بسم الله الرحمن الرحيم ,,,,
مساء الخير اخواني الاعضاء.......


اكيد تلاحظون مثل ماالاحظ انا وغيري الكثير انه في حاله تشغييل المكيف فان درجة حرارة المحرك ترتفع اكثر من المعتاد قبل تشغيل المكيف
بمعنى اخر

الحرارة الطبيعية في السيارة الفلانية على الربع
ولكن بعد تشغيل المكيف تجد ان الحرارة ترتفع الى النصف ,,,هو شي طبيعي ولا منه اي مضره

لكن اللي ابغى اعرفه .....>>>>

ماهو السبب في ارتفاع الحرارة ؟
هل مو ضغط الكمبروسير على المحرك ؟
تساؤلي غريب ولا عندي اي احتمالات للحل ......

مع العلم ان هذا في اغلب السيارات وفي بعضها بالعكس اي الحرارة تنخفض عند تشغيل المكيف وذلك بسبب وجود مروحة خاصة بالمكيف





اتمنى ان اجد لديكم جوبا لسؤالي

ودمتم
محبكم S8

السبب هو اللي ذكرته تمام.
هو ان الكمبروسر حق المكيف يسوي ضغط على المكينه و يؤدي الى استنفاذ طاقه زياده و معظم السيارات اليابانيه (بالأخص نيسان) يجي فيها مروحه خاصه للكمبروسر ما تشتغل الا اذا اشتغل المكيف و هكذا تلاقي السياره في الصيف ما ترتفع فيها الحراره. :banana:

احسن مافي اللومينا االي عندي ان مروحة التبريد تشتغل مع المكيف تلقائيا(زين حصلنا منها فايده)

أكثر السيارات اليابانيه أول ما تشغل المكيف تشتغل وياه المروحه.

أقول أخوي 760IL روح دور على واحد ينضحك عليه وبيع اللومينا حقتك عشان ما تندم.
واحد من الشباب كان عنده ماكسيما 2001 انغر بشكل اللومينا و مكينتها راح باع المكسيما و اشتراله LTZ و ندم ندمه ما توصف.

S8

مساء النور والسرور

كلام الأخ العزيز King 4x4 صحيح ما شاء الله

بس أنا أبغا أضيف نقطه ثانية ..
انت عارف انه دائرة التكييف في السيارة تبدأ من الكمبريسور مروراً بالمكثف* ( اللي عند راديتر السيارة ) و بالمبخر ( اللي داخل السيارة وتسمى ثلاجة المكيف ) وانتهاءاً بالكمبريسور مره ثانيه

غاز الفريون لما ينضغط من الكمبريسور ويروح للراديتر حق المكيف في مقدمة السيارة ( المكثف* ) يكون درجة حرارته عاليه جداً وبالتالي يرفع حرارة موية التبريد في الراديتر ،، لذلك يحتاج الى مروحة تبريد اضافيه خاصة براديتر المكيف ( المكثف )

في السيارات القديمه اللي مافيها الا مروحه واحده عن طريق بكرة المحرك .. كان المكثف يرفع حرارة مياه التبريد اللي داخل الراديتر وبالتالي ترتفع حرارة المرحك
( راديتر المكيف وراديتر السيارة متقاربين جداً ولكنهم يختلفوا عن بعض )





التحية للجميع :cool:





* المكثف سمي بهذا الاسم لأنه يقوم بتحويل غاز الفريون الى الحاله السائله

عندي الحرارة على الربع واحيانا تطلع شوية اذا مشيت مسافة ووقفت بدون ماأشغل المكيف

اما اذا شغلته تبقلى ثابتة على الربع

ماشاء الله تبارك الله
شي طيب في خلال وقت بسيط اجد هذه الردود
King 4X4
760LI
M5
كابريس
الف شكر
:cool: :cool: :cool:

بالاضافه الى كل ماذكرتم وهو صحيح

حتى عزم السيارة يضعف ويزيد استهلاكها للوقود بشكل اقل من الضعف قليلاً .

