بسم الله الرحمن الرحيم


السلام عليكم ورحمة الله وبركاته

شباب أنا ملاحظ إن القسم ما يتكلم عن الفورملا1 ولا في نتايج السباقات ولا أي شي له علاق بالفورملا مع أن الحدث وصل عندنا في الخليج وماباقي عليه إلا 4 شهور وماشوف أي موضوع إنطرح يخص الحلبة أو إستضافة البحرين لأول حدث من نوعه في الشرق الأوسط اللهم موضوع إنطرح قبل فترة بخصوص أسعار التذاكر.


أنتظر ردودكم و تفاعلكم مع الموضوع مو نفس اللي قبله.

وينكم شباب نص الأعضاء موجودين محد رد عسى ما شر؟

انا اموت فيها واعشقها...شوف النك نيم ;) ولا يفوتني سباق

أخوي مؤيدf1 الشباب كلهم نيام مافي إلا أنت رديت لو كان العنوان حادث أو قومات تشوف الردود بالهبل،عالعموم يعطيك ألف عافية

الفورومولا واحد
تحتكرها الART
وهذا السبب اللي مايخلي احد يتابعها

وانا احب الفورومولا بشكل كبير
لكن متابعتها صعبه

لا ART ماهي محتكره الرياضه..

المنظمين ال FIA تمنع البث بدون الحقوق والحقوق اسعارها مرتفعه بشكل ماتتصوره مو اي شركه تقدر تاخذ الحقوق..
انت شوف تذاكر البحرين الدرجه الاولى وبتعرف قد ويش الاسعار..
وشي ثاني..
المنظمين FIA تشترط ان تكون المحطه مشفره..بس حتى المحطات الاوروبيه ماتبث الرياضه الا المشفر منها..يعني مو من الاحتكار
الرياضه رياضه ال Fia وهم حطو شروطها واسعارها منها لازم المحطه (مشفره عشان يربحو منها)اساس الرياضه كله على الحقوق والعقود والنقود ;) بالنسبه لي من اول ماتشفرت الاي ار تي وانا اشترك بها ومكيف على الفورمولا1

بس أخوي أكورد أحين صرت تقدر تشوف الفورملا وعلى الطبيعة وفي بلد خليجي و في أحدث حلبات العالم وبسعر جيد.

أخوي مؤيدf1 تذاكر درجة أولي هذي إنساهم صاروا في خبر كان،كانوا على شكل أجنحة وكل جناح حق 28 شخص معى الوجبات حق 3 أيام والجناح بعشرة آلاف بحريني أي100000 ريال ومابقى منهم ولا واحد وحتى الآن باعوا أكثر من 28000 تذكرة.

أعرف..مايفوتني شي في هذي الرياضه;) وهذي هي طبيعة هذي الرياضه تكاليف عاليه.. تقريبا تكلفة بناء سياره واحد من 3 الى 5 ملايين دولار على حسب السياره.. كل فريق له سيارتين .. وكل سباق محرك وجير بوكس جديد يكلفو حوالي 350000 دولار !!!!! وغير بعض القطع الي تتغير.. منها الاطارات في السباق تتغير من مرتين الى ثلاث مرات وسعر الاطار1000 وشوي دولار و و و و لو بتكلم مابخلص بس كل هذي الاسعار بسبب التقنيات العاليه الي هي اعلى تقنيه في السيارات في العالم في الفورمولا1 الي تعتبر مصدر كل التقنيات الجديده وهي عباره عن حقل تجارب اصلا لهذا الشركات اهم شي عندها الفورمولا1 ..اللكزس اصلا تويوتا صح..؟ متى جابو الجيربوكس 6 سرعات؟ والآن في الطريق 7 سرعات والمصدر ويييييين ؟ الفورمولا1 :rolleyes:
انشاء الله قدرت اعطيكم فكره بسيطه عن الرياضه

كل الفضل لله ثم الاخ العزيز ايمن عبد الواحد (المقدم في ال ART ) و المهندس التقني انزو.. في معلوماتي هذه هناااااااااااااااااااااااك الكثييييييييييييييييييييييييييييييييير يجب ان تعرفوه بس ماحب اطول في الردود ;)

طول وما عليك نستفيد منك وبخصوص التكاليف هذي إنشروها بالتفصيل عندنا في الجريدة وحاطين تكلفة الموسم طلعت شي خيالي بمئات الملايين.

