الموضوع: بمناسبه قرب حلول شهر رمضان
عرض مشاركة مفردة
بيوتي شيك بيوتي شيك غير متصل    
عضو نشيط جداً الامارات  
المشاركات: 217
#1  
بمناسبه قرب حلول شهر رمضان
بمناسبه قرب حلول شهر رمضان حبيت اقدم شي كل الناس اتحبه ومحد يقدر يقاومه وخاصه يوم يكون ساخن عرفتوا شو اقصد؟؟؟؟؟؟؟؟؟؟؟؟؟؟؟؟؟؟؟؟؟؟
اللقيمات
أول صوره وعقب ما عجنت العجينه واتخمرت لأني نسيت اصور المقادير





الحين بخبركم عن المقادير
جيلة طحين رقم 2 , فنجان سكر ,ملعقه صغيره خميره فوريه , ذرة ملح , وكوبين ماي مضاف اليهم زعفران وقليل من الصبغ الأصفر مال الأكل ونعجن كل المقادير ونتركها ترتاح لمدة ساعه تقريبا........


انسخن الزيت..





ونحضر خلال هاي الفتره الغسول عشان نغسل ايدنا عقب ما انكور اللقيمات ..





الملاس ( الملعقه )....





والمشخله....





الدبس والسمسم...





انكوره بهذا الشكل ونقليه في الزيت بس لا تنسون نأخذ العحينه من الطرف ولا نغير مكان أخذ العجينه ولا اتقربينها من النار





حتى يحمر ونطلعه..





ونحطه بالمشخله عشان الزيت ينزل...........
واحطه في طبق التقديم ونصب عليه الدبس ونرشه بالسمسم......





وهاي صوره اقرب....






ها شوراييكم مب لذيذ وهو ساخن يالله خبرونا منوه اللي يقدر يقاوم اللقيمات
بيوتي شيك غير متصل قديم 22-07-2009 , 01:55 AM    الرد مع إقتباس