بسم الله الرحمن الرحيم

السلام عليكم ورحمة الله وبركاته

كيف الأحوال عساكم طيبين موضوع رهيب بمناسبة وصولي لي 3000 رد في أحلى منتدى والله يديم الحال ومن أفضل لي أفضل تبون تشوفون ملفي الشخصي تفضلوا إقلطوا:

http://www.swalif.net/sforum1/membe...fo&userid=24169
ولا تستغربون من كثرة الردود آنا أشارك بكل الأقسام تقريباً

في فترتي القصيرة هني تناقشت مع ناس وايد وتعرفت على ناس أكثر وعرفت كل واحد وطريقة كلامه وتفكيره وصار لي أصدقاء وللأسف خلافات مع البعض، تناقشت مطولاً مع كثير لكن مثل الشبابي مافي صحيح لازم نختلف بكل موضوع لكن إنسان فاهم ومحترم، بديت سلسلة الإستفتائات وكان معاي الشباب حمد وحمد وكنج برليود ومشرفنا عمر وقلق ورجه وبعبود وآسف إذا نسيت حد
في هالفترة تعلمت أشياء كثيرة بشكل ماتتصورنه وإستفدت دروس كثير، في هالفترة دافعت عن الشفر بشكل مو طبيعي لكن أقولها إني دافعت للشي اللي أشوفه صح وحتى الآن مقتنع بكل حرف كتبته دفاعاً عن معشوقتي، في ناس قالت متعصب لكن هي مافهمت معنى هالكلمة ماشافوا نفسهم كيف هم متعصبين ضد الشركة ماقالوا إحنا متعصبين، آنا الحمد لله أرد على اللي أشوفه غلط وأقول له إنت غلط، للأسف في ناس تكتب أشياء وهي ماتفهم عنها شي ناس تبدي شرارة وهي مو شرارة عادية القصد منها الإستفزازا لا غير وأقول الله يهديهم المدة اللي قعدتها في سوالف مو كافية لكن بالنسبة لي كافية ونص وعرفت أشياء وايد بهالمدة، في أعضاء من طريقتهم يخلونك تفكر بترك المنتدى والله فكرت بهالشي لكن تعوذت من إبليس، ساعات أحس إني أرد على شخص مايستاهل أكتب له ردي ومابيفهمه أصلاً ومابيتقبله.


الخلاصة:
بعد الزوابع اللي مرت ويوم حمى اللعب فكرت بخطة آنا نفسي مو حابها وكنت خلاص بنفذها 100% وبحفز الشباب عليها، كنت..... المنتدى كان بينعفس لكن الحمد لله اللعب هدى لكن مافي مانع إذا رجعت حركات الأطفال أرد وأفكر.
بهالمنتدى تعلمت وأبي أتعلم زود فدت وإستفدت لكن بقى شي واحد.... أبي كل عضو يرد يقول رايه فيني ووش يبي مني ووش شايف مني..


في النهاية:
كلمة شكر من القلب للمشرفين الله يعطيهم العافية إذا كان في حد يستاهل الشكر مافي غير المشرفين حاطين هم القسم ويفكرون بكل صغيرة وكبيرة وفي الآخر تقبلوا تحياتي

يلا يبا شربتوا قهوتكم وحليتوا فمان الله