والحرارة الي ذكرتموها سواء كانت على مؤشر الحرارة او في سخونة

المحرك تعود الى ما ذكرتم بالاضافة الى تحمل المحرك قوة اضافية في تشغيل الكمبريسور .

وكما يقولون ....... ومثل ما يقول الشريطية : المكيف يآكل نصف المكينة ...

صحيح بالفعل .....

طيب ماريكم في انه المكيف ياخذ ثلثين قوة المحرك ؟

هل هذا صحيح؟

السلام عليكم

مشكور اخوي S8 على هالموضوع الحلو

بصراحة المكيف له تاثير كبير على المحرك لاني في الفترة الاخيرة صارت بسيارتي مشكلة وهي الحرارة الزايدة بصراحة وسويت تنضيف للرديتر وغيرت البلف وفحصت المراوح وكلش تمام واخيرا اكتشفنا ان المشكلة من المكيف لاكن فيه سدد في مواصير الفريون حتى الكميف ما يبرد الا اذا اسرعت بالسيارة بس تسخن على طول بس هذا اخر شي اتوقعته انها تكون السخونة من المكيف

السيارات الأمانية تسخن مع المكيف بس ماتحس بفرق كبير في العزم
الياباني مايسخن كثير دايما ربع الا الهوندا والمازدا بس العزم يطيح وينحس فيه كثير

فعلا سيارتي دائما على الربع وإذا مررررة على الثلث

الف شكر على المشاركة وابداء الراي والخبرات

هلا باخوي S8 لاتنسى الى جانب كل هذا حرارة الجو ايضا يوجد عامل اخر وهو بوية الرداديتر تحاتج لتغيير بين فترة وفترة على الاقل 6 شهور تكفي لانه مع مرور الوقت تقل فاعليت البوية

تحياتي

روح الامارات

عجيييييب يا s8 صرت مبدع


مبرووك:banana:

الله يبارك في عمرك
وعقبالك

طيب ياجماعة الخير في بعض السيارات مثل الكامري قبل ماتشغل المكيب يكووون امبير الحراره في النص ؟

لمن تشغل المكيف يوصل الى الربع ينخفض؟؟

ليش؟

وفي بعض السيارات العكس؟

لأنه تشتغل مروحه المكيف.
وش السالفه لازم أقول السبب مرتين.

ممكن تعيد يا King 4x4

أقول يا S8 أنت "ابداع"

مشكور اخوي ماجد على الموضوع

يا جماعة انا عندي مشكلة وابي مساعدتكم

عندي الحرارة في الماكسيما 2000 ترتفع ارتفاع غير طبيعي وتوصل تقريبا الى الثلاث ارباع ويفصل عندي التكييف حتى صوت المراوح يكون مزعج بالمرة اذا شغلت المكيف يعني كل مراوح السيارة تشتغل

رحت للوكالة وغيروا الزيت والفلتر مع اني ما ادري وش علاقتهم بالسلافة وكمان غيروا موية الرديتر لكن ما تغير شي في السيارة

تعتقدون هالشي والمشكلة هذي من ايش ؟؟ تكفون شوروا علي وللمعلومية السيارة قد جاها حادث في الوجه وغيرت الراديتر

انا عندي الماجنا من يوم ما اشتريتها والحرارة على النص
بمكيف ومن غيره
من يوم ما اشغل السيارة ترتفع للنص وماتزيد ولا تنقص:cool:

ودها الشرركه

شيك على توصيلات الرديتر. أقرب شيء المشكله منه لأن كل مراوح السياره شغاله على كلامك و بعدين شيك على المكيف.

أنا بصراحه عندي العكس

لما أشغل المكيف ينزل عداد الحراره
و كمان كل ما ازود المكيف تقل الحراره كمان و كمان
:banana: :banana: :banana:

أنا سيارتي مرسيدس (بو عيون) 1998

و شكرا