مشكور اخ مؤيد على المعلومات

اخ RED Chevy
يمكن ذلك لكن سعر التذاكر غاليه
وسمعت انك تحضر السباق وانت واقف
لان المدرجات غاليه وراحت تذلكرها
ماادري يمكن انا غلطان

باعطيك فكرة عن الأسعار وإنت شوف:
1- أقل مستوى اللي تحضر وإنت واقف ب38 د.ب.
2-مدرجات الجامعة+آخر منعطف(موقع أوكي)113 د.ب.
3-مدرجات المنعطف الأول(أحسن موقع)113 د.ب.
4-المنصة الرئيسية 170د.ب.
5-تذاكر الVIP 300 د.ب.
هاي الأسعار كلها حق 3 أيام وتقدر تشتري حق يوم واحد وبتطلع أرخص.وفي جائزة فراري360 مودينا 2004.
وإذا تبي المعلومات بالتفصيل إدخل على موقع الحلبة:
www.bahraingb.com

نسيت أقولك ترا التذاكر متوفرة بس الأجنحة خلصت حتى الآن باعوا أكثر من 28000 تذكرة باقي وايد.

طيب تذكرة الـ VIP هي نفسها الأجنحة ...

وسمعت ان الدخل من بيع التذاكر كان 28 مليون ريال او مليون دينار مو متذكر ... بس شيء جيد ... يعني كلها 5 سنوات وراح تطلع البحرين قيمة الحلبة هذي ...

تصدق اسعار حلوه ماتوقعت كذا

عموما مشكور
والموضوع يستاهل التفكير بجدية
لكن لااظن في عام 2004
يمكن السنه اللي بعدها

لاأخوي الVIP هذي تشمل كرسي في المنصة الرئيسية وخيمة الVIP وبوفيه مفتوح طوال اليوم مع المشروبات.
وعن سالفة الربح إنسى الحلبه كلفتنا 150 مليووووووون دولار ومايصير يطلع الربح من أول موسم السالفة يبيلها سنين.

خلاص أخوي أكورد موعد السباق تحدد 04/04/04 تاريخ حلو، والحلبة جهز منها أكثر من 75% بس باقي التشطيبات النهائية. وإذا تبي تذاكر إلحق وإخذ من أحين قبل ما تصير السوق السودة بيبيعون اللي ب100 ب500.

أرخص تذكرة أب 38 دينار عاد ما اتشوف شي حدك تسمع صوت المكاين بس .

السلام عليكم ورحمة الله وبركاته
لا تشوف بس وإنت واقف وإذا في أحد جدامك حطلك كرسي.

وين شباب سوالف محد رد بس الإخوان سيلفر وأكورد ومؤيدF1 ل الموضوع فاشل لي هالدرجة ومب مهم؟

السلام عليكم ورحمة الله وبركاته
يا اخوان مو لهدرجه الموضوع بايخ اصلا مافيه من البياخه شي
وموضوع مفيد اول مره يتم التناقش في امور الf1 في منتدانا
وسامحوني لي فترة ما دخلت المنتدى عشان كذا ما ارد
وعن نفسي انا اموت في هذي الرياضة وافضلها على الراليات
وباي

السلام عليكم ورحمة الله وبركاته
حبيت أشكر مشرفنا العزيز AMG على تغييره لإسم الموضوع عشان يتفاعلون الشباب شوي وأكرر شكري للمشرف.والسلام

شباب امس شفت برنامج في قناة العربيه اسم البرنامج

تاريخ سباق السيارات و كانوا يتكلمون عن الفورمولا 1

الشي الغريب ان مكينة السياره تستخدم حتى 400 كيلو بس ؟؟ و بعدها لازم يعملون عليها تعديل بالمصنع
يعني بعد 400 كيلو يفكون المكينه و يركبون مكينة ثانيه و المكينه القديمه يشحنونها للمصنع و يعملون عليها صيانه شامله و احيانا يصير عليها تعديل داخلي او خارجي حسب الحاجه ..
الصراحه هذا الشي مكلف جداا.

و الشي الثاني ان الفريق يبدل مابين 3-5 مكاين بالسباق الواحد

و الغريب ان مكاين الفورمولا 1 مافيها مراوح تبريد يعني لو توقف السياره اكثر من دقيقه خلاص سلم على المكينة و هذا السبب اللي يخليهم يبدلون الكفرات و يعبون بنزين خلال فتره اقل من 8 ثواني انا كنت احسب ان الموضوع له علاقه بالفوز عشان مايضيع وقت لاكن السالفه طلعت عشان ما تخرب المكينه .

اسف على الاطاله .

موضوع جميل جدا

أنا في البيت ,,, يلزم أي خدمة

خليل