اخواني MR_Z , 180B عظم الله اجركم و الله يرحمهم برحمته ..
اخوي MR_Z اخوك لما سوى الحادث الله يرحمه وين كان الحادث وايش السيارة اللي راكب فيها ؟؟


اذكر واحد من اصحابنا وعلاقتي فيه ليست بذاك القوة ، كانت سمعته جدا نظيفة الله يرحمه ..
الولد معاه بريميرا خضرا وكان يجي دايم التحلية .. المهم .. كان كل طلاب المدرسة دايم يذكرونه بالخير يثنون عليه واذا طلب منه اي احد مساعده ما يقصر .. حتى اني مرة سألته اذا كان يعرف اي محل ممكن يجيب لي زينون لكزس وكان هو مركب في نفس اليوم زينون لكزس .. قال لي تعال معاي لاي محل افكه لك خذه ومايغلى عليك .. انا طبعا رفضت .. وهو اصر على لكن رفضت بشده .. وهذا مثال على كرمه الله يرحمه مع انه زي ماقلت لكم علاقتي فيه ماهي ذيك القوة .. بعد كم يوم لقيت واحد من اخويانا بالمدرسة زعلان وواقف قريب من مطعم .. نزلت سلمت عليه وجلسنا ندردش .. بعدين سألت بالصدفة عن خوينا راعي البريميرا .. قال لي الولد توفى الله يرحمه ..
انا ما صدقت بالبداية .. الا يوم حلف لي .. قلت ليه كيف ؟؟
قال كان ماشي جهة البحر على رجوله وجا واحد بفياجرا وصقعه بقوة وخلاه ورفض يشيله ... وراعي الفياجرا طلع ولد ناس ( هاي هاي ) ، وقال لأهله تبون ديه اهلا وسهلا .. ماتبون بقلعتكم ...


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

واذكر كان معانا طالب بالمدرسة معاه ماكسيما وفي يوم من الايام كان ماشي بطريق الملك 200 ويدخل عليه كراون فيكتوريا فحاول الهرب من اليسار فدق بالررصيف وتقلبت المكسيما على الخط كثير لكن كان محظوظ فالايرباج طلع بدري ومسك جسمه وجسم صاحبه وطلعوا منها بدون مشاكل وثاني يوم قابلني مع انه مايعرفني وقال لي انتبه لاتسرع .. هو قال لي هالكلام بحكم ان معاي مكسيما ..
ثاني يوم بعد الاختبارات انا كنت ماشي جهة شبك المطار 180 واصقع بذيك التريله غصب عني .. لكن الحمدلله انا كنت رابط الحزام وجتني قزازة صغيرة على خدي .. لكن انا كنت خايف على قريب لي معاي صغير وماكان رابط الحزام لكن الحمدلله ماصار له شي ..


ــــــــ

لكن صراحة كله كوم و حوادث الكابريس كوم خصوصا الال اس لانه خفيف ومافيه تراكشن .. اذكر السنة اللي فاتت كل خميس وجمعه نلاقي كابريس متعلق فوق النخل ...







اخوكم الشبابي