بسم الله الرحمن الرحيم
السلام عليكم
اولا حبيت اقول وايد معلومات اخواني حطيتوها غلط بغلط......
اول شي قلت الHennessey Venom 1000TT قوته 1092 حصان و السكايلن و السوبرا اقوه منه....انا شنو استفدت من الملعومه هاذي؟؟؟ و شنو الفايده.؟؟؟ اهم شي تعطيني ناتج القوه=السرعه...السوبرا جونكيرا اقوه من الفايبر هذا ب100 حصان و الفايبر يتفوق عليها بجميع نقاط السرعه.
ـــــــــــــــــــــــــــــ
بعدين انت تقول::::بعدين انروح الى الربع ميل (في الفئه الاولى ستريت) اسرع وحده كانت الHennessey Venom 1000TT جابت 8.93
في سوبرا (MSP supra) جاب في الربع ميل 8.395
انا اقولك:::السوبرا هذا مو مخصص للشارع يا حبيبي
..هذا دراق و ارجوك الدقه بالملعومات و تفضل الرابط هذا و شوف منو الي متفوق على السوبرا هاذي
بفئتها
http://www.urbanracer.com/articles/...r.asp?a=585&z=1
و هني نخلص من اول معلومه غلط
ــــــــــــــــــــــــــــــــ
و مره ثانيه قارنت سياره كونسبت (الكمارو ZL1) مع السوبرا الدراق و هذا غلط حته مع فرض ان الكمارو مخصص للشارع غلط تقارنه بسياره دراق.
و بعدين يبت البوقاتي فيرون الي اهي سياره كونسبت لحد الان و بالنسبه لسرعتها القصوى هذا مجرد كذب..السياره اوقف انتاجها لخلل في نظام التعليق لانه ما يتحمل الوصول لسرعات عاليه...لاكن انسه الكلام هذا في سياره امريكيه تجاريه اقوه من البوقاتي هذا بالتوب سبيد (Chevrolet Callaway Sledgehammer Corvette) و التوب سبيد مالها =409.9 kph / 254.7 mph .انتهينه من النقطه هاذي الحين. و كنت اتمنه موتر ياباني مو الماني
لانه المره الوحيده الي شفت فيها موتر ياباني يحاول الوصول لسرعه 400 كان سوبرا لاكن عنده وصوله لسرعه 360 تقريبا الموتر تقدر تقول تفجج و راح فيها.
ـــــــــــــــــــــــــــــــــ
اما بالنسبه للسكايلن الي يقص ال300 ب13,7 ثانيه.انا اقولك يا الغالي ماكوا شي يديد...
اولا بالاطارات العاديه المخصصه للشارع...تسارع السكايلن هذا 3 ثواني و يقطع الربع ميل ب10.184 ثانيه و بالدراق بالسلكس يقطعها ب9,300 ثانيه يعني تقدر تعرف ان سرعته ما توصل للكورفيت تون تيربو و الفايبر تون تيربو مع ان اقوه من الكورفيت ب500 حصان و من الفايبر ب250 حصان........الكورفيت و الفايبر اقوه منه بكل شي......الشي الوحيد ان السكايلن هذا صوروا و اهو يقص ال300 ب13,7 ثانيه....!!!! يعني الكورفيت تون تيربو و جاوبني بكل حياديه قبل لا ايب الرقم يقطع الربع ميل ب9 ثواني على سرعه 154 ميل يعني 250 تقريبا تتوقع اذا عطيته وكت زياده 5 ثواني ماراح يقطع اكثر من 300 ب13,7 ثانيه؟؟!!
اخوي japan فلم السوبرا MSB الي من فئه الدراق تريت مو ستريت يعني شارع.....ما شتغل للاسف او بالاصح وصل لي 50 ثانيه بعدين ما يكمل للاسف بس انت ما تقدر تشوف وضعيه السياره اولا سلكس و ثانيا التسخين و ثالثا و هذا اخر شي لاحضته المظله مع كل هذا و تقول شارع؟؟
عموما ادخل الرابط مالها فوق و اقره و راح تفهم كل شي انشاالله.
اما على الفلم الثاني الهوندا NSX للاسف هم ما شتغل يمكن لانه ماعندي كويك تايم؟!؟! لاكن مو مهم لانه مافي سيارات امريكيه عموما انا لا انكر تفوق الياباني بالمضمار..لاكن اذا انت تقصد الهوندا NSX بالذات فانت اكيد شفت السباق الي في السكايلن و الافلوشن و الهوندا NSX و الفيراري مودينا و البورش و الكورفيت صح.....تقدر تقولي بالسباق منو كان طالع على الثاني الكورفيت وله الهوندا...الكورفيت كان طالع على الهوندا
و عموما الي اخذ المركز الاول البورش.
اخوي beast2001 بالنسبه للسيلكا التيتان روح تاكد بالاول اذا اهي حق دراق او شارع......والله حاله تبون تقارنون سيارات دراق بسيارات شارع!!!!! لي الدرجه هاذي ضعف.؟؟؟
اخوي beast2001 بالنسبه لباجي السيارت و الارقام رجاء رابط لهم علشان بتأكد من شغله.خصوصا ان السيارات مو معروفه...و اعتقد ان من حقي رابط يأكد معلوماتك خصوصا ان مثل ماشفنه فوق المعلومات كلها ملتبسه عليك و مخربطه......
اخوي japan حلوه هاذي شله الامريكي و يتسحبون و يغطون ويهم بخيشه
......احله شي يوم حطيتوا السيلكا الي مكينتها دودج هيمي و يايبينها مستانسين لوووووول و لمن اكتشفتوا المر رديتوا على الستريت..الله يعين المره هاذي يمكن تحولون حق الجيوب..و بعدين اسلوبنه ماوصل لدرجه نقول شوفهم اهربوا هههه يوم ماشنه ردكم على السيلكا المهجنه.
و انا انطر الرابط منكم بالنسبه لباجي السيارات و اذا طلعت المعلومات الي في صحيحه و بفئه صحيحه..الحمدلله شجاعتي تسمحلي اني اعترف بالواقع
تحاتي و احترامي للجميع