصوص المشاكل ممكن كان في دفعه فيها مشاكل وجاها استدعاء بش بشكل عام سيارات متوبيشي من اجود السيارات في العالم والصراحه الماجنا منتشرة كثير عدنا في قطر ومحد اشتكى منها وحتى في المنتدى محد اشتكى منها سيارة كرف ومحرك قوي بسعر مناسب

انت احسن شئ ترووح الوكالات والتشوف الكامري والأكود والماجنا تراهم سيارات حلوة والي يعطيك صفقة افضل لاتتردد

وانا اقول لك توكل على الله وخذ لك كامري (دولار مثل ما يسمونها أصحاب المعارض) مريحة واقتصادية واذا تبغي تبيعها سعرها ما يتغير كثير

مساكم الله بالنور أخواني

والله ماني عارف أشكركم على تفاعلكم معي

والحقيقة كثرة الآراء تجعل الواحد في حيرة

المجنا أعجتني والله في الشكل بس ما أعرف قدرتها على التحمل

وقطع غيارها أعتقد أغلى من التويوتا

عموما ألف شكر لك بوعبود

==

ماقصرت أخوي bahrainlove وربنا يوفقك دوم إن شاء الله

هذي صور الرينو لاجونا
http://www.arab3.com/images12/19868655.jpg
http://www.arab3.com/images12/2030573.jpg

http://www.arab3.com/images12/83482288.jpg

http://www.arab3.com/images12/77383689.jpg

http://www.arab3.com/images12/60771855.jpg