شكراً على الفكرة الهادفة.......

زمان قبل كم سنة كنا نمشي على طريق المطار متجهين جنوب مابين مخرج 12 و13 ونلقا راعي كامري قراندي موديلها 97 او 96 ويمشي الكامري ماشاء الله قووي ومر من جنبنا ماسك الكتف الايسر وكل مايمر سيارة يلف عليها ويصقعها :blink: يمشي بحدود 140 والسيارات لاجوا يتجاوزونه يلف ويصقعهم بالموتر ويلفلف على العالم :blink: شي غريييييييييب بصراحة

المهم اقبلنا على مخرج 13 ولف على سيارة وصقعها صقعه قوية نوعاً ما ونحاش راعي الكامري

ويلاحقونه كم سيارة وحنا نمشي وراهم نبي نشوف وش يصير نمشي وراهم 190 من تحت مخرج 14 وماقدرنا نلحقه راعي الكامري ... طاااااير الرجال :blink: يوم وصل مخرج 15 تحت المخرج بالضبط وسبحان من لايعجزه شيء...الكامري لفت يمين بزاوية 90 درجة وبدوووووون مبالغة :blink: سبحان الله ماكنت متوقع اشوف سيارة بهذي السرعة تلف بهذا الشكل...شكل الذراع انفلت

المهم انه صفق بالصبة اليمنى ودارت السيارة وصدم مرة ثانية بالصبة وانقلبت ورجعت تعدلت وصارت الكامري عجينة

جينا وقفنا ومعنا ناس واشوف الي فيها شباب بعمر الزهور ياخسااااااارة

والشباب يصيحون يقولون ساعدونااااااا ويبكون من جد لاتحسبوني أبالغ بكاء وأنين اللهم لك الحمد والمنة على العافية يااااااارب


والله انا حسبتها...اسافر للشرقية امشي 170 الى 200 حسبت وقت وصولي..ماني متذكر كم بالضبط لكن سافرت مرة ثانية وكنت امشي 120 وما اتجاوزها ومثبت السرعة عليها

تدرون كم فرق الوقت؟؟؟؟؟؟؟


(((بدوووون مبالغة))) 25 دقيقة بالضبط

والله ياجماعة الخير نقدت على نفسي وتضايقت وحسيت اني غلطان بحق نفسي من جد(انا ماقول هالكلام بغرض المثالية ولكني استحيت من نفسي لاني أخاطر بحياتي وحياة الي معي عشان ولا شي) الحياء هذا هو الي خلاني ازعل واتضايق من جد وأحس بالغبن :ranting: حسيت اني صغير وجاهل وماكنت مدرك انه مافيه فرق مع انه كان بالامكان أدرك هذا الشي لانه متوفر قدامي..مجرد اني اسوق بسرعة معقولة وتتضح الصورة قدامي....لكن (الجهل) مصيبة

آسف على الإطالة يا إخوان واحمدوا الله على العافية ولاتخاطرون بأنفسكم عشان شي مايسوى


مع التحية،،،الـفـهـد