بسم الله الرحمن الرحيم
السلام عليكم ورحمة الله وبركاته
كيف الأحوال شباب، عساكم بخير، اليوم موضوعي غير، وبتكلم عن سياره غير وكل شي فيها غير عن الباقي سياره من أول مانزلت حصلت جائزة أفضل سياره فخمه متعددة الإستخدامات، ألا وهي شيخة الأجياب الكادي SRX وهي شي ماينوصف خل نبدي بالصور:
نصيحه مني اللي فيه القلب أو الظغط أو السكر يطلع من أحين:
شوفوا الروعه شوفوا الجمال والأناقه وينك ياليلاند تشوف الكادي من بعدك كيف
الفخامه الأمريكيه واقفه بكل إعتزاز ومستعده للمنافسه
وذي صوره تعكس فخامة السياره بجميع الألونا( الزين زين لو ماغسل وجهه)
المصمم نجح في كل نقطه في السياره وهي ماتحتاج كلام شكل ولا أحلى وهي ماخذه من شكل الCTS والإسكاليد لاحظوا تصميم الوجه المتقن
وهذي صوره للوحش الجميل من ورى شي ماينوصف
هذي صوره للمشكله الكبرى في السياره وهذي نقطه مو موجوده في كل المنافسين ألا وهي اللي تخلي الراس يدور شوفوا السقف الزجاجي هذي الكمال في صنع السيارات تخيل نفسك داخلها شنو شعورك ذيك اللحظه
وذي صوره أوضح
هذي الموتر من الخارج واللي يبي يدخل يدفع ريالين قبل مايشوف الإبداع
نبتدي بالكونسول الوسطي اللي فيه كل مايتمنى الواحد( للأسف النافيجيشن ماظن بينزل وإذا نزل بيكون بالطلب)
شوفوا كيف الإتساع للصفوف ال3
وهذي نظام الDVD وهو باناسوينك( كل سيارات GM اللي فيها DVD يكون باناسوينك)
وهذي الإبداع بس من داخل
وذي صوره للجير
وختامها صوره للإيرباجز
_____________________________________
أحين ندخل في المواصفات والتجهيزات:
طبعاً السياره هذي أول جيل منها، وهي خطوه قويه جداً من كاديلاك وشوفوا المواصفات التقنيه:
1- محرك جباااااااااااااار بسعة 4.6 نورثستار بقوة 320 حصان وعزم يبلغ 315 باوند قدم.
2- ناقل حركه هايدراماتيك ب5 سرعات وتبديل يدوي.
3- نظام دفع رباعي مستمرAWD.
___________________________
ندخل في أنظمة الثبات والدفع:
1- نظام التحكم المغناطيسي الجديد كلياً( إبتكار من كاديلاك لم يستخدم في أي شركه وتوه نازل بس على ذي والXLR) وهو يتحسس الطريق بمعدل 1000 مره في الثانيه.
2- نظام ستابي تراك المطور لتعزيز الثبات.
3- مكابح ABS مع مساعده للفرمله( مثل البنز).
____________________________________
نروح للمواصفات الخارجيه:
1- مصابيح أماميه باي زينون( دبل) وخلفيه LED مقثل ماعودتكم الكادي.
2- نظام تنبيه خلفي( سنسرات).
3- مريا خارجيه مدفئه وتنطوي كهربائياً وتصير معتمه.
____________________________________
المواصفات الداخليه ويا مكثرها:
1- نظام سمعي بوز ب6 إسطوانات و8 سماعات مع إير بويليت لموازنة الصوت.
2- نظام DVD ( مثل اللي بالصوره) مع سماعات وتحكم لاسلكي).
3- مقاعد جلديه وتحكم كهربائي ب8 إتجاهات مع ذاكره لمقعد السايق( الذاكره تشمل الراديو/ المرايا الجانبيه/ الكرسي).
4- كمبيوتر رحلات.
5- إختيار بين 5 أو 7 مقاعد( ال7 يكون ألترا فيو بلس وبعدين نتكلم عنه) وإمكانيه طي الصف الثالث كهربائياً.
6- التحكم من المقود في عدة وظائف ويكون ملبس بالجلد والخشب.
7- السقف الزجاجي ألترا فيو: يكون مغطي الصف الأول والثاني.
8- السقف الزجاجي ألترا فيو بلس: مايجي إلا مع الصف الثالث ويغطي السياره كامله وينفتح بعد
.
9- وسائد هوائيه تحيط بكل السياره من داخل.
10- تصميم داخلي من بولغاري.
___________________________________
الأبعاد:
1- السياره مصنوعه على قاعدة عجلات مخصصه لها مو مثل مايعتقد البعض إنها نفس اللي على التريل بليزر والإنفوي وهي الأطول في فئتها وطولها 2957 مقابل 2780 في التريل.
2- الطول/عرض/إرتفاع: 4950/1844/1722.
3- الوزن كامل 2015 كيلو( ملاحظه واحد من الشباب قال الكابرس وزنه 1780 لأنه فاضي ومافيه مواصفات ترى الجاغوارXJ نفس الوزن).
4- رنجات 18 تجنن.
وإن شاء الله عجبكم الموضوع من الساعه 10 وآنا أشتغل عليه.
عرض نسخة للطّباعة |
ارسل هذه الصفحة لصديق]
..
كل الشكرات بدت تستخدم AWD تقليد على السوبارو
